باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بۇكىل پارتيادا زور ۇيرەنۋ ورىستەتەيىك

    كەلۋ قاينارى: شينجياڭ گازەتى    2018-01-13 18:40:30  

−جاڭا ءداۋىر جۇڭگو كوممۋنيستەرىنىڭ نازاريالىق سانالىلىعى
شينحۋا اگەنتتىگىنىڭ ءتىلشىسى

قىس كۇنىندەگى ورتالىق كوميتەت پارتيا مەكتەبىنىڭ اۋلاسىنان ۇيرەنۋدىڭ قويۋ رايى ەسەدى.
  5 - قاڭتاردان 8 - قاڭتارعا دەيىن ج ك پ ورتالىق كوميتەتىنىڭ جاڭا مۇشەلەرى مەن كانديدات مۇشەلەرىنىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋى جونىندەگى زەرتتەۋ - تالقى كۋرسى بەيجيڭدە وتكىزىلدى.  تاريحي ءسات قانشا ماڭىزدى بولسا، ۇيرەنۋگە سونشا ءمان بەرۋ، ۇيرەنۋدى سونشا باسا يگەرۋ كەرەك!
  «پارتيا 19 - قۇرىلتايىنىڭ رۋحىن دايەكتىلەندىرىپ جانە تياناقتاندىرىپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ − بۇكىل پارتيادا زور ۇيرەنۋ ورىستەتۋدى تالاپ ەتەدى». پارتيانىڭ 19 - قۇرىلتايى جابىلعاننان 3 كۇن كەيىن، 19 - كەزەكتى ورتالىق كوميتەت ساياسي بيۋروسىنىڭ ءبىرىنشى رەتكى توپتىق ۇيرەنۋىندە، باس شۋجي شي جينپيڭ بۇكىل پارتياعا وسىنداي ۇندەۋ تاستادى.
  بۇل عاسىرلىق ءىرى پارتيانىڭ سەرگەكتىگى مەن سانالىلىعى، جۇڭگو كوممۋنيستەرىنىڭ جاڭا داۋىردەگى تاريحي بورىشقا سايكەس جاساعان ماڭىزدى تاڭداۋى.
  «جۇڭگوشا سوتسياليزمگە تاباندى بولۋجانە ونى دامىتۋ − ۇلى ءىس»
  − ۋاقىتتى ۇتىپ، تەز قيمىلداپ، وي - سانانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن قارۋلاندىرايىق
  «شينحاي توڭكەرىسىنەن بەرگى نەشە جۇزدەگەن ساياسي پارتيا مەن ساياسي ۇيىمدار اراسىنان ءبىزدىڭ پارتيا تابان تىرەپ، دامىپ، زورايدى، ونىڭ ءتۇبىرلى سەبەبى پارتيامىزدىڭ عىلمي نازاريانى جەتەكشى ەتكەندىگى ەدى».
  «يدەيا بەينە تۋ سەكىلدى، تۋ تىگىلسە، جۇرتتىڭ ءۇمىت ارتار ماقساتى، كوڭىل تارتار باعدارى بولادى. ءبىزدىڭ تۋىمىزعا ماركسيزم - لەنينيزم، ماۋ زىدۇڭ يدەياسى، دىڭ شياۋپيڭ نازارياسى، «ۇشكە ۋاكىلدىك ەتۋ» ماڭىزدى يدەياسى، عىلمي دامۋ كوزقاراسى جازىلعان، ەندى وعان شي جينپيڭ جاڭا ءداۋىر جۇڭگوشا سوتسياليزم يدەياسى دا جازىلدى»...
  2017 - جىلى 17 - قاراشادا، بەيجيڭ پەداگوگيكالىق ۋنيۆەرسيتەتى يىڭدۇڭ عىلمي زالىندا، سامساعان وقىتۋشى - وقۋشىلار الدىندا ورتالىق ۇگىت - لەكسيا ۇيىرمەسىنىڭ مۇشەسى، ورتالىق كوميتەت پارتيا تاريحى كافەدراسىنىڭ مەڭگەرۋشىسى چۇي چيڭشان ءسوزدىڭ مايىن تامىزا سويلەي الا جونەلدى.
  بۇل ىقشام كورىنىس قانا. ورتالىق ۇگىت - لەكسيا ۇيىرمەسىنىڭ نەگىزگى ساتىعا بويلاپ، جاسامپاز نازاريا، ءىرى باعىت - ساياسات، ماڭايداعى ىستەر تۋرالى سويلەۋىنەن پارتيا 19 - قۇرىلتايى ۋاكىلدەرىنىڭ تىكە ات سالىسىپ، ءار دارەجەلى باسشى كادرلاردىڭ باستاماشىلدىقپەن ۇيرەنىپ، ۇگىتتەۋىنە دەيىن، پارتيانىڭ 19 - قۇرىلتايى جابىلعان 2 ايدان بەرى، شىنجوۋ دالاسىنىڭ جەر - جەرىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ ورلەۋى كوتەرىلدى.
  2 ايدىڭ الدىندا، پارتيانىڭ 19 - قۇرىلتايى جۇڭگوشا سوتسياليزمنىڭ ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن پارتيا، ءسوز جوق، ۇزاق ۋاقىت تاباندى بولۋعا ءتيىستى جەتەكشى يدەيا ەتىپ تۇراقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ مەن سوتسياليستىك وسىزاماندانعان قۇدىرەتتى مەملەكەتتى جاپپاي قۇرۋدىڭ جاڭا ساپارىن باستاۋعا جاپپاي ورنالاستىرۋ جاسادى.
  بۇل جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەر كەزەڭدە، جۇڭگوشا سوتسياليزم جاڭا داۋىرگە وتكەن شەشۋشى ساتتە اشىلعان توتەنشە ماڭىزدى قۇرىلتاي بولدى.
  شەشۋشى جەڭىسكە جەتەر كەزەڭ يدەيانى ونان ارى بىرلىككە كەلتىرۋدى قاجەت ەتەدى؛
  شەشۋشى ءسات ارەكەتتى ونان ارى ءبىرىڭعايلاۋدى قاجەت ەتەدى.
  يان - انداعى چياۋىرگوۋ كوستەلى ورتالىق كوميتەت پارتيا مەكتەبىنىڭ كەزىندەگى زالى ءارى پارتيانىڭ 6 - كەزەكتى ورتالىق كوميتەتىنىڭ التىنشى جالپى ءماجىلىسى وتكەن جەر.
  «بۇكىل پارتياداعى جولداستار ماركسيزم - لەنينيزم نازاريالارى مەن ونىڭ جۇڭگوداعى ناقتى قولدانىلۋىن ۇيرەنۋى، زەرتتەۋى ءتيىس»، «قىزمەتتەگى كادرلار اراسىندا ورتا ەسەپپەن كۇنىنە 2 ساعات ۇيرەنۋ ءتۇزىمىن ورناتۋ كەرەك»... كورمە قابىرعاسىنداعى سارعايىپ كەتكەن «ورتالىق كوميتەتتىڭ كادرلاردىڭ ۇيرەنۋى تۋرالى نۇسقاۋى» كىسىنى تەرەڭ ويعا سالادى.
  ءدال وسىندا، ماۋ زىدۇڭ «ماركسيزمنىڭ جۇڭگوداعى ناقتىلانۋى» دەگەن كەلەلى تاقىرىپتى ورتاعا قويىپ، «بۇكىل پارتيادا ۇيرەنۋ باسەكەسىن ورىستەتۋگە» ۇندەگەن ەدى.  تاريح ءدال وسىنداي ورايلاس ءارى وسىنداي تەرەڭ مانگە يە −
  ۇيرەنۋ − جۇڭگو كوممۋنيستىك پارتياسىنىڭ تۋا ءبىتتى ايقىن قاسيەتى.
