باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اقسۋداعى «قوس وزەن» الابىنىڭ ەكولوگياسىن جونگە سالۋ بۇقارانى يگىلىككە كەنەلتتى

    كەلۋ قاينارى: شينجياڭ گازەتى    2018-01-02 11:14:50  

اقسۋ قالاسىنداعى دولان وزەنىنىڭ كورىنىسى. (گازەتىمىزدىڭ سۋرەت قامباسىنان الىندى) سۋرەتتى ليۋ جيانجياڭ تۇسىرگەن

  ءتىلشىمىز گاي يوۋجۇن، اقسۋ تىلشىلەر پۋنكتىنەن رىن حۇڭفاڭ 30 - جەلتوقساندا اقسۋدان حابارلايدى. بيىلعى جاۋعان تۇڭعىش قاردان كەيىن، اقسۋدا كۇن سۋىتتى. اقسۋ قالاسىنىڭ 55 جاستاعى تۇرعىنى جياڭ جىپيڭ ءار كۇنى اقسۋداعى دولان وزەنى مەملەكەتتىك شۇرات باقشاسىنا بارىپ، دەنە شىنىقتىرادى. «قورشاعان ورتا وتە تاماشا، ءبىر كۇن كەلمەسەم ءبىر ءتۇرلى بولىپ قالام»، - دەيدى جياڭ جىپيڭ.
  29 - جەلتوقساندا ءتىلشى اقسۋداعى دولان وزەنى مەملەكەتتىك شۇرات باقشاسىنا كەلدى، باقشادا ۇلكەندى - كىشىلى كولشىكتەردىڭ تولقىنى كەشكى ارايمەن ساعىم ويناسا، اق تەرەكتىڭ، تالدىڭ كولەڭكەسى كولگە ءتۇسىپ، جابايى ۇيرەك كولشىك ورتاسىنداعى قايراڭدا جەم ىزدەيدى، اعاش توسەلگەن جولدار يرەلەڭدەپ سونادايعا سوزىلىپ، ساياحاتشىلار ارەدىك دەمالىپ، باقشادا سەيىلدەپ ءجۇر، قىس كەزىندەگى شۇرات باقشاسى سۇلۋ سۋرەتتەي وزگەشە قۇلپىرادى.
  «اقسۋداعى دولان وزەنى مەملەكەتتىك شۇرات باقشاسىنىڭ قۇرىلىسى 2014 - جىلى باستالعاننان قازىرگە دەيىن، قۇم - قايراڭ تۇندىرۋ رايونى، ينجەنەريالىق سۋلى - باتپاقتى جەردى ءبىر جاقتى ەتۋ رايونى جانە بيولوگيالىق الۋان تۇرلىلىكتى جەتىلدىرۋ - ساقتاۋ رايونى سىندى 3 فۋنكتسيالىق رايوننىڭ قۇرىلىسى ءبىتتى. شۇرات باقشاسىنىڭ قۇرىلۋى توڭىرەكتەگى ەكولوگيالىق ورتانى جاقسارتۋ جونىندە ماڭىزدى مانگە يە»، - دەيدى اقسۋ دولان وزەنى مەملەكەتتىك شۇرات باقشاسى ازيا بانكەسىنىڭ قارىزىمەن جۇرگىزىلەتىن نىساندى باسقارۋ كەڭسەسىنىڭ قىزمەتكەرى ما دۇڭحاڭ، ونىڭ ايتۋىنشا، بۇل باقشا وڭتۇستىك شينجياڭداعى ەڭ ۇلكەن مەملەكەتتىك شۇرات باقشاسى سانالادى ەكەن، باقشا اۋماعىنىڭ سۋ قاينارى مول، سۋ ساپاسى جاقسى، جارىق، جىلۋ بايلىعى جەتكىلىكتى ەكەن، باقشا تيپتىك وكىلدىك سيپاتقا يە باتىس سولتۇستىك قۋاڭشىلىق وڭىرگە ءتان سۋلى - باتپاقتى جەر بولىپ قالىپتاسقان، باقشانىڭ ەكولوگيالىق قورعاۋ رايونىندا جىڭعىل، قىزىل ميا، سەكسەۋىل سياقتى مەملەكەتتىك 2 - دارەجەلى قورعالاتىن وسىمدىكتەردەن 10نان استامى، بۇركىت، قارا دەگەلەك، شينجياڭ ترەسكا بالىعى سياقتى مەملەكەتتىك 1 - دارەجەلى قورعالاتىن 7 ءتۇرلى جانۋار جانە تارىم قويانى، اق قۇتان، كوك قۇتان سياقتى مەملەكەتتىك 2 - دارەجەلى قورعالاتىن 20 نەشە ءتۇرلى حايۋانات - قۇس، سونداي - اق اۆتونوميالى رايوندا ءتۇيىندى تۇردە قورعالاتىن 70 نەشە ءتۇرلى حايۋانات بار.
  اقسۋ دولان وزەنى مەملەكەتتىك شۇرات باقشاسى − اقسۋ ايماعى جۇرگىزگەن اقسۋ وزەنى، ۇگەن وزەنى الابىنىڭ «قوس ميلليون مۋلىق» ەكولوگيالىق جونگە سالۋ ينجەنەرياسىنىڭ قۇرامداس بولىگى، كوكيار جاسىلداندىرۋ ينجەنەرياسىنان كەيىنگى ەكولوگيالىق ورتانى جاقسارتۋدىڭ تاعى ءبىر ماڭىزدى ينجەنەرياسى. حالىق بۇقاراسىنىڭ ەكولوگيالىق قۇرىلىستىڭ پايداسىنان اناعۇرلىم كوپ يگىلىكتەنۋىنە مۇمكىندىك جاساۋ ءۇشىن، 2015 - جىلى اقسۋ ايماعى اقسۋ وزەنى، ۇگەن وزەنى الابىندا جالپى جوبا كولەمى 2 ميلليون 337 مىڭ 900 مۋعا جەتەتىن «قوس ميلليون مۋلىق» ەكولوگيالىق جونگە سالۋ ينجەنەرياسىن باستاپ، جۇيەلى قالپىنا كەلتىرۋ، جالپىلىق قورعاۋ، كەشەندى جونگە سالۋ سياقتى شارالار قولدانىپ، اقسۋ وزەنىنىڭ، ۇگەن وزەنىنىڭ 2 جاعالاۋىن جاسىلداندىردى، كورىكتەندىردى. قازىر ينجەنەريا اياسىندا جالپى ءبىر ميلليون 680 مىڭ مۋ جەردىڭ قۇرىلىسى ءبىتىپ، جوسپاردىڭ %72ى ورىندالدى.
  اقسۋ ايماقتىق پارتكومنىڭ شۋجيى دوۋ ۋانگۇي بىلاي دەدى: «قوس وزەن» الابىنىڭ «قوس ميلليون مۋلىق» ەكولوگيانى جونگە سالۋ ينجەنەرياسىنىڭ جۇرگىزىلۋى قۇمدى بوران سياقتى تابيعي اپاتتاردىڭ حالىقتىڭ تۇرمىسىنا، وندىرىسىنە جاسايتىن ءتيىمسىز ىقپالىن بەلگىلى دەڭگەيدە ازايتىپ جانە تەجەپ، وڭىردەگى سۋ مەن توپىراقتىڭ زايا كەتۋىن ءونىمدى تەجەپ، قۋاڭشىلىق، اڭىزعاق جەل، بوران سياقتى ناشار كليماتتىڭ قۇم ءشول جيەگىندەگى وڭىرلەردىڭ ەكولوگيالىق ورتاسىنا سالاتىن زيانىن تومەندەتىپ، توڭىرەكتەگى اۋىل شارۋاشىلىعى، ورمان شارۋاشىلىعى، مال شارۋاشىلىعى ءوندىرىسىنىڭ تابيعي اپاتقا توتەپ بەرۋ قابىلەتىن كۇشەيتىپ، ەكولوگيالىق ورتانىڭ ءتيىمدى اينالىمىن جەبەيدى.

ءان الەمى

جول توسىلىپ قالدى

تۇلپارىم