جاڭا حابارلار

بيڭتۋاننىڭ ونەركاسىپ باقشالارى ۇزاققا جارامدى مەحانيزم ورناتىپ، قورشاعان ورتانىڭ قورعالۋىن ىلگەرىلەتتى

    كەلۋ قاينارى: شينجياڭ گازەتى    2017-09-19 19:01:35  

كاسىپ قۇرىلىمىن ساپالىلاندىرىپ، «جاسىل تابالدىرىق» بەلگىلەدى

 ءتىلشىمىز جاڭ شياۋيان 17 - قىركۇيەكتە ۇرىمجىدەن حابارلايدى. بيڭتۋاننىڭ ورتالىقتىڭ قورشاعان ورتانى قورعاۋدى باقىلاۋ - تەكسەرۋىنە سايكەسۋ، بايلانىسۋدى قامتاماسىز ەتۋ قىزمەت گرۋپپاسىنان ۇعىسۋىمىزشا، ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى بيڭتۋاننىڭ ديۆيزيا - قالالارىندا باقىلاۋ - تەكسەرۋ قىزمەتتەرىن ورىستەتكەننەن بەرى، شىحىزى ەكونوميكالىق - تەحنيكالىق اشۋ رايونى سياقتى 5 ونەركاسىپ باقشاسى ورتالىقتىڭ باقىلاۋ - تەكسەرۋ گرۋپپاسى ورتاعا قويعان ماسەلەلەرگە سايكەس، باقىلاي ءجۇرىپ تەكسەرىپ، تەكسەرە ءجۇرىپ تۇزەتكەن.
  ۇزاققا جارامدى مەحانيزم ورناتتى جانە كەمەلدەندىردى. بيڭتۋاننىڭ ونەركاسىپ باقشالارى دامۋ جوبالارىن زەرتتەپ جانە كەمەلدەندىرىپ، كاسىپ قۇرىلىمىن ساپالىلاندىرىپ، كاسىپورىنداردى تۇرلەنۋگە، جاڭعىرۋعا جەتەكتەپ، ەكونوميكانىڭ دامۋ ءتاسىلىن ەكستەنسيۆتىك ۇلگىدەن قارقىندى ۇلگىگە تۇرلەندىردى. شىحىزى ەكونوميكالىق - تەحنيكالىق اشۋ رايونى دامۋ جوباسىن تۇزەتىپ جانە كەمەلدەندىرىپ، قورشاعان ورتانى قورعاۋ بويىنشا ارناۋلى جوبا دايىنداپ، اينالىمدى ەكونوميكا، ەنەرگيا ۇنەمدەپ، لاستاۋشى زاتتاردىڭ شىعارىلۋىن ازايتۋ جانە قورشاعان ورتانىڭ قورعالۋىن باقىلاۋ - باسقارۋ سياقتى ءتۇيىندى قىزمەتتەردى جولعا قويدى. ۋجياچۇي ەكونوميكالىق - تەحنيكالىق اشۋ رايونى كاسىپورىنداردىڭ «ينتەرنەت +ءوندىرۋشى ونەركاسىپ» تۇرىندەگى ەلەكتروندىق ساۋدا تۇعىرىن دامىتۋىنا ءجون سىلتەپ، ينفورماتسيا تەحنولوگياسىنىڭ كومىر، ەلەكتر قۋاتى، مەتاللۋرگيا سياقتى سالالارداعى ينتەگرالدى قولدانىلۋىن تەرەڭدەتىپ، وندىرىستىك ۇلگىنىڭ سيفرلانۋ، جەلىلەنۋ، زەردەلىلەنۋگە قاراي تۇرلەنۋىن ىلگەرىلەتتى.
  مەملەكەتتىڭ كاسىپ سالاسى ساياساتىن قاتاڭ اتقارىپ، سالالىق ونەركاسىپتىڭ رۇقساتتى وڭىرلەرىن شەكتەۋدى اتقارىپ، قورشاعان ورتانى قورعاۋ بويىنشا رۇقسات ولشەمىن جوعارىلاتتى. شىحىزى ەكونوميكالىق - تەحنيكالىق اشۋ رايونى قارجى تارتۋ نىساندارىن قاتاڭ تەكسەرىپ، ەنگىزىلۋ كوزدەلگەن نىساندارعا ولشەمگە تولعاندا عانا رۇقسات ەتۋ جۇيەسى بويىنشا باعالاۋ جۇرگىزدى ءارى باقشا رايونىنداعى ءتۇيىندى كاسىپتەردىڭ ەنەرگيا شىعىنىنىڭ ەكونوميكالىق ۇلەس كوەففيتسەنتىنە ولشەم بەلگىلەپ، تەك ولشەمگە جەتكەن نىسانداردىڭ عانا باقشا اۋماعىندا قۇرىلىس جۇرگىزۋىنە رۇقسات ەتتى. 13 - ديۆيزيانىڭ ونەركاسىپ باقشاسى «جاسىل تابالدىرىق» بەلگىلەپ، «ۇشتە جوعارى» كاسىپورىنداردىڭ باقشاعا ەنۋىن قاتاڭ تىزگىندەپ، قازىرگى كومىر جانە بولات - تەمىر، ت.ب كاسىپورىندارىن ونەركاسىپتىڭ دەڭگەيىن كوتەرۋگە، جاڭالاۋعا جەتەكتەپ، مەشەۋ تەحنولوگيالاردى بىرتىندەپ قولدانىستان شىعارىپ، تەرەڭ وڭدەۋگە، جىنتىكتەي وڭدەۋگە نەگىزدەلگەن اينالمالى ەكونوميكانى دامىتۋ جولىنا ءتۇستى.
