جاڭا حابارلار

شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىنداعى تارتىپكە قايشى تيپتىك 13 دەلونى جالپى حابارلاندىردى

    كەلۋ قاينارى: شينجياڭ حالىق راديو ىستانسياسى    2017-08-30 11:08:40  
ستانسيامىزدىڭ حابارى: جاقىندا، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىنداعى تارتىپكە قايشى تيپتىك 13 دەلونى جالپى حابارلاندىردى. وسى تارتىپكە قايشى تيپتىك 13 دەلو مىنالار:
شاپشال اۋداندىق مال شارۋاشىلىعى، مال شيپاگەرلىگى مەكەمەسى پارتگرۋپپاسىنىڭ بۇرىنعى شۋجيى، ورىنباسار مەكەمە باستىعى جاڭ حۇڭيىڭنىڭ كەدەيلەردى سۇيەمەلدەۋ ارناۋلى قارجىسىن باسقاعا جۇمساۋ ماسەلەسى. 2016-جىلى مامىردا، جاڭ حۇڭيىڭ ەرەجەگە قايشىلىق جاساپ، جاعىستاي اۋىلىنداعى شەكارانى قورعاپ، مالشىلاردى وتىرىقتاندىرۋ ينجەنەريا قۇرىلىس نىسانىنىڭ ءبىر ميلليون 520 مىڭ يۋان قارجىسىن باسقالاردىڭ پايدالانۋىنا بەرگەن، قازىرگە دەيىن ءبىر ميلليون 220 مىڭ يۋان قارجى قايتارىپ الىنباعان. ونىڭ تاعى باسقا دا تارتىپكە قايشىلىق جاساۋ ماسەلەسى بار. 2017-جىلى مامىردا، وعان پارتيادان ايداۋ، مەملەكەت قىزمەتىنەن قالدىرۋ جازاسى بەرىلىپ، ونىڭ قىلمىستىق ىستەر ماسەلەسىنە قاتىستى ءجىپ ۇشى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.
قاشقار قالاسى اۋات اۋىلى بوعاش قىستاعى پارتيا ياچەيكاسىنىڭ بۇرىنعى شۋجيى قاري تۇرسىنىڭ بەيقۇت ءۇي سالىپ، حالىقتى اۋقاتتاندىرۋ جانە ەڭ تومەنگى تۇرمىستى قامتاماسىزداندىرۋ قارجىلارىن ەرەجەگە قايشى پايدالانۋ ماسەلەسى. 2007-جىلدان 2016-جىلعا دەيىن، ول ءوزىنىڭ جانە تۋىستارىنىڭ اتىندا ەرەجەگە قايشىلىق جاساپ، 14 بەيقۇت ۇيدەن يگىلىكتەنگەن، ءارى مۇنىڭ جەتەۋىن باسقالارعا ساتىپ بەرىپ، 443 مىڭ يۋان پايداعا كەنەلگەن؛ 2014-جىلدان 2016-جىلعا دەيىن، ول ەرەجەگە قايشىلىق جاساپ، ۇيىندەگىلەر مەن تۋىستارىن قامتىعان 28 ادامعا 172 مىڭ 600 يۋان ەڭ تومەنگى تۇرمىستى قامتاماسىزداندىرۋ قاراجاتىن الىپ بەرگەن. 2017-جىلى ماۋسىمدا، وعان پارتيادان ايداۋ جازاسى بەرىلىپ، ونىڭ قىلمىستىق ىستەر ماسەلەسىنە قاتىستى ءجىپ ۇشى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.
باي اۋدانى ونباس اۋىلى جوعارعى ونباس قىستاعى پارتيا ياچەيكاسىنىڭ بۇرىنعى شۋجيى تۇردى يمىردىڭ بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىن ەرەجەگە قايشى پايدالانۋ ماسەلەسى. 2012-جىلدان 2013-جىلعا دەيىن، ول ءا XX سياقتىلاردىڭ اتىمەن، ءۇش رەت ەرەجەگە قايشىلىق جاساپ، بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىنان 88 مىڭ 500 يۋان قىمقىرعان. 2017-جىلى شىلدەدە، وعان پارتيادان ايداۋ جازاسى بەرىلىپ، ونىڭ قىلمىستىق ىستەر ماسەلەسىنە قاتىستى ءجىپ ۇشى ءادىليا ورگاننىڭ زاڭ بويىنشا ءبىر جايلى ەتۋىنە تاپسىرىلدى.
