باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ەتەنە قامقورلىق تيانشاندى نۇرلاندىردى، شىنايى تاپسىرما العا ۇمتىلۋ جىگەرىن ۇشتادى

    كەلۋ قاينارى: شينجياڭ گازەتى    2017-07-14 18:40:28  

−ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭنىڭ شينجياڭدا قىزمەت تەكسەرگەندىگى تۋرالى
ءتىلشىمىز ياۋ تۇڭ

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ 9 - شىلدەدە شينجياڭ جيفا حۋاحى كيىم - كەشەك شەكتى سەرىكتەستىگىنە كەلىپ، كاسىپورىننىڭ ءوندىرىس، تيجارات احۋالى مەن جەرگىلىكتى ورىنداعى بۇقارانى جۇمىسقا ورنالاستىرۋ جاعدايىن ەگجەي - تەگجەيلى ۇعىستى.سۋرەتتى ءتىلشىمىز سۇي جىجيان تۇسىرگەن

جاز ءجازيراسىنا شومىلعان وڭتۇستىك شينجياڭ، جاسىل جەلەك جامىلعان القاپ، قاۋىن - قاربىز، جەمىس - جيدەكتىڭ حوش ءيىسى اڭقىعان دالا؛ شىلدە ايىنداعى قاشقاردا شاتتىق كۇلكىسى ەسىپ، بار الاپتان ومىرشەڭدىك كۇش مەن مۇندالادى.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ 9 - شىلدەدەن 11 - شىلدەگە دەيىن ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى سۇن چۇنلاننىڭ، ورتالىق كوميتەت شۋجيچۋىنىڭ شۋجيى، مەملەكەتتىك كەڭەستىڭ مۇشەسى، مەملەكەتتىك كەڭەستىڭ باس حاتشىسى ياڭ جيڭنىڭ جانە اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگونىڭ سەرىك بولۋىندا ىلگەرىندى - كەيىندى قاشقار ايماعىندا جانە بيڭتۋاننىڭ 3 - ديۆيزياسىندا قىزمەت تەكسەرىپ، ءار ۇلت كادر - بۇقاراسىنا ىقىلاستى تۇردە امانداستى جانە ولاردان حال سۇرادى، شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ماجىلىسىنە قاتىناستى ءارى ماڭىزدى ءسوز سويلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن قويۋ سۇيىسپەنشىلىگىن، شينجياڭداعى ءار ۇلت حالقىنا بولعان تەرەڭ دوستىعىن جەتكىزدى.
  پارتيا 18 - قۇرىلتايىنان بەرى، ءتوراعا يۇي جىڭشىڭ شينجياڭ قىزمەتىنە وسكەلەڭ ءمان بەرىپ كەلەدى، بۇل ونىڭ شينجياڭدا 9 - رەت قىزمەت تەكسەرۋى، تەكسەرۋ - زەرتتەۋ جۇرگىزۋى. يۇي جىڭشىڭ ءتوراعا تيانشاننىڭ تۇستىگى مەن تەرىستىگىن ارالاپ، شينجياڭنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات دايەكتىلەندىرۋىنە، تياناقتاندىرۋىنا جەتەكشىلىك ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭعا قاراتقان ەرەكشە قامقورلىعىن سان مىڭداعان وتباسىلارىنا جەتكىزىپ، شينجياڭنىڭ قوعام ورنىقتىلىعى مەن باياندى تىنىشتىعىنا قىرۋار زەيىن - زەردەسىن سارىقتى، قۋاتتى قوزعاۋشى كۇش ۇستەدى، پارمەندى جەتەكشىلىك ەتتى. شينجياڭداعى 23 ميلليوننان استام ءار ۇلت كادر - بۇقاراسى مەيىر - شاپاحاتتى بارىنشا سەزىنىپ، جىگەرلەنە ءتۇستى.
