جاڭا حابارلار

قارامايلى «جاپپاي جاسىلداندىرۋ» ينجەنەرياسىن ىشكەرلەي ىلگەرلەتىپ، قونىستانۋعا قولايلى، كورىكتى قالا قۇرماقشى

    كەلۋ قاينارى: شينجياڭ حالىق راديو ىستانسياسى    2018-01-04 12:26:25  

ستانسيامىزدىڭ ءتىلشىسى جياڭ ناننىڭ حابارىن تىڭداڭىزدار: قارامايلى قالاسى «جاپپاي جاسىلداندىرۋ» ينجەنەرياسىن ىشكەرىلەي ىلگەرىلەتىپ، قونىستانۋعا جايلى، كورىكتى قالا قۇردى.
«قاۋلاپ ءوسىپتى، مىنانىڭ ءبارى جازدا ەگىلگەن، قازىر مىنە ءبىر مەتردەن اسىپتى.....»
بيىل 65 جاستاعى ۋاڭ چاڭليڭ قارامايلى قالاسى قارامايلى رايوندىق ورتانى قورعاۋ مەكەمەسىنىڭ بۇرىنعى ورىنباسار باستىعى، زەينەتكە شىققان ول قارامايلى قالالىق جاسىلداندىرۋ كوميتەتى كەڭسەسىنىڭ ۇسىنىسى بويىنشا قىزمەت ورنىنا قايتا كەلىپ ىستەپ، قارامايلى قالاسىنىڭ جاسىلدانۋ ىستەرى ءۇشىن ايانباي تەر توكتى. جۋىردان بەرى، ۋاڭ چاڭليڭ قارامايلى قالاسىنىڭ شىعىس ىرگەسىندەگى جينلۇڭحۋ باقشاسىنا بارعىشتاپ، سول اراعا ەككەن ون مىڭ ءتۇپ اعاشىن كورەتىندى تاپتى. بۇل ارانىڭ بۇرىنعى بەينەسىن ەلەستەتكەن ول تىلشىگە بىلاي دەدى : 2014-جىلى ءبىز جينلۇڭحۋعا كەلسەك، بۇل جەردە قىلتاناق تا جوق ەكەن، بۇل اراعا اعاش ەگۋ ءۇشىن، الدىمەن 80 سانتيمەتر قالىڭدىقتا توپىراق تاسىپ توكتىك. اعاش ەگۋ جۇمىسى جىل بويى تولاستامادى. جازدىڭ 42 سەلتسي گرادۋستىق شىجىعان ىستىعىندا ءبىز ەككەن اعاشتارىمىزدىڭ بۇرشىك جارعانىن كورىپ قاتتى قۋاندىق.
2012-جىلى، قارامايلى قالاسىنىڭ «جاپپاي جاسىلداندىرۋ» ينجەنەرياسى جاپپاي باستالدى. الايدا جاپان تۇزگە اعاش ەگۋ ونداي وڭاي شارۋا ەمەس ەدى، تالاي رەت سىناق رەتىندە اعاش ەككەن قارامايلى قالاسىنىڭ باۋ-باقشا قىزمەتكەرلەرى قۇندى تاجىريبە توپتادى. قارامايلى رايوندىق جاسىلدانۋ كوميتەتى كەڭسەسى جاسىلداندىرۋ ءبولىمىنىڭ باستىعى ماقسات ءماۋىتقان ۇلى بىلاي دەدى : ءبىز مىناداي سىناق جاسادىق، ءبىز شۇقاناقتى كەڭدىگىن 1.2 مەتر، تەرەڭدىگىن 1.8 مەتر ەتىپ قازدىق؛ تۇبىنە ۇساق تاس توكتىك، ونان سوڭ مايدا توپىراق توگىپ، ءبىر نەشە شۇقاناقتى جالعادىق، سونىمەن قۇيعان سۋ بىرىنەن بىرىنە ءوتىپ، قازىر مۇنداعى اعاشتاردىڭ ءوسۋى باتىس تەرىستەگى ەكولوگيالىق ورماننان دا جاقسى بولدى. بۇدان بىلاي، قارامايلىنىڭ اعاشى ءتىپتى دە جاقسى وسەتىن بولادى.
