باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بۇدان بىلاي قازاقستانداعى الماتى الما اراسان كورىنىس رايونى، الماتى كولى، استاناداعى تاۋەلسىزدىك الاڭى سياقتى ورىندارعا پويەزبەن ساياحاتتاۋعا بولاتىن بولدى

    كەلۋ قاينارى: شينجياڭ حالىق راديو ىستانسياسى    2017-06-23 13:11:55  
ءتاڭىرتاۋ تورابىنىڭ حابارى: بۇدان بىلاي قازاقستانداعى الماتى الما اراسان كورىنىس رايونى، الماتى كولى، استاناداعى تاۋەلسىزدىك الاڭى سياقتى ورىندارعا پويەزبەن ساياحاتتاۋعا بولاتىن بولدى. ءتىلشىنىڭ تاياۋدا ءۇرىمجى تەمىر جول مەكەمەسىنەن ۇعىسۋىنا قاراعاندا، 7-ماۋسىمنان باستاپ، شينجياڭنىڭ تەمىر جول تاراۋى ۇرىمجىدەن اتتانىپ قورعاس وتكەلى ارقىلى شەكارادان شىعىپ، قازاقستاننىڭ استانا قالاسىنا باراتىن حالىقارالىق بىرلەسكەن تاسىمال جولاۋشىلار پويەزىن جۇرگىزگەن؛ قازاقستانعا ساياحاتتاپ بارماقشى بولعان جولاۋشىلاردىڭ پويەز بەلەتىن كۇنى بۇرىن الۋى كەرەك ەكەن. تەمىر جول تاراۋى قازىر، ءۇرىمجى پويەز ۆوگزالىنىڭ 12-ءنومىرلى تەرەزەسىن، قورعاس ۆوگزالىنىڭ 1-ءنومىرلى تەرەزەسىن ارناۋلى بەلەت ساتۋ ورنى ەتىپ بەلگىلەگەن، جولاۋشىلاردىڭ وسى تەرەزەلىك ورىنداردان بەلەت ساتىپ الۋ، بەلەت قايتارۋ سياقتى راسمياتتاردى وتەۋىنە بولادى. حالىقارالىق بىرلەسكەن تاسىمال جولاۋشىلار پويەزىنىڭ بەلەتى 60 كۇن بۇرىن ساتىلادى، جولاۋشىلار مەن ساياحاتشىلار پاسپورتىن كورسەتىپ، پويەز بەلەتىن ساتىپ الادى. مۇنان تىس، وسى پويەزعا شىعاتىن ەرەسەك ادامداردىڭ 4 جاستان تومەنگى ورىن يەلەمەيتىن بالا ەرتىپ جۇرۋىنە بولادى ەكەن، ال 4 جاستان 12 جاسقا دەيىنگى بالالارعا جارىم باعاداعى بەلەت ساتىلادى؛ 4 جاستان تومەنگى بالادان ەكى بالا ەرتىپ شىققان جولاۋشىلار ءبىر بالاعا جارىم باعاداعى بەلەت الۋى ءتيىس. وسى پويەزعا الىپ شىعاتىن جۇكتىڭ ولشەمىندە، ەرەسەك ادامداردىڭ الىپ جۇرەتىن جۇگى 36 كيلوگرامنان، 12 جاستان تومەنگى بالالاردىڭ جۇگى 15 كيلوگرامنان اسپاۋى كەرەك ەكەن. حالىقارالىق بىرلەسكەن تاسىمال جولاۋشىلار پويەزى ۇرىمجىدەن الماتىعا 24 ساعاتتا جەتەدى، ول الاتاۋ ساعاسىمەن جۇرەتىن پويەزعا قاراعاندا الماتىعا 9 ساعات بۇرىن بارادى، پويەز بەلەتىنىڭ باعاسى 692 يۋان؛ ۇرىمجىدەن استاناعا دەيىنگى بەلەت باعاسى مىڭ 40 يۋان.
ءان الەمى

جول توسىلىپ قالدى

تۇلپارىم