  «مەن بەيجيڭ تيان - انمىندى سۇيەمىن، تيان - انمىن كەڭىستىگىندە كۇن كوتەرىلىپ كەلەدى...»، «مەن جۇڭگونى سۇيەمىن، كورىكتى وتانىم...». قاشقار قالاسىنىڭ نازارباق قالاشىعى جوعارعى قازارىق قىستاعىنداعى «قوس ءتىلدى» بالا باقشا كلاسىنان قۇلاققا تانىس ءان اۋەنى مەن داۋىستاپ وقىعان داۋىس ەستىلدى.
  «اتاي، سالەمەتسىز بە! اتاي، سالەمەتسىز بە!» يۇي جىڭشىڭنىڭ كلاسقا كەلگەنىن كورگەندە ءان ايتىپ جاتقان بالالار تەگىس امانداستى. بالالاردىڭ ۇسىنىسىمەن يۇي جىڭشىڭ قولىنا رەڭدى قۇم قاعاز الىپ، بالالاردىڭ اراسىنا بارىپ، ولارمەن بىرگە ويىن وينادى.
  يۇي جىڭشىڭ ءتوراعا 5 جاستاعى ناجيانى مەيىرلەنە قۇشاعىنا الدى. «تۇستە نە تاماق جەدىڭ؟»، «پالاۋ جەدىم». «بالا باقشانى جاقسى كورەسىڭ بە؟»، «جاقسى كورەمىن». يۇي جىڭشىڭنىڭ تاپتەشتەي سۇراعىنا ناجيا جاتتىق حانزۋ تىلىندە جاۋاپ قايتاردى، اتا مەن نەمەرە ەكەۋى ءماز - ءمايرام بولدى.
  بالا باقشانىڭ «قوس ءتىلدى» دىبىستى بالالار كىتابى سارايىندا بالالار كوپ مەديالى قۇرىلعىلار ارقىلى «مەن جۇڭگونى سۇيەمىن» ساباعىن ۇيرەنىپ جاتقان - دى. يۇي جىڭشىڭ ءبىر جاعىنان وقىتۋ ماتەريالدارىن زەر سالا پاراقتاپ كورسە، ەندى ءبىر جاعىنان وقىتۋشىلاردىڭ قىزمەت جاعدايىن تاپتەشتەي سۇراپ، كوپشىلىككە العىس ايتتى ءارى ولاردى وتاننىڭ گۇلىن جاقسى باۋلۋعا، جاقسى تاربيەلەۋگە ىنتالاندىردى. يۇي جىڭشىڭ مىنالاردى باسا دارىپتەدى: وقۋ - اعارتۋ، اسىرەسە، «قوس ءتىلدى» تاربيە حالىقتىڭ ساپاسىن جوعارىلاتۋعا جانە دارىندىلاردى باۋلۋعا قاتىستى بولىپ قالماستان، ونىڭ ۇستىنە ۇلتتار ىنتىماعى مەن باياندى تىنىشتىققا سايادى، سوندىقتان ونى پارمەندى، ۇتىمدى شارالاردى قولدانۋ ارقىلى ۇزدىكسىز ىلگەرىلەتۋ كەرەك. يۇي جىڭشىڭ تاعى بالالارعا سومكە، وقىتۋ قۇرالى جانە بالالار كىتابىن ۇسىنىپ، ولاردى كوڭىلدى ۇيرەنىپ، اقاۋسىز ەسەيىپ - ەرجەتۋگە ىنتالاندىردى.
  يۇي جىڭشىڭ وڭتۇستىك شينجياڭداعى ءار ۇلت بۇقاراسىنىڭ تۇرمىس جاعدايىنا ەرەكشە كوڭىل ءبولدى. ول قاشقار قالاسى داۋلەتباق اۋىلى ىنتىماق تۇرعىندار رايونىنىڭ حالىققا قولايلى قىزمەت كورسەتۋ ورتالىعىنا بارعاندا، الەۋمەتتىك اۋماق قىزمەتكەرلەرىمەن ىقىلاستى تۇردە اڭگىمەلەسىپ، الەۋمەتتىك اۋماقتىڭ باسقارۋ، حالىققا قولايلى قىزمەت كورسەتۋ جانە تۇرعىنداردىڭ تۇرمىس جاعدايىن ۇعىستى. يۇي جىڭشىڭ مىنالاردى اتاپ كورسەتتى: نەگىزگى ساتى قىزمەتىندە بۇقارانى باقىتقا كەنەلتۋدى شىن كوڭىلمەن ويلاپ، ءار ۇلت بۇقاراسىنىڭ ناقتى مۇددەگە قول جەتكىزىپ، پارتيانىڭ قامقورلىعى مەن مەيىرىن شىنايى سەزىنۋىنە مۇمكىندىك جاساۋ كەرەك.