«جاپپاي جاسىلداندىرۋ» ينجەنەرياسىن 5 جىل اتقارۋ ارقىلى، قارامايلى رايونىنىڭ ەكولوگيالىق قۇرىلىسىندا تاماشا ناتيجە جاراتىلدى. مەملەكەت بويىنشا ەكولوگيالىق رايون قۇرۋدىڭ 5 ءتۇرلى نەگىزگى شارتى مەن 22 ءتۇرلى كورسەتكىش ساندى مالىمەتىندە، قارامايلى رايونى تاماشا اۋا ساپاسى جانە وزىق ەكونوميكالىق كورسەتكىشىمەن 2013-جىلى قاڭتاردا مەملەكەتتىك ورتانى قورعاۋ مينىستىرلىگى جاعىنان «مەملەكەتتىك ەكولوگيالىق رايون» اتاعىنا يە بولىپ، شينجياڭداعى تۇڭعىش رەتكى مەملەكەت دارەجەلى ەكولوگيالىق رايونعا اينالدى.
ءىرى جاسىلداندىرۋ ينجەنەرياسى «سان» جاعىندا قارىشتاپ دامىعاننان كەيىن، قارامايلىداعى باۋ-باقشا قىزمەتكەرلەرى «ساپانى» جوعارىلاتۋ جاعىندا ۇزدىكسىز ىزدەنىس جاسادى. قازىر، قارامالىلىقتار مەملەكەتتىك ەكولوگيالىق وركەنيەتتەن ۇلگى كورسەتۋ رايونىن قۇرۋعا قۇلشىنۋدا، قارامايلى 2016-جىلدان 2025-جىلعا دەيىنگى ەكولوگيالىق وركەنيەتتەن ۇلگى كورسەتۋ رايونى جوباسىن جاساپ، ەكولوگيالى وركەنيەت ءتۇزىلىس رەفورماسىنان ۇزدىكسىز جاڭالىق اشتى. سونىمەن بىرگە ەكولوگيالىق قورشاعان ورتانى قورعاۋ قىزمەتى جاۋاپكەرلىگى جۇمىس ءبولىسىن ايقىنداپ، ەكولوگيالىق وركەنيەت قۇرىلىسىن زاڭ-تۇزىمدەندىرۋ، جۇيەلەندىرۋ، ءتۇزىمدەندىرۋ ارناسىنا ءتۇسىردى. قارامايلى قالالىق باۋ-باقشا عىلىمي زەرتتەۋ ورىنىنىڭ باستىعى لي يانحۇڭ بىلاي دەدى؛ قازىر قارامايلىنىڭ جاسىلداندىرىلعان كولەمى نەدۋىر كەڭەيدى، ءبىز كوپشىلىككە جاسىل القاپتىڭ كوركەمدىگىن شىنايى سەزىندىرەمىز. 2018-جىلى ءبىز 45 ءتۇرلى اعاش سورتىن ەنگىزۋدى جوسپارلادىق، قارامايلىعا ۇيلەسەتىن اعاشتى تاڭداپ، سوڭىندا قالانى باۋ-باقشامەن كومكەرەمىز.
ءتىلشى ەستەلىگى: جاسىلداندىرۋ قىزمەتى جاپالى قىزمەت، الايدا ونىڭ اكەلەتىن وزگەرىسى قارامايلى ادامدارىنىڭ باقىت كورسەتكىشىن اناعۇرلىم جوعارىلاتادى، تىلشىلىك ىستەۋ بارىسىندا، قارامايلىداعى ءبىر باۋ-باقشا قىزمەتكەرى تىلشىگە، ەككەن اعاشتارىمنىڭ ءار رەتكى بۇرشىك جارعانىن كورگەندە، ەرەكشە قۋانىش سەزىمىنە بولەنەمىن، جاسىلداندىرۋ بەلدەۋى وسى قالاعا ومىرشەڭدىك كۇش باعىشتادى، ءارى وسى قالانىڭ ۇزدىكسىز دامۋىن جەبەدى، ءشول دالادان 400 مىڭ حالىق سانى بار شەكارا رايونىنداعى ايگىلى قالا بولىپ قۇرىلعان قارامايلى قالاسى قالانىڭ ەكولوگيالى ورتاسىن جاقسارتىپ، ادامداردىڭ قونىستانۋىنا جايلى ورتا جاراتىپ، باۋراۋ قۋاتىن ارتتىردى. قازىر «سۋى تۇنىق، اسپانى اشىق، جەرى جاسىل» وسىزاماندانعان قالا مەن حالىقارالانعان وڭىرلىك سەنترلى قالا بىرتىندەپ قالىپتاسۋدا.


بەرىپ كەت ورامالىڭدى

دوستار

الىستاعى اق ەركە