باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءۇرىمجى شوعىرلاندىرۋ ورتالىعىنان بيىلعى جىلداعى 400-كەزەكتى جۇڭگو-ەۆروپا كەزەكشى پويەزى جولعا شىقتى

    كەلۋ قاينارى: شينجياڭ حالىق راديو ىستانسياسى    2017-09-13 11:05:46  
ءتاڭىرتاۋ تورابىنىڭ حابارى: 7-قىركۇيەك ساعات 18 دەن 40 مينۋت وتكەندە X9091-رەتكى جۇك پويەزى جۇڭگو-ەۆروپا كەزەكشى پويەزدارىنىڭ ءۇرىمجى شوعىرلاندىرۋ ورتالىعىنان الماتى قالاسىنا اتتاندى. بۇل جۇڭگو-ەۆروپا كەزەكشى پويەزدارى ءۇرىمجى شوعىرلاندىرۋ ورتالىعىنان بيىلعى جىلداعى 400-كەزەك قاتىناعان جۇڭگو-ەۆروپا كەزەكشى پويەزى.
جۇڭگو-ەۆروپا كەزەكشى پويەزدارىنىڭ ءۇرىمجى شوعىرلاندىرۋ ورتالىعىنىڭ ىقپالىنىڭ كۇن سايىن كەڭەيۋىنە بايلانىستى، جۇڭگو-ەۆروپا كەزەكشى پويەزدارىنىڭ قاتىناۋ جيىلىگى ۇزدىكسىز ارتىپ، كەزەكشى پويەزدار ەڭ العاشىندا اپتاسىنا ءبىر كەزەك، كۇنىنە ءبىر كەزەك قاتىناۋدان قازىر كۇنىنە 2 كەزەك قاتىناۋعا ءوتتى. تامىزدا جۇڭگو-ەۆروپا كەزەكشى پويەزدارىنىڭ ءۇرىمجى شوعىرلاندىرۋ ورتالىعىنان باتىسقا جۇرەتىن كەزەكشى پويەز 65 كەزەككە جەتىپ، تاريحتاعى ەڭ جوعارى دەڭگەيگە كوتەرىلدى.
بيىل جىل باسىنان بەرى، ءۇرىمجى تەمىر جول مەكەمەسى جۇڭگو-ەۆروپا كەزەكشى پويەزدارىنىڭ تۇراقتى قاتىناۋىن بەلگىلەپ، قازاقستاننىڭ تەمىر جول تاراۋلارىمەن شەكارا اتتاعان سەلبەستىكتى كۇشەيتىپ، شەكارا سىرتىنا جەتكەن جۇڭگو-ەۆروپا كەزەكشى پويەزدارىن رەتتەپ، جۇڭگو-ەۆروپا كەزەكشى پويەزدارىنىڭ قاتىناۋ ۋاقىتىن قىسقارتتى. تاياۋدا، ءۇرىمجى تەمىر جول مەكەمەسى مەن ليانيۇنگاڭ پورت ىستەرى توبى ستراتەگيالىق سەلبەستىك كەلىسىمىن جاساسىپ، جۇڭگو-ەۆروپا كەزەكشى پويەزدارىنىڭ ءۇرىمجى شوعىرلاندىرۋ ورتالىعىنىڭ تاسىمال تورابى رولىن اناعۇرلىم ساۋلەلەندىرىپ، بايلىقتى بىرىكتىرۋ ارقىلى وڭىرلىك زات جەتكىزۋ ورتالىعىن جەدەل قالىپتاستىرىپ، كوپ ۇلگىدەگى ۇلاسپالى تاسىمال شەكارا ارناسىن، ءۇرىمجىنى باستالۋ ءتۇيىنى ەتكەن باتىسپەن بىرلەسىپ شىعىسقا شىعاراتىن، شىعىسپەن بىرلەسىپ باتىسقا شىعاراتىن زات جەتكىزۋ ارناسىن قۇردى.
شينجياڭنىڭ تەمىر جول تاراۋلارى «ءبىر بەلدەۋ، ءبىر جول» قۇرىلىسىنا بەلسەنە ات سالىسىپ، جۇڭگو-ەۆروپا كەزەكشى پويەزدارىنىڭ ستراتەگيالىق جوباسىن «ءبىر بەلدەۋ، ءبىر جول» دارىپتەمەسىمەن جاندى ۇشتاستىرىپ، قورعاس شەكارا وتكەلى ارقىلى شەكارادان شىعاتىن جۇڭگو-ەۆروپا كەزەكشى پويەزدارىنىڭ تاسىمال جەلىسىن اشىپ، الاتاۋ ساعاسى شەكارا وتكەلىمەن كوپ تۇيىندەردە كەدەننەن ءوتۋ، كوپ تۇيىندەردە ورنالاستىرۋ سىندى قوس ارنالى تاسىمال ۇلگىسىن قالىپتاستىردى؛ ەلىمىز بويىنشا تۇڭعىش رەت تاس جول، تەمىر جول، تەڭىز جولى ۇلاسقان، كىرە دە، شىعا دا الاتىن، قۇرلىق تاسىمالى مەن تەڭىز تاسىمالى ۇشتاسقان زور اينالىمدى ساۋدا تاسىمالىن قالىپتاستىرىپ، «جىبەك جولى ەكونوميكالىق بەلدەۋى» مەن «21-عاسىرداعى تەڭىز جىبەك جولىنىڭ» توعىسۋىن جۇزەگە اسىردى. بۇل شينجياڭنىڭ جىبەك جولى ەكونوميكالىق بەلدەۋىندەگى وزەكتى رايوندىق رولىن ساۋلەلەندىرۋ، بۇكىل ەلگە قىزمەت وتەۋ، ازيانىڭ، ەۆروپانىڭ ەكونوميكالىق دامۋىنا قىزمەت وتەۋ جونىنەن كەلەلى ءمان الادى.
«جۇڭگو-ەۆروپا كەزەكشى پويەزدارىنىڭ ءۇرىمجى شوعىرلاندىرۋ ورتالىعىنىڭ دامۋ اياسىن ونان ارى كەڭەيتىپ، زات قاينارىنىڭ قولداۋ سەرپىنى كۇشتى، كەدەننەن ءوتۋ ونىمدىلىگى جوعارى، قولايلى، ونىمدەردىڭ شارپۋ اۋماعى كەڭ بولۋ سىندى ەرەكشەلىكتەرگە سۇيەنىپ، جۇڭگو-ەۆروپا كەزەكشى پويەزدارىنىڭ <ءبىر بەلدەۋ، ءبىر جول> قۇرىلىسىن دەم بەرەتىن جاڭا قوزعالتقىشقا اينالدىرىپ، جۇڭگو-ەۆروپا كەزەكشى پويەزدارىنىڭ بيىلعى جىلى جۇرەتىن كەزەگىن 700 گە جەتكىزۋگە قۇلشىنادى»،-دەيدى شينجياڭ شينتيە حالىقارالىق زات جەتكىزۋ شەكتى جاۋاپكەرلىك سەرىكتەستىگىنىڭ باس مەڭگەرۋشىسى ليۋ چاڭلين.
ءان الەمى

جول توسىلىپ قالدى

تۇلپارىم