باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ گامبۋرگتە گامبۋرگ قالاسىنىڭ باستىعى شوۋسپەن كەزدەستى

    كەلۋ قاينارى: شينجياڭ گازەتى    2017-07-07 17:21:19  
شينحۋا اگەنتتىگىنىڭ 6 - شىلدەدە گەرمانيانىڭ گامبۋرگىنەن بەرگەن حابارى. مەملەكەت ءتوراعاسى شي جينپيڭ 6 - شىلدەدە گامبۋرگتە گامبۋرگ قالاسىنىڭ باستىعى شوۋسپەن كەزدەستى.
  شي جينپيڭ بىلاي دەپ باسا دارىپتەدى: گامبۋرگ − گەرمانيانىڭ ماڭىزدى پورت قالاسى، جۇڭگومەن قارىم - قاتىناسىنىڭ تامىرى وتە تەرەڭدە، جۇڭگومەن سەلبەستىكتى ەڭ ەرتە باستاعان قالالاردىڭ ءبىرى، بۇگىندە وتە - موتە، جۇڭگو - گەرمانيا، جۇڭگو - ەۆروپا وداعى اراسىنداعى سەلبەستىكتى جالعاپ تۇرعان ماڭىزدى العى قامال، ول گەرمانياداعى، ءتىپتى، ەۆروپاداعى جۇڭگو قارجىلاندىرعان كاسىپورىندار ەڭ كوپ توپتالعان قالالاردىڭ بىرىنە اينالىپ وتىر. ازيا مەن ەۆروپانىڭ ءوزارا بايلانىسىن ىلگەرىلەتۋدە، «ءبىر بەلدەۋ، ءبىر جول» قۇرىلىسىنا ات سالىسۋدا گامبۋرگتىڭ وڭىرلىك ورنى جاعىندا وزگەشە ارتىقشىلىعى بار، ول جۇڭگو مەن ەۆروپانىڭ «تەڭىزدەگى جىبەك جولىن» بايلانىستىراتىن ماڭىزدى پورت عانا ەمەس، سونىمەن قاتار جۇڭگو مەن ەۆروپا اراسىنداعى زات تاسىمالداۋشى كەزەكشى پويەزدەردىڭ ماڭىزدى سوڭعى بەكەتى. ءبىز قالا باستىعى مىرزانىڭ گامبۋرگتىڭ ەسىگىنىڭ جۇڭگو كاسىپورىندارىنا قاشاندا ايقارا اشىق ەكەنىن تالاي رەت ايتقانىن القايمىز. جۇڭگو گامبۋرگتىڭ «ءبىر بەلدەۋ، ءبىر جول» قۇرىلىسىنا ات سالىسۋىن قارسى الادى، گامبۋرگپەن ءار سالاداعى ناقتى سەلبەستىكتەردى كۇشەيتىپ، ەكى جاق قاتىناسىنىڭ ىشكەرىلەي دامۋىنا جاڭا قوزعاۋشى كۇش قوسۋدى قالايدى.
  شي جينپيڭ بىلاي دەپ اتاپ كورسەتتى: گەرمانيا، اسىرەسە، گامبۋرگ قالاسى 20 ەل توبى باسشىلارىنىڭ گامبۋرگتەگى باس قوسۋىنا دەن قويا دايىندالدى. جۇڭگو گەرمانيانىڭ گامبۋرگتەگى باس قوسۋدى جاقسى وتكىزىپ، بىلتىرعى حاڭجوۋداعى باس قوسۋ نەگىزىندە ءتىپتى كوپ بەلسەندى جەتىستىكتەرگە قول جەتكىزىپ، دۇنيە ەكونوميكاسىن جونگە سالۋعا «گامبۋرگ تاڭباسىن» باسۋىن قولدايدى.
  شوۋس بىلاي دەدى: ءتوراعا شي جينپيڭنىڭ گەرمانياعا ساپارلاي كەلگەنىن ءارى گامبۋرگكە 20 ەل توبى باسشىلارىنىڭ باس قوسۋىنا قاتىناسۋعا كەلگەنىن قارسى الامىن. گامبۋرگ − اشىق پورت قالا، گەرمانيا مەن جۇڭگو، ەۆروپا وداعى مەن جۇڭگو اراسىنداعى ساۋدادا كورنەكتى ورنى بار. جۇڭگو قارجىلاندىرعان كوپتەگەن كاسىپورىندار گامبۋرگتە ىرگە تەپكەن، ەۆروپا وداعى مەن جۇڭگو اراسىنداعى ساۋدانىڭ كوبى دە گامبۋرگتەن وتەدى. گامبۋرگ قالاسى «ءبىر بەلدەۋ، ءبىر جول» دارىپتەمەسىن قولدايدى، قاتىستى سەلبەستىكتەرگە بەلسەنە قاتىناسۋدى قالايدى، ءوزارا بايلانىس قۇرىلىسىنىڭ ءتىپتى جارقىن دۇنيەنى سومدايتىندىعىنا سەنەدى. گامبۋرگ قالاسى جۇڭگومەن ءار سالاداعى سەلبەستىكتى نىعايتىپ، جۇڭگو - گەرمانيا قاتىناسىن، ەۆروپا وداعى - جۇڭگو قاتىناسىن كۇشەيتۋدە بەلسەندى رولىن ساۋلەلەندىرۋگە پەيىل.
  جەرگىلىكتى ۋاقىت بويىنشا 6 - شىلدە كۇنى ءتۇستىڭ الدىندا شي جينپيڭ ارناۋلى ۇشاقپەن بەرليننەن اتتانىپ، 20 ەل توبى باسشىلارىنىڭ 12 - رەتكى باس قوسۋىنا قاتىناسۋ ءۇشىن، گامبۋرگكە باردى.
  شي جينپيڭ گامبۋرگ اۋەجايىندا گامبۋرگ قالاسىنىڭ باستىعى شوۋستىڭ قىزۋ قارسى الۋىنا بولەندى. الدىن الا بارعان ۋاڭ ياڭ، جوۋ شياۋچۋان قاتارلىلار دا اۋەجايعا بارىپ قارسى الدى.
ءان الەمى

جول توسىلىپ قالدى

تۇلپارىم