جاڭا حابارلار

بيڭتۋاننىڭ وزىق حالىق جاساعى قوسىنى قۇرىلىسىن ىلگەرلەتۋ ءماجىلىسى بيڭتۋان 3-شىسى تۇمسىق قالاسىندا اشىلدى

    كەلۋ قاينارى: شينجياڭ حالىق راديو ىستانسياسى    2017-07-31 12:22:28  
ستانسيامىزدىڭ حابارى: بيڭتۋاننىڭ وزىق حالىق جاساعى قوسىنى قۇرىلىسىن ىلگەرلەتۋ ءماجىلىسى 29-شىلدە بيڭتۋان 3-شىسى تۇمسىق قالاسىندا اشىلدى. اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، ساياسي كوميسسارى سۇن جينلۇڭ ماجىلىسكە قاتىناستى، ءارى ءسوز سويلەدى. اۆتونوميالى رايوننىڭ ورىنباسار ءتوراعاسى، بيڭتۋان پارتكومىنىڭ ورىنباسار شۋجيى، سىليڭيۋانى پىڭ جيارۇي ءماجىلىستى باسقاردى.
سۇن جينلۇڭ بىلاي دەپ اتاپ كورسەتتى: «وزىق حالىق جاساعى قوسىنىن قۇرۋ» باس شۋجي شي جينپيڭنىڭ بيڭتۋاندا قىزمەت تەكسەرگەندە العا قويعان ايقىن تالابى، جاڭا جاعدايدا بيڭتۋاننىڭ ەرەكشە رولىن ساۋلەلەندىرۋدەگى كوكەيتەستى تىلەگى مەن تاپسىرماسى بولاتىن. بيڭتۋانداعى ءار دارەجەلى پارتيا ۇيىمدارى مۇنى ىشكەرلەي ءتۇسىنىپ، «ءتورت تانىمدى» نىعايتىپ، شينجياڭ قىزمەتىنىڭ باس نىساناسىن جۇزەگە اسىرۋ، بيڭتۋاننىڭ ورنىقتىلىقتى ساقتاپ، شەكارانى قورعاۋ قۋاتىن جوعارىلاتۋ، بيڭتۋاننىڭ ۇيىمدىق ابزالدىلىعى مەن اتتانىسقا كەلتىرۋ قابىلەتىن نىعايتۋ جاعىندا تانىمدى اناعۇرلىم تەرەڭدەتۋ، جاۋاپكەرشىلىكتى، بورىشتىلىقتى، كوكەيتەستىلىكتى شىن مانىندە كۇشەيتىپ، باس شۋجيدىڭ ماڭىزدى نۇسقاۋى مەن تاپسىرماسىن دايەكتىلەندىرۋدەن، تياناقتاندىرۋدان جازباي، بيڭتۋاننىڭ وزىق حالىق جاساعى قوسىنى قۇرىلىسىن جەدەل جەبەۋ ءتيىس.
سۇن جينلۇڭ بىلاي دەپ باسا دارىپتەدى: جاڭا جاعدايدا بيڭتۋاننىڭ وزىق حالىق جاساعى قوسىنى قۇرىلىسىنا قويىلعان جاڭا تالاپتاردى ىشكەرلەي يگەرىپ، جالپى جاعدايدى مىقتى يگەرىپ، دەڭگەيىن ءدال تابۋ، بورىشتى ەستە بەرىك ساقتاپ، رەفورما جاساپ، جاڭالىق اشىپ، بەلسەنە ۇلگى بولىپ، بيڭتۋاننىڭ وزىق حالىق جاساعى قوسىنى قۇرىلىسىنىڭ ساپاسى مەن دەڭگەيىن جاپپاي جوعارىلاتۋ ءتيىس. بيڭتۋاننىڭ وزىق حالىق جاساعى قوسىنى قۇرىلىسىنا ۇيىمدىق باسشىلىقتى شىن مانىندە كۇشەيتۋ قاجەت.
شينجياڭ اسكەري رايونىنىڭ ورىنباسار سىليڭيۋانى حالمۇرات ابدىراحىمان ماجىلىسكە قاتىناستى، ءارى ءسوز سويلەدى.
ورتالىق اسكەرى ىستەر كوميتەتىنىڭ مەملەكەت قورعانىسى اتتانىسقا كەلتىرۋ ءبولىمى حالىق جاساعى زاپاس اسكەرلەر مەكەمەسىنىڭ ورىنباسار باستىعى باي شياۋدۇڭ ماجىلىسكە قاتىناستى.

بەرىپ كەت ورامالىڭدى

دوستار

الىستاعى اق ەركە