باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پارتيا تۋىن تيانشاننىڭ تۇستىگى مەن تەرىستىگىندە جەلبىرەتەيىك

    كەلۋ قاينارى: شينجياڭ گازەتى    2017-06-23 16:56:27  

−باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ، تياناقتاندىرۋ جونىندە (7)
ءتىلشىمىز حان چينيان

قارامايلى قالاسىنداعى الەۋمەتتىك اۋماق پارتيا ياچەيكاسى شۋجيىنىڭ اتىمەن اتالعان تۇڭعىش پارتيا قۇرىلىسى كەڭسەسى − «شينمەي پارتيا قۇرىلىسى كەڭسەسى» 25 - ءساۋىر كۇنى قارامايلى رايونى تيانشان جولى ءمالى باسقارماسىنىڭ فىڭحۋا الەۋمەتتىك اۋماعىندا ماڭدايشالىق استى. سۋرەتتى داي شۇيحۋ تۇسىرگەن

پارتيا − باسشىلىق ۇيتقى، ءارقايسى سالاداعى تولاعاي تابىستاردىڭ ءتۇبىرلى كەپىلى. شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋدىڭ تەتىگى پارتيادا.
  باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە: شينجياڭ قىزمەتىن جاقسى ىستەۋدىڭ تەتىگى پارتيادا. شينجياڭ ءدوپ كەلگەن كورنەۋ ماسەلەلەردى شەشۋدىڭ تەتىگى پارتيانىڭ جالپى جاعدايدى مەڭگەرىپ، ءار جاقتى ۇيلەستىرەتىن باسشىلىق ۇيتقىلىق رولىن ساۋلەلەندىرۋدە، - دەپ باسا دارىپتەگەن ەدى.
  ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن كەيىن، وتە - موتە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم اۆتونوميالى رايونداعى قالىڭ پارتيالى كادرلار مەن ءار ۇلت بۇقاراسىن ىنتىماقتاستىرىپ جانە باستاپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، پارتيانى پارتيا باسقارۋعا، پارتيانى قاتاڭ جونگە سالۋعا تاباندى بولىپ، ءبىر قىدىرۋ پارمەندى شارالار قولدانۋ ارقىلى پارتيا قۇرىلىسىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىنا بەرىك ساياسي كەپىل ازىرلەدى.

  پارتيانىڭ يدەيالىق قۇرىلىسىن كورنەكتىلەندىرۋ: «4 تانىمدى» بارىنشا نىعايتتى
  پارتيانى جاپپاي قاتاڭ جونگە سالۋعا تاباندى بولۋدا پارتيانىڭ يدەيالىق قۇرىلىسى دەپ اتالاتىن «اسىل مۇرانى»، ءسوز جوق، ويداعىداي كادەگە جاراتىپ، يدەيالىق - ساياسي جۇمىس دەيتىن كۇرە تامىردى مىقتاپ يگەرۋ كەرەك. اۆتونوميالى رايوندىق پارتكوم نازاريامەن قارۋلاندىرۋدى قاشاندا پارتيانى جاپپاي قاتاڭ جونگە سالۋداعى ماڭداي الدى مىندەت ەتىپ، پارتيالى كادرلاردى باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن ىشكەرىلەي ۇيرەنۋگە، دايەكتىلەندىرۋگە جەتەكتەپ، بۇكىل پارتيانىڭ جۇمىلا كۇرەس جۇرگىزۋىنىڭ يدەيالىق نەگىزىن ۇزدىكسىز بەكەمدەدى.
  تاياۋ جىلداردان بەرى، اۆتونوميالى رايوندىق پارتكوم ۇيرەنۋ مەن تاربيەنى شينجياڭ قىزمەتىنىڭ باس نىساناسىن دايەكتىلەندىرۋمەن تىعىز ۇشتاستىرىپ، بۇقارالىق لۋشيان جونىندەگى تاربيە جانە اماليات قيمىلىن، «ۇشتە قاتاڭ، ۇشتە شىنايى بولۋ» ارناۋلى تاربيەسىن، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن تىڭعىلىقتى ورىستەتىپ، پارتيا مۇشەلەرى مەن كادرلاردى تاربيەلەپ، ءار ۇلت جۇرتشىلىعى ناقتى يگىلىككە كەنەلگەن تاماشا ناتيجەگە جەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن باتىل قورعاۋدىڭ يدەيالىق نەگىزىن بەكەمدەدى.