  97 جىلدىڭ الدىندا، ۇيرەنۋدىڭ ارقاسىندا ماركسيزمنىڭ «شوعىن» ۇستاعان العاباسارلار تاريح ساحناسىنا كوتەرىلدى، سونان كەيىن جۇڭگو توڭكەرىسىنىڭ بەت - بەينەسى شىتتاي جاڭاردى؛
  60 نەشە جىلدىڭ الدىندا، ۇيرەنۋدىڭ ارقاسىندا بەيجيڭگە «ەمتيحانعا اتتانعان» جۇڭگو كوممۋنيستەرى جاڭا دەموكراتيالىق توڭكەرىستىڭ جەڭىسىنە جەتىپ، جاڭا جۇڭگونى قۇرىپ، جۇڭگو تاريحىنداعى ەڭ تەرەڭ، ەڭ ۇلى قوعامدىق وزگەرىستى ءساتتى تۇردە ىسكە اسىردى.
  40 نەشە جىلدىڭ الدىندا، ۇيرەنۋدىڭ ارقاسىندا جۇڭگو كوممۋنيستىك پارتياسى حالىققا باسشىلىق ەتىپ، رەفورما جاساۋ، ەسىك اشۋ ارقىلى مەملەكەتتى قۇدىرەتتەندىرۋ جولىن اشىپ، كۇللى دۇنيەنى جالت قاراتقان مۇعجيزا جاسادى.
  ۇيرەنۋدىڭ ارقاسىندا وركەندەپ، ۇيرەنۋدىڭ ارقاسىندا جەتىلىپ، ۇيرەنۋدىڭ ارقاسىندا زورايىپ، ۇيرەنۋدىڭ ارقاسىندا بولاشاققا بەت الدى، پارتيانىڭ توڭكەرىسكە، قۇرىلىسقا، رەفورماعا باسشىلىق ەتۋ تاريحى جاسامپازدىقپەن ۇيرەنۋ، جاسامپازدىقپەن امالياتتا ايگىلەۋ تاريحى بولدى.
  «پارتيامىزدىڭ كىشكەنەدەن ۇلعايىپ، السىزدەن كۇشەيۋىندە ۇيرەنۋ ماڭىزدى سەبەپتەردىڭ ءبىرى. قانشالىق شەشۋشى ساتتە، پارتيا ۇيرەنۋدى كۇشەيتۋدى سونشالىق باسا دارىپتەيدى، بۇل پارتيامىزدىڭ تاڭداۋلى ءداستۇرى جانە قۋاتتى ساياسي ارتىقشىلىعى»، - دەدى چۇي چيڭشان.
  يان - انداعى ياڭجياليڭدە ورتالىق كوميتەت زالى قاسقايىپ تۇر. 1945 - جىلى ساۋىردەن ماۋسىمعا دەيىن پارتيانىڭ 7 - قۇرىلتايى وسىندا اشىلىپ، ماۋ زىدۇڭ يدەياسى پارتيانىڭ جەتەكشى يدەياسى ەتىپ تۇراقتاندىرىلدى.
  ياڭجياليڭ توڭكەرىستىك ەسكى جۇرت باسقارماسىنىڭ مەڭگەرۋشىسى حوۋ جىنلۇڭ بىلاي دەدى: «ەگەر پارتيانىڭ 7 - قۇرىلتايىن جۇڭگولىقتار <ەڭسە كوتەرۋدەن> بۇرىن اشىلعان ەڭ ماڭىزدى قۇرىلتاي دەسەك، وندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن پارتيانىڭ جەتەكشى يدەياسى ەتىپ تۇراقتاندىرعان پارتيانىڭ 19 - قۇرىلتايى قۇدىرەتتەنۋگە جاسالعان دايىندىق دەۋگە بولادى!».
  پارتيانىڭ 18 - قۇرىلتايىنان بەرى، دۇنيە ءجۇزىنىڭ، مەملەكەتتىڭ، پارتيانىڭ جاعدايىنداعى تەرەڭ وزگەرىستەرگە سايكەس، شي جينپيڭ جولداستى ۇيتقى ەتكەن پارتيا ورتالىق كوميتەتى زور ساياسي - نازاريالىق باتىلدىقپەن امالياتتا جانە نازاريادا جاڭالىق اشۋدى ىلگەرىلەتتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ دەگەن ماڭىزدى داۋىرلىك تاقىرىپقا عىلمي جاۋاپ قايتاردى.
  2017 - جىلى 30 - قاراشادان 3 - جەلتوقسانعا دەيىن جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسى بەيجيڭدە وتكىزىلدى، 120 نەشە ەلدەن 300گە تارتا ساياسي پارتيا مەن ساياسي ۇيىمنىڭ باسشىلارىنان جالپى 600دەن اسا جۇڭگولىق - شەتەلدىك ۋاكىل قاتىناستى.
  «جۇڭگونىڭ زور تابىسقا جەتۋىنىڭ سەبەبى داۋىرمەن بىرگە العا باسقانىندا، - دەدى ەگيپەت ەركىن ەگيپەتتىكتەر پارتياسىنىڭ ءتوراعاسى يسام حاليل، - جۇڭگو كوممۋنيستىك پارتياسى ءوزىنىڭ جەتەكشى يدەياسىن ءاۋ باستان ۇزدىكسىز دامىتىپ وتىردى، بۇل وتە ماڭىزدى».
  «پارتيانىڭ جەتەكشى يدەياسى تامىرلاس، بۇكىل پارتيانىڭ كولەمدى ۇيرەنۋىن بۇلجىماي دايەكتى تۇردە جۇرگىزۋ كەرەك». جۇڭگو پۋدۇڭ كادرلار ينستيتۋتىنىڭ ورىنباسار باستىعى جىڭ جينجوۋ قازىر، ەڭ ماڭىزدىسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا شوعىرلاندىرۋ ەكەندىگىن ايتتى.
  جۇڭگو پۋدۇڭ كادرلار ينستيتۋتى تاقىرىپتىق ساباقحانا قۇرىپ، سۋرەت، ناقتى زاتتار ارقىلى وقۋشىلاردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ءتىپتى جاقسى تۇسىنۋىنە كومەكتەسىپ وتىر. جۇڭگو پۋدۇڭ كادرلار ينستيتۋتىنىڭ پروفەسسورى ليۋ جيڭبەي بىلاي دەپ باسىپ ايتتى: «كولەمدى ۇيرەنۋدىڭ ماقساتى نە؟ شي جينپيڭنىڭ جاڭا ءداۋىر جۇڭگوشا سوتسياليزم يدەياسى جونىندە كولەمدى ۇيرەنۋ ورىستەتۋ ارقىلى سەنىمدى اناعۇرلىم نىعايتىپ، بورىشتىلىق سەزىمدى كۇشەيتىپ، ۇزدىكسىز العا باسۋدىڭ رۋحاني قوزعاۋشى كۇشىنە يە بولۋ».
  بەيجيڭ كورمە سارايىندا، «ۇدەرە العا تارتقان 5 جىل» اتتى جەتىستىكتەر كورمەسى اشىلىپ، نەبارى 3 ايدان ارتىق ۋاقىت ىشىندە ەكسكۋرسيالاۋشىلاردىڭ سانى 2 ميلليون 660 مىڭعا جەتتى، ينتەرنەتتەگى كورمە سارايىن ەكسكۋرسيالاۋشىلاردىڭ سانى 22 ميلليون 830 مىڭعا جەتتى.
  «تيانيانمەن» عارىشتى بارلاۋدان «جياۋلۇڭمەن» تەرەڭ تەڭىزدى بارلاۋعا، كۆانتتىق جاساندى سەرىك ارقىلى اسپان مەن جەر ءبىر تۇلعالاندىرىلعان تاجىريبە جاساۋدان «حيكىمەتتى تايحۋ نۇرى» اسقىن كومپيۋتەرىنە دەيىن، جۇڭگو عىلىم - تەحنيكادا توقتاۋسىز جاڭالىقتار اشتى؛ جۇڭگو كوپىرى، جۇڭگو جولى، جۇڭگو پويەزى، جۇڭگو پورتى، جۇڭگو ينتەرنەتى سىندى «دۇنيەدەگى تۇڭعىشتار» جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا دەم بەردى.
