جاڭا حابارلار

جەدەل ارەكەتتەنىپ، فورمانى جاڭالاپ، شىن كوڭىلمەن ارالاسىپ، سۇيىسپەنشىلىكتى تەرەڭدەتتى

    كەلۋ قاينارى: شينجياڭ گازەتى    2017-12-20 14:07:33  

اۆتونوميالى رايوندىق پارتكوم كەڭسەسى، اۆتونوميالى رايوندىق حالىق ۇكىمەتى كەڭسەسى ۇلتتار ىنتىماعى «تۋىستاسۋ اپتالىعى» قيمىلىن جاڭاشا فورمامەن ورىستەتتى

 قاشقار ايماقتىق ورتا حالىق سوتى مەكەمەسى قاشقار جاڭاءشار اۋدانىندا ۇلتتار ىنتىماعى بويىنشا «تۋىستاسۋ اپتالىعى» قيمىلىن ورىستەتكەننەن بەرى، جەرگىلىكتى ديقاندارمەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەندى ءارى وسى اۋدانداعى حۋادۇڭ شيپاحاناسىنىڭ ەمدەۋ قىزمەتكەرلەرىن شاقىرىپ، قىستاقتاعى جاسى 60تان اسقان تۇرعىنداردىڭ دەنساۋلىعىن اقىسىز تەكسەرتتى. سۋرەتتە: قاشقار جاڭاءشار اۋدانى جاڭا ارىق اۋىلى داڭگالشى قىستاعىنىڭ تۇرعىندارى 17 - جەلتوقساندا قىستاق تۇرعىندار كوميتەتىندە دەنساۋلىق تەكسەرتۋدە.