  ارەكەت ورتاق تانىمنان باستالادى. اۆتونوميالى رايوندىق پارتكوم ءبىر قادام الدا، ءبىر ساتى تەرەڭ ۇيرەنىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنە ونەگە بولدى. تەك وتكەن جىلدىڭ وزىندە، اۆتونوميالى رايوندىق پارتكوم ىلگەرىندى - كەيىن 44 رەت توپتىق ۇيرەنۋ وتكىزىپ، پارتيا ۋستاۆى مەن پارتيا قاعيدالارىن، باس شۋجي شي جينپيڭنىڭ جەلىلەس ماڭىزدى ءسوزى مەن ەل باسقارىپ، بيلىك جۇرگىزۋ جونىندەگى جاڭا ۇستانىمدارىن، جاڭا يدەيالارىن، جاڭا ستراتەگيالارىن ارقاۋ ەتىپ، ءتۇپ ماتىننەن ۇيرەنىپ، ءتۇپ نۇسقانى وقىپ، ءتۇپ مانىنە كوز جەتكىزدى.
  ايماقتار، وبلىستار، تاراۋلار ساياسي ءتارتىپ پەن ساياسي قاعيدالارعا قاتاڭ بويسۇنۋدى ارقاۋ ەتىپ، «2 اينا» مەن «2 وقۋلىقتى» قولدانىپ، قالىڭ پارتيا مۇشەلەرىن وزات تيپتەردەن ۇيرەنۋ ارقىلى قۋاتقا قۋات، قايراتقا قايرات ۇستەپ، شىن مانىندە تارتىپكە، زاڭعا قايشى دەلولاردى اينا ەتىپ، تالداۋ جانە تولعانۋ، بويىن تازا ۇستاۋ جانە ءوزىن تۇزەتۋ ارقىلى تاربيە الۋعا، قۇرمەت - ىزەتتى پايىمداپ، تومەنگى شەكتى ايقىنداۋعا جەتەكتەدى؛ ارناۋلى دەموكراتيالىق تۇرمىس جيىنى مەن ۇيىمدىق تۇرمىس جيىنىن ساپالى اشىپ، قاعيدا بەلگىلەۋ مەن ءتارتىپ اتقارۋدى كۇشەيتىپ، كورنەۋ ماسەلەلەردى كۇش سالا شەشىپ، تۇزەتۋدى، تياناقتاندىرۋدى بۇلجىتپاي يگەردى، ستيل قۇرىلىسىندا تىڭ تىنىس بايقاتتى.
  پارتيانىڭ يدەيالىق قۇرىلىسىندا، مۇرات - سەنىم − ءتۇپ تامىر، تامىرىن تەرەڭگە تارتقان تەرەكتىڭ جاپىراعى نۋ بولادى. تاياۋ جىلداردان بەرى، اۆتونوميالى رايوندىق پارتكوم ءار دارەجەلى پارتيا ۇيىمدارى مەن پارتيالى كادرلاردى باس نىسانانى نازاردا ۇستاۋعا، باس نىسانادان كوز جازباۋعا، باس نىسانانى تياناقتاندىرۋعا جەتەكتەپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن سانالى تۇردە نىعايتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىن دەرەۋ، جەدەل دايەكتىلەندىرىپ، قاتاڭ اتقارىپ، جاپپاي تياناقتاندىردى.

  پارتيالى كادرلاردىڭ اڭىسىندا، بۇقارالىق لۋشيان جونىندەگى تاربيە جانە اماليات قيمىلىنىڭ، «ۇشتە قاتاڭ، ۇشتە شىنايى بولۋ» ارناۋلى تاربيەسىنىڭ جانە «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىنىڭ شىنىقتىرۋىنان كەيىن، يدەيا، پارتيالىق، ستيل قايتا - قايتا «مايەكتەنىپ» جانە «قۇنارلانىپ»، پارتيالىق تانىم، ءتارتىپ تانىمى، قاعيدا تانىمى ونان سايىن كۇشەيىپ، پارتيانى جاپپاي قاتاڭ باسقارۋدىڭ رايى ءتىپتى نىعايىپ، باسشى كادرلاردىڭ ونەگەلىك رولى كورنەكىلەنە تۇسكەن.