  «ءبىز باتىس ەلدەرىنىڭ جۇزدەگەن جىل بويىندا باسقان جولىن 30 نەشە جىلدا باسىپ وتتىك، سەنىمىمىز ءتىپتى نىعايا ءتۇستى. بولاشاقتاعى 30 نەشە جىلدا قالاي ىستەۋ جونىندە باعىت - باعدارىمىز ءتىپتى كۇشەيە ءتۇستى». شاڭحاي قالاسى جياڭديڭ رايوندىق پارتكومنىڭ شۋجيى ما چۇنلەي بىلاي دەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋ − تاريحتىڭ تاڭداۋى، حالىقتىڭ تاڭداۋى، وسى يدەيا جۇڭگونى «قۇدىرەتتەنۋگە» جەتەكتەيتىن تۋ.
  2017 - جىلى 2 - قاراشادا، «ج ك پ ورتالىق كوميتەتىنىڭ پارتيا 19 - قۇرىلتايىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ جونىندەگى قارارى» تولىق ماتىنمەن جاريالاندى.
  جىڭ جينجوۋ: بۇرىنعى كەزەكتەردەگى پارتيا قۇرىلتايىنان كەيىن ءبىر حابارلاندىرۋ عانا جاريالاناتىن، بۇل جولى «قارارعا» وزگەرتىلدى، مۇنىڭ ءوزى ورتالىقتىڭ تالابىنىڭ ءتىپتى جوعارى، ءتىپتى باتىل ەكەنىن بەينەلەيدى، - دەدى.
  كۇش سالۋ ءتۇيىنىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ پارتيانىڭ، ءسوز جوق، ۇزاق ۋاقىت تاباندى بولۋعا ءتيىستى جەتەكشى يدەياسى ەكەنىنە شوعىرلاندىرۋ، 5 جىلدان بەرى، پارتيا مەن مەملەكەت ىستەرىندە قول جەتكەن تاريحي جەتىستىكتەر مەن جارىققا شىققان تاريحي وزگەرىستەرگە شوعىرلاندىرۋ... «قارارداعى» 6 «شوعىرلاندىرۋ» «كولەمدى ۇيرەنۋگە» باعىت - باعدار كورسەتتى.
  تاياۋدا، شانشي ولكەلىك مامان - وقىمىستىلار ۇگىت - لەكسيا ۇيىرمەسىنىڭ مۇشەسى، يان - ان ۋنيۆەرسيتەتىنىڭ پروفەسسورى تان حۋۋا «يان - ان رۋحىن ساۋلەلەندىرىپ، باتىل ۇيتقى تانىمى ارقىلى پارتيانىڭ ورتالىقتانعان ءبىر تۇتاس باسشىلىعىن كۇشەيتەيىك» دەگەن تاقىرىپتا پارتيا 19 - قۇرىلتايىنىڭ رۋحىن ۇگىتتەپ، لەكسيا جاسادى.

  تان حۋۋا بىلاي دەدى: «ۇيتقىنى تۇراقتاندىرۋ، ۇيتقىنى قورعاۋ − ءبىر ساياسي پارتيانىڭ كەمەلدەنۋگە بەتتەۋىنىڭ كورنەكتى بەلگىسى. بۇكىل پارتيا بويىنشا كولەمدى ۇيرەنۋ ورىستەتۋدە، پارتيانىڭ ساياسي قۇرىلىسىن ماڭداي الدى ورىنعا قويىپ، ۇيرەنۋ ارقىلى 4 تانىمدى مىقتاپ ورناتىپ، 4 سەنىمدى نىعايتىپ، باس شۋجي شي جينپيڭنىڭ ۇيتقىلىق ورنىن باتىل قورعاۋ كەرەك».
  «جاۋاپكەرشىلىكتى ارقالايتىن تۇلعا بولۋمەن قاتار، ءىس تىندىراتىن ناعىز قابىلەت بولۋى كەرەك»
  − ەمتيحانعا بارۋ كوڭىل كۇيىمەن، بيلىك جۇرگىزۋ قابىلەتىن جاپپاي ارتتىرىپ، جاڭا داۋىردەگى كەلەلى تاريحي بورىشتى ارقالادى
  2017 - جىلى 8 - جەلتوقساندا، جۇڭنانحايدىڭ حۋايرىنتاڭ زالىندا ج ك پ 19 - كەزەكتى ورتالىق كوميتەتىنىڭ ساياسي بيۋروسى «مەملەكەتتىڭ ءىرى ساندى مالىمەت ستراتەگياسىن اتقارۋ» تاقىرىبىندا 2 - رەتكى كوللەكتيۆ ۇيرەنۋىن وتكىزدى.
  ساياسي بيۋرونىڭ كوللەكتيۆ ۇيرەنۋىندە ءىرى ساندى مالىمەتتى تۇسىندىرگەن جۇڭگو عىلىم اكادەمياسىنىڭ اكادەميگى، بەيجيڭ تەحنيكالىق عىلىمدار ۋنيۆەرسيتەتىنىڭ ورىنباسار باستىعى مەي حۇڭ بىلاي دەدى: «ءىرى ساندى مالىمەت − قازىرگى دۇنيەدەگى الدىڭعى تەحنيكالىق ىستىق نۇقتا، مۇنىڭ پارتيانىڭ ەڭ جوعارى شەشىم جاساۋ جىگىنىڭ نازارىنا الىنۋى پارتيا ورتالىق كوميتەتىنىڭ عىلىم - تەحنيكانىڭ الدىڭعى دەڭگەيىنە سەزگىرلىكپەن قانىعۋ، ءداۋىر تىنىسىن ءجىتى يگەرۋ قابىلەتىن بەينەلەپ، پارتيا ورتالىق كوميتەتىنىڭ عىلىم - تەحنيكاعا ءمان بەرۋ، شەبەرلىكپەن ۇيرەنۋ، شەبەرلىكپەن جونگە سالۋ سيگنالىن تاراتتى».
  ءوز باستارىنان ونەگە كورسەتىپ ۇيرەنۋدى يگەرىپ، ەل باسقارۋ قابىلەتى مەن ورەسىن ۇزدىكسىز جوعارىلاتتى − پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتياعا ءىس جۇزىندىك ارەكەتتەرىمەن ايشىقتى ۇلگى كورسەتتى.
  پارتيانىڭ 18 - قۇرىلتايىنان قازىرگە دەيىن، ج ك پ ورتالىق كوميتەتىنىڭ ساياسي بيۋروسى 45 رەت كوللەكيتۆ ۇيرەنۋ وتكىزدى، ۇيرەنۋ مازمۇنى پارتيانى، مەملەكەتتى، ارميانى جونگە سالۋ، رەفورما، دامۋ، ورنىقتىلىق، ىشكى ىستەر، ديپلوماتيا، قورعانىس سياقتى جاقتارعا سايادى.
  «ءبىر ساعاتتان استام ۋاقىتتا كوپشىلىك مۇقيات ەستەلىك الىپ، ءتۇيىندى جەرلەرىن سىزىپ وتىرادى. ساباقتان كەيىن سۇراۋ سۇرايتىن وقۋشىلار دا بولاتىن»، - دەيدى «ەلىمىز تاريحىنداعى مەملەكەتتى جونگە سالۋ» جانە «ەلىمىز تاريحىنداعى ءىرىپ - شىرۋگە قارسى تۇرىپ، پاكتىكتى دارىپتەۋ» جونىندە ج ك پ ورتالىق كوميتەتىنىڭ ساياسي بيۋروسىنا جەكە - جەكە 2 رەت ساباق سويلەگەن جۇڭگو قوعامدىق عىلىمدار اكادەمياسى تاريح ينستيتۋتىنىڭ باستىعى پۋ شيانچۇ سول كەزدى انىق ەسىنە الىپ.
