جاڭا حابارلار

ياڭ بيڭ ءىس جۇزىندىك ارەكەتى ارقىلى 20 جىلدى ءبىر كۇنگىدەي ءۇن-ءتۇنسىز وتكىزگەن بولاتىن

    كەلۋ قاينارى: شينجياڭ حالىق راديو ىستانسياسى    2017-11-03 16:14:08  
ستانسيامىزدىڭ ءتىلشىسى ياڭ جيانچياۋدىڭ حابارىن تىڭداڭىزدار: قازىر، بيڭتۋان 7-شى 126-تۋان الاڭى 11-ليانىنىڭ كۇزگى جيىن-تەرىن قىزمەتىنىڭ قاۋىرت كەزەڭى، الايدا، لياندۇيدەگى جۇمىسشى-قىزمەتكەرلەر اۋىل-شارۋاشىلىق تەحنيگى ياڭ بيڭنىڭ اتىز باسىندا قاربالاستاپ جۇرگەن بەينەسىن ەندىگارى كورە المايتىن بولدى. 16-قازاندا، ياڭ بيڭ توساتتان جۇرەك اۋرۋى ۇستاپ قىزمەت ورنىندا جىعىلىپ، 47 جاسىندا قايتىس بولدى. ول ءىس جۇزىندىك ارەكەتى ارقىلى 20 جىلدى ءبىر كۇنگىدەي ءۇن-ءتۇنسىز وتكىزىپ، مىندەتىن ادالدىقپەن اتقاراتىن كوممۋنيستىك پارتيا مۇشەسىنىڭ جارقىن وبىرازىن ايگىلەدى.
بىرنەشە كۇننەن بەرى، 11-لياننىڭ قىزمەتكەرى ساۋ شيۋميڭ وتباسى ماقتا اتىزىنداعى ماقتالارىن تەرە باستادى. ءبىر كۇندىك قاربالاستىقتان كەيىن ول اتىز باسىن ارالاپ شىقتى. ول تىلشىگە بىلاي دەدى: «10 نەشە جىل بولدى، ياڭ بيڭ تاڭەرتەڭ، كەش ۇنەمى وسى جەرگە كەلىپ قايتاتىن. ونىڭ جەرى مەن مەنىڭ جەرىمدى ءبىر جول ءبولىپ تۇراتىن، مەن جەرىمدى ارالاپ شىققاننان كەيىن ونىڭ جەرىن كورىپ كەلەتىنمىن».
20 نەشە جىلدا، 11-ليانداعى كوتەرمەگە العان ءار ءبىر جەردە ياڭ بيڭنىڭ ءىزى قالدى، ول ءار ءبىر جەردىڭ قۇنارلىلىعى، كولەمى، ءونىم مولشەرى سياقتى كورسەتكىشتەردى بەس ساۋساعىنداي بىلەتىن، ءارى ءوزى ۇيرەنگەن وزىق تەحنيكالاردى باسقالارعا دەن قويا ۇيرەتەتىن. 2016-جىلى، ياڭ بيىن بيڭتۋان مەن جەرگىلىكتى ورىندى توعىستىرا دامىتۋ ۇندەۋىنە بەلسەنە ءۇن قوسىپ، شيحۋ قالاسى گانحىزى قالاشىعى باۋجياجۋاڭزى قىستاعىنا بارىپ ءبىر جىلدىق اۋىل شارۋاشىلىعىنا كومەكتەسۋ قىزمەتىنە قاتىناسادى. باۋجياجۋاڭزى قىستاعىنىڭ تۇرعىنى ۋاڭ يانلي بىلاي دەدى: «بۇرىن ەگىن سالعاندا ۇقىپسىز بولاتىنبىز، ياڭ تەحنيك كەلگەننەن كەيىن عىلمي جولمەن ەگىن ەگىپ، دەن قويا باپتادىق، بيىل 180 مۋ جەردەن 400 كيلوگرام ءونىم الىپ، مۋ باسىندىق كىرىسىم ءبىر مىڭ يۋاننان ارتىق جوعارىلادى».
126-تۋان پارتكومىنىڭ تۇراقتى مۇشەسى، تۋان الاڭىنىڭ ورىنباسار باستىعى لين جۇڭشياۋ: «قىزمەتتى تىندىرىمدى ىستەپ، شىنايى سويلەپ، ناقتى ىستەر ىستەدى، ءبىز ونىڭ وسى رۋحىن القايمىز، ءار ءبىر باسشى كادرگە يدەيالىق جاقتا ونان ۇلگى الىپ، ونىڭ رۋحىن جالعاستىرۋدى ناسيحاتتايمىز»،-دەدى.

بەرىپ كەت ورامالىڭدى

دوستار

الىستاعى اق ەركە