جاڭا حابارلار

بۋىرشىن قالاشىعى دارا ەرەكشەلىككە يە قار-مۇز بايلىعى جانە عاجايىپ كورىنىسى ارقىلى ساياحاتشىلاردى باۋرادى

    كەلۋ قاينارى: شينجياڭ حالىق راديو ىستانسياسى    2018-01-16 11:27:07  
قاليبەك سىرلبەك ۇلى حابارلايدى: بۋىرشىن قالاشىعى دارا ەرەكشەلىككە يە قار-مۇز بايلىعى جانە عاجايىپ كورىنىسى ارقىلى ساياحاتشىلاردى باۋرادى. قازاقتىڭ ۇلتتىق مادەنيەتى مەن باي مازمۇندى سالت-ءداستۇرى، اۋىل-قىستاق ساياحاتى، مادەنيەت ساياحاتى نىساندارى وڭتۇستىك جۇڭگوداعى كوپتەگەن ساياحاتشىلاردى باۋرادى.
تاياۋدا، شاڭحاي جانە ۇرىمجىدەن كەلگەن 133 ساياحاتشىدان قۇرام تاپقان ساياحات توبى بۋىرشىنعا جەتتى. تاڭعى استارىن ىشكەن ساياحاتشىلار جەدەل جينالىپ، بۋىرشىنىىڭ قار-مۇز الەمىن كوزدەن كەشىردى، ساياحاتشىلار جول باستاۋشىنىڭ جەتەكشىلىگىندە «ەڭ كوركەم ەرتەدەگى قار قىستاعى» شۇڭقىر قالاشىعىنىڭ قىزىلقايىڭ قىستاعىنا باردى. شاڭحايلىق ساياحاتشى ۋ ۋىنجاۋ بىلاي دەدى: بۇل مەنىڭ شينجياڭعا تۇڭعىش رەت كەلۋىم. شينجياڭنىڭ قىسقى كورىنىسى كوركەم ەكەن .
شاڭحايلىق ساياحاتشى پىڭ مىرزا بىلاي دەدى: بۇل ارانىڭ تابيعات كورىنىسى مەن ادامزات مادەنيەتى بىزگە تەرەڭ اسەر قالدىردى. مۇندا ەڭ بايىرعى تابيعي كۇي ساقتالعان. بۇل ارانىڭ ادامدارى وتە مەيماندوس ەكەن. وسىندا كەلىپ ساياحاتتاعانىمىزعا قۋانىشتامىز. بۇل ارانىڭ ورتاسى بايىرعى كۇيىندە، وتە تابيعي، الايدا مىنا ۇيلەردىڭ اشەكەيلەنۋى تاماشا ەكەن. مۇنداعى مالشىلاردىڭ تۇرمىسى دا جاقسى، ىشكى ولكەنىڭ دامۋ دەڭگەيىمەن بىردەي ەكەن.
شاڭحايلىق ساياحاتشى حۋاڭ جۇن بىلاي دەدى: مەن شينجياڭعا بىرنەشە رەت كەلگەم. قىس ماۋسىمى ەرەكشە ەكەن . جول بويىنداعى قاردىڭ كورىنىسى، ەرتەگىدەي الەم، قازاق وتباسىلارىندا دەمالىپ ءسۇتتى شاي ءىشىپ، اڭگىمەلەستىك. جەگەن اسىمىزدىڭ ءدامى اۋىزىمىزدان كەتپەدى. بۋىرشىنداعى ەۆروپا ۇلگىسى، ورىس ۇلگىسىندەگى قۇرىلىستاردى كورگەندە رەسەيدە جۇرگەندەي سەزىمدە بولدىم. مەن ساياحات اۋەسكەرلەرىنە وسىندا كەلۋدى ەسكەرتەمىن.
شۇڭقىر قالاشىعىنىڭ قىزىلقايىڭ قىستاعى اۋدان قالاشىعىنان سولتۇستىككە قاراي جۇرگەندە 70 كيلومەتر جەردە . مەملەكەتتىك A 5 دارەجەلى كورىنىس رايونى قاناستىڭ ابزالدىلىعىنا سۇيەنىپ، ورتاسى كوركەم «جۇڭگوداعى از ۇلتتار ەرەكشەلىگىندەگى قىستاق» بولىپ قۇرىلدى. بۇل قىستاق «قىزىلقايىڭ ۇلتتىق سالت-ءداستۇر وتباسى ساياحاتىن اشتى،ءارى« ەڭ كوركەم ەرتەگىدەي قار-مۇز قىستاعى » ساياحات قۇرىلىسىنداعى ءتۇيىن بولدى، وندا قازاق تۇرعىندارى شوعىرلى قونىستانعان. شۇڭقىر قالاشىعى قىزىلقايىڭ قىستاعىنىڭ تۇرعىنى ەكپىن بىلاي دەدى: بۇرىن ەگىن ەگىپ، مال باعاتىنبىز .قازىر ءوزىمىز اۋىل ساياجايىن اشتىق. جىل باسىنان بەرى 170 تىڭ ۇستىندە ساياحاتشى قابىلداپ، كىرىسىم ارتتى. مۇنىڭ بارلىعى پارتيا مەن ۇكىمەتتىڭ ابزال ساياساتىنىڭ ارقاسى .
سوڭعى جىلدارى، بۋىرشىن اۋدانى «جۇڭگو. شينجياڭ. بۋىرشىن قىراۋ مەرەكەسى»، «شەكاراداعى ەرتەگى قالاشىق بۋىرشىن ءدامى»، «ءدامدى تاعامدار مەرەكەسى»، «قىسقى ەرتەگى» مادەنيەت، كوركەمونەر مەرەكەسى سياقتىلاردى نەگىز ەتىپ، «ءۇش مەرەكە، ءبىر بازار» قىسقى ساياحات تاقىرىبىنداعى جەلىلەس قيمىلداردى وتكىزدى ءارى بۋىرشىننىڭ ۇلتتىق سالت-ءداستۇر ساياحات ونىمدەرىن كەڭىنەن ۇگىتتەدى.

بەرىپ كەت ورامالىڭدى

دوستار

الىستاعى اق ەركە