باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شاۋەشەك قالاسىنىڭ لاس سۋدى ءبىرجايلى ەتۋ زاۆودىن كەڭەيتىپ قۇرۋ 2-مەزەتتىك نىسانىنىڭ قۇرىلىس جۇمىسى اۋىر كەزەڭگە ءوتتى

    كەلۋ قاينارى: شينجياڭ حالىق راديو ىستانسياسى    2017-09-13 10:54:28  
ريزا كامالبەك قىزى شاۋەشەكتەن حابارلايدى: شاۋەشەك قالاسىنىڭ لاس سۋدى ءبىرجايلى ەتۋ زاۆودىن كەڭەيتىپ قۇرۋ 2-مەزەتتىك نىسانىنىڭ قۇرىلىس جۇمىسى اۋىر كەزەڭگە ءوتىپ، لاس سۋ ىعىستىرۋ لەنياسىنىڭ قۇبىرىن كەمەلدى قۇبىرعا اۋىستىرۋ، زاۆود اۋماعىن كەڭەيتۋ قۇرىلىس ورنىندا تەحنيكتەر مەن جۇمىسكەلەر كۇندى-تۇنگە جالعاپ قاربالاس جۇمىس جۇرگىزۋدە.
شاۋەشەك قالالىق لاس سۋدى ءبىر جايلى ەتۋ زاۆودىنىڭ قۇبىرىن كەڭەيتىپ سالۋ نىسان قۇرىلىسىنىڭ تەحنيگى شۇي-ۋي: «ءبىز لاس سۋدى ءبىرجايلى ەتۋ زاۆودىنىڭ لاس سۋ قۇبىر لەنياسىن وزگەرتىپ قۇرۋ 2-مەزەتتىك قۇرىلىس جۇمىسىن جۇرگىزۋدەمىز، قۇرىلىس ىسكە قوسىلعاننان كەيىن زاۆودتىڭ كۇندىك سۋ ىعىستىرۋ مولشەرى 40 مىڭ تەكشەمەترگە جەتىپ، سۋ ىعىستىرۋ مولشەرى جانە سۋدىڭ ساپاسى مەملەكەتتىڭ 1-دارەجەلى B ولشەمىنە جەتەدى. كەزەكتە، قۇرىلىستىڭ جالپى تۇلعالىق قۇرىلىمى اياقتالىپ، قۇبىر ورناتۋ جۇمىسىن باستاپ كەتتىك»-دەدى.
شاۋەشەك قالاسىنىڭ قازىرگى لاس سۋدى ءبىرجايلى ەتۋ زاۆودى 2004-جىلى سالىنىپ، كۇندىك لاس سۋ ىعىستىرۋ مولشەرى 20 مىڭ تەكشەمەتر بولعاندىقتان، شاۋەشەك قالاسىنىڭ سۋمەن قامدالۋ تالابىن تولىق قاناعاتتاندىرا المايتىن، 2016-جىلى ساۋىردە PPP تەحنيكاسىن پايدالانىپ، لاس سۋ ىعىستىرۋ قۇبىرىن كەڭەيتىپ قۇرۋ 2-مەزەتتىك نىسان قۇرىلىسىن باستاعان ەدى، بۇل قۇرىلىسقا جيىنى 115 ميلليون 500 مىڭ يۋان قارجى قوسۋ جوسپارعا الىنىپ، قازىرگە دەيىن، 56 ميلليون 200 مىڭ يۋاننان قارجى جۇمسالىپ، جالپى قۇرىلىستىڭ ٪68 تى سالىنىپ بولدى.
ۇعىسۋعا قاراعاندا، شاۋەشەك قالاسىنىڭ لاس سۋدى ءبىرجايلى ەتۋ زاۆودىنىڭ سۋ ىعىستىرۋ قۇبىر جولىن كەڭەيتىپ قۇرعاننان كەيىن لاس سۋدى ءبىرجايلى ەتۋ اۋماعى تۇتاس قالانىڭ قۇبىر سۋمەن قامدالۋ تالابىن تولىق قاناعاتتاندىرىپ، سۋدىڭ ساپاسى مەملەكەتتىڭ 1-دارەجەلى B ولشەمىنە جەتىپ، قالا رايونىنىڭ ەكولوگيالىق ورتاسىنىڭ لاستانۋىنىڭ الدى الىنىپ، قالا حالقى تازا دا تۇنىق سۋدى تۇتىناتىن بولادى.
ءان الەمى

جول توسىلىپ قالدى

تۇلپارىم