باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايونىمىزدا كومىر باعاسى ءىرى اۋىل شارۋاشىلىق ونىمدەرىمەن بىرگە باعا باقىلاۋ كولەمىنە ەنگىزىلدى

    كەلۋ قاينارى: شينجياڭ حالىق راديو ىستانسياسى    2017-07-16 02:07:24  

ءتاڭىرتاۋ تورابىنىڭ حابارى: ءتىلشىنىڭ قاتىستى جاقتاردان ۇعىسۋىنشا، جۋىردا، اۆتونوميالى رايونىمىزدا كومىر باعاسى ءىرى اۋىل شارۋاشىلىق ونىمدەرىمەن بىرگە باعا باقىلاۋ كولەمىنە ەنگىزىلگەن. كومىر اۆتونوميالى رايونىمىزدىڭ ماڭىزدى بولعان نەگىزگى ەنەرگيا تۇرىندەگى شيكىزاتى، ونىڭ باعاسىنداعى وزگەرىس ونەركاسىپتىڭ دامۋىمەن تىكەلەي بايلانىستى بولادى. كومىر باعاسىن باقىلاۋدى كۇشەيتكەندە كومىر بازارىنىڭ باعاسى مەن ونداعى وزگەرىس احۋالىن تولىق ءارى ويداعىداي يگەرىپ، ماكرولىق شارۋاشىلىققا شەشىم جاساۋعا ويداعىداي قىزمەت وتەۋگە بولادى.
ءتىلشىنىڭ اۆتونوميالى رايوندىق دامۋ-رەفورما كوميتەتىنەن ۇعىسۋىنشا، اۆتونوميالى رايونىمىزدىڭ كومىر باعاسىن باقىلاۋدا ىلە قازاق اۆتونوميالى وبلىسى، ءۇرىمجى قالاسى، قۇمىل ايماعى، اقسۋ ايماعى، بايىنعولين موڭعۇل اۆتونوميالى وبلىسى قاتارلى كومىر وندىرەتىن نەگىزگى وڭىرلەردەگى 10 ءىرى كومىر كاسىپورنىن مالىمەت الاتىن ورىن كولەمىنە ەنگىزگەن. مۇنىڭ ىشىندە ءۇرىمجى قالاسىنداعى ءتۇيىندى باقىلاناتىن ورىندار شىنحۋا شينجياڭ ەنەرگيا شەكتى جاۋاپكەرلىك سەرىكتەستىگى، حىنان ەنەرگيا حيميا-ونەركاسىپ شينجياڭ بولىمشە سەرىكتەستىگى، شينجياڭ لۇڭمي ەنەرگيا شەكتى جاۋاپكەرلىك سەرىكتەستىگى، شينجياڭ كوكس كومىر توبى شەكتى جاۋاپكەرلىك سەرىكتەستىگى سياقتى ورىندار مەن كاسىپورىنداردى قامتيدى ەكەن.
كومىر باعاسىن باقىلاۋ كورسەتكىشى كومىر كاسىپورىندارىنىڭ كومىر قازۋ، مانەرلەۋ بارىسىنداعى نەگىزگى ونىمدەرىنىڭ باجىنى قامتىعان كەننەن شىعۋ باعاسى مەن ساتۋ مولشەرىن مەڭزەيدى. كومىر باعاسىن باقىلاۋ كورسەتكىشى مەن ساندى مالىمەتى مەرزىم سايىن قاتىستى ورىندارعا جولدانىپ تۇرادى، ءار ايدىڭ 5-كۇنى باعا مالىمدەلەدى، ەگەر سەنبى-جەكسەنبى نەمەسە مەرەكە-مەيرام كۇندەرىنە تۋرا كەلسە مەرەكەدەن كەيىن مالىمدەلەدى.

ءان الەمى

جول توسىلىپ قالدى

تۇلپارىم