جاڭا حابارلار

ءالي يمىننىڭ تارتىپكە اۋىر قايشىلىق جاساۋ ماسەلەسىن دەلو تۇرعىزىپ تەكسەردى

    كەلۋ قاينارى: شينجياڭ حالىق راديو ىستانسياسى    2017-06-23 17:41:53  
اۆتونوميالى رايوندىق ءتارتىپ تەكسەرۋ كوميتەتىنىڭ حابارى: تاياۋدا، اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى اۆتونوميالى رايوندىق قوعام حاۋىپسىزدىگى مەڭگەرمەسىنىڭ بۇرىنعى ورىنباسار مەڭگەرمە دارەجەلى بارلاپ تەكسەرۋشىسى، حوتان ايماقتىق قوعام حاۋىپسىزدىگى مەكەمەسى پارتكومىنىڭ بۇرىنعى مۇشەسى، ورىنباسار مەكەمە باستىعى ءالي يمىننىڭ تارتىپكە اۋىر قايشىلىق جاساۋ ماسەلەسىن دەلو تۇرعىزىپ تەكسەردى.
تەكسەرۋگە قاراعاندا، ءالي يمىن ساياسي تارتىپكە اۋىر قايشىلىق جاساپ، وتاننىڭ تۇتاستىعىن، ۇلتتار ىنتىماعىن قورعاۋ، ۇلتتىق بولشەكتەۋگە قارسى تۇرۋ سياقتى ۇلكەن دۇرىس پەن ۇلكەن بۇرىس ماسەلەسىندە «تۇرلاۋسىزداردان»، «ەكى بەتكەيلەردەن» بولعان؛ ۇيىم تارتىبىنە قايشىلىق جاساپ، جەكەگە قاتىستى ىستەرىن شىن ايتپاعان؛ قىزمەت تارتىبىنە قايشىلىق جاساپ، ءادىليالىق قيمىلدار مەن زاڭ اتقارۋ قيمىلدارىنا كيلىككەن جانە ارالاسقان؛ مەملەكەتتىڭ زاڭ-بەلگىلەمەسىنە اۋىر قايشىلىق جاساپ، مىندەت قولايلىلىعىنان پايدالانىپ، باسقالارعا پايدا جەتكىزگەن، ءارى قىرۋار اقشا، دۇنيە-مۇلىك الىپ، پارا الۋ قىلمىسىنا شاتىلعان.
ءالي يمىن پارتيالى باسشى كادر بولا تۇرا، مۇرات-سەنىمنەن ايرىلىپ، نيەت پەن ءمورال جاقتا پارتيادان الشاقتاپ، پارتيانىڭ ءتارتىبىنە، وتە-موتە ساياسي تارتىپكە اۋىر قايشىلىق جاسادى، ءارى قىلمىسقا شاتىلدى، ونىڭ ۇستىنە پارتيا 18-قۇرىلتايىنان كەيىن دە تىزگىنىن تارتپاي، تيىلماي، سيپاتى ناشار، زاردابى اۋىر بولدى. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى» سياقتى قاتىستى بەلگىلەمەلەرگە ساي، اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ زەرتتەۋى ءارى اۆتونوميالى رايوندىق پارتكومنىڭ بەكىتۋىنە مالىمدەۋ ارقىلى، ءالي يمىنگە پارتيادان ايداۋ، زەينەتكەرلىك مامىلەسىن كۇشىنەن قالدىرۋ جازاسىن بەرۋ، تارتىپكە قايشىلىق جاساپ العاندارىن قايتارىپ الۋ؛ قىلمىسقا سايعان ماسەلەلەرىن، دەرەكتەرىن جانە دەلوعا سايعان اقشا، دۇنيە-مۇلىكتەرىن ءادىليا ورگاندارىنىڭ زاڭ بويىنشا ءبىر ءجايلى ەتۋىنە تاپسىرۋ ۇيعارىلدى.

بەرىپ كەت ورامالىڭدى

دوستار

الىستاعى اق ەركە