باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ساۋان اۋدانى توقىماشىلىق كيىم - كەشەك كاسىبىنىڭ دامۋىن جەبەپ، كاسىپتەنۋ ورايىن جاراتتى

    كەلۋ قاينارى: ءتاڭىرتاۋ تورابى    2018-01-02 11:03:58  

 جەڭىسحان اسقار ۇلى، اۋاحان تۇراپ قىزى حابارلايدى. بيىلعى جىلى اۋدانىمىز باس نىسانانى ارقاۋ ەتە وتىرىپ، توقىماشىلىق، كيىم - كەشەك كاسىپ باقشاسىنىڭ دامۋىنا سۇيەنىپ، «ۇشتە جۇمىستانۋدى جاپپاي جالپىلاستىرۋدى» نەگىزگى تۇتقا ەتىپ، ءتۇرلى شارالارمەن جۇمىستانۋدى جەبەپ، توقىماشىلىق، كيىم - كەشەك ونەركاسىبىمەن تىڭنان 2400 ادامعا كاسىپتەنۋ ورايىن جاراتىپ بەردى.
  شينجياڭ شينتاي توقىما شەكتى سەرىكتەستىگىنىڭ ءجىپ ءيىرۋ سەحىنا كىرەر بولساڭىز، قاز - قاتار ءجىپ ءيىرۋ ۇرشىعى تەز قارقىنمەن اينالىپ، ءجىپ ءيىرۋ ۇرشىعىن جۇرگىزەتىن جۇمىسشىلار ءوزارا سەلبەستىكپەن ءجىپ ءيىرۋ سەحىندا قاربالاس جۇمىس ىستەپ ءجۇر. ايدىنگۇل قۇمارقان قىزى سەرىكتەستىكتىڭ ساقا جۇمىسشىسى. تاماشا قىزمەت ورتاسى مەن مامىلەسى ونىڭ سەرىكتەستىكتە دامي ءتۇسۋ سەنىمىن ونان ارى ۇشتاي ءتۇستى.
  شينجياڭ شينتاي توقىما شەكتى سەرىكتەستىگى ءبىرىنشى ءجىپ ءيىرۋ سەحىنىڭ كەزەك باسى ايدىنگۇل قۇمارقان قىزى: «سەرىكتەستىكتىڭ مامىلەسى وتە جاقسى، جاتاق ورنى، اسحاناسى دايار، ءار ايداعى ەڭبەك اقىسى مولشەرمەن 3500 - 4000 يۋان، ەگەر جاقسى ىستەسەك 5000 يۋانعا دەيىن الۋعا بولادى، مەن ءوزىم كەپىلدى قارىزبەن ءبىر كىشكەنە اۆتوكولىك ساتىپ الدىم، تۇرمىسىمىزدا كوپتەگەن وزگەرىستەر بولدى، مەن جوسپاردا جالعاستى ۇزاق ۋاقىت ىستەي بەرمەكشىمىن»،-دەدى.
  سەرىكتەستىك جاقسى باسقارىپ قىزمەت وتەۋمەن بىرگە، كاسىپورىندار شارۋاشىلىق دارىندىلار قوسىنىن قۇرىپ، ءارقايسى ۇلتتاردىڭ ءوزارا اۋىس -كۇيىس جاساسىپ تۇراتىن، تاتۋ - ءتاتتى تاماشا ورتاسىن جاراتىپ بەردى.
  بيىل جىل باسىندا، نۇرقالي ۇكىمان ۇلى ۇكىمەت پەن كاسىپورىندار بىرلەسىپ وتكىزگەن تەحنيكا ۇيرەنۋ كۋرسىنا قاتىناسىپ، كاسىپورىنعا جۇمىسقا ورنالاستى ءارى ءوزىنىڭ تىرىسشاڭدىعى جانە اعا بۋىن جۇمىسشىلاردىڭ جەتەكشىلىگىندە، قازىر ول سەح جۇمىس ءتارتىبى اماندىعىن ساقتاۋ اترەتىنىڭ باستىعى بولدى، ءار ايلىق ەڭبەكاقسى ءتورت مىڭ يۋاننىڭ ۇستىندە، تۇراقتى كاسىپتەنۋ ونى ءتىپتى دە باقىتتى سەزىندىردى.
