باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

وزەكتى رايون قۇرىلىسى جەدەل ىلگەرىلەتىلدى

    كەلۋ قاينارى: شينجياڭ گازەتى    2017-07-10 20:21:37  

ءوزارا توعىسۋدى، ءوزارا بايلانىس جاساۋدى ىلگەرىلەتىپ، قوس باعىتتا ەسىك اشۋدى جەدەلدەتتى

ءتىلشىمىز ۋاڭ يۇڭفەي 6 - شىلدەدە ۇرىمجىدەن حابارلايدى. «قازىر شينجياڭدا فينانس قۇرىلىمدارىنىڭ شوعىرلى اسەرى العاشقى ادىمدا قالىپتاستى، اسىرەسە، شينجياڭ بانكەسىنىڭ، شينجياڭ چيانحاي بىرلەسكەن مال - مۇلىك قامسىزداندىرۋ سەرىكتەستىگىنىڭ، پاكيستان HBL بانكەسى ءۇرىمجى بولىمشەسىنىڭ قۇرىلۋى شينجياڭنىڭ وڭىرلىك حالىقارالىق فينانس ورتالىعى قۇرىلىسىنىڭ كەزەڭدىك تابىستارعا قول جەتكىزگەنىن كورسەتەدى»، - دەيدى 5 - شىلدەدە جۇڭگو حالىق بانكەسى ءۇرىمجى سەنترلى بولىمشە بانكەسىنىڭ باستىعى گو جيانۋي.
  2017 - جىلى ءساۋىردىڭ سوڭىنا دەيىن شينجياڭداعى بانكە كاسىبى فينانس قۇرىلىمى 145كە، اكتسيا سەرىكتەستىگى 30عا، قامسىزداندىرۋ سەرىكتەستىگى 31گە، فيۋچەرستىك سەرىكتەستىك 6عا، امانات - قارجى قوسۋ سەرىكتەستىگى 2گە، فينانس - جالعا بەرۋ سەرىكتەستىگى بىرگە، مال - مۇلىك باسقارۋ سەرىكتەستىگى 3كە، شاعىن سومادا قارجى بەرۋ سەرىكتەستىگى 382گە جەتىپ، بانكەنى، اكتسيانى، قامسىزداندىرۋدى نەگىزگى تۇلعا ەتكەن، امانات، جالعا بەرۋ، شاعىن سومادا قارىز بەرۋ سەرىكتەستىكتەرى قاتار ءومىر سۇرگەن كوپ جىكتى، رولى كەمەلدى فينانس ۇيىمدارى جۇيەسى العاشقى ادىمدا قالىپتاستى.
  وڭىرلىك حالىقارالىق فينانس ورتالىعى قۇرىلىسى − اۆتونوميالى رايوننىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدەگى تابىستارىنىڭ ءبىرى. 2014 - جىلى مامىردا اشىلعان ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە شينجياڭدى جىبەك جولى ەكونوميكالىق بەلدەۋىندەگى وزەكتى رايون ەتىپ قۇرۋ ايقىن العا قويىلدى. 2015 - جىلى ناۋرىزدا مەملەكەت جاريالاعان «جىبەك جولى ەكونوميكالىق بەلدەۋىن جانە 21 - عاسىرداعى تەڭىز جىبەك جولىن بىرگە قۇرۋدى جەبەۋدىڭ تىلەگى مەن ارەكەتىندە» شينجياڭنىڭ وزىندىك وڭىرلىك باسىمدىعى مەن باتىسقا ەسىك اشۋداعى ماڭىزدى تەرەزەلىك رولىن ساۋلەلەندىرىپ، ورتا ازيا، وڭتۇستىك ازيا، باتىس ازيا، ت. ب ەلدەرىمەن اۋىس - كۇيىس پەن سەلبەستىكتى تەرەڭدەتىپ، جىبەك جولى ەكونوميكالىق بەلدەۋىندەگى ماڭىزدى قاتىناس تورابىن، ساۋدا - زات جەتكىزۋ جانە