  پارتيا 19 - قۇرىلتايىنىڭ بايانداماسىندا: «ءبىر ميلليارد 300 ميلليوننان استام حالقى بار سوتسياليستىك ءىرى ەلگە باسشىلىق ەتۋ ءۇشىن پارتيامىز ءارى ساياسيعا بارىنشا توسەلگەن بولۋى، ءارى بيلىك جۇرگىزۋ قابىلەتى جوعارى دا كۇشتى بولۋى كەرەك» دەپ ايقىن اتاپ كورسەتىلدى.
  ۇزاق جورىقتا قىزىل ارميا جاۋىنگەرلەرى ءارىپتى ارقالارىنا جاپىسرىپ قوياتىن، ارت جاعىنداعىلار ءجۇرىپ كەلە جاتىپ ءارىپ ۇيرەنەتىن؛ يان - انداعى مەزگىلدە، جاپون شاپقىنشلارىنا قارسى ارميا اكىمشىلىك ۋنيۆەرسيتەتىندە «ءارىپتى بوقشادان تانۋ، ءارىپتى جەرگە جازۋ، جول ءۇستى − ساباقحانا، تىزە − ۇستەل» مودى بولدى؛ شاڭحايدى وتكىزىپ العاندا، ازاتتىق ارميانىڭ كوپتەگەن كوماندير - جاۋىنگەرلەرى «قالا تۋرالى جاي ساۋات» كىتاپشاسىن قولدارىنا الدى... وسى ناعىز تاريح − جۇڭگو كومۋنيستەرىنىڭ بىلىمگە دەگەن ىنتىزارلىعىنىڭ ەڭ تاماشا ايعاعى.
  بورىش جاۋاپكەرشىلىككە مۇقتاج، جاۋاپكەرشىلىك قابىلەتكە مۇقتاج.
  70 نەشە جىلدىڭ الدىندا، ماۋ زىدۇڭ بۇكىل پارتياعا: «ءبىزدىڭ قوسىنىمىزدا ءبىر ءتۇرلى قورقىنىش بار، ول ەكونوميكالىق قورقىنىش تا، ساياسي قورقىنىش تا ەمەس، قابىلەت قورقىنىشى» دەپ ەسكەرتكەن ەدى.
  سوڭعى جىلدارى، باس شۋجي شي جينپيڭ «قابىلەت قورقىنىشىن» تالاي رەت قايتالاي تىلگە الدى. 2013 - جىلى 1 - ناۋرىزدا ورتالىق پارتيا مەكتەبى قۇرىلعاندىعىنىڭ 80 جىلدىعىن قۇتتىقتاۋ جينالىسىندا «بۇكىل پارتياداعى جولداستار، وتە - موتە، ءار دارەجەلى باسشى كادىرلار ۇيرەنۋدى كۇشەيتۋ جونىندە كوكەي تەستىلىك سەزىمدە بولۋى، قابىلەتىن ۇشتاي ءتۇسۋ ءۇشىن ءبىر ءسات تە توقتاپ - توقىراپ قالماۋى قاجەت» دەپ ايقىن تالاپ ەتتى.
  2017 - جىلى 1 - جەلتوقسان، بەيجيڭنىڭ باتىس قالا ماڭى، ج ك پ ورتالىق كوميتەتىنىڭ پارتيا مەكتەبى.
  جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىنە قاتىناسۋعا كەلگەن ءبىر ءبولىم شەتەلدەردىڭ ساياسي پارتيالارىنىڭ باسشىلارى جۇڭگو كوممۋنيستىك پارتياسىنىڭ جوعارى، ورتا دارەجەلى باسشى كادرلاردى تاربيەلەيتىن 85 جىلدىق تاريحى بار جوعارى ءبىلىم ورداسىن ەكسكۋرسيالادى.
  ۇلى بريتانيا كونسەرۆاتيۆتەر پارتياسى ساياسات زەرتتەۋ ورتالىعىنىڭ مەڭگەرۋشى روبەرت كولۆيل بىلاي دەدى: «جۇڭگودا بۇگىندە جارىققا شىعىپ وتىرعان وزگەرىستەر − وسى ءداۋىردىڭ ۇلى حيكاياسى ءارى دۇنيە جۇزىندەگى توتەنشە ماڭىزدى ءىس. ءبىز وسى جەردەن مۇنىڭ استارىنداعى تەتىكتى ىزدەۋىمىز كەرەك».
  ءار دارەجەلى پارتيا مەكتەپتەرىنەن، اكىمشىلىك ينستيتۋتتارىنان ءۇش كادرلار ينستيتۋتىنا دەيىن، «ۇشتە قاتاڭ، ۇشتە شىنايى بولۋ» ارناۋلى تاربيەسىنەن «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسىنەن تاياۋدا ورىستەتىلەتىن «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسىنە دەيىن، جۇڭگو كوممۋنيستىك پارتياسى تۇزىمدەنگەن، جۇيەلەنگەن تاربيەلەۋ، باۋلۋ جۇيەسىن قۇردى؛ «جۇڭگو كوممۋنيستىك پارتياسىنىڭ ۋستاۆىندا» «پارتيانىڭ نەگىزگى ساتى ۇيىمدارىنىڭ» ءبىر نەگىزگى مىندەتى «پارتيا مۇشەلەرىن مۇقيات ۇيرەنۋگە ۇيىمداستىرۋ» دەلىنگەن؛ پارتيانىڭ كوپتەگەن حۇجاتىندا پارتيا مۇشەلەرىن تاربيەلەۋ ساباق ۋاقىتى جونىندە قاتاڭ تالاپ قويىلعان...
  شەتەل باقىلاۋشىلارى بىلاي دەپ قارادى: جۇڭگو كوممۋنيستىك پارتياسىنىڭ 89 ميلليوننان استام ادامى، سونداي - اق ونىڭ تاربيەلەيتىن قامتىم اۋماعى، جيىلىك دەڭگەيى بار وسىنداي ۇلكەن، باياندى ۇيرەنۋ ينجەنەرياسى ادامزات تاريحىندا وتە سيرەك كەزدەسەدى.
  ۇيرەنۋ، ساياسي باسقارۋ، رەفورما، جاڭالىق اشۋ، عىلمي دامۋ، بيلىكتى زاڭ بويىنشا جۇرگىزۋ، بۇقارالىق قىزمەت، ت−ياناقتاندىرۋدى مىقتى يگەرۋ، حاۋىپ - قاتەردى مەڭگەرۋ... 2 ايدىڭ الدىندا، پارتيا 19 - قۇرىلتايىندا پارتيالى كادرلارعا «8 قابىلەتتى» ارتتىرۋ تالابى ورتاعا قويىلدى.
  «بۇل جاڭا ءداۋىردىڭ پارتيالى باسشى كادرلارعا قويعان ءتىپتى دە جوعارى ولشەمدى جاۋاپكەرلىك حاتى»، - دەدى جۇڭگونىڭ جيڭگاڭشان كادرلار ينستيتۋتىنىڭ ۇنەمىلىك ىستەرگە جاۋاپتى ورىنباسار باستىعى مەي ليميڭ.
  جاۋاپكەرلىك ماسەلە مەن سىن - سايىستان كەلەدى.
  جاڭا داۋىرگە وتكەن جۇڭگو «اۋقاتتانۋدان» «قۇدىرەتتەنۋگە» قاراي دامۋدىڭ شەشۋشى كەزەڭدە تۇر، دامۋ بارىسىنىڭ بىركەلكى، تولىق بولماۋىنداي ءىشىنارا كورنەكتى ماسەلەلەر ءالى دە شەشىلمەدى، ەكونوميكا، ساياسي، قوعام، مادەنيەت، پارتيا ءىشى، پارتيا سىرتى، ءبىر قىدىرۋ سالالارداعى قىزمەتتەردە جەتەرسىزدىك ورىن تەبۋدە، قيىنشىلىق پەن سىن - سايىس بولۋدا.