  يدەيالىق - ساياسي قۇرىلىس ارقىلى كوممۋنيستەردىڭ رۋحى شىڭدالادى. اۆتونوميالى رايونداعى قالىڭ كادرلار، اسىرەسە، ءار دارەجەلى باسشى كادرلاردىڭ تانىمى ونان سايىن تەرەڭدەپ، جاۋاپكەرشىلىك ساناسى مەن مىندەتكەرلىك ساناسى ونان سايىن كۇشەيىپ، رەفورما مەن دامۋدى ىلگەرىلەتۋگە قۇدىرەتتى بىرىككەن كۇش جۇمىلدىردى.
  قابىلەتتىلەردى تاڭداپ، لاۋازىم يەلەرىن جونگە سالۋدى قاتاڭ يگەرۋ: ادام تاڭداۋ، ادام ىستەتۋ مەحانيزمىن كەمەلدەندىردى

  شينجياڭدى جونگە سالۋدىڭ جالپى جوباسى بەلگىلەنگەننەن كەيىن، ءار دارەجەلى كادرلار شەشۋشى فاكتورعا اينالدى. پارتيانىڭ باسشىلىق ۇيتقىلىق رولىن ساۋلەلەندىرۋدىڭ تەتىگى قوسىن قۇرىلىسىن مىقتى يگەرۋگە شوعىرلاندى.
  اكىمشىلىك ونەردىڭ ءتۇيىنى ادامدى پايدالانا بىلۋدە. جاقسى كادردىڭ «سەنىمى بەرىك بولۋ، حالىققا قىزمەت ەتۋ، شوگەل، ىسكەر بولۋ، جاۋاپكەرشىلىكتى جۇرەكتىلىكپەن ارقالاۋ، كىرشىكسىز، پاك بولۋ» دەگەن ولشەمى مەن از ۇلت وڭىرىندەگى كادرلاردىڭ «ۇلكەن دۇرىس، ۇلكەن بۇرىستى ايقىنداۋداعى ۇستانىمى ەرەكشە سەرگەك، ۇلتتار ىنتىماعىن قورعاۋداعى ارەكەتى ەرەكشە تاباندى، ءار ۇلت بۇقاراسىن قىزۋ سۇيۋدەگى سۇيىسپەنشىلىگى ەرەكشە شىنايى بولۋ» دەگەن ساياسي ولشەمىنە تاباندى بولىپ، وتان تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋ يدەيالىق تانىمى مەن ناقتى بەينەسىن ماڭداي الدى ورىنعا قويىپ، كادرلاردى مىندەتكە قويۋ ەرەجەسىن مۇقيات اتقارىپ، ءتارتىپتى، جاۋاپكەرشىلىكتى، وتكەلدى، باقىلاۋدى قاتايتتى.
  پارتيانىڭ كادرلار ساياساتىن جاپپاي تياناقتاندىرىپ، كادرلار قوسىنىنىڭ قۇرىلىمىن جاقسارتۋ بارىسىندا، ساياسيدا سەنىمدى، ۇلتتار ىنتىماعىن باتىل قورعايتىن، بولشەكتەۋشىلىككە باتىل قارسى تۇراتىن، «ءۇش ءتۇرلى كۇشپەن» جۇرەكتىلىكپەن كۇرەس جۇرگىزەتىن تاڭداۋلى از ۇلت كادرلارىن تاربيەلەۋگە، وسىرۋگە، پايدالانۋعا ءمان بەرۋمەن قاتار، شينجياڭدا ۇزاق مەرزىم جۇمىس ىستەگەن تاڭداۋلى حانزۋ كادرلار مەن شينجياڭعا كىرگەن، شينجياڭعا كومەككە كەلگەن كادرلاردى تاربيەلەۋگە، وسىرۋگە، پايدالانۋعا دا ءمان بەرۋ، تاڭداۋلى جاس كادرلار مەن ايەل كادرلاردى بار كۇشپەن تاربيەلەپ، ءوسىرىپ، پايدالانىپ، پارتيا سىرتىنداعى كادرلاردى تاربيەلەۋگە، پايدالانۋعا ءمان بەرىپ، ءار دارەجەلى باسشىلىق قۇرىلىمداردىڭ ۇيلەسىمدى جاساقتالۋىن ىسكە اسىرىپ، ساياسيدا تاباندى، قابىلەتى كۇشتى، ستيلى جاقسى جوعارى ساپالى كادرلار قوسىنىن قۇرۋعا قۇلشىندى.