سۋرەتتى ءتىلشىمىز ازات يۇسۇپجان تۇسىرگەن

  گازەتىمىزدىڭ جيناق حابارى. اۆتونوميالى رايوننىڭ ۇلتتار ىنتىماعى بويىنشا «تۋىستاسۋ اپتالىعى» قيمىلى ورىستەتىلگەننەن بەرى، اۆتونوميالى رايونىمىزداعى تاراۋلار، مەكەمە - ورىندار جەدەل ارەكەتكە كەلدى، اۆتونوميالى رايوندىق پارتكوم كەڭسەسى، اۆتونوميالى رايوندىق حالىق ۇكىمەتى كەڭسەسى الدىمەن ارەكەتتەنىپ، بۇقارانىڭ قاسىنداعى كوزبەن كورىپ، قولمەن ۇستاۋعا بولاتىن وزگەرىستەردى قاراپايىم تىلمەن بايانداپ، تۋىسقاندارعا پارتيا 19 - قۇرىلتايىنىڭ رۋحىن ۇگىتتەپ، جۇپ قۇراعان تۋىستارىمەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەنىپ، بىرگە العا باسىپ، تۋىستارىنىڭ ناقتى قيىنشىلىقتارىنىڭ شەشىلۋىنە قولدان كەلگەنشە جاردەم جاسادى، ءار ۇلت كادر - جۇرتشىلىعى ەتەنە ارالاسۋ، اڭگىمە دۇكەن قۇرۋ، سىر اقتارىسۋ بارىسىندا كوڭىلدەرى توعىسىپ، دوستىقتارى بەكي ءتۇستى.
  اۆتونوميالى رايوندىق پارتكوم كەڭسەسى:
  جەدەل ارەكەتتەنىپ، شىن جۇرەكتەن ارالاسىپ، ۇلتتار ىنتىماعى بويىنشا «تۋىستاسۋ اپتالىعى» قيمىلىن تىڭعىلىقتى ورىستەتتى
  اۆتونوميالى رايوننىڭ ۇلتتار ىنتىماعى بويىنشا «تۋىستاسۋ اپتالىعى» قيمىلى باستالىسىمەن، اۆتونوميالى رايوندىق پارتكوم كەڭسەسىنەن العاشقى توپتا 74 كادر - قىزمەتكەر يىڭسار اۋدانىنىڭ چىڭگۋان، ستيلا اۋىلدارىنىڭ 13 قىستاعىنا جەتىپ ۇلگىرىپ، 20 گرۋپپاعا ءبولىنىپ، «تۋىستاسۋ اپتالىعى» قيمىلىن ورىستەتتى.
  قازىرگە دەيىن، پارتكوم كەڭسەسىنەن تۋىسشىلاۋعا بارعان كادرلار پارتيا 19 - قۇرىلتايىنىڭ رۋحىن ۇگىتتەۋ قيمىلىن 132 دۇركىن وتكىزىپ، وعان 2700 ادام - رەتتەن اسا قاتىستى، 158 وتباسىن ارالاپ، 129 جاقسى، ناقتى ءىس ىستەدى، 40 مىڭ يۋاننان اسا قارجى سالدى، بىرىككەن دوستىق قيمىلدارىن 127 رەت وتكىزىپ، وعان بۇقارا 2380 ادام - رەتتەن اسا قاتىناستى.
  پارتكوم كەڭسەسىنەن تۋىسشىلاۋعا بارعان كادرلار پارتيا 19 - قۇرىلتايىنىڭ رۋحىن ۇگىتتەۋدى ماڭداي الدى ساياسي مىندەت ەتۋدەن جازباي، بۇقارانىڭ ماڭىنداعى كوزبەن كورىپ، قولمەن ۇستاۋعا بولارلىق وزگەرىستەردى قاراپايىم تىلمەن بايانداپ، تۋىستارىنا پارتيا 19 - قۇرىلتايىنىڭ رۋحىن بەتپە - بەت، شىن جۇرەكتەن ۇگىتتەپ، تۋىستارىمەن بىرگە ۇيرەنىپ، تەڭ العا باستى. سونىمەن قاتار، تۋىسشىلاي بارعان كادرلار ۇلتتار ىنتىماعى، العاباسارلىعى تاربيەسىن كۇشەيتىپ، تۋىستارىن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، «5 ورتاق تانىمدى» كۇشەيتۋگە جەتەكتەدى.