اقتاۋ اۋدانى ۇجمە اۋىلى شاعرى قىستاعى پارتيا ياچەيكاسىنىڭ بۇرىنعى ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى بارات ءاليدىڭ ەرەجەگە قايشىلىق جاساپ بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىنان يگىلىكتەنۋ ماسەلەسى. 2016-جىلى، ول ەرەجەگە قايشىلىق جاساپ، بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىنان 28 مىڭ 500 يۋان قىمقىرعان. ونىڭ تاعى باسقادا تارتىپكە قايشىلىق جاساۋ ماسەلەسى بار. 2017-جىلى شىلدەدە، وعان پارتيادان ايداۋ جازاسى بەرىلىپ، ونىڭ قىلمىستىق ىستەر ماسەلەسىنە قاتىستى ءجىپ ۇشى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.
كۇنەس اۋدانى كۇنەس قالاشىعى توعاي قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ مەڭگەرۋشىسى اكپارجان شوكراتتىڭ مالشىلاردى وتىرىقتاندىرۋ قوسىمشا قاراجاتىن الۋ ماسەلەسى. 2012-جىلى ول ۋ XX دەگەن مالشىنىڭ اتىمەن، ەرەجەگە قايشىلىق جاساپ، مالشىلاردى وتىرىقتاندىرۋ قوسىمشا قاراجاتىنان 60 مىڭ يۋان العان. 2014-جىلى ول تاعى ۋ XX دەگەن ادامنىڭ اتىمەن بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىنان 18 مىڭ 500 يۋان قىمقىرعان. ونىڭ تاعى باسقادا تارتىپكە قايشىلىق جاساۋ ماسەلەسى بار. 2017-جىلى ساۋىردە، وعان پارتيادان ايداۋ جازاسى بەرىلىپ، ونىڭ قىلمىستىق ىستەر ماسەلەسىنە قاتىستى ءجىپ ۇشى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.
اقسۋ قالاسى قاراتال قالاشىعى جوعارعى عالدىر قىستاعى 2-گرۋپپاسىنىڭ باستىعى وشىر يلاكتىڭ بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىنان ەرەجەگە قايشى يگىلىكتەنۋ ماسەلەسى. 2011-جىلدان 2012-جىلعا دەيىن، ول ءوزىنىڭ جانە جۇبايىنىڭ اتىمەن، ەرەجەگە قايشىلىق جاساپ، بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىنان 59 مىڭ 500 يۋان العان. ونىڭ تاعى باسقادا تارتىپكە قايشىلىق جاساۋ ماسەلەسى بار. 2017-جىلى شىلدەدە، وعان پارتيادان ايداۋ جازاسى بەرىلدى.
ۇلىقشات اۋدانى قىزىلوي اۋىلى ەكى تەرەك قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميەتىنىڭ مەڭگەرۋشىسى انۋار كەرىمنىڭ كەدەيلەردى سۇيەمەلدەۋ ارناۋلى قارجىسىن قىمقىرۋ سياقتى ماسەلەسى. 2010-جىلى قاراشادا، انۋار كەرىم اۋداندىق اۋىل شارۋاشىلىق ەكونوميكا مەكەمەسىنىڭ باعىمشىلىق اۋىل شارۋاشىلىعى كوپەراتيۆىن سۇيەمەلدەۋگە بوساتقان 21 مىڭ يۋان قارجىسىن يەمدەنىپ العان. انۋار كەرىمدە تاعى باسقا ءتارتىپكە قايشى ماسەلەلەر بار. 2017-جىلى شىلدەدە، انۋار كەرىمگە پارتيادان ايداۋ جازاسى بەرىلدى.
اتۇش قالاسى ءۇستىن اتۇش قالاشىعى قارىعۇل قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ مەڭگەرۋشىسى شاكىرجان تۇرسىننىڭ ەگىستىكتەن ورماندى قالپىنا كەلتىرۋگە بەرىلگەن كومەك قاراجاتتى ۇستاپ قالۋ سياقتى ماسەلەسى. 2015-جىلى، شاكىرجان تۇرسىن ەگىستىكتەن ورماندى قالپىنا كەلتىرۋگە بەرىلگەن 4 مىڭ 500 يۋان كومەك قاراجاتتى يەمدەنىپ العان. شاكىرجان تۇرسىندا تاعى باسقا ءتارتىپكە قايشى ماسەلەلەر بار. 2017-جىلى شىلدەدە، شاكىرجان تۇرسىنعا پارتيادان ايداۋ جازاسى بەرىلدى.
