جاڭا حابارلار

حى جۇننىڭ تارتىپكە اۋىر قايشىلىق جاساۋ ماسەلەسىن دەلو تۇرعىزىپ تەكسەردى

    كەلۋ قاينارى: شينجياڭ حالىق راديو ىستانسياسى    2017-06-23 17:40:29  
اۆتونوميالى رايوندىق ءتارتىپ تەكسەرۋ كوميتەتىنىڭ حابارى: تاياۋدا، اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى حوتان ايماقتىق پارتكومنىڭ بۇرىنعى مۇشەسى، قاراقاش اۋداندىق پارتكومنىڭ بۇرىنعى شۋجيى حى جۇننىڭ تارتىپكە اۋىر قايشىلىق جاساۋ ماسەلەسىن دەلو تۇرعىزىپ تەكسەردى.
تەكسەرۋگە قاراعاندا، حى جۇن ساياسي ءتارتىپ پەن ساياسي قاعيداعا اۋىر قايشىلىق جاساپ، لاڭكەستىككە قارسى تۇرىپ، ورنىقتىلىقتى قورعاۋ ساياسي جاۋاپكەرلىگىن اتقارماي، ۇيىمنىڭ تەكسەرۋىنە قارسى تۇرعان؛ ورتالىقتىڭ 8 ءتۇرلى بەلگىلەمەسىنىڭ رۋحىنا اۋىر قايشىلىق جاساپ، ۇكىمەت اقشاسىمەن ءىشىپ-جەگەن؛ ۇكىمەت كولىگىن جەكە جۇمىسىنا ىستەتىپ، تارتۋ-تارالىعى، اقشا الىپ، بەلگىلەمەگە قايشىلىق جاساپ كوپ ءۇيدى يەمدەنىپ، جەكەلەر باسقارۋىنداعى كاسىپورىن يەسىنىڭ كولىگىن ۇزاق ۋاقىت يەمدەنىپ العان؛ ۇيىم تارتىبىنە قايشىلىق جاساپ، جەكەگە قاتىستى ىستەرىن شىن ايتپاعان، ۇيىمعا ماسەلەنى ءوز قالپىندا تۇسىندىرمەگەن، كادرلاردى تاڭداپ ءوسىرۋ جاعىندا باسقالارعا پايدا جەتكىزگەن، ءارى اقشا، دۇنيە-مۇلىك العان؛ پاك بولۋ تارتىبىنە قايشىلىق جاساپ، ۇقىق-زينا ساۋداسىن ىستەگەن؛ قىزمەت تارتىبىنە قايشىلىق جاساپ، قۇرىلىس نىسانىنا، ۇكىمەتتىك ساتىپ الۋعا جانە ماڭىزدى نىساندارعا قارجى قوسۋعا كيلىككەن جانە ارالاسقان؛ تۇرمىس ءتارتىبىنە قايشىلىق جاساپ، باسقارلارمەن قالىپسىز جىنىستىق بايلانىستا بولعان؛ مەملەكەتتىڭ زاڭ-بەلگىلەمەسىنە اۋىر قايشىلىق جاساپ، مىندەت قولايلىلىعىنان پايدالانىپ، باسقالارعا كاسىپورىننىڭ تيجاراتى جاعىندا پايدا جەتكىزگەن، ءارى قىرۋار اقشا، دۇنيە-مۇلىك سۇراپ، الىپ، پارا الۋ قىلمىسىنا شاتىلعان.
حى جۇن پارتيالى باسشى كادر بولا تۇرا، مۇرات-سەنىمنەن جۇرداي بولىپ، شىرىكتەسىپ، ازعىنداعان، لاڭكەستىككە قارسى تۇرىپ، ورنىقتىلىقتى قورعاۋدىڭ الدىڭعى شەبىندە جانە باستى شايقاس مايدانىندا بولا تۇرا، لاڭكەستىككە قارسى تۇرىپ، ورنىقتىلىقتى قورعاۋ سىندى ساياسي جاۋاپكەرلىگىن اتقارماي، پارتيا مەن حالىق بەرگەن ۇقىعىنان پايدالانىپ، ۇقىق-اقشا ساۋداسى مەن ۇقىق-زينا ساۋداسىن ىستەپ، پارتيانىڭ ءتارتىبى مەن مەملەكەتتىڭ زاڭ-بەلگىلەمەسىنە اۋىر قايشىلىق جاسادى، ءارى قىلمىسقا شاتىلدى، ونىڭ ۇستىنە پارتيا 18-قۇرىلتايىنان كەيىن دە تىزگىنىن تارتپاي، تيىلماي، ۇيىمنىڭ حات ارقىلى سۇراۋىن قابىلداعاننان كەيىن دە تيتتەي دە يمەنبەي، ءوز داعدىسى بويىنشا ىستەپ، سيپاتى ناشار، زاردابى اۋىر بولدى. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى» سياقتى قاتىستى بەلگىلەمەلەرگە ساي، اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ زەرتتەۋى ءارى اۆتونوميالى رايوندىق پارتكومنىڭ بەكىتۋىنە مالىمدەۋ ارقىلى، حى جۇنعا پارتيادان، ۇكىمەت قىزمەتكەرلىگىنەن ايداۋ جازاسىن بەرۋ، ءتارتىپكە قايشىلىق جاساپ العاندارىن قايتارىپ الۋ؛ قىلمىسقا سايعان ماسەلەلەرىن، دەرەكتەرىن جانە دەلوعا سايعان اقشا، دۇنيە-مۇلىكتەرىن ءادىليا ورگاندارىنىڭ زاڭ بويىنشا ءبىر ءجايلى ەتۋىنە تاپسىرۋ ۇيعارىلدى.

بەرىپ كەت ورامالىڭدى

دوستار

الىستاعى اق ەركە