  پارتكوم كەڭسەسىنەن تۋىسشىلاي بارعان كادرلار «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرىمەن بىرگە ءۇي - ءۇيدى ارالاپ، جاعدايعا كوز جەتكىزىپ، قيىنشىلىعى بار بۇقارانىڭ قىزمەتتەرىن ءتۇيىندى تۇردە ىستەپ، ولاردىڭ وي - تولعامدارىمەن ءبولىستى. سونىمەن قاتار، ولار ءتۇرلى ماسەلە مەن ولقىلىقتاردى ىشكەرىلەي قاراستىرىپ، قايشىلىق پەن داۋ - شاردى اۋىل - قىستاقتىڭ وزىندە شەشىپ، كومەسكى حاۋىپ - قاتەردى وسكىن كۇيىندە جويدى. ولار تۋىستارىنىڭ شارۋاسىن ءوز شارۋاسىنداي كورىپ، تۋىستارىمەن اڭگىمە دۇكەن قۇرىپ، وزگەرىستەردى تىلگە تيەك ەتىپ، تۋىستارىنىڭ بالا وقىتۋ، اۋرۋ كورسەتۋ سياقتى ناقتى قيىنشىلىقتارىنىڭ شەشىلۋىنە قولىنان كەلگەنشە كومەكتەسىپ، شىن مانىندە كوڭىلدەرى توعىسىپ، بۇكپەسىز ارالاستى.
  بۇدان سىرت، پارتكوم كەڭسەسىنەن تۋىسشىلاي بارعان كادرلار بىرىككەن دوستىق ءماجىلىسى، اڭگىمە ءماجىلىسى، شاي ءماجىلىسى، مادەنيەت - سپورت باسەكەسى سياقتى قيمىلدار وتكىزىپ، قىزىقتى قيمىلدار بارىسىندا جاعدايدى ايتىپ، ساياساتتى ءتۇسىندىرىپ، ىنتىماقتى جىرلاپ، ءوزارا تۇسىنىكتى تەرەڭدەتىپ، ءار ۇلت كادر - جۇرتشىلىعىنىڭ ەتەنە ارالاسۋ، اڭگىمە دۇكەن قۇرۋ، سىر اقتارىسۋ بارىسىندا كوڭىلدەرى توعىسىپ، دوستىقتارى تەرەڭدەۋىنە مۇمكىندىك جاسادى.
  قازىر پارتكوم كەڭسەسى «ۇلتتار ىنتىماعىنىڭ بەرەكەلى شاڭىراعى، تۋىسىما پارتيا گازەتىن جەتكىزەمىن» اتىنداعى قيمىلدى ورىستەتۋ ۇستىندە، 2 - توپتا تۋىسشىلايتىن كادرلار يىڭسار اۋدانىنا جەتىپ ۇلگىرىپ، جۇمىستى باستاپ كەتتى.
  اۆتونوميالى رايوندىق حالىق ۇكىمەتى كەڭسەسى:
  بەرىلە ناقتى ءىس ىستەپ، ىزگى نيەت، شىنايى سۇيىسپەنشىلىكپەن جۇرت جۇرەگىن جىلىتتى
  15 - جەلتوقسان كۇنى ءتۇستىڭ الدىندا، اۆتونوميالى رايوندىق حالىق ۇكىمەتى كەڭسەسىنىڭ ۇلتتار ىنتىماعى بويىنشا «تۋىستاسۋ اپتالىعى» قيمىلىنا 2 - توپتا قاتىناسقان 62 كادر، جۇمىسشى - قىزمەتكەر قاشقار جاڭاشار اۋدانىنىڭ 2 اۋىل، 3 قىستاعىنداعى تۋىستارىنىڭ ۇيىنە باردى. جۇكتەرىن قويعان سوڭ، كادرلار ءار الۋان، مول مازمۇندى قيمىلدارعا كىرىسىپ، پارتيانىڭ مەيىر - شاپاعاتىن ءىس جۇزىندىك ارەكەتتەرىمەن تۋىستارىنىڭ كوڭىل تۇكپىرىنە جەتكىزدى.
  اۆتونوميالى رايون ۇلتتار ىنتىماعى بويىنشا «تۋىستاسۋ اپتالىعى» قيمىلىنا اتتانىسقا كەلتىرۋ بەينە ەكران جينالىسىن اشىپ ورنالاستىرۋ جاساعان سوڭ، ۇكىمەت كەڭسەسى بەلسەنە ءۇن قوسىپ، جەدەل قيمىلداپ، جان - جاقتى ورنالاستىرۋ جاسادى. كوپشىلىك پارتيا 19 - قۇرىلتايى بايانداماسىنىڭ ۇيعۇر تىلىندەگى كىتاپشاسىن تۋىستارىنا سي رەتىندە ۇسىنىپ، تۋىستارىمەن بىرگە پارتيا 19 - قۇرىلتايىنىڭ رۋحىن ۇيرەنىپ، قاراپايىم تىلمەن تۋىستارىنىڭ قۇرىلتاي رۋحىن ءتۇسىنىپ، ەستە ساقتاپ، يدەيانى شىن مانىندە پارتيا 19 - قۇرىلتايىنىڭ رۋحىمەن بىرلىككە كەلتىرىپ، كۇش - قۋاتتى پارتيا 19 - قۇرىلتايىندا بەلگىلەنگەن ءتۇرلى مىندەتتەردى ىسكە اسىرۋعا شوعىرلاندىرۋىنا مۇمكىندىك تۋدىردى.

