جاڭا حابارلار

اۆتونوميالى رايوندىق ءتارتىپ تەكسەرۋ كوميتەتى نەگىزگى ساتى بۇقاراسىنىڭ مۇددەسىنە زيان جەتكىزگەن 10 تيپتىك ماسەلەنى حابارلاندىردى

    كەلۋ قاينارى: شينجياڭ حالىق راديو ىستانسياسى    2017-06-09 20:39:47  
ستانسيامىزدىڭ حابارى: جۋىردا، اۆتونوميالى رايوندىق ءتارتىپ تەكسەرۋ كوميتەتى تاياۋدا وڭتۇستىك شينجياڭداعى بۇقارالىق قىزمەتتى باقىلاۋ جەتەكشىلىك ەتۋدە تەكسەرىپ ءبىر جايلى ەتكەن بۇقارانىڭ مۇددەسىنە زيان جەتكىزگەن 10 تيپتىك ماسەلەنى اشىق جاريالادى، وسى 10 تيپتىك ماسەلە مىنالار:
قاشقار قالاسى سامالباق قالاشىعىنىڭ بۇرىنعى كادرى ءومار ابدىرەشيتتىڭ سۋ اقىسىن قىستاق تۇرعىندارىنا ءبولىپ كوتەرتۋ سياقتى ماسەلەلەرى. 2005-جىلدان 2010-جىلعا دەيىن، ءومار ابدىرەشيت قىزمەت قولايلىلىعىنان پايدالانىپ، ءوزى كوتەرمەگە العان 441 مۋ ەگىستىك جەردىڭ سۋ اقىسىن كۇشپەن قىستاق تۇرعىندارىنا كوتەرتەدى؛ 2007-جىلى مامىردا، 50 مىڭ يۋانعا تۋرا كەلەتىن كوللەكتيۆ ورمان قاراجاتىن ءوزى قىمقىرىپ الادى؛ 2006-جىلدان 2016-جىلعا دەيىنگى 44 مىڭ يۋاندىق جەردى كوتەرمەگە الۋ اقىسىن از تاپسىرادى. 2017-جىلى ساۋىردە، ءومار ابدىرەشيتكە پارتيادان ايداۋ جازاسى بەرىلىپ، تۇزىمگە قايشى يە بولعان اقشاسى قايتارىپ الىنىپ، قىلمىس وتكىزگەن دەگەن كۇمان تاعىلىپ ءادىليا ورگانىنا تاپسىرىلدى.
پوسكام اۋدانى ەكىسۋ اۋىلى تومەنشاقا قىستاعى پارتيا ياچەيكاسىنىڭ شۋجيى تۇرسىن ابدوللانىڭ ەڭبەك ىستەۋدىڭ ورنىنا تولەنگەن قارجى سوماسىن الىپ قالۋ ماسەلەسى. 2017-جىلى قاڭتاردا، تۇرسىن ابدوللا ءوز قىستاعىنداعى 42 قىستاق تۇرعىنى وتباسىنان 188 مىڭ يۋاندىق ەڭبەك ىستەۋدىڭ ورنىنا قارجى تولەۋ سوماسىن جينايدى، قاتىستى حۇجات شىققاننان كەيىن، ەكىسۋ اۋىلى وسى قاراجاتتى قىستاق تۇرعىندارىنا ىركەس-تىركەس قايتارادى، قايتارۋ بارىسىندا، تۇرسىن ابدوللا مۇنداعى 11 مىڭ 900 يۋاندى ءوز بىلگەنىنشە الىپ قالادى. 2017-جىلى مامىردا تۇرسىن ابدوللاعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
مارالباسى اۋدانى چۇڭقۇرشاق اۋىلى ۇجىملىك قىستاعى پارتيا ياچەيكاسىنىڭ بۇرىنعى شۋجيى مۋسا زبايدىڭ تۋىس-تۋعان، دوس-جاراندارىنا پايدا جەتكىزۋ، جالعان مالىمدەپ، وتىرىك ايتىپ الىپ كەتۋ ماسەلەسى. 2014-جىلدان 2016-جىلعا دەيىن مۋسا زباي قىزمەت قولايلىلىعىنان پايدالانىپ، تۇزىمگە قايشى شارتقا تولمايتىن 22 تۋىس-تۋعانىن ەڭ تومەنگى تۇرمىستى قامتاماسىزداندىرۋ ەسىمدىگىنە ەنگىزىپ، 26 مىڭ 900 يۋان ەڭ تومەنگى تۇرمىستى قامتاماسىزداندىرۋ قاراجاتىن الادى؛ ءوزىنىڭ تۋىس-تۋعانىنىڭ اتىنان ەگىستىك جەر اۋماعىن جالعان مالىمدەپ 20 مىڭ 700 يۋان قوسىمشا قاراجات الادى؛ 2016-جىلعى ءتورتىنشى توقسانداعى 177 وتباسىنىڭ ەڭ تومەنگى تۇرمىستى قامتاماسىزداندىرۋ قاراجاتىنان 17 مىڭ 700 يۋاندى قىستاق دارەجەلى شىعىمعا پايدالانادى. 2017-جىلى ساۋىردە، مۋسا زبايعا پارتيادان ايداۋ جازاسى بەرىلىپ، تارتىپكە قايشى يە بولعان اقشاسى قايتارىپ الىندى.