  شىنجيڭ ينتەرنەت چيپى، زەردەلى قىزمەت كورسەتۋ قۇلتەمىرى، كۆانتتتىق سپەكترومەتر، ەلىمىز وندىرگەن مي دەمەۋىشى، سۇيىق كۇيدەگى مەتال، كوپ اينالمالى قاناتتى ۇشقىشسىز ۇشاق... جۇڭگۋانسۇن − ەلىمىزدەگى العاشقى مەملەكەتتىك دەربەس جاڭالىق اشۋدان ۇلگى كورسەتۋ رايونى بولىپ تابىلادى. كورمە ورتالىعىندا كاسىپورىنداردىڭ، جوعارى مەكتەپتەردىڭ جانە زەرتتەۋ قۇرىلىمدارىنىڭ جوعارى عىلىم - تەحنيكا ونىمدەرى كوزدىڭ جاۋىن الادى.
  «عىلىم - تەحنيكانىڭ دامۋى كۇن سايىن جاڭارىپ، اياق الىسى ەرەكشە تەزدەدى». جۇڭگۋانسۇن باسقارۋ كوميتەتىنىڭ مەڭگەرۋشىسى دي ليشين بىلاي دەدى: كوپتەگەن جاڭا نارسەلەردى ۇيرەنۋگە، كوپتەگەن جاڭا بەتالىستى يگەرۋگە تۋرا كەلەدى. بىزدە ءبىلىم تاياز، قابىلەت جەتپەۋ ماسەلەسى شىنىمەن بار. ۇيرەنۋدى كۇشەيتۋ كەزەك كۇتتىرمەيتىن شارۋا، قىزمەتتىڭ ماڭىزدى العى شارتى.
  پۋدۇڭ رەفورما ارقىلى تۋىنداپ، رەفورما ارقىلى گۇلدەنىپ، جۇڭگونىڭ 40 جىلعى رەفورما جاساپ، ەسىك اشۋىنداعى وتە كوپ تۇڭعىشتاردى جاراتتى.
  «بولاشاققا بەت العان پۋدۇڭنىڭ كوركەيۋى، ەسىك اشۋى، ءسوز جوق، ۇيرەنۋدى تەرەڭدەتۋ، جالعاستى ۇيرەنۋ بارىسىندا ۇزدىكسىز العا باسادى». شاڭحاي قالالىق پارتكومنىڭ تۇراقتى مۇشەسى، پۋدۇڭ جاڭا رايونى پارتكومىنىڭ شۋجيى ۋىڭ زۋلياڭ بىلاي دەدى: ءبىرىنشى، جاپپاي سالىستىرۋ كەرەك، الەمنىڭ ەڭ جوعارى ولشەمىنە، ەڭ تاماشا دەڭگەيىنە سالىستىرۋ، ەلىمىزدەگى ۇزدىكتەرگە سالىستىرۋ؛ ەكىنشى، سۇرانىستى نىشان ەتۋگە، ماسەلەنى نىشان ەتۋگە، ناتيجەنى نىشان ەتۋگە تاباندى بولىپ، جاپپاي تەكسەرۋ - زەرتتەۋ قىزمەتىن ىلگەرىلەتىپ، كاسىپورىندار مەن بۇقارانىڭ مۇڭ - مۇقتاجىن، ارمان - تىلەگىن ايقىن ۇعىنىپ ءارى قاجەتىن، ءارى جاعدايىن سۇراستىرۋ كەرەك.

  شالعايداعى جيڭگاڭشاندا، «كەدەيلىكتەن قۇتىلعاننان كەيىن، قالاي اۋقاتتانۋ كەرەك» دەگەن ءىرى ۇيرەنۋ دابىرالى ورىستەتىلۋدە. باجياۋ عيماراتىنىڭ سىرتىنداعى ۇيرەتۋ - ۇيرەنۋ ورنىندا اۋىل - قالاشىق كادرلارىنا مەرزىم سايىن «ەگىنشىلىك، باعىمشىلىق جاڭا تەحنيكاسى» سياقتىلاردى قامتىعان كۋرس اشىلدى.
  الدەقاشان كەدەيلىكتەن قۇتىلعان جيڭگاڭشان ماۋپيڭ اۋىلى شىنشان قىستاعىنىڭ «ءبىرىنشى شۋجيى» بولعان چىن شۋەلين كەدەيلىك قالپاعىن الىپ تاستاۋ شاتتىعىنا شوما العان جوق، ول تاياۋ ۋاقىتتاردا ءار كۇنى كولىكپەن ءبىر ساعات جول باسىپ، قىستاقتا احۋال ۇعىسىپ، تەكسەرۋ - زەرتتەۋ جۇرگىزدى، جەرگىلىكتى حالىقتىڭ ءتىلىن قاجىرلىقپەن ۇيرەنۋمەن بىرگە، تاعى ءتىپتى دە كوپ قىستاق تۇرعىندارىنىڭ سارى شاپتول ەگىمشىلىگى تەحنيكاسىن يگەرۋىنە كومەكتەسىپ، بامبۋك شارباق توقۋدىڭ كولەمدەنگەن ءوندىرىسىن ىلگەرىلەتتى.
  «شىنشان قىستاعىنىڭ كەدەيلىكتەن قۇتىلعانىنا ءبىر جىل بولدى، بۇقارانىڭ اۋقاتتانۋ تىلەگى وتە كۇشتى، باستاماشى رەتىندە، ءوزىم ۇيرەنۋىم، سونداي - اق تۇتاس قىستاقتاعىلاردى ۇيرەنۋگە باستاۋىم كەرەك»، - دەدى چىن شۋەلين.
  «بىلىمگە دەگەن <قۇشتارلىقتى> ءسوزسىز، ساقتاۋ كەرەك». جيڭگاڭشان قالالىق پارتكومنىڭ شۋجيى ليۋ حۇڭ بىلاي دەدى: «نەگىزگى ساتى كادرلارى بۇقارانىڭ ءىس جۇزىندىك قيىنشىلىعى مەن قاجەتىن شەشىپ، اۋىل - قىستاقتاردى گۇلدەندىرۋدىڭ تىرەگىنە اينالۋى كەرەك».
  بەيجيڭ فينانس كوشەسى، «ءبىر كاسىپ، ءۇش ءماجىلىس» جانە ءتۇرلى فينانس قۇرىلىمدارى وسى اراعا توپتالعان. 2017 - جىلى قىركۇيەكتە، بەيجيڭ شيچىڭ رايوندىق حالىق سوتى مەكەمەسىنىڭ فينانس كوشەسى سوتى وسى ارادا قۇرىلدى».
  بەيجيڭ حالىق سوتى مەكەمەسىنىڭ فينانس كوشەسىنە جىبەرگەن سوت ورنى رەتىندە، فينانس كوشەسى سوتىنداعى بارلىق قىزمەتكەرلەر جاۋاپكەرلىكتەرىنىڭ اۋىر، قىسىمنىڭ ۇلكەن ەكەنىن سەزىندى، «جايشىلىقتا ۇدايى كەزدەسەتىن فينانسقا جاتاتىن دەلولاردان تىس، كىرەديت كارتچكانىڭ ۇرلانىپ ىستەتىلۋى، امانات ەتۋ، ينتەرنەت فينانسى سياقتى جاڭا دەلولاردا سۋديالاردىڭ قابىلەتىنە سايىس جاريالادى. سوت ورنىنداعى بۇكىل قىزمەتكەرلەر ۋاقىت شىعارىپ، زاڭ بىلىمدەرىن ۇيرەنۋدەن تىس، ەكونوميكا، فينانس سياقتى كاسىپتىك بىلىمدەرگە دەيىن ۇيرەندى»، - دەدى سوت مەكەمەسىنىڭ باستىعى ليۋ جيانشۇن.
