باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جاڭا ەنەرگيا كاسىبىنىڭ بولاشاعى نۇرلى بولدى

    كەلۋ قاينارى: شينجياڭ حالىق راديو ىستانسياسى    2017-09-13 12:28:41  
ستانسيامىزدىڭ ءتىلشىسى زىڭ يە مەن قۇمىل راديو ستانسياسىنىڭ ءتىلشىسى جۋ حۇيحاننىڭ حابارىن تىڭداڭىزدار: رايونىمىز جاڭا ەنەرگيا كاسىبىن كۇش سالا دامىتتى، ەرەكشە جەل ەنەرگيا، كۇن ەنەرگيا بايلىعى تولىق اشىلىپ پايدالانىلىپ، جاڭا ەنەرگيا كاسىبىنىڭ بولاشاعى نۇرلى بولدى.
جۋىردا قۇمىل قالاسى ەۋىرعۇل رايونىنىڭ الەۋمەتتىك قاتىناس باس سەرىكتەستىگىنەن تاعى دا 12 شىت جاڭا ەلەكترلى الەۋمەتتىك اۆتوبوز اينالىمعا ءتۇستى، الەۋمەتتىك اۆتوبوز شوفەرى بولات سىمايىل 3 ايلىق تەحنيكالىق ۇيرەنۋدەن كەيىن رەسىمي جۇمىس ورنىنا شىقتى.ول: «اۆتوبوز جايلى ەكەن، شۋىلى از، ورتانى قورعايدى»،-دەدى.
ەۋىرعۇل رايونىنداعى الەۋمەتتىك اۆتوبوز باس سەرىكتەستىگى پارتيا ياچەيكاسىنىڭ ورىنباسار شۋجيى فىڭ ليحۇڭ تىلشىگە، ەلەكترلى اۆتوموبيلدىڭ جانار گاز اۆتوموبيلىنەن ەنەرگيانى ۇشتەن بىرىندەي ۇنەمدەي الاتىندىعىن ايتىپ: «ەلەكترلەنگەن قۇمىل ۇندەۋىنە بەلسەنە اڭىس قايتارىپ، ەلەكترلى الەۋمەتتىك اۆتوبوزدان 42 سىن، ەلەكترلى تاكسيدەن 60 ىن ساتىپ الىپ، قۇمىل قالا تۇرعىندارىنىڭ جاسىل ءتۇستى ورتانى قورعاپ سىرتقا شىعۋىنا تيەسلى ۇلەس قوستىق»،-دەدى.
قۇمىل قالاسى مەملەكەت دارەجەلى امبەباپ ەنەرگيا بازاسى، وتە-موتە مەملەكەت پەن اۆتونوميالى رايوننىڭ ءتۇيىندى قۇرعان 10 ميلليون كيلوۋاتتىق جەل ەلەكتر بازاسى جانە ءبىر ميلليون كيلوۋاتتىق وپتيكالىق ۆولت بازاسى رەتىندە ەلەكتر ەنەرگيا بايلىعى توتەنشە مول بولىپ، كوپتەگەن توك تاراتۋ كاسىپورىندارىن قۇمىلدا ىرگە تەبۋگە باۋرادى، قازىر، قۇمىل ەلەكتر تورابى جاڭا ەنەرگيا گەنەراتور اگرەگاتتارىنىڭ سيىمدىلىعى 12 ميلليون كيلوۋاتقا جەتىپ، جالپى گەناراتور اگرەگاتتار سيىمدىلىعىنىڭ %64.8 ءىن يەلەدى.جەتكىلىكتى تازا ەنەرگيادان قۇمىلدىڭ «توك ەنەرگياسىنىڭ ورنىن باسۋ» ينجەنەرياسىن پارمەندى جۇرگىزۋ مۇمكىنشىلىگى ارتىپ، تابيعي گازبەن جۇرەتىن الەۋمەتتىك اۆتوبوزدان ەلەكترلى الەۋمەتتىك اۆتوبوزعا دەيىن، كومىر جاعىپ جىلىنۋدان ەلەكتر ەنەرگياسى ارقىلى جىلىنۋعا دەيىن، قالادا، اۋىل-قىستاقتاردا وتباسىندىق ەلەكتر جابدىقتارى جەدەل ارتىپ، قۇمىلداعى 500 مىڭنان استام بۇقارا «ەلەكترلەنگەن قۇمىلدىڭ» جەتكىزگەن قولايلىلىعىن سەزىنۋدە.
شەتكەرى، شالعاي ەگىن-مال شارۋاشىلىق رايونىنداعى بۇقارا جونىنەن العاندا، جاڭا ەنەرگيادان ولار وسىزامان تۇرمىسىنا قادام تاستادى.اۆتونوميالى رايوننىڭ شەتكەرى، شالعاي رايوندا وپتيكالىق ۆولت، جەل ەلەكتر ستانسيا قۇرىلىسىن پارمەندى ورىستەتۋىنە بايلانىستى، بىرنەشە كرەمنيلى كريستال تاقتاسى، ءبىر شاعىن تۇرپاتتى جەل ەنەرگيالى گەناراتور، شەتكەرى، شالعاي رايونداعى ەگىنشى-مالشىلاردىڭ ءوندىرىسى پەن تۇرمسىتاعى ءىرى ماسەلەلەرىن ءبىر جايلى ەتتى.كەلپىن اۋدانى يۇىرچي اۋىلى تەرەكاچال قسىتاعىنىڭ ديحانى يرميدين تۇرسىن: «بۇرىن توك جوق كەزدە ءبىر ءۇيلى جان كەشتە نە ىستەرىمىزدى بىلمەيتىنبىز، قازىر توڭازىتقىش، كىر جۋعىش، قول تەلەفون پايدالانىپ، بالالار دا كارتون فيلم كورە الاتىن بولدى»،-دەدى.
