جاڭا حابارلار

شي جينپيڭ فرانسيانىڭ زۇڭتۇڭى ماكرونمەن كەزدەستى

    كەلۋ قاينارى: شينجياڭ گازەتى    2018-01-10 19:13:15  

 شينحۋا اگەنتتىگىنىڭ 8 - قاڭتاردا بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 8 - قاڭتاردا دياۋيۇيتاي مەملەكەتتىك قوناق ۇيىندە ەلىمىزگە مەملەكەتتىك ساپارمەن كەلگەن فرانسيانىڭ زۇڭتۇڭى ماكرونمەن كەزدەستى.
  قىسقى كۇننىڭ باتارداعى ساۋلەسىندە تىنىشتىققا شومىپ، ەرەكشە اسەم كورىنگەن دياۋيۇيتايدا ەكى ەل باسشىلارى ىقىلاستى دوستىق بەينەدە ىشكەرىلەي اڭگىمەلەستى. شي جينپيڭ مىنالاردى اتاپ كورسەتتى: جۇڭگو مەن فرانسيا شۇعىلالى تاريحقا جانە مادەنيەتكە يە ەلدەر. جاڭا جىل كىرىسىمەن ماكرون زۇڭتۇڭنىڭ ازياداعى تۇڭعىش ساپارىن جۇڭگودان باستاۋى ءسىزدىڭ جۇڭگو - فرانسيا قاتىناسىنا باسا ءمان بەرەتىنىڭىزدى ايگىلەيدى. فرانسيا جاڭا جۇڭگومەن تۇڭعىش رەت ديپلوماتيالىق قاتىناس ورناتقان باتىستاعى ءىرى ەل. 1964 - جىلى ءتوراعا ماۋ زىدۇڭ مەن دەگولل گەنەرالدىڭ اسقان ساياسي كورەگەندىكپەن ەكى ەلدىڭ ديپلوماتيالىق قاتىناس ورناتۋى سىندى تاريحي ۇيعارىم جاساۋى سول كەزدەگى دۇنيە ءجۇزى جاعدايىنا ىقپال جاساۋمەن بىرگە، بۇگىنگى دۇنيە ءجۇزىنىڭ دامۋى جونىنەن دە ماڭىزدى ءمان الادى. جاڭا داۋىردە ۇزدىكسىز تۇردە تاريحقا جاۋاپتى بولۋ رۋحىمەن دۇرىس جولمەن جۇرۋدەن جازباي، جۇڭگو - فرانسيا قاتىناسىنىڭ ءتىپتى جارقىن بولاشاعىنا قادام تاستاۋىمىز كەرەك.
  شي جينپيڭ مىنالاردى باسا دارىپتەدى: قازىر دۇنيە جۇزىندە كوپتەگەن تۇراقسىزدىقتار ءومىر سۇرۋدە. جۇڭگو ادامزاتتىڭ تاعدىرلاس ورتاق تۇلعاسىن قۇرۋدى قۋاتتايدى. فرانسيا دا ۇقساس ۇستانىمدا بولىپ وتىر. ەكى ەلدىڭ قوعامدىق ءتۇزىم، دامۋ ساتىسى، مادەنيەت ءداستۇرى جاعىنداعى پارىقتارعا قاراماستان، ساياسي سەنىمدىلىكتى ارتتىرىپ، ىنتىماقتاستىق كومەسكى كۇشىن تولىق اشۋىنا بولادى. جۇڭگو ىنتىماقتاسىپ تەڭ يگىلىككە كەنەلۋ پرينسيبىمەن فرانسيامەن ءتۇرلى سالالارداعى ىنتىماقتاستىقتى نىعايتىپ، «ءبىر بەلدەۋ، ءبىر جول» جۇلگەسىندەگى ىنتىماقتاستىقتى كۇشەيتۋدى قالايدى. جۇڭگو فرانسيامەن حالىقارالىق كەلەلى ماسەلەلەردە كەڭەسۋ مەن ىنتىماقتاستىقتى نىعايتىپ، دۇنيە ءجۇزىنىڭ ورنىقتىلىعى مەن گۇلدەنۋىن بىرگە جەبەۋگە قۇلشىنۋدى قالايدى. جاڭا داۋىردە جۇڭگو - فرانسيا قاتىناسىنىڭ بولاشاعى جارقىن.
  ماكرون بىلاي دەدى: جۇڭگوعا تۇڭعىش رەت مەملەكەتتىك ساپاردا بولعانىما توتەنشە قۋانىشتىمىن. فرانسيا - جۇڭگو دوستىعىنىڭ تاريحى ۇزاق. بۇل جولعى ساپار ارقىلى ءتوراعا شي جينپيڭمەن فرانسيا - جۇڭگو قاتىناسى جانە حالىقارالىق كەلەلى ماسەلەلەردەگى ىنتىماقتاستىق جونىندە پىكىرلەسىپ، ەكى ەلدىڭ ءوزارا سەنىمدىلىگىن، فرانسيا - جۇڭگو قاتىناسىن، ەۆروپا - جۇڭگو قاتىناسىن نىعايتۋدى قالايمىن. «ءبىر بەلدەۋ، ءبىر جول» دارىپتەمەسى توتەنشە ماڭىزدى. فرانسيا بۇعان بەلسەنە ات سالىسۋعا پەيىل. فرانسيا جۇڭگومەن بىرگە كىليمات وزگەرىسى سياقتى حالىقارالىق قوعام ءدوپ كەلگەن ورتاق سايىسقا توتەپ بەرۋگە ۇلەس قوسۋدى قالايدى. ەكى ەلدىڭ بىرگە قۇلشىنۋىندا، بۇل جولعى ساپاردىڭ فرانسيا - جۇڭگو قاتىناسىنىڭ جاڭا بەلەسىنە اينالاتىنىنا سەنەمىن.
  ءتوراعا شي جينپيڭنىڭ حانىمى پىڭ لييۋان، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ياڭ جيەچى جانە ماكرون زۇڭتۇڭنىڭ حانىمى بريگيت قاتارلىلار كەزدەسۋدە بىرگە بولدى.


بەرىپ كەت ورامالىڭدى

دوستار

الىستاعى اق ەركە