  پارتيا 19 - قۇرىلتايىنىڭ بايانداماسىندا: ارميا بارلىق قىزمەتتە، ءسوز جوق، جاۋىنگەرلىك قۋاتتى ولشەم ەتۋ، سوعىس جۇرگىزە الۋعا، سوعىستا جەڭىپ شىعۋعا قاراي شوعىرلانۋ كەرەك، - دەپ باسا دارىپتەدى.
  شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن شي جينپيڭنىڭ قۇدىرەتتى ارميا يدەياسىن الدىمەن وقۋلىق ەتىپ، ساباقحاناعا اكەلىپ، «قۇدىرەتتى ەل، قۇدىرەتتى ارميا حيكاياسىن» جازىپ، مەكتەپ پارتكومىنىڭ سوعىسقا دايىندىعىن كۇشەيتۋ قىزمەتى پىكىرىن زەرتتەپ شىعارىپ، مەكتەپ اۋلاسى ورتاسىن قارۋلاندىرۋ... جاقىنعى ۋاقىتتاردان بەرى، مەملەكەتتىك قورعانىس ۋنيۆەرسيتەتى پارتيا 19 - قۇرىلتايىنىڭ رۋحىن ۇيرەنۋ ورلەۋىن كوتەردى.
  «مەملەكەتتىك قورعانىس ۋنيۆەرسيتەتىن قايتا قۇرۋ، قايتا سالۋ، قايتا سومداۋ ارميانى قۇدىرەتتەندىرۋ رەفورماسىنىڭ ماڭىزدى بولەگى. ءبىز جاۋاپكەرلىگىمىزدىڭ اۋىر ەكەنىن تەرەڭ سەزىندىك، ءبىز، ءسوز جوق، الەمدەگى تاڭداۋلى جالپىلىق بىرلەسكەن قولباسشىلىق ۋنيۆەرسيتەتىن قۇرۋ كۇرەس نىساناسىنا تاباندى بولامىز». پارتيا ساباعىن باستاماشىلدىقپەن سويلەپ، ۇگىت - لەكسيا جاساعان مەملەكەتتىك قورعانىس ۋنيۆەرسيتەتىنىڭ ساياسي جەتەكشىسى ۋ جيەميڭ وسىلاي دەدى.
  «باسشى كادرلار جاۋاپكەرشىلىكتى ۇستىلەرىنە الىپ قانا قويماي، ولاردا ءىس تىندىرا الاتىن ناعىز قابىلەت بولۋى كەرەك». پارتيانىڭ 19 - قۇرىلتايىنان كەيىن وتكىزىلگەن ج ك پ ورتالىق كوميتەتى ساياسي بيۋروسىنىڭ 1 - رەتكى توپتىق ۇيرەنۋىندە باس شۋجي شي جينپيڭ مىنە وسىنداي ايقىن تالاپ قويدى.
  قيىنشىلىقتاردى جەڭۋدە ناعىز قابىلەت، مول اقىل - پاراسات بولۋ كەرەك.
  «پارتيالى كادرلار قايشىلىققا باتىلدىقپەن بەتپە - بەت كەلۋدە ساياسي باتىلدىقتى ايگىلەۋمەن بىرگە، ساياسي پاراساتتىلىقتى دا كورسەتە ءبىلۋى كەرەك. كورسوقىرلىقپەن ىستەۋگە، داڭعويلىققا سالىنۋعا بولمايدى»، - دەيدى جۇڭگو يان - ان كادرلار ينستيتۋتىنىڭ ۇنەمىلىك ىستەرگە جاۋاپتى ورىنباسار باستىعى لي گوشي.
  «8 قابىلەتتىڭ ىشىندە ۇيرەنۋ قابىلەتى 1 - ورىندا تۇرادى. ۇيرەنۋ دەڭگەيى ءمالىم تۇرعىدان قىزمەت دەڭگەيى مەن باسشىلىق دەڭگەيىن بەلگىلەيدى. ساياسيدا تاباندى بولعاندا، قابىلەتى وسكەندە عانا، كۇردەلى جاعدايدى مەڭگەرۋگە، ءبىر ميلليارد 300 ميلليوننان استام حالقى بار سوتسياليستىك ءىرى ەلگە باسشىلىق ەتىپ، «قوس 100 جىلدىق» كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بولادى»، - دەيدى جىڭ جينجوۋ.
  «تاريح تەك قاجىرلىلارعا، ەكپىندەي ىلگەرىلەگەندەرگە، سايىسقاندارعا عانا كوز قىرىن سالادى»
  − كولەمدى ۇيرەنۋ ارقىلى جاپپاي تياناقتاندىرۋدى ىلگەرىلەتىپ، ۇلكەن نىسانانى جۇزەگە اسىرىپ، جاڭا داۋىردە جۇڭگوشا سوتسياليزمنىڭ شىت جاڭا تاراۋىن جازايىق  دۇنيە جۇزىندەگى ەڭ ۇلكەن ساياسي پارتيانىڭ دۇنيە جۇزىندەگى جان سانى ەڭ كوپ ءىرى ەلدى باستاپ، جۇڭگوشا سوتسياليزم جولىن اشۋ بارىسى ادامزات تاريحىندا ەجەلدەن كورىلمەگەن جاسامپازدىق سيپاتتى ۇيرەنۋ جانە جاسامپازدىق سيپاتتى امالياتتا ايگىلەۋ بارىسى بولىپ تابىلادى.
  بۇل ۇيرەنۋ جانە امالياتتا ايگىلەۋ بارىسى قازىر جاڭا كەزەڭگە اياق باستى − جۇڭگوشا سوتسياليزم جاڭا داۋىرگە ءوتتى.
  قازىرگى دۇنيەدە ەجەلدەن كورىلمەگەن زور وزگەرىس تۋىلۋدا، جاڭا كەزەكتى عىلىم - تەحنيكا توڭكەرىسى شىعاندادى.
  بۇگىنگى جۇڭگودا رەفورما تەرەڭدەۋگە قاراي ءوتتى، ەكونوميكالىق دامۋ جاڭا قالىپقا ءوتتى، ءتۇرلى قايشىلىق قاباتتاسىپ، حاۋىپ - قاتەر، كومەسكى حاۋىپ جيىلەدى، مەملەكەت زورايۋدان قۇدىرەتتەنۋگە دەيىنگى شەشۋشى كەزەڭدە تۇر.
  100 جىلدا كورىلمەگەن زور وزگەرىس − ۇلكەن وراي، ونان دا ماڭىزدىسى، زور سىن - سايىس!
  زورايۋدان قۇدىرەتتەنۋگە دەيىنگى جاڭا ءداۋىر − جاڭا سيپات، ونان دا ماڭىزدىسى، جاڭا جورىق!
  2017 - جىلى 27 - قازان تۇستەن بۇرىن ج ك پ 19 - كەزەكتى ورتالىق كوميتەتى ساياسي بيۋروسىنىڭ 1 - رەتكى توپتىق ۇيرەنۋىندە پارتيا 19 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە «جەتە ۇيرەنۋ، جەتە يگەرۋ، شىنايى تياناقتاندىرۋ» سىندى ايقىن تالاپ قويىلدى.
  «جۇڭگوشا سوتسياليزم ىستەرى ناقتى ىسپەن جارىققا شىعادى، جەتە ۇيرەنۋ، جەتە يگەرۋ − نەگىز، شىنايى تياناقتاندىرۋ − تەتىك. كولەمدى ۇيرەنۋدە، ءتۇيىن، كولەمدى دەگەن ءسوزدى يگەرۋ كەرەك. امالياتتا ايگىلەۋ، ناقتى ىستەۋ، ناقتى ونىمدىلىك تانىمىن كۇشەيتىپ، كولەمدى ۇيرەنۋ ارقىلى بارىنشا تياناقتاندىرۋدى ىلگەرىلەتۋ كەرەك»، - دەيدى لي گوشي.
