باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ۇلتتار ىنتىماعى مەن قوعام ورنىقتىلىعىن قورعاۋشىلاردان بولايىق

    كەلۋ قاينارى: شينجياڭ گازەتى    2017-07-17 19:26:24  

اۆتونوميالى رايوندىق فينانس قىزمەتى كەڭسەسى پارتگرۋپپاسىنىڭ ورىنباسار شۋجيى، مەڭگەرۋشى راپقات نۇراقىمان

جۇڭحۋا ۇلتى ۇلى شاڭىراعى مەيىرگە تولى ۇلى شاڭىراق، ءار ۇلت حالقى ءبىر تۇتاس كوپ ۇلتتى مەملەكەتتىڭ ىرگەسىن بىرلىكتە قالاعان. نەشە مىڭ جىلدان بەرى، وسى بايابان توپىراقتا جاساپ جاتقان ءار ۇلت حالقى ۇلتتار ىنتىماعى مەن وتان تۇتاستىعىن قورعاۋدىڭ ابيىندى كارتيناسىن بىرلىكتە سالدى. شينجياڭنىڭ كوركەيىپ، دامۋىن ءوز باسىمنان كەشىرگەن جانە ات سالىسقان مەن رەفورما جاساپ، ەسىك اشقاننان بەرى، تۇتاس وتانىمىزدا جانە شينجياڭدا تۋىلعان وراسان زور وزگەرىستەرگە كۋاشى بولدىم، بىلتىردان بەرى، اۆتونوميالى رايوندىق پارتكومنىڭ حالىق تۇرمىسىنا تيىمدىلىك جاساۋ تەبىنىن ارتتىرۋى ءار ۇلت بۇقاراسىنىڭ باقىت كوەففيتسەنتى مەن تابىس سەزىمىن بارىنشا ارتتىردى، ايتسە دە، شەكارا ءىشى - سىرتىنداعى «ءۇش ءتۇرلى كۇشتەر» بولشەكتەۋشىلىك تۋدىرۋ ارام نيەتىنەن قايتقاندارى جوق، جۇرتتى الجاستىرىپ، جەلىكتىرىپ، داۋ - شار تۋدىردى، زورلىقتى كۇش، لاڭكەستىك ارەكەتتەرىمەن شۇعىلدانىپ، پارتيا مەن مەملەكەتتىڭ ەڭ جوعارى مۇددەسى مەن ءار ۇلت حالقىنىڭ ءتۇبىرلى مۇددەسىنە زيانكەستىك جاساۋعا سۇقتاندى، ءار ۇلت حالقىنىڭ ءبىر نيەت، ءبىر تىلەكتە ىنتىماقتاسىپ، جاپپاي دوڭگەلەك داۋلەتتى تۇرمىسقا تالپىنۋداي جارقىن بولاشاعىن بۇلدىرمەك بولدى.
  ۇيعۇر پارتيالى كادر ساناتىندا مەنىڭ وتانعا دەگەن العىس سەزىمىم جۇرەگىمە تەرەڭ ۇيالاعان، مەن بيڭتۋاندا ەسەيىپ - ەرجەتتىم، اكەم ەرتە كوز جۇمعان، ۇيعۇر، حانزۋ كورشىلەردىڭ قول ۇشىن بەرىپ كومەكتەسۋىندە باقىتتى بالالىق شاقتى باستان كەشىردىم. «ءار ۇلت حالقى اۋەلدە - اق ءبىر شاڭىراقتىڭ ادامدارى» دەگەن كوزقاراس مەنىڭ كوكەيىمە بەرىك ۇيالاعان.
  وڭتۇستىك شينجياڭداعى ءتۇيىندى ءوڭىر قاشقاردا قىزمەت ىستەگەن 12 جىلدا مەن قاشقار تاريحىندا تۋىلعان وزگەرىستەرگە كۋاشى، باستان كەشىرۋشى جانە ات سالىسۋشى بولدىم. مەملەكەت قاشقار بايىرعى قالا رايونىن وزگەرتىپ سالۋعا قارجى بوساتىپ، بايىرعى قالا رايونىنىڭ بەينەسىن شىت جاڭا ەتىپ وزگەرتتى، پارتيا ورتالىق كوميتەتى قاشقار ايماعىنا باعىتتاي جەر سىلكىنىسىنە ءتوزىمدى بەيقۇت ءۇي سالىپ، حالىقتى اۋقاتتاندىرۋ، ەمدەۋ، دەنساۋلىق ساقتاۋ، وقۋ - اعارتۋ، كەدەيلەردى سۇيەمەلدەپ، جۇمىسقا ورنالاستىرۋ جونىندە ءتيىمدى ساياساتتار شىعارىپ، قاشقار قالاسىنىڭ وسى زامانعى قالاعا اينالۋىنا مۇمكىندىك جاسادى.