قاعىلىق اۋدانى ۇششارباس قالاشىعى بۇناق قىستاعىنىڭ بۇرىنعى قىستاق ساقشىسى مۇساجان نۇرامەتتىڭ بۇقارانىڭ اقشاسى مەن زاتىن الۋ ماسەلەسى. 2012-جىلى ساۋىردەن 2017-جىلى ناۋرىزعا دەيىن، مۇساجان نۇرامەت قىزمەت قولايلىعىنان پايدالانىپ، ىلگەرىندى-كەيىندى 150 دەن استام رەت ءوز قىستاعىنداعى 44 ادامنان جالپى 82 مىڭ 200 يۋانعا تۋرا كەلەتىن اقشا جانە زات الادى. 2017-جىلى مامىردا، مۇساجان نۇرامەتكە پارتيادان ايداۋ، ۇكىمەت قىزمەتىنەن ايداۋ جازاسى بەرىلىپ، ءوزىنىڭ تۇزىمگە قايشى يە بولعان اقشاسى قايتارىپ الىندى، قىلمىس وتكىزگەن دەگەن كۇمان تاعىلىپ ءادىليا ورگانىنا تاپسىرىلدى.
قىزىلسۋ وبلىستىق اۋىل شارۋاشىلىق ماشينالار مەكەمەسى پارتگرۋپپاسىنىڭ بۇرىنعى ورىنباسار شۋجيى، ورىنباسار مەكەمە باستىعى ءدىلشات تۇرسىننىڭ جەر الۋداعى تولەم اقشاسىن الداپ الۋ سياقتى ماسەلەلەرى. 2012-جىلدان 2013-جىلعا دەيىن ءدىلشات تۇرسىن قىزمەت قولايلىلىعىنان پايدالانىپ، وزگەلەرمەن استاسىپ جەر الىپ ءۇي بۇزۋ تولەم اقشاسىنان 897 مىڭ يۋاندى الداپ الىپ، ءوزى 770 مىڭ يۋانعا يە بولادى؛ 2009-جىلى شىلدەدەن 2016-جىلى ناۋرىزعا دەيىن، ەگىس ماشينالارى نىسانىن جالپىلاستىرۋ، نىسان قاراجاتىن تولەۋ سياقتى جاقتاردا وزگەلەرگە مۇددە جاراتىپ بەرىپ، 288 مىڭ يۋان اقشا الادى؛ كوپ رەت جالعان ارتتىرۋ، جالعان كورسەتۋ تاسىلدەرىمەن، ۇكىمەتتىڭ 59 مىڭ 400 يۋان قاراجاتىن الداپ يەلەنىپ الادى. 2017-جىلى ساۋىردە، ءدىلشات تۇرسىنعا پارتيادان ايداۋ، ۇكىمەت قىزمەتىنەن ايداۋ جازاسى بەرىلىپ، تۇزىمگە قايشى يە بولعان اقشاسى قايتارىپ الىندى، قىلمىس وتكىزگەن دەگەن كۇمان تاعىلىپ ءادىليا ورگانىنا تاپسىرىلدى.
