جاڭا حابارلار

«كلاس، جاتاق، اسحاناعا كىرۋ، وقۋشلارمەن، اتا-انالارمەن قارىم-قاتىناس ورناتۋ، وقۋشىلارمەن دوستاسۋ» قيمىلىن ىشكەرلەي ىلگەرلەتۋ ءماجىلىسى شينجياڭ ۋنيۆەرسيتەتىندە اشىلدى

    كەلۋ قاينارى: شينجياڭ حالىق راديو ىستانسياسى    2018-01-10 12:10:42  
اۆتونوميالى رايوننىڭ جوعارى مەكتەپتەردە «ۇشكە كىرۋ، ەكىمەن قارىم-قاتىناس ورناتۋ، بىرمەن دوستاسۋ»، ياعني «كلاس، جاتاق، اسحاناعا كىرۋ، وقۋشلارمەن، اتا-انالارمەن قارىم-قاتىناس ورناتۋ، وقۋشىلارمەن دوستاسۋ» قيمىلىن ىشكەرلەي ىلگەرلەتۋ ءماجىلىسى 8-قاڭتار تۇستەن كەيىن شينجياڭ ۋنيۆەرسيتەتىندە اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ-اعارتۋ قىزمەتى كوميتەتىنىڭ شۋجيى لي پىڭشين: «ۇشكە كىرۋ، ەكىمەن قارىم-قاتىناس ورناتۋ، بىرمەن دوستاسۋ» قيمىلىن كەلەلى ساياسي مىندەت، نەگىز قالايتىن، ۇزاق بولاشاقتىق تيىمدىلىككە يە ينجەنەريا رەتىندە تىڭعىلىقتى جەبەپ، جوعارى مەكتەپتەردىڭ يدەيا، ساياسي جانە ۇلتتار ىنتىماعى قىزمەتىنىڭ جاڭا جاعدايىن ۇزبەي جاراتۋ كەرەك،-دەگەندى باسا دارىپتەدى.
لي پىڭشين بىلاي دەپ اتاپ كورسەتتى: وقۋ-اعارتۋ جۇيەسىىندە «ۇشكە كىرۋ، ەكىمەن قارىم-قاتىناس ورناتۋ، بىرمەن دوستاسۋ» قيمىلىن ورنالاستىرىپ ورىستەتۋ جوعارى مەكتەپتەردىڭ يدەيالىق ساياسي قىزمەتىن كۇشەيتىپ، جاقسارتاتىن، ۇلتتار ىنتىماعىن نىعايتاتىن تەكشەنى جاسامپازدىق تۇرعىدا قالىپتاستىردى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە-موتە قوعام ورنىقتىلىعى مەن باياندى تىنىشتىق جالپى نىساناسىن دايەكتىلەندىرۋ، تياناقتاندىرۋداعى جاندى اماليات. رايونىمىزدىڭ وقۋ-اعارتۋ جۇيەسى، وتە-موتە جوعارى مەكتەپتەر وسى قيمىلدى ورىستەتۋدىڭ ماڭىزدى ءمانىن جەتە ءتۇسىنىپ، باس نىسانانى تىعىز ارقاۋ ەتىپ، قيمىلدى تاباندىلىقپەن ىشكەرلەي ورىستەتۋ كەرەك.
لي پىڭشين بىلاي دەپ باسا دارىپتەدى: ساياسي تۇرعىنى ءسوزجوق جوعارىلاتۋ، يدەيالىق ساياسي قىزمەت، يدەيالوگيا سالاسىنداعى بولشەكتەۋگە قارسى كۇرەسى، ۇلتتار ىنتىماعى تاربيەسى جانە مەكتەپتىڭ جاراسىمدىلىعى مەن ورنىقتىلىعىن قورعاۋ سياقتى ماڭىزدى قىزمەتتەردى قيمىلدىڭ جالپى بارىسىمەن توعىستىرىپ، باعىتتىڭ دۇرىستىعىنا كەپىلدىك ەتۋ. قىزمەت ءادىسىن ايقىنداپ، ناقتى تۇيىندەردى مىقتى يگەرۋ، ناقتى يگەرۋ، قىزمەتتەگى السىزدىكتەن ساقتانۋ قاجەت. باسشىلىقتىڭ باستاماشىلدىعىنا تاباندى بولۋ، جوعارعى ورىن تومەنى ورىنعا ۇلگى بولۋ، بىرىككەن كۇش ۇيىستىرۋ ءتيىس. «ۇشكە كىرۋ، ەكىمەن قارىم-قاتىناس ورناتۋ، بىرمەن دوستاسۋداعى» 3 وتكەلەكتى مىقتى يگەرىپ، جان-جاقتىلى شارا قولدانىپ، قيمىلدىڭ ىشكەرلەي ورىستەتىلۋىن جەبەپ، ناقتى ناتيجەگە جەتۋ كەرەك. سەرىكتەسۋ، قارىم-قاتىناس جاساعاندا جالپىلاستىرۋ كولەمىن كەڭەيتىپ، دالمە-دالدىكتى ايگىلەۋ؛ 19-قۇرىلتايدىڭ رۋحىن ۇگىتتەۋگە، ىشكەرلەي لەكسيا جاساۋعا ءمان بەرىپ، پارتيانىڭ ساياساتىن ايقىن ءتۇسىندىرىپ، جاۋاپكەرلىگىن ايقىنداۋ؛ سىرلاسۋعا، قۋانىشتى ءبولىسۋگە، دەن قويا تىڭداۋعا ءمان بەرىپ، جەتەكشىلىك ەتۋگە شەبەر بولۋ؛ وتباسىلارىن ارالاپ جاعداي ۇعىسۋ قىزمەتىن ويداعىداي ىستەپ، ىشكەرلەي ارالاسىپ، ناتيجەسىنەن ۇتىمدى پايدالانۋ؛ قيمىلداردى كوپتەپ ورىستەتىپ، ءبىرىن-ءبىرى جەبەۋگە، باعىتتامالىلىققا جانە داعدىلىلىققا ءمان بەرۋ؛ ناقتى ىستەر ىستەپ، ۇيرەنۋ، كاسىپتەنۋ، تۇرمىس، يدەيالىق جاقتاردان قولعابىس جاساۋ قاجەت.
لي پىڭشين بىلاي دەپ اتاپ كورسەتتى: قيمىلدىڭ ۇدايى جانە جوعارى ءونىمدى ورىستەتىلۋىن تىڭعىلىقتى جەبەۋ ءتيىس. جاۋاپكەرلىكتى تياناقتاندىرۋدى كۇشەيتۋ، باقىلاۋ، تەكسەرۋ، باعالاۋدى قاتاڭ يگەرىپ، تاماشا جاعداي جاراتىپ، قيمىلدىڭ ءارقايسى جوعارى مەكتەپتەردە تامىر تارتۋىن جەبەپ، ۇلتتار ىنتىماعىنىڭ گۇلىن ءار ۇلت وقىتۋشى-وقۋشىلارى اراسىندا شەشەك اتتىرۋ قاجەت.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ءماجىلىستى باسقاردى.

بەرىپ كەت ورامالىڭدى

دوستار

الىستاعى اق ەركە