جاڭا حابارلار

ءادىليا ءتۇزىلىسى رەفورماسىنىڭ قول جەتكىزگەن ناقتى تابىستارىمەن باس نىسانانى ىسكە اسىرۋعا قىزمەت كورسەتەيىك جانە ونى قامتاماسىزداندىرايىق

    كەلۋ قاينارى: شينجياڭ گازەتى    2017-06-06 20:55:31  

جۋ حايلۇن جاڭ شۋيۋانمەن جانە ونىڭ ساپارلاستارىمەن كەزدەستى

ءتىلشىمىز سۇي يۇنيان 5 - ماۋسىمدا ۇرىمجىدەن حابارلايدى. 5 - ماۋسىم تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن ەڭ جوعارى حالىق سوتى مەكەمەسىنىڭ ورىنباسار باستىعى، ءادىليا ءتۇزىلىسى رەفورماسى بويىنشا «ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ» بىرىككەن باقىلاۋ - تەكسەرۋ گرۋپپاسى 8 - گرۋپپاسىنىڭ باستىعى جاڭ شۋيۋانمەن جانە ونىڭ ساپارلاستارىمەن كەزدەستى.
  جۋ حايلۇن اۆتونوميالى رايوندىق پارتكوم جانە حالىق ۇكىمەتى اتىنان باقىلاۋ - تەكسەرۋ گرۋپپاسىن قىزۋ قارسى الدى جانە ولارعا العىس ايتتى. ول بىلاي دەدى: اۆتونوميالى رايونىمىزدىڭ حالىق سوتى مەكەمەلەرى مەن حالىق پروكۋراتۋرالارى باس نىسانانى مىقتاپ ارقاۋ ەتىپ، كۇش - قۋات توپتاپ، مىندەتىن اتقارىپ، بورىشىن ادا ەتىپ، زاڭنىڭ بەدەلىن باتىل قورعاپ، قوعامنىڭ ورنىقتىلىعى مەن ادىلدىكتى، تۋراشىلدىقتى باتىل قورعاپ، شينجياڭنىڭ قوعام ورنىقتىلىعى مەن باياندى تىنىشتىقتى ىسكە اسىرۋى ءۇشىن ۇلەس قوستى. شينجياڭنىڭ ءادىليا ءتۇزىلىسى رەفورماسى دا باس نىسانانى مىقتاپ ارقاۋ ەتە وتىرىپ ورىستەتىلىپ، جالپى جاقتان ءبىرشاما ورنىقتى، ءتارتىپتى، جۇيەلى جۇرگىزىلدى، رەفورمانىڭ ارقاسىندا سۋديالار قوسىنى مەن پروكۋرورلار قوسىنىنىڭ قىزمەت بەلسەندىلىگى، قىزمەت ونىمدىلىگى كورنەكتى جوعارىلادى. مەن باقىلاۋ - تەكسەرۋ گرۋپپاسىنىڭ باقىلاۋ، تەكسەرۋ جۇرگىزىپ، شينجياڭنىڭ ماسەلەنى بايقاۋىنا، ماسەلەنى شەشۋىنە، تۇزەتۋدى جانە تياناقتاندىرۋدى مىقتى يگەرىپ، (جالعاسى 3 - بەتتە)
  ءادىليا جاۋاپكەرشىلىك ءتۇزىمى سياقتى ماڭىزدى رەفورما مىندەتتەرىن ساپا مەن سانعا كەپىلدىك ەتە وتىرىپ تابىستى ورىنداۋىنا، ناقتى تابىستارعا قول جەتكىزۋگە كەپىلدىك ەتۋىنە كومەك كورسەتىپ، شينجياڭنىڭ باس نىسانانى دايەكتى تياناقتاندىرۋى ءۇشىن تىڭ ءارى بۇدان دا زور ۇلەس قوسۋىن ءۇمىت ەتەمىن.
  جاڭ شۋيۋان اۆتونوميالى رايوندىق پارتكوم مەن حالىق ۇكىمەتىنىڭ «ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ» قىزمەتىنە دەگەن كوڭىل ءبولۋى مەن قولداپ - قۋاتتاۋىنا، ءادىليا ءتۇزىلىسى رەفورماسى قىزمەتىنە نازار اۋدارىپ، قولداۋ كورسەتكەنىنە العىس ايتتى. ول بىلاي دەدى: ءادىليا ءتۇزىلىسى رەفورماسى اتقارىلعاننان بەرى، شينجياڭنىڭ رەفورما قىزمەتى اۆتونوميالى رايوندىق پارتكومنىڭ پارمەندى باسشىلىعىندا ءتارتىپتى جۇرگىزىلدى، حالىق سوتى مەكەمەلەرى مەن حالىق پروكۋراتۋرالارىنىڭ قىزمەتى قوعام ورنىقتىلىعىن پارمەندى قورعاپ، ەكونوميكالىق قوعامدىق دامۋدى جەبەدى. باقىلاۋ - تەكسەرۋ گرۋپپاسى بۇل جولى تەكسەرۋ، زەرتتەۋ، قاداعالاۋ جۇرگىزۋ ارقىلى شينجياڭنىڭ ءادىليا ءتۇزىلىسى رەفورماسىن اناعۇرلىم تەرەڭدەتۋىنە، شينجياڭنىڭ حالىق سوتى مەكەمەلەرى مەن حالىق پروكۋراتۋرالارىنىڭ قىزمەتىن تىڭ بەلەسكە كوتەرۋىنە كومەك كورسەتىپ، باس نىسانانى ىسكە اسىرۋىن پارمەندى ءادىليالىق قىزمەت وتەۋمەن قامدايدى جانە ءادىليا جاقتان قامتاماسىز ەتەدى.
  اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى لو دۇڭچۋان، اۆتونوميالى رايوننىڭ ورىنباسار ءتوراعاسى جۋ چاڭجيە، اۆتونوميالى رايوندىق جوعارى حالىق سوتى مەكەمەسى پارتيا باسشىلىق گرۋپپاسىنىڭ شۋجيى يان فىنشين، اۆتونوميالى رايوندىق حالىق پروكۋراتۋراسى پارتيا باسشىلىق گرۋپپاسىنىڭ شۋجيى گو ليانشان كەزدەسۋدە بىرگە بولدى.


بەرىپ كەت ورامالىڭدى

دوستار

الىستاعى اق ەركە