  «پارتيا 19 - قۇرىلتايىنىڭ رۋحىن ۇيرەنۋدە، دايەكتىلەندىرۋدە وزىمەن، جاۋاپكەرلىگىمەن، قىزمەتىمەن ساباقتاستىرىپ، ۇيرەنۋ مەن قولدانۋدى ۇشتاستىرىپ، نازاريا مەن امالياتتىڭ بىرلىگىنە تاباندى بولۋ كەرەك»؛
  «حالىقتى ۇستاز تۇتۋ، حالىقتان ۇيرەنۋ، تاكاپپار بولماۋ، بەرىلە ىستەۋ، بۇقارامەن ەتەنە بولۋ، شىنايى سۇيىسپەنشىلىك ورناتۋ كەرەك»؛
  «بۇقارا ەڭ ءزارۋ، ەڭ الاڭدايتىن، رەنىش - وكپەسى كۇشتى ماسەلەلەردى يگەرىپ، بۇقارا ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن ويداعىداي شەشىپ، ناقتى جاعدايدى تەكسەرۋ، ناقتى ءادىس - امالدار قاراستىرۋ، ناقتى ىستەر تىندىرۋ، ناقتى ونىمدىلىككە ۇمتىلۋ جاعىنا شىنايى كۇش سالۋ كەرەك»...
  پارتيانىڭ 19 - قۇرىلتايىنان كەيىن، باس شۋجي شي جينپيڭ ۇيرەنۋ توڭىرەگىندە ءبىرسىپىرا تالاپتار قويىپ، ۇيرەنگەندى قولدانا ءبىلۋدىڭ مۇنىڭ ىشىندەگى كورنەكتى ءتۇيىن ەكەنىن باسا دارىپتەدى.
  ۇيرەنگەندى قولدانا ءبىلۋ، ۇيرەنۋ مەن قولدانۋدى ۇشتاستىرۋ، ۇيرەنۋ مەن قولدانۋ ارقىلى ءبىرىن - ءبىرى جەبەۋ، مىنە بۇل ماركسيزمنىڭ نازاريانى امالياتپەن ۇشتاستىرۋداي ۇيرەنۋ ستيلى.
  ماۋ زىدۇڭ كەزىندە: «ماركستىك، لەنيندىك پوزيتسيا − كوزدەۋ پوزيتسياسى، شىندىقتى ءىس جۇزىنەن ىزدەۋ پوزيتسياسى»، - دەپ اتاپ كورسەتكەن بولاتىن.

  ۇيرەنۋ مەن قولدانۋدان قول ۇزگەن «بوشالاڭدىق» فورماشىلدىقتىڭ بەينەسى. باس شۋجي شي جينپيڭ كەزىندە جانگو داۋىرىندەگى جاۋ كونىڭ «بوس ءسوزى»، ەكى جيىن كەزىندەگى وقىمىستىلاردىڭ «قىسىر ءسوزىنىڭ» «ىسكە كەسىر تيگىزۋىندەي» تاريحي ساباق ارقىلى پارتيالى كادرلارعا «كىتاپ وقۋ − ۇيرەنۋ، قولدانۋ دا − ۇيرەنۋ، ونىڭ ۇستىنە ءتىپتى دە ماڭىزدى ۇيرەنۋ» دەپ ەسكەرتكەن بولاتىن.
  2018 - جىل پارتيا 19 - قۇرىلتايىنىڭ رۋحىن دايەكتىلەندىرەتىن باستاما جىل، رەفورما جاساپ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدەگى، «13 - بەسجىلدىق» جوبانى اتقارۋداعى باس - اياعىن ۇلاستىراتىن شەشۋشى جىل.
  2018 - جىلعا وتتىك دەگەن ءسوز ەندى 3 جىلعا جەتپەيتىن ۋاقىتتا «ءبىرىنشى 100 جىلدىق» نىسانانىڭ جۇزەگە اساتىنىن كورسەتەدى. ۋاقىت تىعىز!

  قول تەلەفونداعى «پارتيا مۇشەسى سومكەسى» دەيتىن APPدى اشىپ، ونداعى كىتاپتاردى وقۋعا بولادى... يان - اندا 80 مىڭنان استام پارتيا مۇشەلەرى وسى APPدى قول تەلەفوندارىنا ءتۇسىرىپ، ياچەيكانىڭ تالابىنا ساي كۇندە ۇيرەنىپ وتىراتىن بولدى.
  «ءبىز وسى زامانعى تەحنيكادان پايدالانىپ ۇيرەنۋدى كۇشەيتتىك، ءونىمى جاقسى بولدى»، - دەدى يان - ان قالالىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى يان حانپيڭ.
  گۇيجوۋ ولكەسى زۇن - ي قالاسى حۋاماۋ قىستاعى. 2015 - جىلى ماۋسىمدا باس شۋجي شي جينپيڭ وسى جەرگە كەلىپ اۋىلداستاردان حال سۇراپ، ولارعا «جاقسى تۇرمىس ەڭبەكتەنۋدەن كەلەدى» دەپ تىلەك بىلدىرگەن بولاتىن.
  حۋاماۋ قىستاعى پارتيا ياچەيكاسىنىڭ شۋجيى پان كىگاڭ جىگەرلەنە بىلاي دەدى: «اۋىل - قىستاقتاردى كوركەيتۋ ستراتەگياسى پارتيا 19 - قۇرىلتايىنىڭ بايانداماسىنا ەنگىزىلىپ، ءبىزدىڭ وي - سانامىزعا تەرەڭ ورنادى».
  تەكسەرىپ زەرتتەۋ، وي جۇگىرتۋ ارقىلى حۋاماۋ قىستاعى پارتيا ياچەيكاسى قىستاقتىڭ «دامۋ جوباسىن» جاسادى؛ تاۋدى تابان تىرەر تياناق ەتىپ، تابىس كوزىن ويداعىداي اشىپ، سەيىل - سەرۋەن اۋىل شارۋاشىلىعى، قۇرىلعى اۋىل شارۋاشىلىعى، ساياحات اۋىل شارۋاشىلىعى سياقتىلاردى بار كۇشپەن دامىتتى؛ اۋىل - قىستاق ەلەكتروندى ساۋداسىن جەتىلدىرىپ، سولتۇستىك گۇيجوۋ ەرەكشەلىگىندەگى ۇيلەردى سالدى... بۇگىنگى حۋاماۋ قىستاعىندا «حالقى اۋقاتتى، تابيعاتى كوركەم» بولۋدىڭ كارتيناسى بىرتىندەپ رەالدىققا اينالۋدا.  100دەن اسا اۆتوموبيل زەرتتەۋ - اشۋ قۇرىلىمى، 30 مىڭعا جۋىق اۆتوموبيل ينجەنەرى بار... شاڭحاي قالاسى جياديڭ رايونى تەحنيكا ەنگىزۋ، قولدانۋ ارقىلى بۇگىنگى كۇندە جۇڭگوداعى بەلدى اۆتوموبيل كاسىپ بازاسىنا اينالدى.
  جياديڭ رايونى ينتەلەكتۆالدى ينتەرنەت تەحنيكاسى، جاڭا ەنەرگيا جوباسى، جاڭاشا ساۋدا ۇلگىسى سياقتى جاڭادان گۇلدەنگەن كاسىپتەردىڭ ورايىن مىقتى يگەرىپ، ۇيرەنگەن ءبىلىمدى امالياتتا قولدانۋدىڭ قىزۋ ورلەۋىن كوتەرىپ، شەشۋشى سالالاردا تىڭنان تۇرەن سالىپ، حالىقارا دەڭگەيىندەگى اۆتوموبيل كاسىبى ورتالىعىن قۇرۋدى كوزدەدى.
  «اۆتوموبيل كاسىبى جياديڭدى دامىتتى، بولاشاقتا جياديڭ اۆتوموبيل كاسىبىندە زور وزگەرىس جاراتىپ، اۆتوموبيل كاسىبىنىڭ دامۋىنا ۇلەس قوسادى»، - دەدى جياديڭ رايوندىق پارتكومنىڭ شۋجي ما چۇنلەي.