  15 - جەلتوقسان كۇنى كەشتە، اۆتونوميالى رايوندىق ۇكىمەت زاڭ - ءتۇزىم كەڭسەسىنىڭ ورىنباسار مەڭگەرۋشىسى جوۋ چين تۋىسى زۋيدىگۇلدىڭ ۇيىندەگىلەرمەن قورالاي وتىرىپ اڭگىمە دۇكەنىن قۇرىپ، «شام تۇبىندەگى ۇگىت - لەكسياسىن» باستادى. اۋىلىنداعى وزگەرىستەردى شەتىنەن ايتىپ شىققان زۋيدىگۇل «مۇنىڭ بارلىعىنىڭ پارتيانىڭ قامقورلىعىنىڭ ارقاسى» ەكەنىن ءبىلدىرىپ، ءوزىنىڭ ەرتەرەك كەدەيلىكتەن قۇتىلىپ اۋقاتتانىپ، جاقسى تۇرمىسقا قادام تاستاۋدى ءۇمىت ەتەتىندىگىن ايتتى. جوۋ چين پارتيانىڭ شارۋالارعا تيىمدىلىك جاساۋ ساياساتىن ۇگىتتەپ، ونى تالماي قۇلشىنىپ، ءوزىن الۋەتتەندىرىپ، پارتيانىڭ شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسسە، تۇرمىسىنىڭ بارعان سايىن جاقسارا تۇسەتىندىگىن ايتتى.
  «شام تۇبىندەگى ۇگىت - لەكسيا» ۇكىمەت كەڭسەسىنىڭ «7 ءبىر» قيمىلىنىڭ ءبىر مازمۇنى عانا. قيمىل فورماسىنا جاڭالىق ەنگىزۋ ءۇشىن، ۇكىمەت كەڭسەسى تۋىستارىنىڭ ۇيلەرىنىڭ ءىس جۇزىندىك جاعدايىمەن ۇشتاستىرىپ، ءبىر رەت شام تۇبىندە ۇگىت - لەكسيا جاساۋ، ءبىر رەتكى شاعىن پارتيا ساباعى، ءبىر رەتكى كەدەيلەردى سۇيەمەلدەۋدى اقىلداسۋ ءماجىلىسى، ءبىر رەتكى وتباسى اڭگىمە جيىنى، ءبىر رەتكى وتباسى جيىنى، ءبىر رەتكى شاعىن زاڭ جالپىلاستىرۋ ساباعى، ءبىر رەتكى عىلىم جالپىلاستىرۋ بىلىمدەرى ساباعى سياقتى قيمىلداردى ۇيىمداستىرىپ، حالىققا قىزمەت ەتۋ اياسىن جانە پارتيا 19 - قۇرىلتايىنىڭ رۋحىن ۇگىتتەۋدى قىستاقتىڭ باس - اياعىنا، وتباسىلارعا، اتىز باستارىنا دەيىن كەڭەيتتى.
  تۋىستارمەن بەتپە - بەت اڭگىمەلەسۋ، شىنايى سىرلاسۋدىڭ ناتيجەسىندە، ۇكىمەت كەڭسەسىنىڭ تۋىستاسۋ اپتالىعى قيمىلى جۇرت كوڭىلىنەن شىعىپ، بۇقارانىڭ جۇرەگىنە جىلۋ باعىشتاپ، جۇرت تىلەگىن توعىستىردى. ساناققا قاراعاندا، كەڭسەدەن ۇلتتار ىنتىماعى بويىنشا «تۋىستاسۋ اپتالىعى» قيمىلىنا 1 - توپتا قاتىناسقان كادرلار مەن جۇمىسشى - قىزمەتكەرلەر پارتيا 19 - قۇرىلتايىنىڭ رۋحى، ۇشقارى يدەيانى الاستاۋ، پارتيانىڭ حالىققا تيىمدىلىك جاساۋ ساياساتتارى سياقتىلاردى ۇگىتتەۋ قيمىلىنان 120 رەتتەن استام وتكىزىپ، 2000نان استام ادامدى (رەت) قامتىعان؛ 28 وتباسىندا 78 ادامعا (رەت) كومەكتەسىپ، سۇيەمەلدەپ، قيىنشىلىعىن شەشىپ بەرگەن، 76 مىڭ 500 يۋان (زاتتىق بۇيىمداردى اقشاعا شاققاندا) كومەك قارجىسىن بەرگەن؛ 40 نەشە رەت بىرلەسكەن دوستىق قيمىلىن وتكىزىپ، بۇعان 820دان استام ادام (رەت) قاتىناسقان.
  (تىلشىلەرىمىز ۋاڭ يۇڭفي، دۇڭ شاۋحۋا، يۋان لەي)


بەرىپ كەت ورامالىڭدى

دوستار

الىستاعى اق ەركە