باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىز ەمدەۋ، دەنساۋلىق ساقتاۋ قىزمەت ەتۋ جۇيەسى قۇرىلىسىن جەدەلدەتىپ، ءار ۇلت بۇقاراسىنىڭ اقاۋسىزدىق ارمانىن ورىندايدى

    كەلۋ قاينارى: شينجياڭ حالىق راديو ىستانسياسى    2018-02-14 10:59:50  

ستانسيامىزدىڭ جيناق حابارىن تىڭداڭىزدار: رايونىمىزدىڭ جەر-جەرى ءدارى-دارمەك، دەنساۋلىق ساقتاۋ ءتۇزىلىس رەفورماسىنىڭ اياق الىسىن جەدەلدەتىپ، ەمدەۋ جاعىندا قامتاماسىز ەتۋ ءتۇزىمى مەن ساپالى دا ءونىمدى ەمدەۋ دەنساۋلىق ساقتاۋ قىزمەت ەتۋ جۇيەسىن ۇزدىكسىز كەمەلدەندىرىپ، ءار ۇلت حالىق بۇقاراسىنىڭ دەنساۋلىق اقاۋسىزدىعىن قامتاماسىز ەتۋگە كۇش سالدى.
پارتيا 19-قۇرىلتاي بايانداماسىندا «سالامات جۇڭگو ستراتەگياسىن اتقارىپ، جالپى حالىقتىڭ دەنساۋلىق اقاۋسىزدىعى ساياساتىن كەمەلدەندىرىپ، ءار ۇلت حالىق بۇقاراسىن جان-جاقتىلى، اينالمالى دەنساۋلىق اقاۋسىزدىعى قىزمەت ەتۋمەن قامداۋ قاجەت» دەپ اتاپ كورسەتىلدى. رايونىمىزدا جالپى حالىقتىڭ دەنساۋلىعىن تەكسەرۋ قىزمەتى ءاربىر قالا-اۋىل تۇرعىنىن تۇگەل قامتىدى، وسى حالىققا تيىمدىلىك جاساۋ شاراسى ءار ۇلت حالىق بۇقاراسىنىڭ دەنساۋلىق اۋقاسىزدىعىنا «سارا جول» سالدى. پوسكام اۋدانىندا، جەرگىلىكتى ورىن 7 ميلليون يۋان قارجى قوسىپ، 12 اۋىل-قالاشىقتا جالپى حالىقتىڭ دەنساۋلىعىن تەكسەرۋ ورتالىعىن جاڭادان سالدى ءارى ەمدەۋ قىزمەتكەرلەرىن توپقا ءبولىپ، ءبىلىمىن تولىقتاۋعا ۇيرەنۋگە جىبەرىپ، كاسىپتىك دەڭگەيىن جوعارلاتتى. پوسكام اۋدانى ەكىسۋ اۋىلدىق دەنساۋلىق ساقتاۋ ورنىنىڭ باستىعى ابىلەت نۇرىك بىلاي دەدى: 2018-جىلى اۋىلداعى ديحاندار مەن بۇقارا جاڭادان سالىنعان دەنساۋلىق تەكسەرۋ ورتالىعىندا دەنساۋلىعىن تەگىن تەكسەرتەدى، دەنساۋلىق تەكسەرۋ قامتىمىن %100 كە جەتكىزۋگە شىنايى كەپىلدىك ەتىلەدى. سونىمەن بىرگە، ەمدەۋ قىزمەت ەتۋ دەڭگەيىن اناعۇرلىم كۇشەيتىپ، ءار ۇلت حالىق بۇقاراسىنىڭ دەنساۋلىق اقاۋسىزدىعىن تاماشا ەمدەۋ قىزمەت ەتۋىمەن قامداۋعا كۇش سالىپ، پارتيا 19-قۇرىلتايىندا ورتاعا قويىلعان «سالامات جۇڭگو قۇرۋ» نىساناسىن جۇزەگە اسىرۋعا ۇلەس قوسامىز.