  بەيجيڭ قالاسىنىڭ حايديان رايونىن ەلىمىزدىڭ عىلىم - تەحنيكا جاسامپازدىق ورتالىعىنىڭ وزەكتى رايونى دەۋگە بولادى.
  «بەيجيڭ بايلىق توپتاپ، دامۋعا جول اشۋدان مولشەردى ازايتىپ، كاسىپ سالاسىن شوعىرلاندىرۋ ارقىلى، جاڭالىق اشۋ ارقىلى دامۋ باعىتىنا قاراي بۇرىلىس جاسادى، بۇل ءبىزدىڭ وي جەلىستى جاڭالاۋىمىزدى تالاپ ەتەدى»، - دەدى حايديان رايوندىق پارتكومنىڭ شۋجيى يۇي جۇن. ول: «قابىلەتىم جەتپەي قالادى - اۋ» دەپ الاڭدايدى ەكەن، «جاڭالىق اشا دامۋ جاعىندا ۇلگى كورسەتۋ، جەتەكشىلىك ەتۋ ءۇشىن ۇيرەنۋدى ءتىپتى دە كۇشەيتۋىمىز، ويلاۋ تاسىلىندە ءتىپتى دە بۇرىلىس جاساۋىمىز كەرەك»، - دەدى.

  ۇيرەنۋدىڭ ءبىر جولى بولۋ تۇرعىسىندا، حايديان رايونى كرەمني اڭعارىندا جۇڭگۋانسۇن جاڭالىق اشۋ ىنتىماقتاستىق ورتالىعىن قۇردى.
  «بۇل ورتالىقتى جەتىلدىرۋ بازاسى دەۋگە بولادى، ءبىز وسى ورتالىقتى قۇرىپ قارجىگەرگە اينالعانىمىزبەن، ءىس جۇزىندە بۇل ءبىزدىڭ ەڭ وزىق دەڭگەيدەگى تەحنيكامەن اينالىسىپ، دۇنيەنىڭ الدىڭعى قاتارىنا ءوتۋ ءۇشىن قولدانعان ءادىسىمىز»، - دەدى يۇي جۇن.
  جۇڭگو كوممۋنيستىك پارتياسى ۇيرەنۋ بارىسىندا ەسەيىپ، زورايعان ساياسي پارتيا، ۇيرەنۋ سانالىلىعى پارتيانىڭ ەڭسە كوتەرىپ تۇرۋىنداعى باعالى جاۋھارى.

  جۇڭحۋا ۇلتى كەڭ پەيىلدى، سيىسىمدى ۇلت، ۇيرەنۋ − مادەنيەتتىڭ تاريحتان تاريحقا جالعاسۋىنداعى ماڭىزدى قاينارى.
  جوعارى قارقىندى تەمىر جول، ينتەرنەتتە زات ساتىپ الۋ... وسىنداي جاڭا ىستەردى جۇڭگو باتىستان ۇيرەنىپ، ونى قولدانۋ بارىسىندا قابىلداپ، بويىنا ءسىڭىرىپ، قايتالاي جاڭالىق ەنگىزىپ، ەڭ سوڭىندا ونى جارقىراعان «جۇڭگو تانىسقىسى» ەتىپ شىعاردى.
  «مەملەكەتتى جونگە سالۋ جۇيەسىن جانە جونگە سالۋ قابىلەتىن وسىزامانداندىرۋ»، «وسىزاماندانعان شارۋاشىلىق جۇيەسى»، «كوركەم جۇڭگو»... وسىنداي ءتۇيىندى سوزدەر جۇڭگونىڭ بولاشاق جوباسىنىڭ كارتيناسىن سالدى، ءاربىرى تۇگەلدەي ءبىر ۇلكەن عىلىم، ولاردى ۇزبەي ۇيرەنىپ، قولدانعاندا عانا ونىڭ قۇپيا سىرىن اشا الامىز.
  «جۇڭحۋا ۇلتىنىڭ ۇلى گۇلدەنۋى سىندى ۇلى نىسانانى ىسكە اسىرۋ قازىرگى زامان جاستارىنىڭ ءومىر جولىمەن تىعىز قابىسادى. ۇيرەنۋ بارىسىندا تولعانىپ، ۇيرەنۋ بارىسىندا قولدانعاندا عانا، جۇڭگو ارمانىن جۇزەگە اسىرۋدىڭ جاندى امالياتىندا جاستىقتىڭ ارمانىنا قانات قاعا الامىز». 19 - قۇرىلتاي ۋاكىلى، نانجيڭ اۆياتسيا - استرونوميا ۋنيۆەرسيتەتى ماركسيزم ينستيتۋتى پارتيا باس ياچەيكاسىنىڭ شۋجيى شۇي چۋاننىڭ ستۋدەنتتەرگە جاساعان لەكسياسىنداعى سوزدەرى سان مىڭداعان جاستاردىڭ ورتاق ۇنىنە اينالدى.  بەيجيڭنىڭ شيچىڭ رايونى مادەنيەت كوشەسى 24 - نومىر، لي داجاۋدىڭ ەجەلگى تۇراعى.
  باتىسقا قاراعان بولمەدەگى كىتاپ ۇستەلىنىڭ جوعارى جاعىندا لي داجاۋ مەن جاستاردىڭ قورالانا وتىرىپ، بىرگە ۇيرەنىپ - تالقىلاعانى سىزىلعان ماي بوياۋلى سۋرەت تۇر.  جاقىنعى 100 جىلدىڭ الدىندا، جۇڭگو كوممۋنيستىك پارتياسىنىڭ ماڭىزدى ىرگە قالاۋشىلارىنىڭ ءبىرى سانالاتىن بۇل كىسى «مىزعىماس، ۇزدىك ءبىر ۇيىم» قۇرۋدى جوسپارلاعان.
  1921 - جىلدان بەرى 100 جىلعا تاياۋ ۋاقىت ءوتتى. ماڭگىلىك كەلەلى ءىس، 100 جىلدىق ساياسي پارتيا ارىنداي العا تارتتى...
  شىت جاڭا سالىنعان يان - ان ۇيرەنۋ ورتالىعىنا كىرسەڭىز، الدىڭىزدان «ۇيرەنۋ ارقىلى بولاشاققا جول الۋ» دەگەن جازۋلار كوزگە شالىنادى، جازۋلار جۇڭگو ارمانىن باستى تاقىرىپ ەتىپ سالىنعان بەدەرلى ناقىشپەن ءبىر تۇلعاعا اينالىپ، ۇدەرە دامىعان جۇڭگونىڭ ءتىپتى كوركەم بولاشاققا قاراي جول العانىن ايگىلەپ تۇرعانداي.
  «تاريح تاباندىلارمەن، العاباسارلارمەن، كۇرەسكەرلەرمەن عانا ساناسادى، تابانسىزداردى، بويكۇيەزدەردى، تايساقتاۋشىلاردى كۇتىپ تۇرمايدى. بۇكىل پارتيا قاجىرلىلىقپەن كۇرەس جۇرگىزۋ، داندايسىماۋ، ۇشقالاقتىققا سالىنباۋ ستيلىن ساقتاپ، ۋاقىت قىمبات، ۋاقىتتى قاپى جىبەرمە دەيتىن رۋحپەن، جاڭا ءداۋىردىڭ ۇزاق جورىق جولىمەن ۇدەرە العا تارتۋعا كۇش سالۋ قاجەت».
  باس شۋجي شي جينپيڭنىڭ ايبىندى سوزدەرى كەڭىستىكتى ەندەي ءوتىپ، جۇڭحۋانىڭ بايتاق دالاسىندا جاڭعىرۋدا...
  (شينحۋا اگەنتتىگىنىڭ 9 - قاڭتاردا بەيجيڭنەن بەرگەن حابارى)

ءان الەمى

جول توسىلىپ قالدى

تۇلپارىم