توككە يە بولعاننان كەيىن ونى سىرتقا ساتۋ ءتيىس.ەنەرگيانى سىرتقا شىعارۋ ماسەلەسىن شەشۋ ءۇشىن، رايونىمىز ىلگەرىندى-كەيىندى باتىس سولتۇستىكتەگى نەگىزگى توراپپەن بىرىككەن ارنا جانە قۇمىلدىڭ وڭتۇستىگىنەن جىڭجوۋعا دەيىنگى اسقان جوعارى كەرناۋلى تۇراقتى توك جەتكىزۋ ينجەنەرياسىن قۇردى.قازىر شينجياڭنىڭ شىعىس جۇڭعارىنان انحۇيدىڭ ۋاننانىنا دەيىنگى وڭ-تەرىس ءبىر مىڭ 100 كيلوۆولتتىق اسقان جوعارى كەرنەۋلى تۇراقتى توك ينجەنەرياسىنىڭ قۇرىلىسى شۇعىل ىستەلۋدە، مەجەمەن 2018-جىلى اينالىمعا ءتۇسىپ پايدالانىلادى.ينجەنەريانىڭ سانجى اعىن تۇرلەۋىش پۋنكتى نىسانىنىڭ مەڭگەرۋشىسى تان چيبيڭ ماقتانىشپەن بىلاي دەدى: «ينجەنەريا قۇرىلىسى سالىنىپ بولعاننان كەيىن، ءار جىلى شىعىس جۇڭعار رايونىنىڭ وزىنەن شىعىس جۇڭگو رايونىنا 66 ميلليارد كيلوۆات-ساعات توك جەتكىزىلەدى. بۇل نىسان قازىر دۇنيە ءجۇزى بويىنشا كەرنەۋ دارەجەسى ەڭ جوعارى، جەتكىزىلۋ سيىمدىلىعى ەڭ زور، جەتكىزىلۋ ارالىعى ەڭ ۇزاق اسقان جوعارى كەرنەۋلى تۇراقتى توك ينجەنەرياسى سانالىپ، تەحنيكالىق دەڭگەيى ەڭ وزىق دەڭگەيگە جەتكەن نىسان سانالادى»،-دەدى.
ساندى مالىمەتتە بىلاي دەپ كورسەتىلدى: بيىل ماۋسىمعا دەيىن شينجياڭ وپتيكالىق ۆولت گەنەراتور اگرەگرتتارىنىڭ سيمدىلىعى 9 ميلليون 76 مىڭ كيلوۋاتقا جەتىپ، ەلىمىز بويىنشا ەڭ الدىڭعى ورىندى يەلەدى.جەل ەلەكتر گەنەراتور اگرەگاتتارىنىڭ سيىمدىلىعى 18 ميلليون 354 مىڭ كيلوۋاتقا جەتىپ، ەلىمىز بويىنشا ەكىنشى ورىندا تۇردى.
سوڭعى جىلداردان بەرى، جۇڭگو ەلەكتر ەنەرگيا قارجىلاندىرۋ سەرىكتەستىگى، داتاڭ توبى، جۇڭگو ەنەرگيانى ۇنەمدەۋ، قورشاعان ورتانى قورعاۋ توبى سەرىكتەستىگى سياقتى سەگىز ەنەرگيا كاسىپورنى شينجياڭنىڭ شەتكەرى، شالعاي رايونىندا وپتيكالىق ۆولت دەربەس ەلەكتر ستانسياسىن قۇرۋ، ەگىنشى-مالشىلارعا وتباسىندىق وپتيكالىق ۆولت توك تاراتۋ جۇيەسىن تەگىن تاراتۋ سياقتى تاسىلدەر ارقىلى، جالپى 201 مىڭ ادامنىڭ توك تۇتىنۋ ماسەلەسىن شەشتى.مەملەكەتتىك ەلەكتر تورابى شينجياڭ ەلەكتر ەنەرگيا سەرىكتەستىگى قازىندى ەنەرگيانىڭ ورنىنا ەلەكتر ەنەرگياسىن تولىق پايدالانۋدى بەلسەنە ىلگەرلەتىپ، «ەلەكترلەنگەن شينجياڭ» ستراتەگياسىن اتقارىپ، ەنەرگيانىڭ پايدالانىلۋ مولشەرىن ارتتىرىپ، تۇتىنۋشىلاردىڭ ەنەرگيادان پايدالانۋ وزىندىك قۇنىن ازايتتى.قازىرگە دەيىن ەلەكتر ەنەرگياسى ورنىن باسقان نىسان 6 مىڭ 408 گە، ورنىن باسقان ەلەكتر مولشەرى 7 ميلليارد 800 ميلليون كيلوۆات-ساعاتقا جەتىپ، سولتۇستىكتەگى قالالاردىڭ كومىردىڭ ورنىنا توك پايدالانۋىن قۇندى تاجىريبەلەرمەن قامدادى.
ءان الەمى

جول توسىلىپ قالدى

تۇلپارىم