جاڭا حابارلار

رايونىمىزدىڭ جەر-جەر، تاراۋلارى اۆتونوميالى رايوندىق پارتكومنىڭ شەشىم-ورنالاستىرۋلارىن بەلسەنە دايەكتى تياناقتاندىرىپ، پارتيالى كادرلاردى باتىل ءۇن قاتىپ، ايقىن پوزيتسيا ءبىلدىرۋدى مىزعىماي باتىل ىشكەرلەي جۇرگىزۋگە اتتانىسقا كەلتىردى

    كەلۋ قاينارى: شينجياڭ حالىق راديو ىستانسياسى    2017-08-24 20:04:26  
ستانسيامىزدىڭ حابارى: جۋىردا اۆتونوميالى رايوندىق ءتارتىپ تەكسەرۋ كوميتەتى ورتالىقتىڭ « 8 ءتۇرلى بەلگىلەمەسىنىڭ» رۋحىنا قايشىلىق جاساعان 9 تيپتىك ماسەلەنى حابارلاندىردى. بۇل 9 تيپتىك ماسەلە مىنالار:
ءبىرىنشى، گۇما اۋداندىق پارتكومنىڭ بۇرىنعى تۇراقتى مۇشەسى، ۇنەمىلىك ىستەرگە جاۋاپتى بۇرىنعى ورىنباسار اكىم لي جيادىنىڭ تارتۋ-تارالىعى، سي-سياپات اقشاسىن الۋ ماسەلەسى. 2014-جىلدان2017-جىلعا دەيىن، لي جيادى تارتىپكە ءمىز باقباستان قايشىلىق جاساپ، قىزمەت مىندەتى مەن ىقپالىنان پايدالانىپ، باسقارۋ، قىزمەت ەتۋ وبيەكتىسىنىڭ وزىنە سي رەتىندە ۇسىنعان 157 مىڭ يۋان اقشاسىن، 4 تال قاس تاسىن جانە قۇنى 53 مىڭ يۋاندىق تەمەكى-اراقتى العان. لي جيادىنىڭ تارتىپكە، زاڭعا قايشى بۇدان باسقا دا ماسەلەلەرى بار. 2017-جىلى شىلدەدە لي جيادىعا پارتيادان شىعارۋ، ۇكىمەت قىزمەتىنەن ايداۋ جازاسى بەرىلدى، ءارى ءادىليا ورگانىنىڭ ءبىر جايلى ەتۋىنە تاپسىرىلدى.
ەكىنشى، اقتاۋ اۋداندىق 2-قوس ءتىل بالالار باقشاسىنىڭ بۇرىنعى باستىعى جاڭ جيڭنىڭ بەلگىلەمەگە قايشىلىق جاساپ تارتۋ-تارالىعى، سي-سياپات اقشاسىن الۋ ماسەلەسى. 2015-جىلدان 2017-جىلعا دەيىن، جاڭ جيڭ تارتىپكە ءمىز باقباستان قايشىلىق جاساپ، قىزمەت مىندەتىندەگى قولايلىلىقتان پايدالانىپ، بالالار باقشاسىنىڭ وقىتۋشى-قىزمەتكەرلەرىنەن 52 مىڭ 800 يۋان سي اقشا العان، بالالار باقشاسىنىڭ 19 مىڭ يۋان تۇرمىس قاراجاتىن ساپالى تەمەكى-اراق الۋعا، ولشەمنەن اسىرىپ قوناق كۇتۋگە جۇمساعان، بالالار باقشاسىنىڭ وقىتۋشى-قىزمەتكەرلەرىنەن 9 مىڭ 300 يۋان جيناپ،تارتۋ-تارالعى ۇسىنۋعا پايدالانعان، قىزمەت ءۇيىنىڭ اۋدانى ولشەمنەن 27.4 شارشى مەتر اسىپ كەتكەن. 2017-جىلى ماۋسىمدا، جاڭ جيڭعا پارتيادان شىعارۋ، ۇكىمەت قىزمەتىنەن ايداۋ جازاسى بەرىلدى.