مادەنيەت، عىلىم - تەحنيكا، وقۋ - اعارتۋ ورتالىعىن قالىپتاستىرىپ، جىبەك جولى ەكونوميكالىق بەلدەۋى وزەكتى رايونىن قۇرۋ اتاپ كورسەتىلدى. وسىدان باستاپ شينجياڭ قوس باعىتتا ەسىك اشۋدى جەدەلدەتىپ، كورشىلەس ەلدەرمەن، كورشىلەس ولكە، اۆتونوميالى رايوندارمەن ءوزارا توعىسۋدى، ءوزارا بايلانىس جاساۋدى ىلگەرىلەتىپ، حالىقارانىڭ جانە شىعىس، ورتا بولىكتەگى رايونداردىڭ كاسىپ سالاسىن كوشىرۋدى ۇستىنە الىپ، مەملەكەتتىڭ باتىسقا ەسىك اشۋداعى تورابى مەن قاقپاسىن قۇردى.
  رايونىمىز «شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋ جونىندەگى اتقارۋ پىكىرىن»، «شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋ جونىندەگى ارەكەت جوسپارىن (2014 - جىلدان 2020 - جىلعا دەيىن)» جانە «شينجياڭنىڭ جىبەك جولى ەكونوميكالىق بەلدەۋى وزەكتى رايونىن قۇرۋ جونىندەگى جەتەكشى پىكىرىن» ىلگەرىندى - كەيىندى تاراتىپ، وزەكتى رايوننىڭ «5 ءىرى ورتالىعى» مەن يمپورت - ەكسپورت كاسىبى شوعىرلانعان 10 ءىرى رايوننىڭ ارناۋلى جوباسىن جاساۋ قىزمەتىن جوعارى دەڭگەيدە، جوعارى باستامادا ىلگەرىلەتىپ، وزەكتى رايون قۇرىلىسىنىڭ جەتەكشى يدەياسىن، باس نىساناسىن جانە ءتۇيىندى مىندەتتەرىن ايقىنداپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ونان ارى جەدەلدەتۋدى ولشەممەن قامدادى جانە وعان جەتەكشىلىك ەتتى.
  رايونىمىز سوڭعى جىلدارى قاشقار، قورعاس ەكونوميكالىق اشۋ رايوندارى قۇرىلىسىن ۇزبەي جەدەلدەتتى. قازىر رايونىمىزدا الاتاۋ ساعاسى، قاشقار، ءۇرىمجى، جۇڭگو - قازاقستان قورعاس حالىقارالىق شەكارالىق سەلبەستىك ورتالىعى سىندى جۇڭگو جاقتىڭ سايكەستى رايونىنداعى 4 كەشەندى باجىسىز اۋماق بار. ءۇرىمجى حالىقارالىق قۇرلىقتىق پورت رايونى نىسانى قۇرىلىسى جاپپاي باستالدى، ءۇرىمجى كوپ ۇلگىدەگى بىرلەسكەن تاسىمالدى كەدەندىك باقىلاۋ - باسقارۋ ورتالىعى مەملەكەت جاعىنان تەكسەرىپ - وتكىزىپ الىندى، قورعاس تەمىر جول وتكەلى مەملەكەت جاعىنان تەكسەرىپ - وتكىزىپ الىنىپ، سىرتقا ەسىك اشتى. 2016 - جىلدىڭ سوڭىنا دەيىن رايونىمىزدا مەملەكەتتىك 1 - تۇردەگى قۇرلىقتىق اشىق شەكارا وتكەل 17گە، اۆياتسيا وتكەلى 2گە جەتىپ، رايونىمىز ەلىمىز بويىنشا قۇرلىقتىق شەكارا وتكەلى ەڭ كوپ اۆتونوميالى رايون بولدى.