  − كەزەك اۋىسۋ قىزمەتىن مۇقيات جاقسى ىستەدى. پارتيانىڭ باسشىلىعىن كەزەك اۋىسۋدىڭ تۇتاس بارىسىمەن ساباقتاستىرۋعا تاباندى بولىپ، پارتيا ۇيىمىنىڭ باسشىلىق ەتۋ جانە وتكەلدى يگەرۋ رولىن ايقىن ساۋلەلەندىرىپ، باس شۋجي شي جينپيڭ ورتاعا قويعان جاقسى كادر بولۋدىڭ ولشەمى مەن از ۇلت وڭىرلەرىندەگى كادرلاردىڭ «3 ەرەكشە» ساياسي ولشەمىن مۇقيات تياناقتاندىرىپ، وتان تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋ يدەيالىق تانىمى مەن ناقتى بەينەسىن ماڭداي الدى ورىنعا قويىپ، ساياسي وتكەلدى، قۇرىلىم وتكەلىن، ءتارتىپ وتكەلىن، باعدار وتكەلىن، پاكتىك وتكەلىن، باقىلاۋ وتكەلىن، جاۋاپكەرشىلىك وتكەلىن قاتاڭ يگەرىپ، «دىمكاس كادرلاردىڭ سايلانۋىنان، وسىرىلۋىنەن» قاتاڭ ساقتاندى.
  − ادام ىستەتۋ بەتالىسىن ويداعىداي ورناتىپ، پارتيالىققا، مىنەز - قۇلىققا، ناقتى ناتيجەگە، نەگىزگى ساتىعا، جالپىنىڭ قۇرمەتىنە بولەنۋگە دەن قويۋعا تاباندى بولىپ، كادرلاردى كۇردەلى ورتادا جانە بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە تاربيەلەۋگە، سىناقتان وتكىزۋگە، تاڭداپ وسىرۋگە ءمان بەرىپ، شىنايى سويلەيتىن، ناقتى ءىس ىستەيتىن، ناقتى ونىمدىلىككە ۇمتىلاتىن كادرلاردى تاربيەلەۋگە، تاڭداپ وسىرۋگە، ىستەتۋگە ءمان بەرىپ، پارتياعا ادال، شەشۋشى ساتتەردە باتىل ءۇن قاتىپ، ايقىن پوزيتسيا بىلدىرە الاتىن، بۇقارالىق قىزمەت قابىلەتى جانە توسىن ۋاقيعالارعا توتەپ بەرۋ، كۇردەلى جاعدايدى مەڭگەرۋ قابىلەتى ءبىرشاما كۇشتى كادرلاردى تاڭداپ وسىرۋگە كۇش سالدى.
  − قامقور بولىپ، ايالاپ، كادرلاردىڭ، جۇمىسشى - قىزمەتكەرلەردىڭ تولىسۋىنا، العا باسۋىنا شىنايى كوڭىل ءبولىپ، كادرلاردىڭ، جۇمىسشى - قىزمەتكەرلەردىڭ دەنساۋلىق اقاۋسىزدىعىن شىنايى قورعاپ، كادرلاردىڭ، جۇمىسشى - قىزمەتكەرلەردىڭ قىزمەت، تۇرمىس جانە وتباسى جاقتارىنداعى ءىس جۇزىندىك قيىنشىلىعىن دەر كەزىندە شەشىپ، كادرلاردىڭ، جۇمىسشى - قىزمەتكەرلەردىڭ مامىلەسىنە قاتىستى ساياساتتاردى كەمەلدەندىرىپ، تياناقتاندىرىپ، جاقسارتىپ، ەڭبەكاقىنى قالىپتى ءوسىرۋ مەحانيزمىن اقاۋسىزداندىرىپ، قالىڭ كادرلاردىڭ، جۇمىسشى - قىزمەتكەرلەردىڭ كورىكتى شينجياڭدى قۇرۋ بەلسەندىلىگىن تولىق جۇمىلدىردى.