اعاش ساياسىندا سالقىنداپ وتىرعان بۇقارانى كورگەن يۇي جىڭشىڭ كوپشىلىكپەن ىرىقتى تۇردە امانداستى، تۇرعىندار دا يۇي جىڭشىڭ توراعامەن سالەمدەستى. الەۋمەتتىك اۋماق پارتيا ياچەيكاسىنىڭ شۋجيى مۇنيرا نۇرمامەت: تۇرعىندار رايونىندا 7 ۇلت بار، كوپشىلىك ادەتتەگى كەزدە ءبىر - بىرىمەن ارالاسىپ تۇرادى، قيىنشىلىق بولسا، ءوزارا كومەكتەسەدى، بوس ۋاقىتتارىندا بىرگە كوڭىل اشادى، ءبىر - بىرىمەن وتە جاقسى وتەدى، - دەدى. يۇي جىڭشىڭ بىلاي دەدى: ۇلتتار ىنتىماعى ءار ۇلت حالقىنىڭ جان تامىرى، سوندىقتان تىنىش، ىنتىماقتى تاماشا جاعدايدى ەرەكشە قاستەرلەپ، سۇيىسپەنشىلىكتى ۇزدىكسىز تەرەڭدەتىپ، سەنىمدى ارتتىرىپ، اناردىڭ دانىندەي تىعىز ۇيىسۋ كەرەك. پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعى تاربيەسىن كۇشەيتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءار ۇلت بۇقاراسىنىڭ «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتۋىنا، «5 ورتاق تانىمدى» نىعايتۋىنا مۇمكىندىك جاساۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ 10 - شىلدەدە قاشقار قالاسىنىڭ نازارباق قالاشىعى جوعارعى قازارىق قىستاعىنداعى «قوس ءتىلدى» بالالار باقشاسىنا كەلىپ، بالالاردىڭ تۇرمىس، ۇيرەنۋ جاعدايىن ەگجەي - تەگجەيلى ۇعىسىپ، ولاردى جاقسى ۇيرەنىپ، كوڭىلدى ەسەيىپ - ەرجەتۋگە ىنتالاندىردى. سۋرەتتى ءتىلشىمىز سۇي جىجيان تۇسىرگەن

 وسىدان كەيىن، يۇي جىڭشىڭ ساقا پارتيا مۇشەسى تۇراق سۇپيدىڭ ۇيىنە بارىپ، ءبىر ءۇيلى ادامدارمەن بىرگە وتىرىپ، اڭگىمە دۇكەنىن قۇردى. «بالالارىڭ قايدا قىزمەت ىستەيدى؟ كىرىستەرىڭ قالاي؟ تۇرمىستارىڭدا قيىنشىلىق بار ما؟»، «جاعدايىمىز جاقسى، ءبىر جىلدا 40 مىڭ دا 50 مىڭ يۋان كىرىس كىرگىزەمىز، بالالارىمنىڭ ىشىندە الەۋمەتتىك اۋماقتا قىزمەت ىستەيتىندەرى دە، جەكە ساۋدامەن شۇعىلداناتىندارى دا بار، ءبارىنىڭ جاعدايى جاقسى». يۇي جىڭشىڭ كۇلىمسىرەي بىلاي دەدى: وتان قۇدىرەتتەنگەن سايىن، ءار ۇلت حالقىنىڭ تۇرمىسى، ءسوز جوق، جاقسارا تۇسەدى، كوپشىلىك، ءسوز جوق، ونان ارمان باقىتقا كەنەلەتىن بولادى.