ءۇشىنشى، توقسۋ اۋداندىق ازىق-تۇلىك، ءدارى-دارمەكتەردى باقىلاۋ-باسقارۋ مەكەمەسى پارتيا ياچەيكاسىنىڭ بۇرىنعى ورىنباسار شۋجيى، مەكەمەنىڭ بۇرىنعى باستىعى يۋان لياڭياننىڭ تارتۋ-تارالعى، سي-سياپات اقشاسىن الۋ ماسەلەسى. 2013-جىلدان 2017-جىلعا دەيىن، يۋان لياڭيان قىزمەت مىندەتىندەگى قولايلىلىقتان پايدالانىپ، كەڭسەسىندە ىلگەرىندى-كەيىندى 8 رەت ەمدەۋ جابدىقتارىمەن قامداۋشىنىڭ «مەرەكەلىك» سياقتى اتتارمەن ۇسىنعان 48 مىڭ يۋاننان ارتىق سي-سياپات اقشاسىن العان. 2017-جىلى مامىردا، يۋان لياڭيانعا پارتيادا قالدىرىپ ءبىر جىل سىناپ كورۋ، اكىمشىلىك مىندەتىنەن الىپ تاستاۋ جازاسى بەرىلدى.
ءتورتىنشى، ءۇرىمجى قالاسى شۇيموگۋ رايونى وتانشىلدىق تازالىق كەڭسەسىنىڭ بۇرىنعى مەڭگەرۋشىسى ۋ جيانميننىڭ بەلگىلەمەگە قايشىلىق جاساپ، ۇكىمەت اقشاسىمەن ساياحاتتاۋ سياقتى ماسەلەلەرى. 2015-جىلى تامىزدا، ۋ جيانمين شۇيموگۋ رايوندىق تازا قالا قۇرۋ كەڭسەسىندەگى 7 قىزمەتكەردى ەرتىپ، كورلا قالاسىندا وتكىزىلگەن كۋرسقا قاتىناسقان كەزىندە، اۆتوموبيل جالداپ، بايىنعولين وبلىسىنىڭ حىجيڭ اۋدانىنداعى بايىنبۇلاق ساحاراسى، اققۋ كولى، قورعاس اۋدانىنداعى گەنارال مەكەمەسى سياقتى كورىنىس رايوندارىنا ۇكىمەت اقشاسىمەن ساياحاتتاپ، 12 مىڭ يۋان جۇمساعان. 2014-جىلى جەلتوقساننان 2016-جىلى جەلتوقسانعا دەيىن، شۇيموگۋ رايوندىق تازا قالا قۇرۋ كەڭسەسى بەلگىلەمەگە قايشى تۇردە جالپى قۇنى 129 مىڭ يۋان كەلەتىن شىعىس جەلى ماركالى كوپ يقۋاتتى 3 ماشينانى جالعا الىپ پايدالانىپ، 2 جىلدا 576 مىڭ يۋان ماياقى بەرگەن. 2017-جىلى ماۋسىمدا، ۋ جيانمينگە پارتيا ىشىندە قاتاڭ ەسكەرتۋ بەرۋ، اكىمشىلىك جاقتان اۋىر كىنا جازۋ جازاسى بەرىلدى.
بەسىنشى، قۇمىل قالاسى ەۋىرعۇل رايونى حۇيچىڭ اۋىلدىق پارتكومنىڭ بۇرىنعى شۋجيى ما جيچىڭنىڭ بەلگىلەمەگە قايشىلىق جاساپ، ۇكىمەت اقشاسىمەن ساياحاتتاۋعا ۇيىمداستىرۋ ماسەلەسى. 2013-جىلى ما جيچىڭ ۇيرەنۋ، تەكسەرۋ جۇرگىزۋ اتىمەن 29 كادردى حاينان، گۋاڭشي سياقتى جەرلەرگە ساياحاتتاۋعا ۇيىمداستىرىپ، ۇكىمەت اقشاسىنان 133 مىڭ يۋان جۇمساعان. ما جيچىڭنىڭ تارتىپكە قايشىلىق جاساعان باسقادا ماسەلەلەرى بار. 2017-جىلى ماۋسىمدا، ما جيچىڭعا پارتيا ىشىندەگى مىندەتىنەن الىپ تاستاۋ، اكىمشىلىك مىندەتىنەن الىپ تاستاۋ جازاسى بەرىلدى.
