جاڭا حابارلار

پارتيا مۇشەلەرى سومكاسىندا ۇيرەنۋدىڭ مول ەنەرگياسى بار

    كەلۋ قاينارى: شينجياڭ حالىق راديو ىستانسياسى    2018-01-10 12:07:54  

تولى اۋداندىق تەلەۆيزيا مەكەمەسىنىڭ تىلشىلەرى گۇلجانات، سۇڭ تيانتيان جانە سامعارلاردىڭ حابارىن تىڭداڭىزدار: تولى اۋدانىندا، «پارتيا مۇشەسى سومكاسى» نەگىزگى ساتىداعى پارتيا مۇشەلەرىنىڭ كۇندەلىكتى ۇيرەنۋ جانە بۇقارامەن قارىم-قاتىناس جاساۋىنداعى كومەكشىسىنە اينالىپ، نەگىزگى ساتىداعى پارتيا مۇشەلەرىنىڭ بۇقاراعا اناعۇرلىم جاقسى قىزمەت ەتىپ، جۇرت جۇرەگىن توعىستىرۋىن ۇزبەي جەبەدى.
تولى اۋدانى ميرگۋ قالاشىعى اققاينار قىستاعىندا «پارتيا مۇشەسى سومكاسى» قسىتاقتاعى پارتيا مۇشەلەرىنە تاراتىلعاننان كەيىن كوپشىلىك وزدىكتەرىنەن ۇيرەنۋ، ۇگىت-لەكسيا جاساۋ، توپتىق تالقى وتكىزۋ سياقتى تاسىلدەرمەن پارتيا 19-قۇرىلتايىنىڭ رۋحىن ۇزبەي ۇيرەندى جانە ۇگىتتەدى. تارباعاتاي ايماقتىق جايلىم باقىلاۋ-باسقارۋ مەكەمەسىنەن تولى اۋدانى ميرگۋ قالاشىعى اققاينار قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ ورىنباسار باستىعى ەرجان قۇسىمان ۇلى: پارتيا مۇشەسى سومكاسى ارقىلى نەگىزگى ساتىداعى پارتيا مۇشەلەرىنىڭ كۇندەلىكتى ۇيرەنۋ جانە ۇگىت تاربيە قىزمەتىن اناعۇرلىم جۇيەگە ءتۇسىرىپ، پارتيا 19-قۇرىلتايىنىڭ رۋحىن ۇيرەنۋدى ۇردىسكە اينالدىرۋ كەرەك،-دەدى.
بيىل «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرعان قىزمەت اترەتى جانە قىستاق پارتيا ياچەيكاسى مەن قسىتاق تۇرعىندار كوميتەتى القاسىنىڭ باسسشىلىعىندا، اققاينار قىستاعى قىستاق تۇرعىندارىنىڭ كىرىسىن ارتتىرۋ جولىن ۇزبەي كەڭەيتىپ، كاسىپتەنۋ ماسەلەسىن شەشىپ، قىستاقتىڭ كوللەكتيۆ ەكونوميكاسىن جوعارىلاتتى، كەدەيلەردى سۇيەمەلدەۋدەگى ءبىر قىدىرۋ شارالارى قىستاق تۇرعىندارىنىڭ ءوندىرىس جانە تۇرمىس شارت-جاعدايىن جاقسارتتى. قىستاق تۇرعىنى سادىكەن نۇرعالي ۇلى پارتياعا مۇشە بولعالى 33 جىل بولعان، ساقا پارتيا مۇشەسى، ول بىلاي دەدى: پارتيا مۇشەسى سومكاسىنان تولىق پايدالانىپ، قىستاق تۇرعىندارىنا 19-قۇرىلتايدىڭ رۋحىن ۇگىتتەپ، لەكسيا جاساپ، حالىققا ءتيىمدى ساياساتتاردى ۇگىتتەپ، پارتيا مۇشەسى سومكاسىنداعى قۋانىشتى حابارلار مەن ءتيىمدى ساياساتتاردان قىستاق تۇرعىندارىن يگىلىكتەندىرۋ كەرەك، الدا، ۇلگى رولىمدى جالعاستى ساۋلەلەندىرىپ، ءار ۇلت بۇقاراسىنا قىزمەت وتەۋ قۋاتىمدى جوعارىلاتىپ، كوممۋنيستىك پارتيا مۇشەسىنىڭ بورىشىن ەستە بەرىك ساقتاپ، پارتيانىڭ حالىققا ءتيىمدى ءتۇرلى ساياساتتارىن تىڭعىلىقتى ۇگىتتەيمىن.
