جاڭا حابارلار

سوڭعى ءۇش جىلداعى رايونىمىزداعى سوت مەكەمەلەرىنىڭ ورتا بايلىعىنا قاتىستى سوتتاۋ قىزمەتىنىڭ احۋالى حابارلاندىرىلدى

    كەلۋ قاينارى: شينجياڭ حالىق راديو ىستانسياسى    2017-06-06 20:35:02  
ستانسيامىزدىڭ ءتىلشىسى چيۋ جيننىڭ جولداعان حابارىن تىڭداڭىزدار: 5-ماۋسىم، 46-رەتكى دۇنيە جۇزىلىك قورشاعان ورتا كۇنى. 5-ماۋسىم تۇستەن بۇرىن، اۆتونوميالى رايوندىق جوعارى دارەجەلى حالىق سوتى مەكەمەسى اقپارات جاريالاۋ ءماجىلىسىن اشىپ، سوڭعى ءۇش جىلداعى رايونىمىزداعى سوت مەكەمەلەرىنىڭ ورتا بايلىعىنا قاتىستى سوتتاۋ قىزمەتىنىڭ احۋالىن حابارلاندىردى، ءارى تيىپتىك دەلو مىسالدارىن جاريالادى.
2015-جىلى ساۋىردە، جاۋاپكەر ۋاڭ فاميليالى باسقالاردى جالداپ، قۇمىل قالاسىنداعى بەلگىلى كەن كاسىبى شەكتى سەرىكتەستىگىنىڭ باتىسىنان 12 كيلومەتر قاشىقتىقتاعى جەردەن، قاراپايىم سۇرىپتاۋ تاسىلىنەن پايدالانىپ، كەن سۇرىپتاعاننان كەيىن، كەن سۇرىپتاۋدان شىققان ۋلى، زياندى جاراقسىز زاتتى كەن سۇرىپتاۋ ورنىنىڭ ماڭىنداعى شۇڭقىرعا شىعارادى. ورتانى قورعاۋ تاراۋلارى ۋاڭ فاميليالىنى اكىمشىلىك جاقتان جازالاۋدى ۇيعارادى. سونىمەن بىرگە سوت مەكەمەسى جاۋاپكەر ۋاڭ فاميليالىنى ءبىر جىلدىق مەرزىمدى قاماق جازاسىنا ۇكىم ەتىپ، ءبىر جارىم جىل كەشىكتىرىپ اتقارىلاتىندىعىن جاريالادى، ءارى 150 مىڭ يۋان ايىپ سالدى. اۆتونوميالى رايوندىق جوعارى دارەجەلى حالىق سوتى مەكەمەسى سوتتاۋ ىستەرىن باسقارۋ كەڭسەسىنىڭ ورىنباسار مەڭگەرۋشىسى، قورشاعان ورتا بايلىعىنا قاتىستى كوللەگياسنىڭ ورىنباسار باستىعى جاڭ فان بىلاي دەدى: وسى دەلودا جاۋاپكەر ۋلى زات شىعارىپ، ورتانى اۋىر دارەجەدە لاستاپ، ورتانى لاستاۋ قىلمىسىن قالىپتاستىردى. جاۋاپكەر زاڭعا قايشىلىق جاساعاندىعى سەبەپتى، اكىمشىلىك ورگان اكىمشىلىك جاقتان جازالاۋمەن بىرگە، وسى زاڭعا قايشى ارەكەت تاعى قىلمىس قالىپتاستىرسا، اكىمشىلىك جاۋاپكەرلىگى مەن قىلمىستىق ىستەر جاۋاپكەرلىگى قاتار قۋزاستىرىلادى. جاۋاپكەرگە اكىمشىلىك جازا بەرىلۋمەن بىرگە، ايىپ سالىنعان بولسا، ونى ايىپ سوماعا سىندىرۋعا بولادى.
2015-جىلدان قازىرگە دەيىن، رايونىمىزدىڭ سوت مەكەمەلەرى قورشاعان ورتا بايلىعىنا قاتىستى قىلمىستىق ىستەر دەلوسىنان 295ىن، قورشاعان ورتا بايلىعىنا قاتىستى ازاماتتىق ىستەر دەلوسىنان 19 مىڭ 38 ىن، قورشاعان ورتانى قورعاۋ اكىمشىلىك دەلوسىنان 8 ىن قارادى. اۆتونوميالى رايوندىق جوعارى دارەجەلى حالىق سوتى مەكەمەسىنىڭ اقپارات مالىمدەمەشىسى ۋاڭ حايچين بىلاي دەدى: الداعى جەردە قورشاعان ورتا بايلىعىن ءادىليالىق جاقتان قامتاماسىز ەتۋ قابىلەتى مەن دەڭگەيىن اناعۇرلىم جوعارىلاتىپ، قورشاعان ورتا بايلىعىنا قاتىستى سوتتاۋ قىزمەت مەحانيزىمىن ۇزدىكسىز ورىناتىپ جانە كەمەلدەندىرىپ، قورشاعان ورتا بايلىعى جاعىندا ءادىليا مەن زاڭ اتقارۋدى ۇشتاستىرۋ قىزمەتىنىڭ فورماسى مەن مازمۇنىن كەڭەيتىپ، قورشاعان ورتا بايلىعىنا قاتىستى سوتتىڭ جاريالىلىق تەبىنىن ارتتىرىپ، بۇقارانىڭ قورشاعان ورتانى قورعاۋ تانىمىن جوعارىلاتامىز.

بەرىپ كەت ورامالىڭدى

دوستار

الىستاعى اق ەركە