التىنشى، قورعاس اۋدانى كەڭساي-سايرام كولى ساياحات كورىنىس رايونىن باسقارۋ كوميتەتىنىڭ بۇرىنعى مەڭگەرۋشىسى لياۋ جۇنليننىڭ نەكە-توي ىستەرىن اسپا-توك وتكىزۋ ماسەلەسى. 2017-جىلى مامىردا، لياۋ جۇنلين اۆتونوميالى رايوننىڭ «باسشى كادرلاردىڭ نەكە-توي ىستەرىن وتكىزۋىن باقىلاۋ-باسقارۋدى اناعۇرلىم كۇشەيتۋ جونىندەگى ۇقتىرۋىنداعى» بەلگىلەمەگە قايشىلىق جاساپ، جەكە-جەكە قۇلجا قالاسىندا، قورعاس اۋدانىندا ۇلىنىڭ نەكە تويىن جاساپ، بەلگىلەنگەن ولشەمنەن اسىرىپ 368 قوناق شاقىرعان، باسقارۋ جانە قىزمەت كورسەتۋ وبيەكتىسىنەن 44 ادامدى ۇسىنىس ەتكەن، ءارى 37 مىڭ 600 يۋان سي-سياپات اقشا العان، ونىڭ ۇستىنە بەلگىلەمە بويىنشا الدىن الا ۇيىمعا مالىمدەمەگەن. 2017-جىلى شىلدەدە لياۋ جۇنلينگە پارتيا ىشىندە قاتاڭ ەسكەرتۋ بەرۋ، اكىمشىلىك قىزمەتتەن الىپ تاستاۋ جازاسى بەرىلدى.
جەتىنشى، تارباعاتاي ايماقتىق سىرتقى ىستەر كەڭسەسى پارتگرۋپپاسىنىڭ بۇرىنعى ورىنباسار شۋجيى، كەڭسەنىڭ بۇرىنعى مەڭگەرۋشىسى ساعىم مىلتاي ۇلىنىڭ ءوز بەتىمەن «شاعىن كاسسا» اشىپ، قوناق شاقىرۋعا، تارتۋ-تارالعى ۇسىنۋعا جۇمساۋ ماسەلەسى. 2013-جىلدان 2014-جىلعا دەيىن، ساعىم مىلتاي ۇلى بەلگىلەمەگە قايشىلىق جاساپ، «شاعىن كاسسا» اشىپ، ەسەپتەن سىرت ۇكىمەت اقشاسىنان قىمىرىلعان 63 مىڭ يۋاندى تارتۋ-تارالعى مەن تولەم كارتىشكاسىن ۇسىنۋعا جانە ءىشىپ-جەۋگە جۇمساعان. 2017-جىلى تامىزدا ساعىم مىلتاي ۇلىنا پارتيادا قالدىرىپ ءبىر جىل سىناپ كورۋ، اكىمشىلىك مىندەتتەن الىپ تاستاۋ جازاسى بەرىلدى.
سەگىزىنشى، ۇلىقشات اۋداندىق حالىق سوتى مەكەمەسى پارتگرۋپپاسىنىڭ بۇرىنعى شۋجيى، مەكەمەنىڭ بۇرىنعى ورىنباسار باستىعى چي گوجىننىڭ ۇكىمەت اۆتوموبيلىن جەكە پايدالانۋ ماسەلەسى. 2015-جىلدان 2017-جىلعا دەيىن، چي گوجىن قىزمەت قولايلىلىعىنان پايدالانىپ، مەكەمەنىڭ اۆتوموبيلىن قاشقار قالاسىنداعى 3-شى ورتا مەكتەبىندە وقيتىن ۇلىن الىپ قايتۋعا، اپارىپ تاستاۋعا كوپ رەت ورنالاستىرعان. چي گوجىننىڭ تارتىپكە قايشى بۇدان باسقا دا ماسەلەلەرى بار. 2017-جىلى شىلدەدە، چي گوجىنعا پارتيا ىشىندەگى مىندەتتەن الىپ تاستاۋ، اكىمشىلىك مىندەتتەن الىپ تاستاۋ جازاسى بەرىلدى.
