باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قاتىناس دەڭگەيى جوعارىلاپ، ساياحات بايلىعى بىرىككەندىكتەن، تۇرپان بيىل ساياحاتشىلاردان 10 ميلليون ادام رەت قابىلدايدى دەپ مەجەلەنىپ وتىر

    كەلۋ قاينارى: شينجياڭ حالىق راديو ىستانسياسى    2017-07-03 19:40:59  
ستانسيامىزدىڭ ءتىلشىسى جيڭ لەي، جاي شياۋشۋە، تۇرپان راديو ستانسياسىنىڭ ءتىلشىسى شى ميڭ-اندەردىڭ حابارىن تىڭداڭىزدار: مەملەكەتتىك تۇتاس ءوڭىر ساياحاتىنان ۇلگى كورسەتۋ رايونى بولعان وتتى القاپ تۇرپاننىڭ نە ءبارى 5 جىلدا قاتىناس دەڭگەيى جوعارىلادى، ساياحات بايلىعى نەگىزىنەن بىرىگىپ، كوپ كۇندىك، تۇتاس جىلدىق ساياحات، ىشكەرلەي ساياحاتتاۋ سەكىلدىلەر ءبىر كۇندىك ساياحاتتىڭ، ماۋسىمدىق ساياحاتتىڭ، سەيىل-سەرۋەننىڭ ورنىن بىرتىندەپ باستى، وسى جىلداعى ساياحاتشىنىڭ تۇڭعىش رەت 10 ميلليون ادام رەتتەن اسۋىنان ءۇمىت زور بولدى.
26-ماۋسىم كەشتە، شي-اننان تۇرپانعا ۇشقان CZ6896-كەزەكشى ايروپلانى تۇرپانعا ءساتتى قوندى، بۇل تۇرپان يارعول اۋەجايىندا 2010-جىلى شىلدەدە رەسمي ايروپلان قاتىناعاننان بەرگى توتە ۇشاتىن 11-اۋە لەنياسى. مەملەكەتتىك اۆياتسيا ءۇرىمجى تارماق سەرىكتەستىگىنىڭ باس مەڭگەرۋشىسى لي شان: «بۇل اۋە لەنياسى وسى ەكى مەرۋەرت قالانى وتە ۇتىمدى ۇشتاستىرىپ، ەكى جەردىڭ ساياحاتشىلارى كەزەكشى ايروپلان ارقىلى كوركەم شينجياڭدى ساياحاتتاي الاتىن بولدى»،-دەدى.
تاريحتاعى مادەنيەت ايگىلى قالاسى جانە مەملەكەت دارەجەلى ساياحات قالاسى، كوپ جەرىندە دۇنيە جۇزىلىك مادەن مۇرا جانە مەملەكەتتىك 5A، 4A دارەجەلى كورىنىس رايوندارى بار تۇرپان قالاسىندا 5 جىلدىڭ الدىندا ۇرىمجىدەن تۇرپانعا توتە ۇشاتىن ءبىر كەزەكشى ايروپلانى عانا بار بولاتىن، قازىر توتە ۇشاتىن 11 اۋە لەنياسى اشىلىپ وتىر؛ شينجياڭداعى تۇڭعىش رەتكى جوعارى قارقىندى تاس جول ىسكە قوسىلعاننان تارتىپ، قازىرگى كۇندەلىكتى 18.5 جۇپ جۇردەك پويەز وتتى القاپتان وتەتىن ءىرى قاتىناستىڭ پارمەندى كۇشى ەلىمىز ءىشى-سىرتىنداعى اۆياتسيا ساياحاتىن، جۇردەك پويەز ساياحاتىن جانە جەكە اۆتوموبيل ساياحاتىن تۇرپاننىڭ ساياحات ىستەرىن جەبەۋگە باستادى، ءارى ءار جىلى ناۋرىزدا «گۇل مەرەكەسى» وتكىزىلەتىن بولدى.
ماۋسىمنىڭ ورتا شەنىنە كەلگەندە، ءۇرتىس 10 نەشە كۇنگى 40 سەلتسي گرادۋستان جوعارى تەمپەراتۋرا سىرت جەرلەردەن كەلگەن ساياحاتشىلاردى وتتى القاپقا بارۋعا قىزىقتىردى، بەيجيڭدىك ساياحاتشى لي پەيلين بىلاي دەدى: تاڭەرتەڭ يالقۇنتاحقا باردىق، وتە تاماشا ەكەن، يالقۇنتاحتى اقىرى كوردىم، كارىزداعى سۋ يگىلىگى ينجەنەرياسىن كوردىم، ەرەكشە عاجايىپ ەكەن، كۇن ىستىق بولعانىمەن كارىز سونداي سالقىن دا جايلى سەزىلدى، الدا تاعى ساياحاتتاي كەلەمىن، شينجياڭنىڭ ۇقساماعان گەولوگيالىق بەت-بەينەسى ەرەكشە تاڭعاجايىپ ەكەن.
كۇن سايىن كەمەلدەنگەن ءىرى قاتىناس ارامىزدى جاقىنداتتى دەيتىن بولساق، تۇرپانداعى ەرەكشە جىلۋ ەنەرگياسى ساياحاتشىلاردى وسى جەرگە كەلىپ ءبىر كورىپ قايتۋعا قىزىقتىردى، ال ءتۇرلى ساياحاتتىڭ بىرىككەننەن كەيىنگى مول بايلىعى ساياحاتشىلاردى ءتىپتى دە باۋرادى. نە ءبارى بىرنەشە جىلدا تۇرپان قالاسى بويلۇق كورىنىس رايونىنىڭ دارەجەسىن جوعارىلاتىپ، جاڭالاپ، قۇمتاق، كارىز، يالقۇنتاح سىندى مەملەكەتتىك 5A دارەجەلى كورىنىس رايوندارىن قۇرا باستادى، ءارى ورىك گۇلى مەرەكەسى، تۇت اعاشى مەرەكەسى، ءجۇزىم مەرەكەسى سياقتى مەرەكەلەردى قۇتتىقتاۋ قيمىلىن وتكىزدى، تۇرپانعا كەلىپ ساياحاتتاۋدا «ادامداردىڭ نازارى مەرەكەدە، مەرەكەنىڭ قىزىعى كورىنىستە، ال كورىنىستىڭ تاماشاسى گۇلدە» بولۋ رەالدىققا اينالۋدا. تۇرپان قالالىق ساياحات مەكەمەسىنىڭ باستىعى ان جينچياڭ بىلاي دەدى: بىرنەشە جىلدان بەرگى جاعدايمەن سالىستىرساق، بيىل دامۋ، وزگەرىس كورنەكتى بولعان ءبىر جىل بولدى، قاڭتاردان مامىرعا دەيىن قابىلداعان ساياحاتشى 3 ميلليون 657 مىڭ 300 ادام رەتكە جەتىپ، بىلتىرعى وسى تۇستاعىدان ەكى ەسەلەندى، وسى بەينەنى ساقتايتىن بولسا بيىل مەجەلەنگەن 10 ميلليون ادام رەتكە جەتۋ نىساناسى، ءسوزجوق، جۇزەگە اسادى، ءارى الداعى جەردە بارعان سايىن جاقسارادى.
ءان الەمى

جول توسىلىپ قالدى

تۇلپارىم