جاڭا حابارلار

ءۇشىنشى جاق اقشا تولەۋ تەكشەسى الدامكوستەردىڭ الداپ اقشا الۋداعى جاڭا تاسىلىنە اينالدى

    كەلۋ قاينارى: شينجياڭ حالىق راديو ىستانسياسى    2017-08-31 13:12:49  
حالىق تورابىنىڭ حابارى: ءۇشىنشى جاق اقشا تولەۋ تەكشەسى پايدالانۋعا ءتىپتى دە قولايلى، دەلو تۋدىرۋدا جاسىرىنۋعا اناعۇرلىم ەبدەيلى بولعاندىقتان، الدامكوستەردىڭ الداپ اقشا الۋداعى جاڭا تاسىلىنە اينالدى. ءتىلشىنىڭ 28-تامىز شينجياڭ ۇيعۇر اۆتونوميالى رايوندىق تەلەگراف-توراپ الدامكوستىگىنە قارسى تۇرۋ ورتالىعىنان ۇعىسۋىنشا، بۇل ورتالىق پەن حالىق بانكەسىنىڭ ءۇرىمجى بولىمشەسى سەلبەستىك جاساپ، جىفۋباۋ، سايفۋتۇڭ سىندى ءۇشىنشى جاق اقشا تولەيتىن 270 تەكشەنىڭ دەلوعا قاتىستى ەسەپ ءنومىرىن مۇزداتۋ، يقۋاتىن توقتاتۋ ارقىلى دەلو تۋدىرۋعا قارسى جۇمىس ىستەۋدە ەكەن.شينجياڭ ۇيعۇر اۆتونوميالى رايوندىق قوعام حاۋىپسىزدىك مەڭگەرمەسى قىلمىستىق ىستەردى بارلاۋ باس اترەتىنىڭ باستىعى جاۋ ليجۇننىڭ تانىستىرۋىنا قاراعاندا، قازىر بۇكىل ەلىمىزدە پايدالانىلىپ وتىرعان ءۇشىنشى جاق اقشا تولەۋ تەكشەلەرى 270 كە جەتكەن. قىلمىس كۇماندىلارى تەلەفون-توراپ الدامكوستىگىندە وسى ءۇشىنشى جاق اقشا تولەۋ تەكشەسىنەن پايدالانىپ، زاڭسىز جولمەن تاپقان اقشالاردى ءتۇرلى ادىستەرمەن باسقا جەرگە جونەلتەدى نەمەسە ءۇشىنشى جاق اقشا تولەۋ تەكشەسى ارقىلى زيانكەستىككە ۇشىراۋشىنىڭ ەسەپ نومىرىندەگى اقشا ارقىلى توراپ تەكشەلەرىنەن زات ساتىپ الادى دا ساتىپ العان زاتتارىن قايتادان بازاردا ساتۋ ارقىلى ناق اقشاعا اينالدىرىپ الادى ەكەن.

بەرىپ كەت ورامالىڭدى

دوستار

الىستاعى اق ەركە