قاشقار كونە شارى اۋدانى تاشىمىلىق اۋىلى قالتاكوشە قىستاعى پارتيا ياچەكاسىنىڭ بۇرىنعى ورىنباسار شۋجيى، قىستاق تۇرعىندار كوميەتىنىڭ مەڭگەرۋشىسى الي ابدىرەيىمنىڭ بەلگىلەمەگە قايشىلىق جاساپ، باسقالارعا ەڭ تومەنگى تۇرمىستى قامتاماسىزداندىرۋ ءراسمياتىن ءبىتىرىپ بەرۋ سياقتى ماسەلەسى. 2013-جىلدان 2016-جىلعا دەيىن، ءالي ابدىرەيىم بەلگىلەمەگە قايشىلىق جاساپ، قىستاق كادرى مەن زەينەتكە شىققان 11 ادامعا ەڭ تومەنگى تۇرمىستى قامتاماسىزداندىرۋ ءراسمياتىن ءبىتىرىپ بەرىپ، جيىنى 95 مىڭ 600 يۋان ەڭ تومەنگى تۇرمىستى قامتاماسىزداندىرۋ قارجىسىن شىعارىپ العان؛ بەيقۇت ءۇي سالىپ، حالىقتى اۋقاتتاندىرۋ قىزمەتىندە تۋىس-تۋعان، دوس-جاراندارىنا پايدا جەتكىزىپ، بەلگىلەمەگە قايشىلىق جاساپ، تۋىس-تۋعاندارىن 4 بەيقۇت ءۇيدىڭ جيىنى 114 مىڭ يۋان كومەك قاراجاتىنان يگىلىكتەندىرگەن. 2017-جىلى، الي ابدىرەيىمگە پارتيا ىشىندەگى مىندەتىنەن قالدىرۋ جازاسى بەرىلدى.
التاي قالاسى لاستى اۋىلىنىڭ مەڭگەرۋشى دارەجەلى قىزمەتكەرى حۋاڭ چيڭحۋانىڭ بەيقۇت ءۇي سالىپ، حالىقتى اۋقاتتاندىرۋ كومەك قاراجاتىن باسقاعا جۇمساۋ ماسەلەسى. 2011-جىلى، حۋاڭ چيڭحۋا بەيقۇت ءۇي سالىپ، حالىقتى اۋقاتتاندىرۋ قىزمەتىنە جاۋاپتى بولىپ تۇرعان كەزىندە، ينجەنەريانىڭ ارحيۆ ماتەريالىن جالعاننان جاساپ، بەيقۇت ءۇيدىڭ 204 مىڭ يۋان كومەك قاراجاتىن شىعارىپ الىپ، وسى اۋىلدىڭ جاڭاشا اۋىل-قىستاق قۇرىلىسى قاراجاتىن تولەۋگە جۇمساعان. 2017-شىلدەدە، حۋاڭ چيڭحۋاعا پارتيا ىشىندە اۋىر ەسكەرتۋ جازاسى بەرىلدى.
توقسۋ اۋدانى ءىش ارىق قالاشىعى اقيار قىستاعى پارتيا ياچەيكاسىنىڭ ورىنباسار شۋجيى توقتى مامەتتىڭ بەيقۇت ءۇي الىپ، حالىقتى اۋقاتتاندىرۋ ينجەنەرياسى كومەك قاراجاتىنان بەلگىلمەگە قايشى يگىلىكەنۋ ماسەلەسى. 2014-جىلى، توقتى مامەت جۇبايىنىڭ اتىمەن ءبىر بەيقۇت ءۇيدىڭ 30 مىڭ 500 يۋان قوسىمشا قاراجاتىنان بەلگىلەمەگە قايشى يگىلىكتەنگەن. 2017-جىلى شىلدەدە، توقتى مامەتكە پارتيا ىشىندە اۋىر ەسكەرتۋ جازاسى بەرىلدى.
كوكتوعاي اۋدانى تۇرعىن اۋىلى قوزىكە قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى سىنبەك كامىلقان ۇلىنىڭ باسقالاردىڭ اۋىل شارۋاشىلىعىنا تيىمدىلىك جەتكىزۋ كومەك قارجىسىن يەمدەنۋ ماسەلەسى. 2012-جىلى ناۋرىزدان 2015-جىلى مامىرعا دەيىن، سىنبەك كامىلقان ۇلى وسى قىستاقتىڭ تۇرعىنى رى XX تىڭ تاپسىرۋىمەن، ونىڭ ەڭ تومەنگى تۇرمىستى قامتاماسىزداندىرۋ قارجىسى مەن ءتۇرلى كومەك قارجىسىنان جيىنى 12 مىڭ 800 يۋاندى ۋاكىلاتان الىپ، ونى ءوزىنىڭ جەكە شىعىسىنا جۇمساعان. 2017-جىلى ناۋرىزدا، سىنبەك كامىلقان ۇلىنا پارتيا ىشىندە اۋىر ەسكەرتۋ جازاسى بەرىلدى.
باركول اۋدانى داحى قالاشىعى شاڭحۋ قىستاعى پارتيا ياچەيكاسىنىڭ شۋجيى جۋ چىڭجۇننىڭ ارناۋلى كومەك قاراجاتتى الداپ الۋ ماسەلەسى. 2014-جىلدان 2015 -جىلعا دەيىن، جۋ چىڭجۇن جوڭىشقانىڭ قوسىمشا قاراجات بەرىلەتىن 492.36 مۋ كولەمىن جالعان مالىمدەپ (ءار مۋىنا 100 يۋان كومەك اقشا بەرىلەدى)، قازىنادان 49 مىڭ 20 يۋاندى الداپ العان. 2017-جىلى مامىردا، جۋ چىڭجۇنعا پارتيا ىشىندە اۋىر ەسكەرتۋ جازاسى بەرىلدى.

بەرىپ كەت ورامالىڭدى

دوستار

الىستاعى اق ەركە