»شي جينپيڭ ەل باسقارۋ جونىندە» اتتى كىتاپتىڭ 2-تومىندا، ناۋقاستى ەمدەۋدى نەگىز ەتۋدى، حالىقتىڭ دەنساۋلىق اقاۋسىزدىعىن نەگىز ەتۋگە اينالدىرۋ كەرەكتىگى اتاپ كورسەتىلدى. سونىمەن رايونىمىز جالپى حالىقتىڭ دەنساۋلىعىن تەگىن تەكسەرۋدىڭ ءتۇرلى قىزمەتىن شىن مانىندە تياناقتاندىردى. 2017-جىلى رايونىمىز جالپى حالىقتىڭ دەنساۋلىعىن تەكسەرۋگە شامامەن ءبىر ميلليارد 585 ميلليون يۋان قارجى قوسىپ، ءتۇرلى قىزمەتكەردەن ورتا ەسەپپەن 42 مىڭ ادام رەت تاربيەلەدى، 18 ميلليون 840 مىڭنان ارتىق بۇقارا تيىمدىلىككە كەنەلدى، تيانشاننىڭ تۇستىگى مەن تەرىستىگىندەگى 13 ميلليون 963 مىڭ 800 بۇقارانىڭ اقاۋسىزدىق ارحيۆى تۇرعىزىلدى. فۋكاڭ قالاسى چىڭگۋان قالاشىعى تۋگۇڭ سەنتىرلى قىستاعىنىڭ ديحانى ليۋ ي-پيڭ: جالپى حالىقتىڭ دەنساۋلىعىن تەكسەرۋ وتە جاقسى بولدى، ناۋقاس جاعدايىمىز تەكسەرىلىپ انىقتالدى. باس شۋجي شي جينپيڭ دە، ناۋقاستىڭ الدىن الۋدى نەگىز ەتۋ كەرەكتىگىن اتاپ كورسەتتى، 2018-جىلى دا بۇل قيمىلعا بەلسەنە قاتىناسىپ، دەنساۋلىق تەكسەرتۋ ارقىلى دەنساۋلىعىمنىڭ اقاۋسىز بولۋ نەگىزىن اناعۇرلىم بەكەمدەيمىن،-دەدى.
شي جينپيڭنىڭ جاڭا ءداۋىر جۇڭگوشا سوتسياليزىم يدەياسىنىڭ جەتەكشىلىگىندە، رايونىمىز حالىقتى نەگىز ەتۋ دامۋ يدەياسىنا تاباندى بولىپ، دەنساۋلىق ساقتاۋ جانە دەنساۋلىق اقاۋسىزدىعى رەفورماسىنىڭ، دامۋىنىڭ تىڭ جەتىستىگى مەن ونىمدىلىگىن كوبىندە ءار ۇلت حالىق بۇقاراسىنىڭ اقاۋسىز باقىتتى تۇرمىس كەشىرۋىندە ايگىلەدى. جاقىندا، جىڭ اۋدانى تاقيا قالاشىعى كوكقاشا سولتۇستىك قىستاعىنىڭ ديحانى جياڭ سۇيپيڭ قالاشىق دەنساۋلىق ساقتاۋ ورنىنا بارىپ، قىلتاسىنا شىققان وسپەنى قايتالاي تەكسەرتتى، جىڭ اۋداندىق حالىق شيپاحاناسىنىڭ مامانى ونىڭ قىلتاسىنداعى وسپەنى وپەراتسيا جاساپ الىپ تاستاپ، ناۋقاس كورسەتۋ ۋاقىتىن ۇنەمدەۋدەن سىرت، تاعى شىعىمىن ازايتتى. ول: ءبىزدىڭ وسى دەنساۋلىق ساقتاۋ ورىنىمىزدىڭ ەمدەۋ قاراجاتىن ەسەپتەن كوتەرۋ مولشەرى وتە جوعارى، %90 ءىن ەسەپتەن كوتەرەدى، مەنىڭ 3 مىڭ دا 4 مىڭ يۋان اقشام قالتامدا قالاتىن بولدى، ۇيىمدەگىلەرگە دە قارايلاسا الامان،-دەدى.
باس شۋجي شي جينپيڭ مەملەكەتتىك دەنساۋلىق ساقتاۋ جانە دەنساۋلىق اقاۋسىزدىعى جينالىسىندا، ەمدەۋ، دەنساۋلىق ساقتاۋ ءتۇزىلىس رەفورماسىنىڭ ىشكەرىلەي جۇرگىزىلىپ، قامال الۋ مەزگىلىنە وتكەنىن اتاپ كورسەتتى. رايونىمىز بويىنشا «ەمدەۋ ورتالىق تۇلعاسى» قۇرىلىسىنىڭ بىرتىندەپ ىلگەرىلەۋىنە ساي، قازىر، رايونىمىزدىڭ شالعاي شەكارا وڭىرىندەگى بۇقارا دا ۇيلەرىنىڭ قاسىنان تانىمالى شيپاگەرلەرگە كورىنە الاتىن بولدى، ەمدەۋ قىزمەت ەتۋى شىنىمەن «سوڭعى ءبىر كيلومەترگە» دەيىن تۇتاستى. جىڭ اۋداندىق حالىق شيپاحاناسىنىڭ باستىعى شياۋ دۇڭ بىلاي دەدى: باس شۋجي شي جينپيڭ پارتيا 19-قۇرىلتاي بايانداماسىندا، سالامات جۇڭگو ستراتەگياسىن ورتاعا قويىپ، ءدارى-دارمەك، ەمدەۋ ءتۇزىلىس رەفورماسىن جاپپاي تەرەڭدەتۋدى العا قويدى. وسىنىڭ ناتيجەسىندە، بۇقارا ۇيلەرىنىڭ قاسىنان ساپالى ەمدەۋ بايلىعىنان يگىلىكتەندى. ءبىز تاعى تولى قالاشىعى دەنساۋلىق ساقتاۋ ورىنى، باجياحۋ دەنساۋلىق ساقتاۋ ەمحاناسى، ماندانبۇلاق اۋىلى دەنساۋلىق ساقتاۋ ورىنى سياقتى باسقا بىرنەشە دەنساۋلىق ساقتاۋ ورنىمەن تىعىز قارىم-قاتىناس جاسايتىن ەمدەۋ ورتاق تۇلعاسىن قۇرامىز.