  − دارىندىلارعا ءمان بەرىپ، ءتۇيىندى دارىندىلار ينجەنەرياسىن اتقارىپ، جاڭالىق اشۋ ۇلگىسىندەگى باستاماشى دارىندىلاردى، كاسىپورىن تيجاراتىن باسقاراتىن دارىندىلاردى، تەحنيكاسى، ونەرى بار دارىندىلاردى جانە اۋىل - قىستاق قولدانىلمالى دارىندىلارىن تاربيەلەۋدى ويداعىداي يگەرىپ، شۇعىل قاجەتتى، تاپشى دارىندىلاردى ەنگىزۋگە كۇش سالىپ، دارىندىلاردى جاپالى، شەكارا، شالعاي وڭىرلەرگە، اسىرەسە، وڭتۇستىك شينجياڭنىڭ نەگىزگى ساتىسىنا بارۋعا ىنتالاندىرىپ، دارىندىلاردىڭ ءىس ىستەپ، شارۋاشىلىق قۇرۋىنا تۇعىر ازىرلەپ، قامتاماسىزدىق اپەرىپ، دارىندىلاردى تاني بىلەتىن، دارىندىلاردى ايالايتىن، اركىم ءوز قابىلەتىن تولىق ايگىلەيتىن، اركىم ءوز دارىنىن كادەگە جاراتاتىن، ۇتىمدى كەزدە ىستەتە بىلەتىن جاندى دا جالىندى جاعدايدى قالىپتاستىردى.
بولاشاقتى كوزدەپ، ءتۇبىردى بەكەمدەۋ: نەگىزگى ساتىنىڭ پارتيا قۇرىلىسىن جاپپاي كۇشەيتۋگە تاباندى بولدى
  شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە بىلاي دەپ باسا دارىپتەدى: نەگىزگى ساتىنى يگەرۋدى، نەگىز قالاۋدى، ءسوز جوق، شينجياڭدى ورنىقتىرۋدىڭ، شينجياڭدى تىنىشتاندىرۋدىڭ ۇزاق بولاشاقتىق جوباسى جانە ءتۇبىردى بەكەمدەۋ شاراسى رەتىندە، نەگىزگى ساتىنىڭ پارتيا ۇيىمدارى قۇرىلىسىن بۇقاراعا قىزمەت كورسەتۋدىڭ، ورنىقتىلىقتى قورعاۋدىڭ، بولشەكتەۋشىلىككە قارسى تۇرۋدىڭ الىنباس جاۋىنگەرلىك قامالىنا اينالدىرۋعا قۇلشىنىپ، پارتيا تۋىنىڭ ءاربىر نەگىزگى ساتى شەبىنىڭ كەڭىستىگىندە جەلبىرەۋىنە مۇمكىندىك جاساۋ كەرەك.
  تاياۋ جىلداردان بەرى، اۆتونوميالى رايوندىق پارتكوم تۇتاس رايونىمىزداعى ءار ۇلت پارتيا مۇشەلەرىن، كادرلاردى، بۇقارانى باستاپ، نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭدى تىنىشتاندىرۋدىڭ ۇزاق بولاشاقتىق جوباسى جانە ءتۇبىردى بەكەمدەۋ شاراسى ەتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ جاعدايى جونىندەگى تۇجىرىمدارىمەن، پارتيا ورتالىق كوميتەتىنىڭ كەلەلى شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، لاڭكەستىككە قارسى تۇرىپ، ورنىقتىلىقتى قورعاۋدى باستان - اياق بارلىعىن باسىپ تۇسەتىن ساياسي مىندەت، تايشان تاۋىنان دا اۋىر ساياسي جاۋاپكەرشىلىك ەتىپ، باس نىسانانىڭ جەتەكشىلىگىندە «اتوي سالۋ دابىلىن» قاعىپ، «كەشەندى شارانى» اتقارىپ، تىزگىندى قولدا ۇستاۋداي باتىلدىقپەن جانە بەكىممەن شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ الىنباس قامالىن قالادى.