  قوشتاساردا تۇراق سۇپي يۇي جىڭشىڭنىڭ قولىن قاتتى قىسىپ تۇرىپ: ءسىز شينجياڭداعى ءار ۇلت حالقىنىڭ پارتيا ورتالىق كوميتەتىنە، باس شۋجي شي جينپيڭگە دەگەن العىستى سەزىمىن جەتكىزىپ قويىڭىز، ءبىز استانا بەيجيڭنەن الىس بولساق تا، تىلەگىمىز ماڭگى پارتيا ورتالىق كوميتەتىمەن، باس شۋجي شي جينپيڭمەن بىتە قايناسقان، ماڭگى پارتيانىڭ ۇنىنە قۇلاق اسامىز، پارتياعا ىلەسەمىز، - دەدى.
  تەكسەرۋ - زەرتتەۋ كەزىندە، يۇي جىڭشىڭ تاعى قاشقار قالاسىنىڭ نانحۋ حالىققا قولايلى ساقشى ىستەرى پۋنكتىنە كەلىپ، شىجىعان ىستىقتا كەزەكشىلىكتە تۇرعان قوعام حاۋىپسىزدىگى حالىق ساقشىلارىنا شىنايى امانداستى جانە ولاردان حال سۇرادى، كوپشىلىكتى شينجياڭنىڭ قوعام جاراسىمدىلىعىن، ورنىقتىلىعىن باتىل قورعاپ، ءار ۇلت بۇقاراسىنا تاماشا قىزمەت، تۇرمىس ورتاسىن جاراتۋعا ىنتالاندىردى. يۇي جىڭشىڭ بىلاي دەدى: قالىڭ قوعام حاۋىپسىزدىگى حالىق ساقشىلارى جانە ورنىقتىلىقتى قورعاۋ كۇشتەرى ورنىقتىلىقتى قورعاۋدىڭ ءبىرىنشى شەبىندە ۇزاق ۋاقىت كۇرەس جاساپ، ەرەكشە جاپا شەكتى، ولاردىڭ قىزمەتى كىسىنى قاتتى سۇيسىندىرەدى، ولارعا شىنايى قامقورلىق جاساپ، ولاردى ايالاپ، كوپشىلىكتىڭ جالىندى ومىرشەڭدىك كۇش پەن پارمەندى جاۋىنگەرلىك قۋاتتى قاي - قاشان دا ساقتاۋىنا مۇمكىندىك جاساۋ كەرەك.
  يۇي جىڭشىڭ توقىماشىلىق، كيىم - كەشەك شارۋاشىلىعىنىڭ دامۋى مەن جۇمىسقا ورنالاستىرۋعا قوزعاۋشىلىق ەتۋ جاعدايىنا ۇزبەي كوڭىل ءبولىپ كەلدى. ول يەڭەسار اۋدانىنىڭ كيىم - كەشەك شارۋاشىلىق باقشاسىنا، بيڭتۋان 3 - ديۆيزياسىنىڭ 41 - پولكىندەگى دۇڭچۇنشيڭ كيىم - كەشەك شارۋاشىلىق باقشاسىنا ىلگەرىندى - كەيىندى بارىپ، ەڭبەككۇش شوعىرلانعان كاسىپورىنداردىڭ اۋىل - قىستاقتارداعى ارتىق ەڭبەككۇشتەردى جۇمىسقا ورنالاستىرۋ جاعدايىن ۇعىستى.
