باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ فرانسيانىڭ زۇڭتۇڭى ماكرونمەن كەڭەس وتكىزدى

    كەلۋ قاينارى: شينجياڭ گازەتى    2018-01-11 20:17:22  

ەكى ەل باسشىسى جۇڭگو مەن فرانسيانىڭ تىعىز دا تۇراقتى جاپپاي ستراتەگيالىق سەرىكتەستىك قاتىناسىنىڭ بايىپپەن ۇزاققا جالعاسۋىن ىلگەرىلەتۋگە ءبىر اۋىزدان كەلىستى

 مەملەكەت ءتوراعاسى شي جينپيڭ 9 - قاڭتار كۇنى حالىق سارايىندا فرانسيانىڭ زۇڭتۇڭى ماكرونمەن كەڭەس وتكىزدى. سۋرەتتە: كەڭەستەن بۇرىن، شي جينپيڭ حالىق سارايىنىڭ سولتۇستىك زالىندا ماكروندى قارسى الۋ ءراسىمىن وتكىزدى.

سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  شينحۋا اگەنتتىگىنىڭ 9 - قاڭتاردا بەيجيڭنەن بەرگەن حابارى (تىلشىلەر باي جيە، شۇي كى، ۋاڭ جولۇن). مەملەكەت ءتوراعاسى شي جينپيڭ 9 - قاڭتار كۇنى حالىق سارايىندا فرانسيانىڭ زۇڭتۇڭى ماكرونمەن كەڭەس وتكىزدى. ەكى ەل باسشىسى دوستىق ءداستۇرىن جالعاستىرىپ، جۇڭگو مەن فرانسيانىڭ تىعىز دا تۇراقتى جاپپاي ستراتەگيالىق سەرىكتەستىك قاتىناسىنىڭ بايىپپەن ۇزاققا جالعاسۋىن ىلگەرىلەتۋگە ءبىر اۋىزدان كەلىستى.
  شي جينپيڭ مىنالاردى اتاپ كورسەتتى: ماكرون زۇڭتۇڭ 2018 - جىلى جۇڭگوعا ساپارلاي كەلگەن العاشقى شەتەل باسشىسى جانە ج ك پ 19 - قۇرىلتايىنان كەيىن ەۆروپا ەلدەرىنەن جۇڭگودا ساپاردا بولعان تۇڭعىش مەملەكەت باسشىسى. جۇڭگو مەن فرانسيا قاتىناسىنىڭ تاريحى وزگەشە، مازمۇنى باي. سوڭعى جىلدارى، جۇڭگو - فرانسيا قارىم - قاتىناسى ۇزدىكسىز جوعارى دەڭگەيدە دامىپ، اناعۇرلىم تولىسىپ، ورنىعىپ، ومىرشەڭدىك كۇشكە يە بولا ءتۇستى. ەكى ەل قاتىناسى جاڭا باستامادا تۇر. جۇڭگو جاق فرانسيا جاقپەن بايلانىستى نىعايتىپ، ءوزارا سەنىمدىلىك پەن ىنتىماقتاستىقتى تەرەڭدەتىپ، جۇڭگو - فرانسيا جاپپاي ستراتەگيالىق سەرىكتەستىك قاتىناسىنىڭ دامۋىنا تىڭ قوزعاۋشى كۇش ۇستەۋدى قالايدى.
  شي جينپيڭ مىنالاردى باسا دارىپتەدى: جاڭا داۋىردەگى جۇڭگو - فرانسيا قارىم - قاتىناسىنىڭ ءتىپتى جاقسى، ءتىپتى تەز دامۋىن ىلگەرىلەتۋ ءۇشىن، تاراپتار تىعىز، تەرەڭ بايلانىس پەن اۋىس - كۇيىستى قانات جايدىرۋى كەرەك. جەتەكشىلەر ديپلوماتياسىنىڭ ەكى جاقتى قارىم - قاتىناستاعى ساياسي جەتەكشىلىك رولىن ويداعىداي ساۋلەلەندىرىپ، ەكى مەملەكەتتىڭ ۇكىمەت، زاڭ شىعارۋ قۇرىلىمدارى، ساياسي پارتيالار، ارميا سياقتى تاراۋلارىنىڭ، جىكتەرىنىڭ بايلانىسىن نىعايتۋىنا قولداۋ كورسەتۋ ءارى ەكى ەل اراسىنداعى ءتۇرلى كەڭەسۋ مەحانيزمدەرىنىڭ ءبىر تۇتاس سايكەستىرۋ رولىن تولىق ساۋلەلەندىرۋ كەرەك. ءبىر - ءبىرىنىڭ وزەكتى مۇددەسى مەن باسا دەن قويىپ وتىرعان ماسەلەلەرىنە شىن مانىندە قولداۋ كورسەتىپ، الاۋىزدىقتى وڭتايلى شەشىپ، جۇڭگو - فرانسيا قارىم - قاتىناسىنىڭ قاشاندا دۇرىس جولمەن ورنىقتى تۇردە دامۋىنا كەپىلدىك ەتۋ كەرەك. ەكى جاق يادرولىق ەنەرگيا، اۋە - عارىش سياقتى ءداستۇرلى سالالارداعى ستراتەگيالىق ىنتىماقتاستىقتى تەرەڭدەتۋى؛ ىنتىماقتاستىقتى نىعايتۋدىڭ جاڭا تۇيىندەرىن ۇزدىكسىز كوبەيتىپ، اۋىل شارۋاشىلىعى، ازىق - تۇلىك، ەمدەۋ، دەنساۋلىق ساقتاۋ، قالالاردىڭ باياندى دامۋى، جاسىل جاساۋ، فينانس سياقتى جاڭا وركەندەگەن سالالارداعى ىنتىماقتاستىقتى جەدەل ىلگەرىلەتۋى كەرەك؛ «جۇڭگو جاساعان − 2025» باعدارلاماسى مەن فرانسيانىڭ «بولاشاق ونەركاسىپ» جوسپارىنىڭ جان - جاقتى ءتۇيىلىسۋىن ۇزدىكسىز ىلگەرىلەتىپ، جاڭالىق اشۋ ىنتىماقتاستىعىن كۇشەيتىپ، سيفرلى ەكونوميكا، جاساندى زەردە، وزىق جاساۋ كاسىبى سياقتى سالالاردا ارتىقشىلىقتارىمەن ءبىرىن - ءبىرىن تولىقتىرۋدى ءتىپتى جاقسى ىسكە اسىرىپ، قاتار دامۋى كەرەك. «ءبىر بەلدەۋ، ءبىر جول» قۋاتتاماسى ۇسىنعان جاڭا ورايدى مىقتى يگەرىپ، «ءبىر بەلدەۋ، ءبىر جول» اياسىندا ىسكەرلىك ىنتىماقتاستىقتى قانات جايدىرىپ، ازيا - ەۆروپا ۇلى قۇرلىعىنىڭ گۇلدەنۋىن بىرگە جەبەۋ كەرەك. ءتىپتى كوپ كۇشتەردى جۇڭگو - فرانسيا ىنتىماقتاستىعىنا بەلسەنە ات سالىسۋعا جۇمىلدىرىپ، جەرگىلىكتى ىنتىماقتاستىقتىڭ ۇزدىكسىز ناقتىلانۋى مەن تەرەڭدەۋىن ىلگەرىلەتۋ كەرەك. گۋمانيتارلىق بايلانىستاردى تىڭعىلىقتى ىلگەرىلەتىپ، ءتۇرلى سالاداعى باياندى ىنتىماقتاستىق پەن مەحانيزم قۇرىلىسىن ىلگەرىلەتىپ، 2022 - جىلعى بەيجيڭ قىسقى وليمپياداسى مەن 2024 - جىلعى پاريج جازعى وليمپياداسىن وڭتايلى وراي ەتىپ، ەكى ەلدىڭ سپورت سالاسىنداعى ىنتىماقتاستىعىن تەرەڭدەتىپ، ساياحات، جاستار سياقتى سالالارداعى ىنتىماقتاستىقتى كۇشەيتۋ كەرەك.
  شي جينپيڭ مىنالاردى اتاپ كورسەتتى: جۇڭگو مەن فرانسيا − ب م ۇ حاۋىپسىزدىك القالار كەڭەسىنىڭ تۇراقتى مۇشەسى جانە كەلەلى حالىقارالىق ىقپالعا يە ءىرى ەل. ەكى ەل موينىنا جۇكتەلگەن ەرەكشە جاۋاپكەرشىلىكتى بىرلەسە ويداعىداي ورىنداپ، حالىقارالىق ىنتىماقتاستىقتى جان - جاقتى كۇشەيتۋ كەرەك. كوپ تاراپتىلىققا تاباندى بولىپ جانە ونى قورعاپ، ب م ۇ مەن 20 ەل توبى سياقتى كوپ جاقتى جۇلگە اياسىنداعى ىنتىماقتاستىقتى كۇشەيتىپ، ءوزارا قۇرمەت ەتەتىن، ءادىل دە ادىلەتتى، ءوزارا ءتيىمدى ىنتىماقتاستىق جاسايتىن جاڭاشا حالىقارالىق قاتىناستى قول ۇستاسا قۇرۋى كەرەك. بىرگە اقىلداسۋ، بىرگە قۇرۋ، بىرگە يگىلىكتەنۋ دەيتىن عالامدىق