  − پارتيا ۇيىمىنىڭ جاپپاي قامتۋىن ىلگەرىلەتتى. قىستاق جانە الەۋمەتتىك اۋماق پارتيا ۇيىمىنىڭ ورنالاسۋىن جۇيەگە ءتۇسىرىپ، شارت - جاعداي ازىرلەگەن قىستاق تۇرعىندار كوميتەتى گرۋپپاسىندا، قالا - قالاشىق الەۋمەتتىك اۋماق توركوزىندە، ەگىن، مال شارۋاشىلىق اترەتىندە (بولىمشە الاڭى)، كەن رايونى كاسىپورىندارىندا پارتيا ۇيىمىن قۇرۋ، ەگىنشى - مالشىلار سەلبەستىك كوپەراتيۆى، كاسىپتىك قوعام، ۇساق كاسىپورىن، جەكە ساۋدا - ونەركاسىپشىلەر، قوعامدىق دەلدال ۇيىمدار سياقتىلاردى پارتيا ۇيىمىنىڭ جاپپاي قامتۋىن كەڭەيتىپ، وڭىرلىك پارتيا قۇرىلىسىن ىلگەرىلەتتى. پارتيا ۇيىمىنىڭ، قىزمەتىنىڭ جانە رولىنىڭ جاپپاي قامتۋىن ىلگەرىلەتىپ، جەرگىلىكتى پارتكومداردىڭ، ۇكىمەتتىڭ شينجياڭ قاراستىلىعىنداعى از ۇلت بۇقاراسىنا قاراتىلعان باسقارۋدى، قىزمەت كورسەتۋدى كۇشەيتۋىنە بەلسەنە سايكەستى.
  − بۇقارالىق قىزمەتتىڭ جاپپاي قامتۋىن ىلگەرىلەتتى. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ رولىن تولىق ساۋلەلەندىرىپ، قىستاقتارعا (الەۋمەتتىك اۋماق) بارعان ءارقايسى قىزمەت كۇشتەرىنە ءبىر تۇتاس جوسپار جاساپ، بۇقارالىق لۋشيان سىندى اسىلدان ويداعىداي پايدالانىپ، بۇقارانى لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قامالىن قالاۋعا ۇيىستىردى، اتتانىسقا كەلتىردى. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعىنىڭ بىرلەسكەن دوستىق قيمىلىن ورىستەتتى. تۇتاس رايونىمىزدا ءبىر ميلليون 70 مىڭنان استام كادر، جۇمىسشى - قىزمەتكەر نەگىزگى ساتىداعى ءبىر ميلليون 450 مىڭنان استام وتباسىنداعى ءار ۇلت بۇقاراسىمەن تۋىس بولىپ، ءبىر ميلليون 520 مىڭنان استام يگى ءىس، ناقتى ءىس ىستەپ، ءبىر ميلليوننان استام رەت ءتۇرلى فورماداعى بىرلەسكەن دوستىق قيمىل ورىستەتىپ، ۇلتتاردىڭ ارالاسۋىن، ىشتەۋىن، توعىسۋىن تەرەڭدەتتى.
  − پاك ۇيىمنىڭ جانە كىرشىكسىز ورتانىڭ جاپپاي قامتۋىن ىلگەرىلەتتى. ءالسىز، بىتىراڭعى نەگىزگى ساتى پارتيا ۇيىمدارىن ءۇرتىس رەتكە سالدى، بيىل تۇتاس رايونىمىزدىڭ قىستاق (الەۋمەتتىك اۋماق) پارتيا ۇيىمدارىنا «سۇزگىدەن وتكىزۋ» ۇلگىسىندەگى باعالاۋ جۇرگىزىلىپ، %10تىك سالىستىرما بويىنشا سوڭعى قاتارعا تۇرعىزىپ، سوڭىنان كىرگىزىپ، ءالسىز، بىتىراڭقى نەگىزگى ساتى پارتيا ۇيىمىن شوعىرلى رەتكە سالىپ، يدەيانى وڭاۋدى، ۇيىمدى وڭاۋدى، ستيلدى وڭاۋدى كورنەكتىلەندىرىپ، يكەمدى باعالاۋ مەحانيزمىن ورناتتى. بارلىق قىستاقتىڭ (الەۋمەتتىك اۋماق) بۇرىننان كەلە جاتقان ءتۇرلى دەلولارىن (ءىس) ءبىر جاقتى ەتىپ، «قىستاق زورەكەرلىگىن»، رۋلاستىق سۇرقيا كۇشتەردى جانە ءدىني ۇشقارى كۇشتەردى رەتتەۋ - وڭاۋعا كۇش سالىپ، نەگىزگى ساتى پارتيا ۇيىمىنىڭ جانە پارتيا مۇشەلەرىنىڭ، كادرلاردىڭ رولىن ساۋلەلەندىرۋىنە تاماشا ورتا جاراتتى.
