باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ 8 ەلدىڭ جۇڭگودا تۇرۋعا جاڭادان تاعايىندالعان باس ەلشىلەرىنىڭ تاپسىرعان مەملەكەت جولداماسىن قابىلدادى

    كەلۋ قاينارى: شينجياڭ گازەتى    2017-07-13 17:07:23  
 شينحۋا اگەنتتىگىنىڭ 12 - شىلدەدە بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - شىلدەدە حالىق سارايىندا 8 ەلدىڭ جۇڭگودا تۇرۋعا جاڭادان تاعايىندالعان باس ەلشىلەرىنىڭ تاپسىرعان مەملەكەت جولداماسىن قابىلدادى.
  حالىق سارايىنىڭ سولتۇستىك قاقپاسىنىڭ سىرتقى باسپالداعىنىڭ ەكى جاعىندا قۇرمەت قاراۋىلى تۇردى. جۇڭگودا تۇرۋعا جاڭادان تاعايىندالعان باس ەلشىلەر بىرىنەن سوڭ ءبىرى كەلىپ، باسپالداقپەن جوعارى كوتەرىلىپ، بەيجيڭ زالىنا كىردى. «بەيجيڭنىڭ توبەسىنەن تۇسىرىلگەن سۋرەتى» الدىندا، باس ەلشىلەر ءتارتىپ بويىنشا شي جينپيڭگە مەملەكەت جولدامالارىن تاپسىردى، شي جينپيڭ ولارمەن ءبىر - بىرلەپ قول الىستى جانە سۋرەتكە ءتۇستى.
  جۇڭگودا تۇرۋعا جاڭادان تاعايىندالعان وسى 8 باس ەلشى: البانيانىڭ جۇڭگودا تۇراتىن باس ەلشىسى بەلورتايا، مەكسيكانىڭ جۇڭگودا تۇراتىن باس ەلشىسى بەرنال، قىرعىزستاننىڭ جۇڭگودا تۇراتىن باس ەلشىسى ۇسەنوۆ، بوتسۆانانىڭ جۇڭگودا تۇراتىن باس ەلشىسى پالاي، گانانىڭ جۇڭگودا تۇراتىن باس ەلشىسى بواتڭ، ا ق ش - تىڭ جۇڭگودا تۇراتىن باس ەلشىسى برانستاد، فرانسيانىڭ جۇڭگودا تۇراتىن باس ەلشىسى لي شياڭ، كوستاريكانىڭ جۇڭگودا تۇراتىن باس ەلشىسى رودەريگەس.
  شي جينپيڭ ءار ەلدىڭ باس ەلشىلەرىنىڭ جۇڭگودا جاڭا مىندەت وتەۋىن قارسى الدى، ولارعا ءارقايسى قاتىستى ەلدەردىڭ باسشىلارى مەن حالقىنا ءوزىنىڭ شىنايى سالەمى مەن تاماشا تىلەگىن جەتكىزۋدى تاپسىردى، ول جۇڭگو ۇكىمەتىنىڭ ءار ەلدىڭ باس ەلشىلەرىنىڭ مىندەت وتەۋىنە قولايلىلىق جاراتاتىندىعىن جانە قولداۋ كورسەتەتىندىگىن اتاپ كورسەتىپ، باس ەلشىلەردىڭ كوپىرلىك جانە دانەكەرلىك رول اتقارىپ، ەكى جاق قاتىناسىنىڭ دامۋىن ىلگەرىلەتۋگە بەلسەندى ۇلەس قوسۋىن ءۇمىت ەتتى. شي جينپيڭ جۇڭگونىڭ ءار ەلمەن اراداعى تاماشا قاتىناسى مەن ءداستۇرلى دوستىعىنا بەلسەندى باعا بەرىپ، جۇڭگونىڭ ءار ەلمەن ساياسي سەنىمدىلىكتى كۇشەيتۋدە، ناقتى سەلبەستىكتى ىلگەرىلەتۋدە، گۋمانيتارلىق بارىس - كەلىستى تەرەڭدەتۋدە، ەكى جاق قاتىناسىن جەبەۋدە ۇزدىكسىز تىڭ ىلگەرىلەۋشىلىككە قول جەتكىزۋدى قالايتىندىعىن اتاپ كورسەتتى.
  ءار ەلدىڭ باس ەلشىلەرى وزدەرىنىڭ مەملەكەت باسشىسىنىڭ شي جينپيڭگە جولداعان شىنايى سالەمىن جەتكىزىپ، ءار ەلدىڭ جۇڭگومەن قاتىناستارىن دامىتۋعا باسا ءمان بەرەتىندىگىن، حالىقتار ارا دوستىقتى قاستەرلەيتىندىكتەرىن ءبىلدىرىپ، «ءبىر بەلدەۋ، ءبىر جول» ستراتەگياسى قاتارلى ءوزارا پايدا جەتكىزەتىن سەلبەستىكتى تەرەڭدەتۋدى ءۇمىت ەتتى. باس ەلشىلەر بىلاي دەدى: جۇڭگوعا ەلشى بولىپ كەلگەندىگىمىزدى داڭق سەزىنىپ، ەكى ەل حالقىنىڭ ءوزارا تۇسىنىگى مەن سەنىمىن كۇشەيتۋگە، ەكى ەلدىڭ ءار سالاداعى بارىس - كەلىسى مەن سەلبەستىگىن ىلگەرىلەتۋگە كۇش شىعارامىز.
ءان الەمى

جول توسىلىپ قالدى

تۇلپارىم