باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شوكىرات زاكىر مەملەكەتتىك كەڭەس مۇھاجىرلار قىزمەتى كەڭسەسىنىڭ مەڭگەرۋشىسى چيۋ يۋانپيڭمەن جانە ونىڭ ساپارلاستارىمەن كەزدەستى

    كەلۋ قاينارى: شينجياڭ حالىق راديو ىستانسياسى    2017-07-17 17:37:52  
ستانسيامىزدىڭ حابارى: 16-شىلدە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مەملەكەتتىك كەڭەس مۇھاجىرلار قىزمەتى كەڭسەسىنىڭ مەڭگەرۋشىسى چيۋ يۋانپيڭمەن جانە ونىڭ ساپارلاستارىمەن كەزدەستى.
ورتالىقتىڭ شينجياڭ قىزمەتى جونىندەگى 2-رەتكى اڭگىمە ءماجىلىسىنىڭ جانە شينجياڭعا باعىتتامالى كومەكتەسۋ قىزمەتى جونىندەگى مەملەكەتتىك 6-رەتكى ءماجىلىستىڭ رۋحىن ىشكەرىلەي دايەكتىلەندىرۋ، تياناقتاندىرۋ ءۇشىن، مەملەكەتتىك كەڭەستىڭ مۇھاجىرلار قىزمەتى كەڭسەسى مەن اۆتونوميالى رايوندىق حالىق ۇكىمەتى مۇھاجىرلار قىزمەتى تۋرالى شينجياڭعا باعىتتامالى كومەكتەسۋدىڭ مەملەكەتتىك ءماجىلىسىن اشادى.چيۋ يۋانپيڭ مەن ونىڭ ساپارلاستارى وسى ماجىلىسكە قاتىناسۋ ءۇشىن، شينجياڭعا ارنايى كەلىپ وتىر.
شوكىرات زاكىر مەملەكەتتىك كەڭەس مۇھا‍جىرلار قىزمەتى كەڭسەسىنىڭ جانە تۋىسقان ولكە، قالالارداعى مۇھاجىرلار قىزمەتى جۇيەسىنىڭ شينجياڭدى ۇزاق ۋاقىتتان بەرى قولداپ جانە كومەكتەسىپ كەلگەنىنە العىس ايتتى، سونداي-اق شينجياڭنىڭ مۇھاجىرلار قىزمەتىنىڭ دامۋ احۋالىن تانىستىردى.ول بىلاي دەدى:جاقىنعى جىلداردان بەرى، ورتالىقتىڭ قاتىستى مينيسترلىكتەرىنىڭ، كوميتەتتەرىنىڭ بارىنشا جەبەپ، جان-جاقتان قيمىلداپ، شينجياڭعا قاتىستى مۇھاجىرلار قىزمەتىن مەملەكەتتىك دەڭگەيدە كۇش سالا ىلگەرىلەتۋىنىڭ ارقاسىندا، شينجياڭنىڭ مۇھاجىرلار قىزمەتى ايتارلىقتاي دامىدى.اۆتونوميالى رايوندىق پارتكوم مەن ۇكىمەت قوعام ورنىقتىلىعى مەن باياندى تىنىشتىق باس نىساناسىن كوزدەپ، شينجياڭعا قاتىستى شەتەلدەگى مۇھاجىرلار قىزمەتىنە ايىرىقشا كوڭىل ءبولىپ، ارناۋلى باسشىلىق گرۋپپاسىن قۇرىپ، ءبىر تۇتاس باسشىلىق ەتەتىن، سايكەسە قيمىلدايتىن، بىرلەسىپ ىلگەرىلەتەتىن ءونىمدى مەحانيزىم قالىپتاستىردى.مەملەكەتتىك كەڭەس مۇھاجىرلار قىزمەتى كەڭسەسىنىڭ شينجياڭنىڭ مۇھاجىرلار قىزمەتىن ۇزدىكسىز قولداۋىن، شينجياڭنىڭ مۇھاجىرلار قىزمەتىندە ۇزدىكسىز جاڭالىق اشىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا ءتىپتى دە ويداعىداي قىزمەت كورسەتۋىن ءۇمىت ەتەمىن.
چيۋ يۋانپيڭ بىلاي دەدى:شينجياڭ جىبەك جولى ەكونوميكالىق بەلدەۋى وزەكتى رايونىن قۇرۋدا، شەتەلدەگى مۇھاجىرلار بايلىعى ابزالدىلىعىن ساۋلەلەندىرۋ جاڭا جاعدايدا شينجياڭعا قاتىستى شەتەلدەگى مۇھاجىرلار قىزمەتىن جانە مۇھاجىرلار قىزمەتى جونىندە شينجياڭعا باعىتتامالى كومەكتەسۋ قىزمەتىن ويداعىداي ىستەۋدە توتەنشە ماڭىزدى رول اتقارادى.الداعى جەردە اۆتونوميالى رايونمەن تىلدەسۋدى، قارىم-قاتىناستى جانە سەلبەستىكتى اناعۇرلىم نىعايتىپ، شينجياڭنىڭ قوعام ورنىقتىلىعى مەن باياندى تىنشتىعىن ىسكە اسىرۋعا دەم بەرۋدى ءۇمىت ەتەمىز.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوننىڭ ورىنباسار ءتوراعاسى جاروللا يسامدين، مەملەكەتتىك كەڭەس مۇھاجىرلار قىزمەتى كەڭسەسىنىڭ ورىنباسار مەڭگەرۋشىسى تان تيانشيڭ كەزدەسۋدە بىرگە بولدى.
ءان الەمى

جول توسىلىپ قالدى

تۇلپارىم