باسقارۋ كوزقاراسىنا تاباندى بولىپ، عالامدىق باسقارۋ رەفورماسىن ىلگەرىلەتىپ، اشىق الەمدىك ەكونوميكانى گۇلدەندىرىپ، قورعانىمپازدىق اتاۋلىنىڭ قانداي تۇرىنە دە قارسى تۇرىپ، ەكونوميكالىق جاھاندانۋدىڭ ءتىپتى اشىق، قامتىمدى، جالپىعا بىردەي، تەڭدىك، ءوزارا تيىمدىلىك باعىتتارىمەن دامۋىن ىلگەرىلەتۋ كەرەك. تالاس - تارتىستى كەڭەس ارقىلى بەيبىت جولمەن شەشۋگە تاباندى بولىپ، حالىقارالىق جانە وڭىرلىك ىستىق تۇيىندەردىڭ شەشىلۋىن بەلسەنە ىلگەرىلەتىپ، كليمات وزگەرىسى، لاڭكەستىك، ينتەرنەت حاۋىپسىزدىگى سياقتى عالامدىق سايىستارعا ىنتىماقتاسا توتەپ بەرىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋ كەرەك.
  ماكرون مىنالاردى ءبىلدىردى: 2018 - جىلى جۇڭگوعا ءبىرىنشى بولىپ ساپارلاي كەلگەنىمە ءارى ج ك پ 19 - قۇرىلتايىنان كەيىن ەۆروپا وداعىنا مۇشە ەلدەر اراسىنان جۇڭگودا ساپاردا بولعان العاشقى مەملەكەت باسشىسى بولعانىما وتە قۋانىشتىمىن، بۇل فرانسيا مەن جۇڭگو قاتىناسىنىڭ ەكى جاققا بىردەي ماڭىزدىلىعىن تولىق ايگىلەيدى. فرانسيا - جۇڭگو قاتىناسىنىڭ ءمانى زور. ەكى ەل ب م ۇ حاۋىپسىزدىگى القالار كەڭەسىنىڭ تۇراقتى مۇشەسى رەتىندە، حالىقارالىق ۇجىمدىق حاۋىپسىزدىكتە ماڭىزدى جاۋاپكەرشىلىك ارقالاپ وتىر. تاراپتاردىڭ كوپ جاقتى ىستەردە ۇستانىمى ۇيلەسەدى جانە تىعىز بايلانىس پەن سايكەستىكتى ساقتاپ كەلەدى، كليمات وزگەرىسىنە توتەپ بەرۋ، جاھاندانۋدىڭ ورنىقتى قاداممەن دامۋىن ىلگەرىلەتۋ سياقتى ماڭىزدى ماسەلەلەردە تاماشا ىنتىماقتاستىق ورناتتى. فرانسيا جاق «ءبىر بەلدەۋ، ءبىر جول» اياسىندا ەكى ەلدىڭ ىنتىماقتاستىعىن نىعايتۋدى قالايدى، بۇنىڭ توتەنشە ستراتەگيالىق ءمانى بار دەپ قارايدى. وسى رەتكى ساپارىم ارقىلى ەكى جاقتىڭ جوعارى ساتىلى جانە سان سالالى بايلانىس پەن كەڭەس قۇرىپ، ەكى ەلدىڭ ەكونوميكالىق بايلانىسى مەن اۋە - عارىش، يادرولىق ەنەرگيا سياقتى سالالارداعى ىنتىماقتاستىعىن كۇشەيتىپ، وقۋ - اعارتۋ جانە مادەنيەت اۋىس - كۇيىسىن نىعايتىپ، فرانسيا - جۇڭگو ىنتىماقتاستىعىنىڭ جاڭا داستانىن جازۋدى ءۇمىت ەتەمىن. قازىر ەۆروپا وداعى جاڭا دامۋعا بەت بۇردى، فرانسيا ەۆروپا وداعى مەن جۇڭگونىڭ ىنتىماقتاستىق قاتىناسىنىڭ ۇزدىكسىز العا دامۋىن بەلسەندى تۇردە ىلگەرىلەتۋدى قالايدى.