توعىزىنشى، شينجياڭ باعىراش كولى قامىس شارۋاشىلىعى شەكتى سەرىكتەستىگىنىڭ بۇرىنعى باس القاسى سۇڭ جيانشيننىڭ ۇكىمەت اۆتوموبيلىن جەكە پايدالانۋ ماسەلەسى. 2013-جىلدان 2016-جىلعا دەيىن، سۇڭ جيانشين جەكە جۇمىسپەن سىرتقا شىعىپ تاماق ىشكەندە، بالىق اۋلاۋعا بارعاندا، ۇكىمەت اۆتوموبيلىن 80 نەشە رەت پايدالانعان. قامىس شارۋاشىلىعى سەرىكتەستىگى وندىرىستەن توقتاپ، جۇمىسشى-قىزمەتكەرلەر قوعامدىق قامتاماسىزداندىرۋ قاراجاتىن، تۇرعىن ءۇي الەمەتتىك قورىن تولەي الماي تۇرعان جاعدايدا، كوپ رەت ۇكىمەت اقشاسىمەن ءىشىپ-جەپ، مەملەكەت مەنشىگىندەگى 3 ميلليون 700 مىڭ يۋاننان كوبىرەك قاراجاتتى بەيبەرەكەت جۇمساعان. سۇڭ جيانشيننىڭ تارتىپكە، زاڭعا قايشى باسقا دا ماسەلەلەرى بار. 2017-جىلى ماۋسىمدا، سۇن جيانشيگە پارتيادان شىعارۋ، ۇكىمەت قىزمەتىنەن ايداۋ جازاسى بەرىلدى، ءارى ءادىليا ورگاندارىنىڭ ءبىرجايلى ەتۋىنە وتكىزىپ بەرىلدى.
حابارلاندىرۋدا مىنالار باسا دارىپتەلدى: قۇربان ايت تاياپ قالدى، اۆتونوميالى رايونداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ-تەكسەرۋ ورگاندارى جاۋاپكەرلىك پەن مىندەتتى ارقالاۋدىڭ تەتىگىن قاتايتىپ، باسشى كادرلار سىندى «شەشۋشى ازشىلىقتى» مىقتى يگەرىپ، ماسەلەنى نىشان ەتۋدەن جازباي، ساتى-ساتى بويىنشا قىسىم ءتۇسىرىپ، بەلگىلەمەگە قايشىلىق جاساپ تارتۋ-تارالعى، سي-سياپات اقشا الۋ، ۇكىمەت اۆتوموبيلىن جەكە پايدالانۋ، ۇكىمەت اقشاسىمەن ءىشىپ-جەۋ، ۇكىمەت اقشاسىمەن زات ساتىپ الۋ، ۇكىمەت اقشاسىمەن ساياحاتتاۋ سياقتى ماسەلەلەردى قاداعالاپ، استە جول بەرمەي، ءتارتىپتى قاتاڭ اتقارىپ، ايىلىن جيناپ، تىزگىنىن تارتا بىلمەگەندەرگە اۋىرلاتىپ جازا قولدانىپ، ولاردى استە ىرقىنا جىبەرمەي، «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىنىڭ ناقتى ناتيجەگە جەتۋىن شەگە قاعۋ رۋحىمەن ىشكەرلەي ىلگەرلەتىپ، پارتيانى جاپپاي قاتاڭ باسقارۋدىڭ اناعۇرلىم زور جەتىستىكتەرگە جەتۋىن ىلگەرلەتۋ كەرەك.

بەرىپ كەت ورامالىڭدى

دوستار

الىستاعى اق ەركە