باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ -2017جىلعى مەملەكەتتىك عىلىم-تەحنيكا سيلىعىنان بەسەۋىن الدى

    كەلۋ قاينارى: شينجياڭ حالىق راديو ىستانسياسى    2018-01-11 11:25:13  

ستانسيامىزدىڭ ءتىلشىسى لي لۇڭ حابارلايدى: 8-قاڭتاردا وتكىزىلگەن مەملەكەتتىك عىلىم-تەحنيكا سيلاۋ جينالىسىندا، شينجياڭ مەملەكەتتىك عىلىم-تەحنيكا العا باسارلىعى سيلىعىنىڭ ەرەكشە سيلىعىنان بىرەۋىن، مەملەكەتتىك عىلىم-تەحنيكا العا باسارلىعى سيلىعىنىڭ 2-دارەجەلى سيلىعىنان بىرەۋىن، مەملەكەتتىك تەحنيكا تاپقىرلىعى سيلىعىنىڭ 2-دارەجەلى سيلىعىنان ەكەۋىن جانە حالىقارالىق عىلىم-تەحنيكا سەلبەستىگى سيلىعىنان بىرەۋىن قامتىعان مەملەكەتتىك عىلىم-تەحنيكا سيلىعىنان بەسەۋىن الدى. مۇنىڭ ىشىندە ەرەكشە ترانسفورماتور شەكتى جارنا سەرىكتەستىگى قاتىناسىپ قۇرعان «اسقان جوعارى كەرنەۋلى وڭ-تەرىس 800 كيلوۆاتتىق تۇراقتى توك جەتكىزۋ ينجەنەرياسىنا» 2017-جىلعى مەملەكەتتىك عىلىم-تەحنيكا العا باسارلىعى سيلىعىنىڭ ەرەكشە سيلىعى بەرىلدى، بۇل 2012-جىلدان كەيىن ەرەكشە ترانسفورماتور سەرىكتەستىگىنىڭ مەملەكەتتىك عىلىم-تەحنيكا سالاسىنىڭ ەڭ جوعارى سيلىعىن تاعى ءبىر رەت الۋى.
اسقان جوعارى كەرنەۋلى وڭ-تەرىس 800 كيلوۆاتتىق تۇراقتى توكتى جەتكىزۋ تەحنيكاسى قازىر دۇنيە جۇزىندە ساۋدالىق جاققا پايدالانىلاتىن كەرنەۋ دارەجەسى ەڭ جوعارى، جەتكىزۋ سيمدىلىعى ەڭ زور، توك جەتكىزۋ ارالىعى ەڭ ۇزاق، تەحنيكالىق دەڭگەيى ەڭ وزىق توك جەتكىزۋ تەحنيكاسى، مەملەكەتتىڭ « توكتى باتىستان شىعىسقا جەتكىزۋ» ستراتەگياسىن اتقارۋدىڭ وزەكتى تەحنيكاسى. اسقان جوعارى كەرنەۋلى وڭ-تەرىس 800 كيلوۆولتتىق تۇراقتى توك جەتكىزۋ ينجەنەرياسى ەلىمىزدىڭ تۇڭعىش رەت دەربەس زەرتتەپ اشقان، دەربەس جوبالاعان، دەربەس قۇرعان اسقان جوعارى كەرنەۋلى ينجەنەرياسى. ەرەكشە ترانسفورماتور سەرىكتەستىگى وسى ينجەنەريا ءۇشىن وڭ-تەرىس 800 كيلوۆاتتىق جوعارى دەڭگەيدەگى تۇراقتى توكتى وزگەرتىپ كەرنەۋ اۋىستىرۋ ءونىمىن زەرتتەپ اشىپ ءوندىردى. زەرتتەپ اشۋ بارىسىندا، سەرىكتەستىك ىلگەرىندى-كەيىندى ون نەشە ارناۋلى تاقىرىپتىق تەحنيكالىق زەرتتەۋدى ورىنداپ، كوپتەگەن تەحنيكالىق جاسامپازدىق پەن پاتەنتكە قول جەتكىزدى.
قازىرگە دەيىن، مۇنداي وڭ-تەرىس 800 كيلوۆاتتىق جوعارى دەڭگەيدەگى تۇراقتى توكتى وزگەرتۋ ترانسفورماتور ءونىمى يۇننان-گۋاڭدۇڭ، قۇمىل-جىڭجوۋ سياقتى اسقان جوعارى كەرنەۋلى تۇراقتى توك جەتكىزۋ ينجەنەرياسىندا پايدالانىلۋدا. سونىمەن بىرگە، مەملەكەتتىڭ پارمەندى قولداۋىندا، مەملەكەتتىك ەلەكتر تورابى، وڭتۇستىك ەلەكتر تورابى اسقان جوعارى كەرنەۋلى وڭ-تەرىس 800 كيلوۆاتتىق تۇراقتى توك جەتكىزۋ ينجەنەرياسىن اتقارۋ ارقىلى ەلىمىزدەگى وزەكتى تەحنيكالىق قابىلەتى كورنەكتى، جاسامپازدىق قابىلەتى كۇشتى، دەڭگەيى جوعارى جابدىقتاردى جاساۋدىڭ ءبىر توپ ءىرى جەتەكشى كاسىپورنىن جەتىلدىردى.

ءان الەمى

جول توسىلىپ قالدى

تۇلپارىم