لوپ اۋدانى بەستوعىراق اۋىلدىق حالىقتى اۋقاتتاندىرۋ بەيقۇت ءۇيى كەڭسەسىنىڭ بۇرىنعى كادرى امەرنياز امەتتىڭ كەدەيلەردى سۇيەمەلدەۋ ارناۋلى قارجىسىنا قيانات جاساۋ سياقتى ماسەلەلەرى. 2017-جىلى 24-اقپاندا، امەرنياز امەت قىزمەت مىندەتى قولايلىعىنان پايدالانىپ وسى اۋىلدىڭ 2016-جىلعى داۋالداردى جاڭالاۋ نىسانى قارجىسىنان 232 مىڭ 600 يۋان ناق اقشانى ءوز بەتىمەن شىعارىپ الىپ قاشىپ كەتكەن، بيىل 5-ناۋرىزدا قولعا تۇسكەندە، 92 مىڭ 600 يۋانىن بەيبەرەكەت جۇمساعان؛ كوللەكتيۆتىڭ جانە باسقالاردىڭ 59 مىڭ 400 يۋان قارجىسىنا ۇزاق ۋاقىت قول سۇعىپ كەلگەن. بيىل ناۋرىزدا، امەرنياز امەتكە ۇكىمەت قىزمەتىنەن ايداۋ جازاسى بەرىلىپ، تارتىپكا قايشى العان بارلىق تابىسى تاركىلەندى، قىلمىس وتكىزگەن دەگەن كۇمان تاعىلىپ ءادىليا ورگانىنا تاپسىرىپ بەرىلدى.
اۋات اۋدانى عورۇچول قالاشىعى تومەنگى شاھار قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ بۇرىنعى مەڭگەرۋشىسى ابىلەت سىلايدىڭ قىستاق تۇرعىندارىنىڭ ەگىستىك جەرىن كۇشپەن يەمدەنۋ ماسەلەسى. 2015-جىلى، ابىلەت سىلاي توقتامعا قول قويماعان، ەكونوميكالىق تولەم بەرمەگەن جاعدايدا، قىستاق تۇرعىنى ا xx تىڭ 108 مۋ ەگىستىك جەرىن كۇشپەن العان؛ سول جىلى قازاندا تىڭ جەر اشۋ راسىمياتىن بىتىرمەگەن جاعدايدا، ادام ورنالاستىرىپ وسى ەگىستىك جەردى زاڭسىز اشىپ، 26 مىڭ يۋان پايدا تاپقان. بيىل ناۋرىزدا، ابىلەت سىلايعا پارتيادان ايداۋ جازاسى بەرىلىپ، تارتىپكە قايشى العان بارلىق تابىسى تاركىلەندى.
اقسۋ قالاسى ايكول قالاشىعى جوعارعى قوسارىق قىستاعى قىستاق تۇرعىندار كوميتەتىنىڭ بۇرىنعى مەڭگەرۋشىسى مامۇت ساۋىتتىڭ جەر سىلكىنىسىنە ءتوزىمدى بەيقۇت ءۇيدىڭ قۇرىلىس ماتەريالدارىنا سۇعاناقتىق جاساۋ سياقتى ماسەلەلەرى. 2013-جىلى ساۋىردە، مامۇت ساۋىت قىزمەت مىندەتى قولايلىعىنان پايدالانىپ، جەر سىلكىنىسىنە ءتوزىمدى بەيقۇت ءۇي كەڭسەسى تاراتقان بولات، سەمەنت، كەرپىش سياقتى قۇرىلىس ماتەريالدارىنان پايدالانىپ ءوزىنىڭ تۇرعىن ءۇيىن جوندەگەن، مۇنىڭ قۇنى 22 مىڭ يۋان بولعان؛ 2013-جىلى مامىردا، وسى قىستاقتاعى 6 مۋ بوس جەردى ءوز يەلىگىنە قاراتقان؛ 2015-جىلى جەلتوقساندا، قىستاقتىڭ جەردى وتكىزىپ بەرۋ تولەم قارجىسىنان 27 مىڭ 300 يۋاندى يەلەگەن. بيىل مامىردا، مامۇت ساۋىتقا پارتيادان قالدىرىپ تەكسەرۋ جازاسى بەرىلىپ، تارتىپكە قايشى العان بارلىق تابىسى تاركىلەندى.
