باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ 20 ەل توبى باسشىلارىنىڭ 12 - رەتكى باس قوسۋىنا جالعاستى قاتىناستى

    كەلۋ قاينارى: شينجياڭ گازەتى    2017-07-10 19:55:08  
شينحۋا اگەنتتىگىنىڭ 8 - شىلدەدە گەرمانيانىڭ گامبۋرگىنەن بەرگەن حابارى. 20 ەل توبى باسشىلارىنىڭ 12 - رەتكى باس قوسۋى 8 - شىلدە كۇنى گەرمانيانىڭ گامبۋرگ قالاسىندا جالعاستى. مەملەكەت ءتوراعاسى شي جينپيڭ قاتىناستى.
  افريكامەن سەرىكتەستىك قاتىناس تۋرالى توقتالعاندا، شي جينپيڭ مىنانى اتاپ كورسەتتى: افريكانىڭ دامۋىنا قولداۋ كورسەتۋ − الەم ەكونوميكاسىنىڭ تەڭ، باۋىرمال وسۋىنە پايدالى. جۇڭگو افريكانىڭ دامۋىنا قولداۋ كورسەتەتىن ادال سەرىكتەس. ءبىز افريكاعا شىنايى، اق پەيىل ساياساتتار قولدانۋ ۇستانىمىنان جازباي، ەشقانداي ساياسي شارت ۇستەمەي، افريكانىڭ دامۋىنا ناقتىلى نىساندارمەن قولداۋ كورسەتەمىز. 2015 - جىلعى جۇڭگو - افريكا دامۋ تالقى مىنبەرىندە جۇڭگو افريكانىڭ دامۋىنا قولداۋ كورسەتۋدىڭ افريكانىڭ ونەركاسىپتەنۋى مەن اۋىل شارۋاشىلىعىنىڭ وسىزاماندانۋىن جەتەكشى، سالالاردىڭ ءتۇيىلىسۋى مەن ءوندىرىس قۋاتى بويىنشا سەلبەسۋدى ءتۇيىن ەتكەن «10 ءىرى سەلبەستىك جوسپارىن» العا قويدى، بۇل افريكا وداعىنىڭ «2063 - جىل باعدارلاماسىمەن» ورايلاس. جۇڭگو جاق 20 ەل توبىنىڭ افريكانىڭ دامۋىنا نازار اۋدارۋى مەن ۇسىنىلىم سالۋىن، حاڭجوۋداعى باس قوسۋداعى «20 ەل توبىنىڭ افريكا مەن ەڭ مەشەۋ مەملەكەتتەردىڭ ونەركاسىپتەنۋىنە قولداۋ كورسەتۋ تۋرالى قۋاتتاماسىن» تياناقتاندىرۋىن ءۇمىت ەتەدى. ءبىز قاشاندا افريكانىڭ ءىسىن افريكالىقتار دەموكراتيالىق جولمەن شەشۋى، افريكانىڭ دامۋ جولىن افريكا حالقى ءوز ەركىمەن تاڭداۋى كەرەك دەپ ساناپ كەلەمىز. افريكامەن سەلبەستىكتە «افريكا ۇسىنۋ، افريكا قوسىلۋ، افريكا باس بولۋ» پرينسيبىن باسشىلىققا الۋ، افريكانىڭ وزىندىك دامۋ جوباسىمەن تۇيىستىرە ءبىلۋ كەرەك.
  سيفرلانۋ ماسەلەسى تالقىعا سالىنعاندا، شي جينپيڭ مىنالاردى باسا دارىپتەدى: 20 ەل توبى قول ۇستاسىپ، وسۋگە، جۇمىسقا ورنالاستىرۋعا زالالسىز سيفرلى ەكونوميكانى ورناتىپ، الەم ەكونوميكاسىنا ءتىپتى كەڭ ءورىس اشۋ كەرەك. ءبىرىنشى، ءبىز سيفرلانۋ وزگەرىسىنە ىرىقتى تۇردە بەيىمدەلىپ، ەكونوميكالىق ءوسۋدىڭ جاڭا قوزعاۋشى كۇشتەرىن جەتىلدىرىپ، قۇرىلىمدىق رەفورمانى بەلسەندى تۇردە ىلگەرىلەتىپ، سيفرلى