جاڭا حابارلار

بيڭتۋاننىڭ الدىڭعى 7 ايداعى ەكونوميكالىق اينالىمى ورنىقتى بولدى

    كەلۋ قاينارى: شينجياڭ گازەتى    2017-08-26 16:31:10  
 ءتىلشىمىز جاڭ شياۋيان 24 - تامىزدا ۇرىمجىدەن حابارلايدى. بيڭتۋاننىڭ ساناق مەكەمەسىنەن ۇعىسۋعا قاراعاندا، بيڭتۋاننىڭ ءار دارەجەلى تاراۋلارى بيىل شەشىمدەر مەن ورنالاستىرۋلاردى مۇقيات دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋدەي قىزمەت ارقاۋىن مىقتاپ يگەرىپ، دامۋدى ماڭداي الدى ورىنعا قويۋدان، قارجى قوسۋدى نەگىز ەتۋدەن، ونەركاسىپتى الدىمەن دامىتۋدان، ساۋداگەر شاقىرۋدى ماڭىزدى ورىنعا قويۋدان جازباي، ەكونوميكالىق اينالىمدى رەتتەۋدى شىن مانىندە كۇشەيتكەن، وسىعان وراي، بيڭتۋاننىڭ قاڭتاردان شىلدەگە دەيىنگى ەكونوميكالىق اينالىمى جالپى جاقتان ورنىقتى بولعان.
  قاڭتاردان شىلدەگە دەيىن، بيڭتۋان ونەركاسىبىنىڭ ارتۋى نەگىزىنەن ورنىقتى بولدى: تۇراقتى مۇلىككە قوسىلعان قارجى ورنىقتى ارتتى؛ نورمالى تاۋارلاردان باسقا تاۋارلاردىڭ ساتىلۋ قارقىنى تەزدەدى؛ يمپورت - ەكسپورت جالپى سوماسى ارتۋ تەبىنىن ساقتادى.
  بيڭتۋاننىڭ كولەمدەنگەن ونەركاسىبىنىڭ ارتقان قۇنى 29 ميلليارد 278 ميلليون يۋانعا جەتىپ، وتكەن جىلداعى ۇقساس مەزگىلدەگىدەن %6.1 ارتتى. ءونىم مولشەرىنەن قاراعاندا، ساناققا الىنعان 166 ءتۇرلى ونەركاسىپ ءونىمىنىڭ 103ى ارتۋ قارقىنىن ساقتاپ، ارتۋ شاماسى %60تەن اسقان. كولەمدەنگەن ونەركاسىپ كاسىپورىندارىنىڭ ءوندىرۋ - ساتۋ مولشەرى %98.1كە جەتكەن.
  بيڭتۋاننىڭ تۇراقتى مۇلىككە قوسقان قارجىسى 96 ميلليارد 947 ميلليون يۋانعا جەتىپ، وتكەن جىلعى سايكەس تۇستاعىدان %8.3 ارتتى. جاساۋ كاسىبىنە 24 ميلليارد 622 ميلليون يۋان قارجى قوسىلىپ، وتكەن جىلداعى ۇقساس مەزگىلدەگىدەن %46.5 ارتتى. قوسىلعان حالىقتىق قارجى 39 ميلليارد 392 ميلليون يۋان بولىپ، وتكەن جىلداعى سايكەس تۇستاعىدان %14.4ارتىپ، قارجى قوسۋ جالپى سوماسىنىڭ ارتۋ قارقىنىنان %6.1 جوعارى بولدى.
  بيڭتۋاندا سالىنىپ جاتقان 3195 قارجى قوسۋ نىسانى بار، بۇل وتكەن جىلدىڭ سايكەس تۇستاعىدان 504 نىسان كوپ، مۇنىڭ ىشىندە تىڭنان باستالعان نىسان 1909، بۇل وتكەن جىلداعى سايكەس تۇستاعىدان 432 نىسان ارتىق.
  شىلدەگە دەيىن، بيڭتۋاننىڭ ادەتتەگى الەۋمەتتىك مەجە ەسەپ كىرىسى 6 ميلليارد 532 ميلليون يۋانعا جەتىپ، وتكەن جىلداعى سايكەس تۇستاعىدان %15.6 ارتتى، مۇنىڭ ىشىندە، 7 قالانىڭ سالىق كىرىسى 3 ميلليارد 685 ميلليون يۋانعا جەتىپ، تۇراقسىز فاكتورلاردى شىعارىپ تاستاعاندا %12 ارتتى. ادەتتەگى الەۋمەتتىك مەجە ەسەپ شىعىسى 41 ميلليارد 337 ميلليون يۋان بولىپ، وتكەن جىلداعى سايكەس تۇستاعىدان %8.1 جوعارىلادى، مۇنىڭ ىشىندە قوعامدىق قامتاماسىزداندىرۋ مەن جۇمىسقا ورنالاستىرۋ شىعىسى %14.1 جوعارىلادى، قاتىناس - تاسىمال شىعىسى 7.23 ەسە جوعارىلادى، ەنەرگيا ۇنەمدەپ، قورشاعان ورتانى قورعاۋ شىعىسى%69.8 جوعارىلادى، مادەنيەت، دەنە تاربيە جانە مەديالار شىعىسى 1.6 ەسە جوعارىلادى.

بەرىپ كەت ورامالىڭدى

دوستار

الىستاعى اق ەركە