باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭنىڭ ەرتە زامانعى كيىم-كەشەكتەرى جىلجىمالى كورمەسى ىلەدە اشىلۋدا

    كەلۋ قاينارى: شينجياڭ حالىق راديو ىستانسياسى    2017-07-03 18:37:07  

ءتاڭىرتاۋ تورابىنىڭ حابارى: ىلە قازاق اۆتونوميالى وبلىستىق مۇراجاي اۆتونوميالى رايوندىق مۇراجايدىڭ ورنالاستىرۋى بويىنشا شينجياڭنىڭ ەرتە زامانعى كيىم-كەشەكتەرىن كوز الدىعا ەلەستەتەتىن جىلجىمالى كورمە اشىپ، شينجياڭنىڭ ەجەلگى كيىم-كەشەك مادەنيەتىن جۇرتشىلىققا كورسەتۋ ارقىلى ىلە وبلىسىنىڭ بيىلعى جىلجىمالى كورمەسىنىڭ شىمىلدىعىن اشتى. بۇل قيمىل 2015-جىلدان باستاپ شينجياڭنىڭ جەر-جەرىندە وتكىزىلىپ كەلەدى ەكەن.
تاياۋدا وتكىزىلگەن جىلجىمالى مۇراجاي كورمەسىندە «مۇراجايدىڭ بايانداپ ءتۇسىندىرۋى قيىن بولعان تاريح» باستى تاقىرىپ ەتىلدى. ءار جىلى مامىرداعى «حالىقارالىق مۇراجاي كۇنى» بايلانىسىمەن وتكىزىلگەن بۇل قيمىل شينجياڭ تاريحى، ءدىن تاريحى، ەرتە زامانعى كيىم-كەشەك سياقتى مازمۇنداردى قامتيدى. مۇندا شينجياڭنىڭ ەرتە زامانعى كيىم-كەشەك ەستەمەلەرى، ەرتە زامانعى ادامداردىڭ ساندىك سالت-ساناسى، تاڭ داۋىرىندەگى قوچۋ تۇرعىندارىنىڭ كيىم-كەشەگى، نيا تۇرعىندارىنىڭ كيىم-كەشەگى، كۇسان تۇرعىندارىنىڭ كيىم-كەشەگى سياقتى كوپ مازمۇندىق بولەكتەردەن قۇرالعان. قيمىل بارىسىندا قۇلجا قالاسىنداعى تۇرعىندار مەن ىلە وبلىستىق مادەني مۇرا سالاسىنىڭ قىزمەتكەرلەرى ورنەكتى فارفور شىنى، بىلعارى ساندىق، بۇرىنعى مۋزىكا جابدىقتارى سياقتى 65 تاريحي ەستەلىك بۇيىمىن مۇراجايعا تارتۋ ەتتى. بۇل رەتكى جىلجىمالى كورمەدە باستىسى شينجياڭنىڭ ەرتە زامانعى كيىم-كەشەك مادەنيەتىنىڭ دامۋ بارىسىن ءتۇسىندىرۋ، شينجياڭنىڭ تاريحى مەن مادەنيەتىنە بىردەي ءمان بەرۋ ارقىلى ءار ۇلت جۇرتشىلىعىنىڭ شينجياڭنىڭ تاريحى مەن مادەنيەتى جونىندەگى تۇسىنىگىن ءتىپتى دە تەرەڭدەتۋ ماقسات ەتىلدى.
ءتىلشىنىڭ ىلە وبلىستىق مۇراجاي كەڭسەسىنەن ۇعىسۋىنشا، قازىر ىلە وبلىستىق مۇراجاي «بۇقارادان الىپ، بۇقاراعا قايتارۋ» نەگىزىندە ۇلتتار ىنتىماعى نازارياسى مەن كوركەمونەر كورمەسىن ۇشتاستىرىپ، جىلجىمالى مۇراجاي كورمەسىن ىلە وبلىسىنا توتە قاراستى ورىندارداعى اۋىل-قىستاق، الەۋمەتتىك اۋماق، اسكەري ورىندار مەن مەكتەپتەردە دە اشىپ، ىلە وبلىسىنداعى ءار ۇلت بۇقاراسىنا شىت جاڭا مادەني مۇرالاردى كورسەتەدى ەكەن.

ءان الەمى

جول توسىلىپ قالدى

تۇلپارىم