  كاسىپورىنداردىڭ لاستانۋدان ساقتانۋ، لاستانۋدى وڭاۋ جاۋاپكەرشىلىگىن كۇشەيتتى. شىحىزى ەكونوميكالىق - تەحنيكالىق اشۋ رايونى باقشا رايونىنداعى كاسىپورىنداردىڭ قايتا تۇزىلگەن سۋدى قايىرا پايدالانۋ مولشەرىنىڭ تومەندىگىن ەسكەرىپ، حيميا ونەركاسىبى جانە جاڭا ماتەريالدار ونەركاسىپ باقشاسىندا قايتا تۇزىلگەن سۋدى قايىرا پايدالانۋ ينجەنەريالىق قۇرىلىسىن ءتۇيىندى تۇردە جەدەلدەتتى، باسۋ - بوياۋدان پايدا بولعان لاس سۋلاردى تازارتۋ زاۆودىنىڭ قايتا تۇزىلگەن سۋدى قايىرا پايدالانۋ ينجەنەرياسى اياقتاپ، پايدالانۋعا بەرىلدى. ۋجياچۇي ەكونوميكالىق - تەحنيكالىق اشۋ رايونى 6 - ديۆيزيانىڭ كومىر ەلەكتر سياقتى ءىرى نىساندارىن اينالاداعى نىساندارمەن وندىرىستىك قالدىقتاردى پايدالانۋ بويىنشا سەلبەستىك جاساسۋعا جەتەكتەدى، «13 - بەسجىلدىقتىڭ» اياعىنا دەيىن، باقشا رايونىنداعى ق−اتتى ق−الدىقتاردىڭ كەشەندى پايدالانىلۋ ۇلەسى %95تىڭ ۇستىنە كوتەرىلەدى دەپ مەجەلەنۋدە. بيڭتۋان ءۇرىمجى ونەركاسىپ باقشاسى كومىر جاعاتىن 21 كاسىپورىندى تازا ەنەرگيا كوزدەرىمەن جىلۋ الۋعا جۇمىس باسىندا قۋزاپ، قورشاعان ورتانى قورعاۋ بويىنشا «كومىردىڭ ورنىنا ەلەكتر قۋاتى مەن گاز پايدالانۋ» نىسانىن جۇرگىزدى. 13 - ديۆيزيانىڭ ونەركاسىپ باقشاسى وندىرىستەن توقتاتىلعان كاسىپورىندارعا شەكتەۋلى ۋاقىت كولەمىندە قورشاعان ورتانى قورعاۋ بويىنشا وتكىزىپ الۋ، باقىلاۋ - ولشەۋ جۇمىستارىن اياقتاپ، تەكسەرۋ، وتكىزىپ الۋدا تولىمدى بولعاننان كەيىن عانا وندىرىستىك شارۋاشىلىق ارەكەتتەرىن قالپىنا كەلتىرۋگە قۋزادى.
  نەگىزدىك قۇرىلعىلار قۇرىلىسىن كۇشەيتتى. قورعاس شەكارا وتكەلى ونەركاسىپ باقشاسىنىڭ بيڭتۋان بولىمشەسى 62 - پولكپەن بىرلەسىپ، لاس سۋدى تازارتۋ زاۆودىن سالىپ، تۇرمىستىق لاس سۋلار مەن ونەركاسىپتىك لاس سۋلاردى جاپپاي تازارتۋ قابىلەتىن جوعارىلاتۋدى جوسپارعا الدى، وسى زاۆود سالىنعاننان كەيىن، كۇنىنە 20 مىڭ تەكشەمەتر لاس سۋدى تازارتادى. ۋجياچۇي ەكونوميكالىق - تەحنيكالىق اشۋ رايونى قورشاعان ورتانى قورعاۋ قۇرىلعىلارى مەن الەۋمەتتىك نەگىزدىك قۇرىلعىلار بويىنشا ۇسىنىلىم ءبولۋ، قۇرىلىس جۇرگىزۋ تەبىنىن كۇشەيتىپ، ونەركاسىپتىك قاتتى قالدىقتاردى كەشەندى ءبىر جاقتى ەتۋ جانە تۇرمىستىق قوقسىقتاردى كومۋ الاڭى نىسانىنىڭ العاشقى كەزەڭىنىڭ ىسكە قوسىلىپ، پايدالانۋعا بەرىلۋى نەگىزىندە 2018 - جىلى وسى نىساننىڭ 2 - كەزەڭىن باستاماقشى.


بەرىپ كەت ورامالىڭدى

دوستار

الىستاعى اق ەركە