  2016 - جىلدىڭ سوڭىنا دەيىن رايونىمىزدىڭ ىرگەلەس 5 ەلگە اشقان حالىقارالىق تاس جول تاسىمال جەلىسى 111گە جەتىپ، بۇكىل ەل بويىنشا ءبىرىنشى ورىندى يەلەدى. رايونىمىزدا الاتاۋ ساعاسى، قورعاس سىندى 2 تەمىر جول شەكارا وتكەلى بار، شينجياڭنان باتىسقا جۇرەتىن حالىقارالىق كەزەكشى جۇك پويەزى 358گە جەتىپ، جۇڭگو - ەۆروپا، جۇڭگو - ازيا باعىتى بويىنشا جۇرەتىن كەزەكشى پويەزدارىنىڭ ۇرىمجىدەگى شوعىرلاندىرۋ ورتالىعى العاشقى ادىمدا قالىپتاستى؛ ەل ىشىندەگى اۋە جەلىسى 197گە، حالىقارالىق (رايون) اۋە جەلىسى 41گە جەتىپ، 21 مەملەكەتپەن، 33 حالىقارالىق (رايون) قالامەن، ەل ىشىندەگى 68 قالامەن قاتىناس بايلانىسىن ورناتتى.
  قازىر شينجياڭدا ءۇرىمجىنى ورتالىق، تەمىر جولدى نەگىزگى قاڭقا، تاس جولدى تىرەك ەتكەن، اۆياتسيا جانە حابارلاسۋ قۇرىلعىلارى ءوزارا سايكەسكەن، شىعىستا گانسۋمەن، چيڭحايمەن جالعاسىپ، ىشكى قۇرلىقپەن تۇتاسىپ، ازيا - تىنىق مۇحيت وڭىرىمەن جالعاساتىن، تۇستىكتە شيزاڭمەن تۇتاساتىن، باتىستا ورتا ازيا، باتىس ازيا، وڭتۇستىك ازيا ەلدەرىنە باراتىن، سولتۇستىكتە موڭعۇليامەن تۇتاساتىن نەگىزگى قۇرىلعىلاردىڭ ءوزارا تۇتاسقان تورى العاشقى ادىمدا قالىپتاستى.
  شينجياڭ ءۇرىمجى قالاسىن وزەك ەتكەن «ءبىر وزەك، 9 رايون، كوپ ءتۇيىندى» وسى زامانعى حالىقارالىق جەتكىزۋ تورى جۇيەسىن ورناتۋدى ۇزبەي جەدەلدەتىپ، جەلى بويىنداعى ەلدەرمەن ساۋدا جانە وندىرىستىك قۋات جاعىنداعى سەلبەستىگى جاپپاي تەرەڭدەدى. 2016 - جىلى شينجياڭنىڭ «ءبىر بەلدەۋ، ءبىر جول» بويىنداعى ەلدەرمەن جاساسقان يمپورت - ەكسپورت ساۋدا سوماسى 14 ميلليارد 700 ميلليون دوللارعا جەتىپ، شينجياڭنىڭ سىرتقى ساۋدا يمپورت - ەكسپورت جالپى سوماسىنىڭ %81.7ىن يەلەدى.
  وزەكتى رايون قۇرىلىسىن ىلگەرىلەتۋدە ەكونوميكا - ساۋدانى، گۋمانيتارلىق اۋىس - كۇيىستى جاپپاي تەرەڭدەتۋ − دانەكەر. شينجياڭ جۇڭگو − ازيا - ەۆروپا كورمەسى، ازيا - ەۆروپا تاۋار ساۋدا كورمەسى، جۇڭگو - پاكيستان ەكونوميكالىق ءدالىزى (شينجياڭ. قارامايلى) تالقى مىنبەرى، جۇڭگو شينجياڭ حالىقارالىق ۇلتتىق ءبي فەستيۆالى، مەملەكەتتىك 13 - كەزەكتى قىسقى سپورت جارىسى سياقتى كولەمدى قيمىلداردى تابىستى وتكىزىپ، كورشىلەس ەلدەردە كۇڭزى ينستيتۋتىنان 10ىن قۇرىپ، رايونىمىزدىڭ جەلى بويىنداعى ەلدەرمەن ەكونوميكا - ساۋدا، مادەنيەت، عىلىم - تەحنيكا، وقۋ - اعارتۋ، ساياحات سياقتى سالالارداعى سەلبەستىگى مەن اۋىس - كۇيىسى ونان ارى جيىلەي ءتۇستى.

ءان الەمى

جول توسىلىپ قالدى

تۇلپارىم