ەكونوميكانىڭ ناقتى ەكونوميكامەن توعىسا دامۋىن جەبەۋىمىز كەرەك. حاڭجوۋداعى باس قوسۋدا تۇراقتاندىرىلعان «20 ەل توبىنىڭ سيفرلى ەكونوميكا جونىندەگى دامۋ جانە سەلبەستىك قۋاتتاماسىن»، «20 ەل توبىنىڭ جاڭا ونەركاسىپ توڭكەرىسى جونىندەگى ارەكەت جوسپارىن» ويداعىداي تياناقتاندىرۋ كەرەك. ەكىنشى، ءبىز حاۋىپ - قاتەر مەن سىن - سايىستاردى بىرلەسە جەڭىپ، سيفرلى ەكونوميكانىڭ اشىقتىق، باۋىرمالدىق باعىتپەن دامۋىن ىلگەرىلەتۋىمىز كەرەك. سيفرلى ەكونوميكانىڭ قول جەتىمدىلىگىن كەڭەيتىپ، وڭتۇستىك پەن سولتۇستىكتىڭ اراسىنداعى ساندىق ايىرىقتى ىقشامداۋ كەرەك. سيفرلانعان ءوندىرىس، جاساندى زەردە، ت.ب - نىڭ الەم ەلدەرىنىڭ جۇمىسقا ورنالاستىرۋ جاعدايىنا جاسايتىن ىقپالىنا دەن قويىپ، جۇمىسقا ورنالاستىرۋ بويىنشا بەلسەندى ساياساتتاردى جۇمىلا اتقارۋ كەرەك. ءۇشىنشى، ءبىز قول ۇستاسا سەلبەسىپ، سيفرلى ەكونوميكانىڭ دامۋىنا ءتيىمدى حالىقارالىق ورتانى جۇمىلا ازىرلەپ، دامۋ ستراتەگيالارىن ءتۇيىستىرۋدى كۇشەيتىپ، سيفرلانۋدىڭ قولدانىس دەڭگەيىن جوعارىلاتۋىمىز كەرەك. بەيبىت، حاۋىپسىز، اشىق، سەلبەسكەن ينتەرنەت كەڭىستىگىنىڭ قالىپتاسۋىن ىلگەرىلەتىپ، سيفرلى سالاداعى حالىقارالىق ساۋدانىڭ كوپ جاقتى، جاريا، باۋىرمال ەرەجەلەرىن قالىپتاستىرۋ ۇستىندە ىزدەنىس جاساۋ كەرەك.
  جينالىسقا قاتىسقان باسشىلار كوشى - قون، دەنساۋلىق ساقتاۋ، جۇمىسقا ورنالاستىرۋ، ايەلدەر ۇقىعى سياقتى تاقىرىپتار بويىنشا پىكىر اۋىستى.
  جەرگىلىكتى ۋاقىت 8 - شىلدە كۇنى تۇستەن كەيىن باس قوسۋ جابىلدى.
  باس قوسۋدا قابىلدانعان «20 ەل توبى باسشىلارىنىڭ گامبۋرگتەگى باس قوسۋىنىڭ مالىمدەمەسىندە» قازىرگى ءداۋىردىڭ سايىستارىنا توتەپ بەرىپ، ىقپالداس دۇنيە مۇسىندەۋ − 20 ەل توبىنىڭ حالىقارالىق ەكونوميكالىق سەلبەستىكتىڭ باستى مىنبەرى رەتىندەگى ورتاق نىساناسى دەپ باسا دارىپتەلدى. حاڭجوۋداعى باس قوسۋدىڭ جەتىستىكتەرى نەگىزىندە قول ۇستاسىپ، ساۋداعا قارجى سالۋدى ىلگەرىلەتىپ، سيفرلانۋدىڭ مۇمكىندىكتەرىن ساۋلەلەندىرىپ، تۇراقتى دامۋعا سەرپىن بەرىپ، افريكا مەملەكەتتەرىمەن سەرىكتەستىك قاتىناس ورناتىپ، تەبىندى، تۇراقتى، تەڭ جانە باۋىرمال ءوسۋدى ىسكە اسىرىپ، جاھاندانۋدى قالىپتاپ، ادامزاتتى يگىلىككە كەنەلتۋگە ۋادە بەرىلدى.
  ۋاڭ ياڭ، ياڭ جيەچى قاتىستى قيمىلدارعا قاتىناستى.
ءان الەمى

جول توسىلىپ قالدى

تۇلپارىم