باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

يۇي شينجيان قارا جەمىستى شەتەن اعاشىن سىناق رەتىندە ەگىپ، تاماشا ونىمدىلىككە قول جەتكىزدى

    كەلۋ قاينارى: شينجياڭ حالىق راديو ىستانسياسى    2017-07-18 01:07:33  
ءتاڭىرتاۋ تورابىنىڭ حابارى: شاعانتوعاي اۋدانى التىنەمىل اۋىلى التىنەمىل قىستاعىنىڭ تۇرعىنى يۇي شينجيان 2015-جىلى 800 مۋ جەرگە پولشادان ەنگىزىلگەن قارا جەمىستى شەتەن اعاشىن سىناق رەتىندە ەگىپ، تاماشا ونىمدىلىككە قول جەتكىزدى. اۋداندىق پارتكوم مەن حالىق ۇكىمەتى جەرگىلىكتى ورىننىڭ اۋا رايىنا ۇيلەسەتىن شەتەن اعاشىن وسىرگەن يۇي شينجياننىڭ بۇل يگى ءىسىن شىنايى قولداپ-قۋاتتاعاننان كەيىن، ول ىلە-شالا «شينجياڭ رۇيياڭ اۋىل شارۋاشىلىق سەرىكتەستىگىن» قۇرىپ، شەتەن اعاشى ەگىلەتىن جەر اۋماعىن 6 مىڭ مۋعا كەڭەيتتى. ول بيىل، العاشقى توپتا 80 ميلليون يۋان قارجى شىعارىپ، 2 مىڭ مۋدان استام جەرگە قارا جەمىستى شەتەن اعاشىن ەكتى. مىنە، بۇل ءىس شارۋالاردىڭ ەگىنشىلىك قۇرىلىمىن رەتتەپ، كىرىستەرىن ارتتىرۋىنا تاماشا وراي اكەلدى.
شەتەن اعاشىنان انتوتسيان جانە سارى مىس ايىرىپ الۋعا بولادى. بۇل پولشادان لياۋنيڭعا، لياۋنيڭ ولكەسى ارقىلى وسى اۋدانعا ەنگىزىلگەن. بۇل جەمىس اعاشى شاعانتوعاي اۋدانىنىڭ جاراتىلىستىق شارت-جاعدايىنا ەرەكشە ۇيلەسەدى. ويتكەنى شينجياڭنىڭ كۇن نۇرى تۇسەتىن ۋاقىتى ۇزاق بولىپ، كۇن مەن ءتۇننىڭ تەمپەراتۋرا پارقى كورنەكتى بولادى، وسى اۋداندا ەگىلگەن شەتەن اعاشىنىڭ قۇرامىنداعى انتوتسياننىڭ مولشەرى لياۋنيڭدا ەگىلگەن شەتەن اعاشىنداعى انتوتسياننىڭ مولشەرىنەن ءۇش ەسە جوعارى تۇرادى ەكەن. بۇل جونىندە «شينجياڭ رۇيياڭ اۋىل شارۋاشىلىق سەرىكتەستىگىنىڭ» جاۋاپتىسى يۇي شينجيان: ونىمدەرىمىز جاپونيا، وڭتۇستىك كورەيا سياقتى ەلدەرگە ساتىلادى، بۇل جەمىستىڭ دەنساۋلىققا ەرەكشە پايدالى ەكەندىگى عىلمي زەرتتەۋ بارىسىندا دالەلدەنىپ وتىر. بەسىنشى جىلعا بارعاندا ءار مۋىنان الىناتىن مۋ باسىندىق ءونىمى ءبىر تونناعا جەتەدى، ءبىز باستاپقى باعا بويىنشا ەسەپتەگەندە ءبىر كيلوگرامىن 9 يۋاننان ساتاتىن بولساق،مۋ باسىنان 9 مىڭ دا 10 مىڭ يۋان ناق كىرىس كىرەدى»،-دەدى.
ءان الەمى

جول توسىلىپ قالدى

تۇلپارىم