باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بەيجيڭ-شينجياڭ جوعارى قارقىندى تاس جولىندا اۆتوموبيل قاتىنادى

    كەلۋ قاينارى: شينجياڭ حالىق راديو ىستانسياسى    2017-07-17 13:44:49  

ستانسيامىزدىڭ ءتىلشىسى جين لەيدىڭ، قۇمىل راديو ستانسياسىنىڭ ءتىلشىسى جاۋ يەنىڭ حابارىن تىڭداڭىزدار: 15-شىلدە بەيجيڭ-شينجياڭ جوعارى قارقىندى تاس جولىنىڭ گانسۋدىڭ ميڭشۋيىنەن شينجياڭنىڭ قۇمىلىنا دەيىنگى بولەگىنە، گانسۋدىڭ بايگىداسىنان ميڭشۇيگە دەيىنگى بولەگىنە، ىشكى مۇڭعۇلدىڭ ليڭحىسىنان بايگىداعا دەيىنگى بولەگىنە اۆتوموبيل قاتىنادى، بۇل ليانيۇنگاڭ-قورعاس جوعارى قارقىندى تاس جولىنان كەيىن شينجياڭنان شىعاتىن 2-جوعارى قارقىندى تاس جولدىڭ تۇتاسقاندىعىن اڭعارتادى.
«بەيجيڭ-شينجياڭ جوعارى قارقىندى تاس جولىنىڭ گانسۋدىڭ ميڭشۋيىنەن شينجياڭنىڭ قۇمىلىنا دەيىنگى بولەگىنە اۆتوموبيل قاتىنادى».
تۇستەن بۇرىن بەيجيڭ-شينجياڭ جوعارى قارقىندى تاس جولىنىڭ گانسۋدىڭ ميڭشۋيىنەن شينجياڭنىڭ قۇمىلىنا دەيىنگى بولەگىنە اۆتوموبيل قاتىناۋ سالتى قۇمىلدىڭ لو-تو-جۋان-زى اقى الۋ پۋنكيتىندە وتكىزىلدى.بەيجيڭ-شينجياڭ جوعارى قارقىندى تاس جولى مەملەكەتتىك جوعارى قارقىندى تاس جول تورابىنداعى استانانى شارپيتىن لەنيانىڭ ەڭ سولتۇستىك جاعىنداعى نەگىزگى قاتىناس جولى، ەلىمىزدىڭ شىعىس سولتۇستىك، سولتۇستىك جۇڭگو، باتىس سولتۇستىك رايونىن تۇتاستىراتىن، ورتا ازيادان ەۆروپاعا دەيىنگى جەدەل تاس جول تاسىمال ارناسى.بەيجيڭ-شينجياڭ جوعارى قارقىندى تاس جولى بەيجيڭنەن باستالىپ، حىبي، ىشكى مۇڭعۇل، گانسۋدى باسىپ ءوتىپ، سوڭىندا ۇرىمجىگە جەتەدى، جالپى ۇزىندىعى 2 مىڭ 768 كيلومەتر.تاس جولعا اۆتوموبيل قاتىناعاننان كەيىن، بەيجيڭ مەن شينجياڭنىڭ اراسى تۇتاس لەنيا بويىنشا جوعارى قارقىندى تاس جول بولىپ، جول ءبىر مىڭ 300 كيلومەتردەن ارتىق قىسقاردى.

اۆتونوميالى رايوندىق قاتىناس تاسىمال مەڭگەرمەسىنىڭ ورىنباسار باستىعى لي جى-نۇڭ بىلاي دەدى: «ىشكى ولكەمەن ارامىزدى جاقىنداتتى، ەكىنشىدەن شينجياڭنان شىعاتىن جوعارى قارقىندى تاس جولدىڭ جاسالۋى ءبىزدىڭ ىشكى ولكەمەن قارىم-قاتىناسىمىزدى كۇشەيتەدى، ونىڭ ساياحاتتى، زات اينالىمىن، جىبەك جولى ەكونوميكالىق بەلدەۋىنىڭ دامۋىن جەبەۋدىڭ بارىندە ماڭىزدى ءمانى بار».
بەيجيڭ-شينجياڭ جوعارى قارقىندى تاس جولىنىڭ ىشكى مۇڭعۇل بولەگىنىڭ جالپى ۇزىندىعى 930 كيلومەتر، ەلىمىزدەگى ەڭ ۇزىن جوعارى قارقىندى تاس جول نىسانى؛ گانسۋ بولەگىنىڭ جالپى ۇزىندىعى 134 كيلومەتر؛ شينجياڭنىڭ ميڭشۇيىنەن قۇمىلعا دەيىنگى بولەگىنىڭ ۇزىندىعى 178 كيلومەتر، باستالعان جەرى شينجياڭ مەن گانسۋدىڭ شەكاراسىنداعى ميڭشۇيدىڭ ماڭى، باي-شان-چۋاندى، شۋاڭ-جيڭ-زى-شياڭدى، ۋ-تۇڭ-دا-چۋاندى، جيڭحۋاڭ تاس جولىن، يا-زى-چۋاندى باسىپ ءوتىپ، قۇمىلدىڭ لو-تو-جۋان-زىسىنا كەلىپ توقتاپ، مەملەكەتتىك تاس جول 30-لەنياسىنىڭ ليانيۇنگاڭ-قورعاس مەملەكەتتىك جوعارى قارقىندى تاس جولىنا تۇتاسادى.وسى جول بولەگى شينجياڭنىڭ تيانشانىنىڭ سولتۇستىك بوكتەرىندەگى ەكونوميكالىق بەلدەۋدىڭ شىعىستاعى شىعار اۋزىنا جالعاسىپ، شينجياڭنان شىعاتىن 2-ءىرى قاتىناس تورابىن قالىپتاستىردى، مۇنىڭ «ءبىر بەلدەۋ، ءبىر جول» قۇرىلىسىن جالعاستى ىلگەرىلەتۋدە ماڭىزدى ءمانى بار.قۇمىل قالالىق قاتىناس تاسىمال مەكەمەسى پارتگرۋپپاسىنىڭ شۋجيى باي جيانگو بىلاي دەدى:«زات اينالىمى وزىندىك قۇنىن ەسەپتەپ كورسەك، ءبىر توننا كيلومەتردەن از دەگەندە 390 يۋان تومەندەيدى، ءبىر مىڭ 300 كيلومەتر جولعا نەشە 10 توننا جۇكتەن كوپ قاراجات ۇنەمدەلەدى، بولاشاقتا زات اينالىمىن بارىنشا ىلگەرىلەتەتىندىگى جانە جەبەيتىندىگى داۋسىز، بۇل جولعا اۆتوموبيلدىڭ قاتىناۋى وزەكتىك رولىمىزدى اناعۇرلىم جوعارىلاتىپ، اناعۇرلىم كورنەكتىلەندىرەدى دەۋگە بولادى».

ءان الەمى

جول توسىلىپ قالدى

تۇلپارىم