باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزدا قالا مەن اۋىل-قىستاق تۇرعىندارىنىڭ تۇرمىستا پايدالاناتىن ەلەكتر باعاسى توراپ باعاسىمەن تەڭەستىرىلدى

    كەلۋ قاينارى: شينجياڭ حالىق راديو ىستانسياسى    2017-07-15 10:09:10  

ءتاڭىرتاۋ تورابىنىڭ حابارى: رايونىمىزدا قالا مەن اۋىل-قىستاق تۇرعىندارىنىڭ تۇرمىستا پايدالاناتىن ەلەكتر باعاسى توراپ باعاسىمەن تەڭەستىرىلىپ، ءار كيلوۆات ساعات ەلەكتردىڭ باعاسى 39 فىنعا رەتتەلىپ، ءار وتباسىنىڭ تۇتىنۋ شىعىسى جىلىنا ورتا ەسەپپەن 190 يۋان مولشەرىندە ازايعان. بۇل ءتىلشىنىڭ 13-شىلدە اۆتونوميالى رايوندىق ەلەكترلەنگەن شينجياڭ قىزمەتىن سايكەستىرۋ كەڭسەسنەن ۇعىسقان حابارى.
قالا مەن اۋىل-قىستاق تۇرعىندارىنىڭ تۇرمىستا پايدالاناتىن ەلەكتر باعاسىن توراپ باعاسىمەن تەڭەستىرۋ ەلىمىزدىڭ ەلەكتر باعاسى رەفورماسىنداعى ماڭىزدى قىزمەتتەردىڭ ءبىرى ەسەپتەلەدى. ىلگەرى تاريحتان قالىپتاسقان ەسەپتەۋ ءتۇزىلىسى مەن ءار قايسى باعا رايونىنىڭ ەكونوميكاسى مەن قوعام دامۋىنىڭ بىركەلكى بولماۋى سەبەبىنەن، شينجياڭدا ءار ايماق، وبلىس، قالالاردىڭ جانە بيڭتۋاننىڭ قالا مەن اۋىل-قىستاق تۇرعىندارىنىڭ تۇرمىستا پايدالاناتىن ەلەكتر باعاسى توراپ باعاسىمەن تەڭەستىرىلمەگەن، سول سەبەپتى مەملەكەتتىك ەلەكتر تورابى شينجياڭ ەلەكتر ەنەرگيا سەرىكتەستىگى جانە بيڭتۋان قاتارلى ورىنداردىڭ ەلەكتر تورابى ىشىندەگى ءارقايسى باعا رايونىنداعى تۇرعىندارىنىڭ تۇرمىستا پايدالاناتىن ەلەكتر باعاسى اراسىندا پارىق زور بولىپ كەلگەن بولاتىن. باعانى تەڭەستىرۋدەن ىلگەرى جەر-جەردەگى تۇرعىنداردىڭ تۇرمىستا پايدالاناتىن ەلەكترىنىڭ ءار كيلوۆات ساعاتىنىڭ باعاسى 45 فىننان 63 فىن ارالىعىندا بولىپ كەلگەن.
بيىل 1-شىلدەدەن باستاپ، اۆتونوميالى رايونىمىز ايماق، وبلىس، قالالارداعى تۇرعىنداردىڭ تۇرمىستا پايدالاناتىن ەلەكتر باعاسىن توراپ باعاسىمەن تەڭەستىرىپ ءبىر تۇتاس باعا ءتۇزىمىن اتقارىپ، ەلەكتردىڭ ءار كيلوۆات ساعاتىنىڭ باعاسىن 39 فىنعا رەتتەدى، مۇنان بۇكىل شينجياڭنىڭ قالا جانە اۋىل-قىستاقتارىنداعى تۇرعىندارىنىڭ تۇرمىستا پايدالاناتىن ەلەكتر تۇتىنۋ شىعىسى ءبىر ميلليارد 300 ميلليون يۋان ازاياتىن بولادى. مۇندا رەتتەۋ كولەمى زور بولىپ، ەلەكتر باعاسى نەداۋىر تومەندەتىلگەنى تارباعاتاي ايماعى، قاشقار ايماعى، قىزىلسۋ قىرعىز اۆتونوميالى وبلىسى، تۇرپان قالاسى سياقتى جەرلەر بولعان.

ءان الەمى

جول توسىلىپ قالدى

تۇلپارىم