  شي جينپيڭ مىنالاردى اتاپ كورسەتتى: جۇڭگو جاق ەۆروپانىڭ ءبىرتۇلعالانۋىن باتىل قولدايدى، ەۆروپا وداعى جاقپەن ستراتەگيالاردى ءتۇيىستىرىپ، ءوزارا پايدالى ىنتىماقتاستىقتى تەرەڭدەتىپ، جۇڭگو مەن ەۆروپا وداعىنىڭ بەيبىتشىلىك، ارتۋ، رەفورما، وركەنيەت سىندى ءتورت ءىرى سەرىكتەستىك قاتىناسىنىڭ قۇرىلىسىن قول ۇستاسا ىلگەرىلەتىپ، جۇڭگو مەن ەۆروپا وداعىنىڭ جاپپاي ستراتەگيالىق سەرىكتەستىك قاتىناسىنىڭ تىڭ، اناعۇرلىم زور دامۋىن ىلگەرىلەتۋدى قالايدى. جۇڭگو جاق ەۆروپا وداعى جاقتىڭ «ءبىر بەلدەۋ، ءبىر جول» قۇرىلىسىنا بەلسەندى تۇردە ات سالىسۋىن قارسى الادى.
  كەڭەستەن كەيىن، ەكى ەل باسشىسى جۇڭگو - فرانسيا كاسىپكەرلەر كوميتەتىنىڭ العاشقى ماجىلىسىنە قاتىناسقان كاسىپكەرلەردىڭ ۋاكىلدەرىمەن بىرگە كەزدەستى ءارى جەكە - جەكە ارناۋ ءسوز سويلەدى. شي جينپيڭ ارناۋ سوزىندە مىنالاردى اتاپ كورسەتتى: جۇڭگو ەكونوميكاسى ءالى دە عالامدىق ەكونوميكالىق ارتۋدىڭ نەگىزگى قوزعاۋشى كۇش قاينارى جانە ورنىقتىرعىشى بولىپ وتىر. جۇڭگو جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىن ۇزدىكسىز دايەكتىلەندىرىپ، سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، جوعارى ساپالى دامۋدان جازباي، ءتىپتى جوعارى دەڭگەيلى اشىق ەكونوميكانى دامىتادى. جۇڭگو جاق فرانسيا جاقپەن جانە ەۆروپا وداعى جاعىمەن بىرگە ءوزارا تۇسىنىستىك، ءوزارا ءتيىمدى ىنتىماقتاستىق ۇستانىمىنان جازباي، ەكى جاقتى ەسىك اشۋدىڭ جالپى باعىتىنا تاباندى بولۋدى قالايدى، ەسىك اشۋدى باعدار، ىنتىماقتاستىقتى قوزعاۋشى كۇش، بىرگە يگىلىكتەنۋدى نىسانا ەتكەن عالامدىق ەكونوميكالىق باسقارۋ جۇيەسىن قول ۇستاسا كەمەلدەندىرۋ قاجەت.
  ەكى ەل باسشىسى تايشان يادرو ەلەكتر ستانسياسىنداعى ەۆروپالىق وزىق سۋ قىسىم رەاكتورىنىڭ عالامدىق العاشقى رەاكتور ينجەنەرياسىنىڭ اتىن قويۋ، تۇساۋىن كەسۋ راسىمىنە بىرگە قاتىناسىپ، ەكى ەلدىڭ كاسىپكەرلەر كوميتەتىن قۇرۋ تۋرالى ءوزارا تۇسىنىستىك ەسكەرتپە حاتىنا جانە مەملەكەتتىك ساياباق ءتۇزىلىسى قۇرىلىسى، يادرولىق ەنەرگيا، عارىش تەحنيكاسى، دارىندىلار اۋىستىرۋ، قورشاعان ورتانى قورعاۋ، فينانس، دەنساۋلىق ساقتاۋ، اۆياتسيا، اۋىل شارۋاشىلىعى، زەينەتكەرلىك، مادەنيەت، وقۋ - اعارتۋ، ساۋدا سياقتى سالالارداعى ەكى جاقتى حۇجاتتارعا قول قويىلۋىنا كۋاگەر بولدى.
  قول قويۋ راسىمىنەن كەيىن ەكى ەل باسشىسى جۇڭگولىق، شەتەلدىك تىلشىلەرمەن كەزدەستى.
  كەڭەستەن بۇرىن، شي جينپيڭ حالىق سارايىنىڭ سولتۇستىك زالىندا ماكروندى قارسى الۋ ءراسىمىن وتكىزدى. شي جينپيڭنىڭ حانىمى پىڭ لييۋان، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ياڭ جيەچى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى چىن جۋ، مەملەكەتتىك ساياسي كەڭەستىڭ ورىنباسار ءتوراعاسى لين ۋىن - ي قاتارلىلار قاتىناستى.

ءان الەمى

جول توسىلىپ قالدى

تۇلپارىم