  شينجياڭ شينتاي توقىماشىلىق شەكتى سەرىكتەستىگى سەح جۇمىس ءتارتىبى اماندىعىن ساقتاۋ اترەتىنىڭ باستىعى نۇرعالي ۇكىمان ۇلى: «سەرىكتەستىك ءبىزدى اقىسىز تاربيەلەدى، تاربيەلەپ بولعاننان كەيىن، اعا بۋىن جۇمىسشىلار ارناۋلى ۇيرەتتى، قازىر ءبىز تەحنيكانى نەگىزىنەن ۇيرەنىپ الدىق، مەن شىنايى تۇردە جالعاستى تەحنيكا ۇيرەنسەم دەگەن ارمانىم بار، ويتكەنى تەحنيكام جوعارىلاعان سايىن مەنىڭ ەڭبەكاقىم دا جالعاستى ورنىقتى تۇردە جوعارىلايدى»،-دەدى.
  ساۋان اۋدانى اۆتونوميالى رايوننىڭ «توقىماشىلىق باقشا رايونىن» دامىتۋ ورايىنان پايدالانىپ، توقىماشىلىق، كيىم - كەشەك كاسىبىن دامىتۋ گۇل كوكتەمىنە قول جەتكىزدى. شينجياڭ شينتاي توقىما شەكتى سەرىكتەستىگى 2015 - جىلى باقشا رايونىنا كەلىپ قونىستانعاننان بەرى، قوسقان نىسان قارجىسىنىڭ ارقاسىندا، ءجىپ ءيىرۋ ماشيناسىنىڭ ۇرشىق سانى 200 مىڭ بولدى، ارتىق ەڭبەككۇشتەردەن 1200 ادامدى جۇمىسقا ورنالاستىردى، مۇنىڭ ىشىندە اۋىل - قىستاقتان كەلگەن باسى ارتىق ەڭبەككۇشتەر ٪80 تەن استامىن ۇستايدى، از ۇلت جۇمىسشىلارى ٪70 تەن استامىن يەلەيدى.
  شينجياڭ شينتاي توقىما شەكتى سەرىكتەستىگىنىڭ ورىنباسار مەڭگەرۋشىسى مۋ ليجۇن: «ءبىز ەكونوميكالىق ونىمدىلىك جاراتۋمەن بىرگە، قوعامدىق جاۋاپكەرشىلىكتى ارقالاپ، اۋلگى ماقساتتى ۇمىتپاي، بەلسەندى تۇردە ءار دارەجەلى جوعارى ورىنداردىڭ كەدەيلەردى سۇيەمەلدەۋ جونىندەگى ورنالاستىرۋىن ويداعىداي دايەكتىلەندىرىپ، توقىماشىلىق، كيىم - كەشەك كولەمىن زور دارەجەدە كەڭەيتىپ، ارتىق ەڭبەككۇشتەردى بارىنشا جۇمىستاندىرۋ ارقىلى كىرىستەرىن ارتتىرۋدىڭ نەگىزگى شاراسى ەتپەكشىمىز. سەرىكتەستىگىمىز كەلەر جىلى جالعاستى قارجى قوسىپ ءجىپ ءيىرۋ ماشيناسىنىڭ ۇرشىق سانىن 300 مىڭعا ارتتىرادى، بۇلاي بولعاندا تاعى 1500 دەن استام ادامعا جۇمىستانۋ ورايىن جاراتىپ بەرۋگە بولادى»،-دەدى.
  ۇعىسۋعا قاراعاندا، 2017 - جىلى اۋدانىمىزدا جاڭادان 11 توقىماشىلىق، كيىم - كەشەك كاسىپورنى قارجى قوسىپ ىسكە قوسىلعان، كاسىپتەنگەن ادام سانى 3000 نان اسقان.
  تىلشىلەردىڭ قىزمەت ورنى: ساۋان اۋداندىق مادەنيەت - دەنە تاربيە مەكەمەسى

ءان الەمى

جول توسىلىپ قالدى

تۇلپارىم