جاڭا حابارلار

بيىل شينجياڭنىڭ اۋىل-قىستاقتارى قابىلدايتىن ساياحاتشى مولشەرمەن 35 ميلليون ادام رەتتەن اساتىن كورىنەدى

    كەلۋ قاينارى: شينجياڭ حالىق راديو ىستانسياسى    2017-10-17 12:15:02  
شينجياڭ ەكونوميكا گازەتىنىڭ حابارى: ءتىلشىنىڭ 14-قازان اۆتونوميالى رايوندىق ساياحاتتى دامىتۋ كوميتەتىنەن ۇعىسۋىنا قاراعاندا، بيىل، شينجياڭنىڭ اۋىل-قىستاقتارى قابىلدايتىن ساياحاتشى مولشەرمەن 35 ميلليون ادام رەتتەن اساتىن كورىنەدى.
ـــ اۋىل-قىستاق ساياحاتىن كۇش سالا دامىتۋ اۆتونوميالى رايوندىق ساياحاتتى دامىتۋ كوميتەتىنىڭ ساياحات ارقىلى كەدەيلىكتەن قۇتىلدىرۋداعى ۇتىمدى شارالارىنىڭ ءبىرى، قازىر، شينجياڭنىڭ اۋىل-قىستاقتارى قابىلداعان ساياحاتشى سانى ءۇرتىس ارتۋدا،-دەدى اۆتونوميالى رايوندىق ساياحاتتى دامىتۋ كوميتەتى امبەباپ سايكەستىرۋ باسقارماسىنىڭ باستىعى جاۋ حىلين تانىستىرىپ.
سوڭعى جىلدارى، رايونىمىز اۋىل-قىستاق ساياحاتىن بار كۇشپەن دامىتىپ، ساياحات بايلىعىندا ابزالدىلىعى بار جانە ساياحاتتى وركەندەتۋگە ۇيلەسەتىن وڭىرلەردىڭ اۋىل-قىستاق ساياحاتى ارقىلى حالىقتى اۋقاتتاندىرۋ جانە كەدەيلەردى دالمە-ءدال سۇيەمەلدەۋ كاسىپ جۇيەسىن كۇش سالا قالىپتاستىرىپ، كەدەي بۇقارانى ساياحاتپەن شۇعىلدانۋعا باستاپ، ەگىنشى-مالشىلاردىڭ كىرىس ارناسىن كەڭەيتىپ، كەدەيلىكتەن قۇتىلىپ بايۋىن ورنىقتى ىلگەرلەتتى.
اۆتونوميالى رايوندىق ساياحاتتى دامىتۋ كوميتەتى الدا 36 ميلليون 500 مىڭ يۋان قارجىمەن اۋىل-قىستاق ساياحاتى ارقىلى كەدەيلىكتەن قۇتىلدىرۋ قىزمەتىن قولداماقشى، مۇندا، 31 ميلليون 500 مىڭ يۋان قارجى 63 كەدەي قىستاقتىڭ ساياحات ارقىلى كەدەيلىكتەن قۇتىلدىرۋ قىزمەتىنە بولىنەدى، 5 ميلليون يۋان قارجى اۋىل-قىستاق ساياحات ارقىلى كەدەيلىكتەن قۇتىلدىرۋدان ۇلگى كورسەتەتىن اۋدانداردىڭ قىزمەتىن قولداۋعا جۇمسالادى ەكەن.

بەرىپ كەت ورامالىڭدى

دوستار

الىستاعى اق ەركە