  شينجياڭ جيفا حۋاحى كيىم - كەشەك شەكتى سەرىكتەستىگى − شاندۇڭ ولكەسىنىڭ شينجياڭعا كاسىپ سالاسى جاعىنان باعىتتامالى كومەكتەسۋ نىسانى ەدى، 2015 - جىلى قاراشادا قارجى قوسىپ سالىنعان سەرىكتەستىك جەرگىلىكتى ورىنداعى از ۇلت جۇرتشىلىعىنان 200 نەشە ادامدى زاۆودقا جۇمىسشىلىققا قابىلداپ ۇلگىرىپتى، بولاشاقتا توڭىرەكتەگى 2000 ادامدى جۇمىسقا ورنالاستىرۋ جوسپارلانىپ وتىر ەكەن. جاساندى شاش جاساۋ سەحى مەن كيىم - كەشەكتى ءپىشۋ، تىگۋ، قوراپتاۋ سەحىندا يۇي جىڭشىڭ ارالاي ءجۇرىپ كوزدەن كەشىرىپ، جۇمىسشى - قىزمەتشىلەرمەن ءالسىن - ءالى ىقىلاستى كەڭەسىپ، تەحنيكالىق ونەرگە تاربيەلەۋ، ەڭبەكاقى كىرىسى، وتباسى تۇرمىسى سياقتى جاعدايلاردى ەگجەي - تەگجەيلى ۇعىستى. ءاربىر جۇمىسشىنىڭ ايىنا 2000 يۋان مولشەرىندە ەڭبەكاقى الاتىنىن، قازىردىڭ وزىندە وتباسىنىڭ تۇرمىس شارت - جاعدايىن ايتارلىقتاي جاقسارتقانىن بىلگەن يۇي جىڭشىڭ بۇعان ءدان ريزا بولدى ءارى كوپشىلىكتى ۇزدىكسىز قۇلشىنىپ، ەڭبەكشىل قوس قولدارىنا سۇيەنىپ اناعۇرلىم تاماشا تۇرمىس كەشىرۋگە ىنتالاندىردى؛ كاسىپورىندى شارۋاشىلىق تىزبەگىن بەلسەندى ۇزارتىپ، ءوندىرىس كولەمىن كەڭەيتىپ، اناعۇرلىم جاقسى دامىپ، اناعۇرلىم كوپ قىزمەت ورنىن ازىرلەۋگە شابىتتاندىردى.
  يەڭەسار جۇڭشيڭ قولعاپ زاۆودى «باس شتاپ + قوسالقى زاۆود» تيجارات فورماسىن قولدانىپ، توڭىرەكتەگى اۋىل - قىستاقتار مەن الەۋمەتتىك اۋماقتاردا 17 قوسالقى زاۆود سالىپ، جەرگىلىكتى ورىنداعى 3000نان استام ءار ۇلت جۇرتشىلىعىن ءوز ۇيلەرىنىڭ ماڭىندا جۇمىسقا ورنالاستىردى. جۇمىسشى باينۇرحان وبۇل يۇي جىڭشىڭعا بىلاي دەدى: «جولداسىم ەكەۋىمىز ايىنا 5000 يۋاننان استام كىرىس كىرگىزەمىز، ءبيداي وراتىن كەزدە زاۆود 3 كۇن دەمالىس بەردى. ەرلى - زايىپتى ەكەۋىمىز اقشا تابۋمەن بىرگە، وتباسىمىزدىڭ ەگىس جۇمىستارىن دا اقساتپادىق، ءۇي ماڭىندا جۇمىسقا ورنالاسۋ شىنىندا دا كەرەمەت بولدى». يۇي جىڭشىڭ كاسىپورىننىڭ تيجارات فورماسىنا جاڭالىق ەنگىزۋ ءتاسىلىن تولىق تۇراقتاندىردى. ول بىلاي دەپ اتاپ كورسەتتى: جۇمىسقا ورنالاستىرۋ − حالىق تۇرمىسىنىڭ نەگىزى، ەڭ ۇلكەن حالىق تۇرمىسى ينجەنەرياسى، حالىق تىلەگى ينجەنەرياسى، ىرگە تاس ينجەنەرياسى سانالادى، ءسوز جوق، مىقتى يگەرۋ، ناقتى يگەرۋ، تىڭعىلىقتى يگەرۋ كەرەك. شارۋاشىلىق، ءبىر جاعىنان، ەكونوميكالىق دامۋعا سايسا، ەندى ءبىر جاعىنان، بۇقارانىڭ جۇمىسقا ورنالاسۋىنا سايادى، ول جۇمىسقا ورنالاسۋداعى نەگىزگى بەتالىس. ءسوز جوق، بەلسەنە شارت - جاعداي ازىرلەپ، ونى زور كۇشپەن العا ىلگەرىلەتۋ كەرەك.