  سوڭعى جىلدارى ۇيعۇر ۇلتىنان شىققان زورلىقتى كۇش لاڭكەستەرى سان الۋان ۇشقارى، زورلىقتى كۇش تاسىلدەرىمەن بەيكۇنا جانداردى قىناداي قىرىپ، ءومىردى اياق استى ەتتى، وسىنىڭ كەسىرىنەن ۇيعۇر ۇلتىنا «لاڭكەستەر» دەگەن ماسقارا ايدار تاعىلىپ، جاراسىمدى، باقىتتى تۇرمىسىمىز ءبۇلىندى. ءبىز، ءسوزسىز، «ءۇش ءتۇرلى كۇشتىڭ» ءار ۇلت حالقىنىڭ قاس جاۋى، قوعامنىڭ سىپىرىندىسى، ۇيعۇر ۇلتىنىڭ ازعىندارى، وتاسۋعا كەلمەيتىن قاس جاۋىمىز ەكەندىگىن ايقىن تانۋىمىز ءتيىس. مەن وڭتۇستىك شينجياڭداعى ءبىرىنشى شەپتە «ءۇش ءتۇرلى كۇشپەن» كۇرەس جاساعان تالاي جىلدان بەرى، «ءۇش ءتۇرلى كۇشكە» بارىنشا كەكتەنىپ، وشپەندىلىگىم ارتتى. مەن قالىڭ ۇيعۇر باۋىرلاستارعا «ءۇش ءتۇرلى كۇش» ادامزاتقا، قوعامعا، وركەنيەتكە قارسى باسىنان اسقان قىلمىس وتكىزدى، زورلىقتى كۇش لاڭكەستەرى الاستالمايىنشا، حالىقتىڭ تىنىش تىرشىلىك كەشۋىنەن، ۇلتتىڭ بولاشاعىنان ءۇمىت كۇتۋگە بولمايتىندىعىن ايتقىم كەلەدى.
  كەزەكتە لاڭكەستىككە قارسى تۇرىپ، ورنىقتىلىقتى قورعاۋدا بۇقارالىق قىزمەتتى ويداعىداي ىستەۋ شەشۋشى ساتتە تۇر،ءار دارەجەلى ۇيعۇر كادرلاردىڭ مايداندا بەرىك تۇرۋ - تۇرماۋىن سىن تارازىسىنا سالاتىن، جاۋاپكەرشىلىكتى باتىلدىقپەن ارقالاپ، اتويلاپ الدا جۇرەتىن، قيىنشىلىقتى جەڭىپ، قامال الاتىن ءتۇيىندى ءسات جەتتى. پارتيا ۇيىمى ۇزاق جىل باۋلىپ تاربيەلەگەن از ۇلت باسشى كادر رەتىندە مەن قوعام ورنىقتىلىعىن قورعاۋ، ۇلتتار ىنتىماعىن كۇشەيتۋدەي ۇلكەن دۇرىس پەن ۇلكەن بۇرىس ماسەلەسىندە باستان - اياق تانىمدا ءدۇدامال، پوزيتسيادا كۇڭگىرتتىككە سالىنبايمىن، ارەكەتتە تۇرلاۋسىز بولمايمىن، بورىشتى ەسىمە بەرىك ساقتاپ، مايدان - تۇرعىمدى بەكەمدەپ، ءتۇرلى «ىزىڭ - شۋىلدى» باتىل تويتارامىن، كەۋدە كەرە العا شىعىپ، «ءۇش ءتۇرلى كۇشپەن» جانە «ەكىبەتكەيلەرمەن» باتىل كۇرەس جاسايمىن؛ ءوز ۇلتىم اراسىندا بەلگىلى ىقپالعا يە بولۋداي باسىمدىعىمدى جەتە ساۋلەلەندىرىپ، پارتيانىڭ حالىققا تيىمدىلىك جاساۋداعى ءتۇرلى ساياساتتارىن كۇش سالا ۇگىتتەيمىن،ءوزىمنىڭ ونەگەلى ءىس - ارەكەتتەرىم ارقىلى از ۇلت جۇرتشىلىعىن باستاپ، ۇلتتىق بولشەكتەۋشىلىككە قارسى تۇرۋ، قوعام ورنىقتىلىعىن قورعاۋدىڭ قۇرىش قامالىن سوعۋعا قۇلشىنامىن.

ءان الەمى

جول توسىلىپ قالدى

تۇلپارىم