تولى قالاشىعى قاراعاي باستاۋ الەۋمەتتىك اۋماعىندا، «پارتيا مۇشەسى سومكاسى» اتىنداعى ۇگىت-لەكسيا جاساۋ ۇيىرمەسىنىڭ مۇشەسى لي شينجيە سوڭعى ءبىر مەزگىلدەن بەرى اۋىل-قسىتاقتار مەن الەۋمەتتىك اۋماقتاردا پارتيا 19-قۇرىلتايىنىڭ رۋحىن ۇگىتتەپ، لەكسيا جاسادى. سەرىكتەسكەن تۋىسقانى گۇلنۇر عالىم قىزىنىڭ كاسىپ كوزىن اشۋ ويى بارلىعىن ۇعىسقاننان كەيىن، ول تۋىسقانىنا قاتىستى ساياساتتاردى وقىپ ءتۇسىندىرىپ، ءتۇرلى راسىمياتتاردى بىتىرۋىنە قولعابىس ەتتى، قازىر گۇلنۇر عالىم قىزى ءشايحانا اشىپ الدى. ول تىلشىگە: لي اعام ساقا پارتيا مۇشەسى، ماعان ۇنەمى پارتيا 19-قۇرىلتايىنىڭ رۋحىن ۇگىتتەپ، لەكسيا جاساپ، ماعان شابىت بەردى، ءبىر ءبىر ءۇيلى جاندايمىز،-دەدى.
لي شينجيە بىلاي دەدى: پارتيا 19-قۇرىلتايىنىڭ بايانداماسىندا «دەربەس كاسىپ كوزىن اشۋعا شابىتتاندىرۋ» العا قويىلدى، تۋىسقانىمنىڭ كاسىپ كوزىن اشۋ ويىن قۇپتايمىن، بۇل ءبىر يگى ءىس، ءوز قۇنىن اسىرادى، ءارى بۇقاراعا قىزمەت وتەيدى. قازىر، ونىڭ شايحاناسىنىڭ ساۋداسى بارعان سايىن جاندانۋدا، بۇعان ەرەكشە قۋانىشتامىن. ساقا پارتيا مۇشەسى ءارى الەۋمەتتىك اۋماقتاعى تۇرعىن تۇرعىسىنان الداعى تۇرمىس بارىسىندا كوممۋنيستىك پارتيا مۇشەسىنىڭ ۇلگىلىك رولىن ساۋلەلەندىرىپ، 19-قۇرىلتايدىڭ رۋحىن جالعاستى ۇيرەنىپ، 19-قۇرىلتايدىڭ رۋحىن ۇگىتتەپ، دايەكتىلەندىرەمىن جانە تياناقتاندىرامىن.
ءتىلشى ەستەلىگى: كۇندەلىكتى تۇرمىستا ءبىز ۇنەمى «زارياتتاعىش» پايدالامىز، ونىڭ ەڭ ۇلكەن ەرەكشەلىگى الىپ جۇرۋگە قولايلى. «پارتيا مۇشەسى سومكاسى» «زارياتتاعىش» سياقتى الىپ جۇرۋگە قولايلى، تۇسىنبەگەن جەرلەردى كەز-كەلگەن ۋاقىتتا تۇسىندىرەدى، مۇنداي ءادىس قالىڭ پارتيا مۇشەلەرىنە ۋاعىندا زور كومەگىن تيگىزەدى، ءارى ولار پارتيا جونىندەگى بىلىمدەر مەن نازاريانى اناعۇرلىم ىشكەرلەي تۇسىنەدى. پارتيا مۇشەسى سومكاسىندا مول ۇيرەنۋ ەنەرگياسى ساقتالعان. قازىر، پارتيا مۇشەلەرى پارتيا مۇشەسى سومكاسىن اسىنىپ قسىتاقتارعا بارىپ وتباسىلارىن ارالاپ ۇگىت-لەكسيا جاساپ، تولى اۋدانىنداعى جارقىن بەينەگە اينالدى. نەگىزگى ساتىداعى پارتيا مۇشەلەرىنىڭ قىزمەت، ۇيرەنۋ جانە ۇگىتتەۋ سۇرانىسىمەن بىرلەستىرگەن تولى اۋداندىق پارتكومنىڭ ۇيىمداستىرۋ ءبولىمى تاعى پارتيا ورتالىق كوميتەتىنىڭ ماڭىزدى ماجىلىستەرىنىڭ جانە اۆتونوميالى رايونىمىزداعى قاتىستى ماجىلىستەردىڭ رۋحىن ۇيرەنۋ ماتەريالىمەن دەر كەزىندە قامداپ، پارتيا مۇشەسى سومكاسىن پارتيالى كادرلاردىڭ ۇيرەنۋىن كۇشەيتەتىن ناعىز «زارياتتاعىشقا» اينالدىردى.


بەرىپ كەت ورامالىڭدى

دوستار

الىستاعى اق ەركە