ءۇشتۇرپان اۋدانى اشاتاۋ اۋىلى تومەنگى حوتان قىستاعى پارتيا ياچەيكاسىنىڭ بۇرىنعى مۇشەسى، ەسەپتەن مالىمەت بەرۋشى ءيمار نۇردىڭ كوللەكتيۆتىڭ قارجىسىن يەمدەنىپ الۋ ماسەلەسى. 2010-جىلى قاراشادان جەلتوقسانعا دەيىن ءيمار نۇر قىزمەت مىندەتى قولايلىعىنان پايدالانىپ، اۋىل شارۋاشىلىق ءوندىرىس قۇرال-جابدىقتارى قارجىسىنان 14 مىڭ 700 يۋاندى يەمدەنىپ العان؛ 2012-جىلى قاراشادا كولەكتيۆ ورمان اعاشى قارجىسىنان 33 مىڭ يۋان اقشانى مەنشىكتەنىپ العان؛ 2013-جىلى قاڭتاردان 2017-جىلى اقپانعا دەيىن جەكە «شاعىن كاسسا» اشىپ، كوللەكتيۆتىڭ 204 مىڭ يۋان قارجىسىن ەسەپكە كىرگىزبەي، 20 مىڭ يۋانىن ءوزى بەيبىرەكەت جۇمساعان. بيىل ناۋرىزدا، ءيمار نۇرعا ەكى جىل پارتيادان قالدىرىپ تەكسەرۋ جازاسى بەرىلىپ، تارتىپكە قايشى العان بارلىق تابىسى تاركىلەندى.
شايار اۋداندىق ءوندىرىس حاۋىپسىزدىگىن باقىلاپ باسقارۋ مەكەمەسى حاۋىپسىزدىكتى باقىلاۋ ۇلكەن اترەتىنىڭ باستىعى مامەت سايىمنىڭ حالىقتى اۋقاتتاندىرۋ بەيقۇت ءۇي قوسىمشا قارجىسىن جالعان مالىمدەپ يەلەپ الۋ سياقتى ماسەلەلەرى. 2014-جىلى اقپاننان 2015-جىلى اقپانعا دەيىن، مامەت سايىم گۇلباق قالاشىعى جوعارعى كولدەش قىستاعىندا تۇرعان كەزىندە 25 مىڭ يۋان قارجى شىعارىپ وسى قىستاقتاعى قىستاق تۇرعىنى ي xx تىڭ تام ءۇيىن ساتىپ العان، ءارى وسى قىستاقتىڭ تۇرعىنى س xx تىڭ اتىندا 100 شارشى مەترلىك بەيقۇت ءۇي سالدىرعان جانە 33 مىڭ 500 يۋان قوسىمشا قارجى العان. بيىل ناۋرىزدا، مامەت سايىمعا پارتيا ىشىندە قاتاڭ ەسكەرتۋ جازاسى بەرىلىپ، تارتىپكە قايشى العان بارلىق تابىسى تاركىلەندى.اۆتونوميالى رايوندىق ءتارتىپ تەكسەرۋ كوميتەتى بىلاي دەپ اتاپ كورسەتتى: قازىر، نەگىزگى ساتىداعى از ساندى كادرلاردىڭ ستيلى دۇرىس ەمەس، بۇقارانىڭ مۇددەسىنە زيان جەتكىزۋ دەرتى ءالى دە بار، مۇنان تۇبىرىنەن ارىلا العان جوق، كەيبىرەۋى ءتىپتى بۇعان قۇنىعىپ العان. رايونىمىزداعى ءار دارەجەلى پارتيا ۇيىمدارى «كادرلار ستيلىنىڭ جاقسى-جاماندىعىن بۇقاراعا باعالاتۋدى» كادرلاردىڭ ستيلىنە بۇرىلىس جاساۋدى تەكسەرۋدىڭ ءتۇبىرلى ولشەمى ەتۋ، كەدەيلەردى سۇيەمەلدەۋدە حالىق تۇرمىسى سالاسىنا شوعىرلانىپ، بۇقارانىڭ ماڭىنداعى بۇرىس ستيل مەن جەمقورلىق ماسەلەسىن قاتاڭ تەكسەرىپ ءبىر جايلى ەتىپ، اۋىل-قىستاق نەگىزگى ساتىلارىنا جانە ءار ۇلت بۇقاراسىنا كىرشىكسىز كەڭىستىك سيلاۋ كەرەك.

بەرىپ كەت ورامالىڭدى

دوستار

الىستاعى اق ەركە