  − پارتيا مۇشەلەرىن قابىلداۋدىڭ تۇگەل قامتۋىن ىلگەرىلەتىپ، پارتيا مۇشەلەرى قوسىنىن دامىتىپ، زورايتىپ، ەگىن، مال شارۋاشىلىق رايونى، جوعارى مەكتەپتەر، كاسىپورىندار ءوندىرىسىنىڭ ءبىرىنشى شەبىندە، لاڭكەستىككە قارسى تۇرىپ، ورنىقتىلىقتى قورعاۋدىڭ جانە بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە پارتيا مۇشەلەرىن قابىلداۋعا، از ۇلت پارتيا مۇشەلەرىن قابىلداۋعا ءمان بەرىپ، قاتاڭ ولشەم، قاتاڭ ءتارتىپ العى شارتىندا، ءار جىلى ءمالىم مولشەردە جاڭا پارتيا مۇشەلەرىن قابىلداپ، جۇڭگو كوممۋنيستىك پارتياسىنىڭ اۋانگاردتىق، ۇلگىلى رولىن تولىق ساۋلەلەندىردى.
  − پارتيا قۇرىلىسىن يگەرىپ، كەدەيلىكتەن قۇتىلدىرۋدان قامال الۋدى ىلگەرىلەتتى. وڭتۇستىك شينجياڭداعى 3 ايماق، ءبىر وبلىستى ءتۇيىن ەتىپ، كەدەي اۋدان، قالالاردىڭ پارتيا، ۇكىمەت باسشىلارى القاسىنا مىقتىلاردى سەپتەپ، پارتيا مەن ۇكىمەتتىڭ ءبىرىنشى باسشىلىق قىزمەتىنىڭ ورنىقتى بولۋىن ساقتاپ، نەگىزگى ساتى پارتيا ۇيىمى قۇرىلىسىنىڭ كەدەيلىكتەن قۇتىلدىرۋدان قامال الۋمەن ورگانيكالى ۇشتاسۋىن كۇشەيتىپ، «ءۇش ءبىر» ۇلگى كورسەتۋ، جەتەكشىلىك ەتۋ ارەكەتىن اتقاردى؛ «بەس ءبىر» كوتەرمەگە الۋ، بايلانىس جاساۋ ءتۇزىمىن ورناتىپ، كوتەرمەگە الۋدىڭ، بايلانىس جاساۋدىڭ جاپپاي قامتۋىن جۇزەگە اسىرىپ، كومەكتەسۋ - سۇيەمەلدەۋ وي جەلىسى، جاۋاپكەرشىلىك، شارا، نىسان جانە كەدەيلىكتەن قۇتىلدىرۋ جولى، ۋاقىت سىندى «التىنى وتباسىلارىنا جەتكىزۋگە» كەپىلدىك ەتىپ، تەكسەرۋدى، جاۋاپقا تارتۋدى قاتايتىپ، كەدەيلىكتەن قۇتىلمايىنشا بايلانىستى ۇزبەدى.
  ءتۇيىندى يگەردى، قيىندىقتى شەشتى، دەمەك، ءتۇبىردى بەكەمدەۋدىڭ، نەگىزدى كۇشەيتۋدىڭ «كەشەندى شاراسى» ءۇرتىس اتقارىلىپ، پارتيانىڭ بيلىك جۇرگىزۋ نەگىزى ۇزدىكسىز نىعايتىلدى، بەكەمدەلدى.

ءان الەمى

جول توسىلىپ قالدى

تۇلپارىم