  شينجياڭ دۇڭچۇنشيڭ توقىماشىلىق شەكتى سەرىكتەستىگى نىسانى بيڭتۋاننىڭ 3 - ديۆيزياسىنىڭ 41 - پولكىنە ىرگە تەپكەن 3 جىلدان بەرى، تىنباي دامىپ الۋەتتەنىپ، 1 - مەرزىمدەگى 300 مىڭ ۇرشىققا تۋرا كەلەتىن ءجىپ ءيىرۋ نىسانى 2016 - جىلى ماۋسىمدا وندىرىسكە قوسىلدى، 2 - مەرزىمدەگى 300 مىڭ ۇرشىققا تۋرا كەلەتىن نىسان بيىل جىل سوڭىندا وندىرىسكە قوسىلادى، 3 - مەرزىمدىك نىسان سالىنىپ بولعاننان كەيىن، جىلدىق ءونىم قۇنى 3 ميلليارد يۋاننان اسىپ، 5000 قىزمەت ورنىن ازىرلەپ بەرەدى. يۇي جىڭشىڭ سەرىكتەستىكتىڭ باقىلاۋ، جۋان ءجىپ جانە جىڭىشكە ءجىپ سەحىنا تەكسەرۋ جۇرگىزىپ، وسىندا قاتىستى كاسىپورىنداردىڭ جاۋاپتىلارىمەن جانە جۇمىسشىلارىمەن اڭگىمەلەسىپ، دامۋ جوسپارىن كوپشىلىكپەن بىرگە اقىلداستى. يۇي جىڭشىڭ بىلاي دەپ اتاپ كورسەتتى: توقىماشىلىق، كيىم - كەشەك شارۋاشىلىعى شينجياڭنىڭ باسىمدىعى مەن كومەسكى كۇشىنىڭ كوزى، سونداي - اق جۇمىسقا ورنالاستىرۋعا قوزعاۋشىلىق ەتەتىن ەڭ ءونىمدى تۇعىر. توقىماشىلىق، كيىم - كەشەك شارۋاشىلىعى ۋاكىل بولعان ەڭبەككۇش شوعىرلانعان شارۋاشىلىق پەن ەرەكشە باسىمدىققا يە شارۋاشىلىقتى زور كۇشپەن سۇيەمەلدەپ جانە الدىمەن دامىتىپ، قولداۋ سەرپىنىن ارتتىرىپ، دامۋ ورتاسىن تىنباي ساپالىلاندىرىپ، كاسىپورىن دامىپ، جەرگىلىكتى ورىن ەكونوميكاسى كوركەيىپ، بۇقارانىڭ جۇمىسقا ورنالاسۋىنا قوزعاۋشىلىق ەتەتىن يگىلىكتى جاعدايدى قۇلشىنا جۇزەگە اسىرۋ كەرەك.
  ەتەنە قامقورلىق تيانشاندى نۇرلاندىردى، شىنايى تاپسىرما العا ۇمتىلۋ جىگەرىن ۇشتادى. بۇكىل شينجياڭداعى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە بارىنشا تىعىز ىنتىماقتاسىپ، ءتوراعا يۇي جىڭشىڭنىڭ شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ماجىلىسىنە قاتىناسقاندا سويلەگەن ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى وراي ەتىپ، قوزعاۋشى كۇش ەتىپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن، وتە - موتە، شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى قۇلشىنا قۇرىپ، پارتيانىڭ 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الادى.

ءان الەمى

جول توسىلىپ قالدى

تۇلپارىم