»سالامات بولۋ ارمانى» ــ ءار ادامنىڭ كوكەيىندەگى ارمان، «سالامات بولۋ ارمانىن» ورىنداۋدا، باياندى ەمدەۋ قامسىزداندىرۋ ءتۇزىمى كەم بولسا بولمايدى. رايونىمىز بيىل 1-قاڭتاردان باستاپ، قالا مەن اۋىل تۇرعىندارىنىڭ نەگىزدىك ەمدەۋ قامسىزداندىرۋ ءتۇزىمىن بىرىكتىرگەندىكتەن، رايونىمىزداعى ءار ۇلت حالىق بۇقاراسى تەپە-تەڭ، ءبىر تۇتاس دەنساۋلىق اقاۋسىزدىعى قىزمەت ەتۋىنەن يگىلىكتەندى. 17-قاڭتاردا، ءۇشتۇرپان اۋداندىق حالىق شيپاحاناسىندا شيپاگەرگە كورىنگەن تۋبەركۋلەز اۋرۋىنا شالدىققان، 50 جاستاعى پاتيگۇل بەيسەن، تۋبەركۋلەز اۋرۋى سوزىلمالى ناۋقاستاردى قامتاماسىزداندىرۋ كولەمىنە ەنگىزىلگەننەن كەيىن، ناۋقاس كورسەتۋگە جۇمسايتىن اقشاسىنىڭ ازايعانىن ايتا كەلىپ: 700 دە 800 يۋاندىق ءدارى ساتىپ الدىم، بۇعان نە بارى 210 يۋان اقشا جۇمسادىم، پارتيانىڭ ساياساتى وتە جاقسى،-دەدى.
قازىر، ءۇشتۇرپان اۋداندىق حالىق شيپاحاناسى سوزىلمالى ناۋقاستىڭ ءتۇرىن 13 تەن 21 گە كوبەيتتى، ونىڭ ۇستىنە ەسەپتەن كوتەرۋ سالىستىرماسىن دا جوعارلاتتى، تاعى دەرەۋ ەسەپ جاسايدى. ءۇشتۇرپان اۋداندىق حالىق شيپاحاناسىنىڭ ورىنباسار باستىعى شياۋ شيۋگو بىلاي دەدى: ەمدەۋ قامسىزداندىرۋى بىرىكتىرىلگەننەن كەيىن، ديحاندار ەمدەۋ جاعىندا كوپتەگەن تيىمدىلىككە كەنەلدى، مىسالى: ەمدەۋ قامسىزداندىرۋىنىڭ كولەمى كەڭەيدى. شيپاگەرگە كورىنۋ بارىسى دا بۇرىنعىدان جاقساردى، كوپ جاعدايدا ءبىر ورىنداعى تەرەزەلىكتەن قىزمەت وتەلىپ، شيپاگەرگە كورىنىپ، ەسەپ جاساپ سول كۇنى ۇيىنە قايتا الادى.
جاڭا داۋىردە، سالامات جۇڭگو ستراتەگياسىن اتقارۋ بارىسىندا، رايونىمىز جالپى حالىقتىڭ دەنساۋلىق اقاۋسىزدىعىن تەكسەرۋ ارقىلى جاپپاي دوڭگەلەك داۋلەتكە جەتۋگە جەبەپ، ءار ۇلت حالىق بۇقاراسىنىڭ ونىمدىلىككە قول جەتكىزۋ جانە باقىتقا كەنەلۋ سەزىمىن بارىنشا ارتتىردى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ نەگىزگى ساتى دەنساۋلىق ساقتاۋ ورنىنىڭ ورىنباسار باستىعى ليۋ جيانزى بىلاي دەدى: «شي جينپيڭ ەل باسقارۋ جونىندە» اتتى كىتاپتىڭ 2-تومىندا، سالامات جۇڭگو قۇرىلىسى اياق الىسىن ىلگەرىلەتۋ كەرەكتىگى؛ پارتيا 19-قۇرىلتاي بايانداماسىندا، سالامات جۇڭگو ستراتەگياسىن اتقارۋ كەرەكتىگى اتاپ كورسەتىلدى. «ىلگەرىلەتۋدىڭ» «اتقارۋعا» وزگەرۋىنەن، پارتيا ورتالىق كوميتەتىنىڭ حالىق بۇقاراسىنىڭ دەنساۋلىق اقاۋسىزدىعىنا اناعۇرلىم كوڭىل ءبولىپ وتىرعاندىعىن كورۋگە بولادى. جالپى حالىقتىڭ دەنساۋلىعىن تەكسەرۋ قىزمەتىن ويداعىداي ىستەۋ ءۇشىن، 2017-جىلعى جالپى حالىقتىڭ دەنساۋلىعىن تەكسەرۋ قىزمەتىن تەكسەرىپ وتكىزىپ الىپ، باعالاۋدامىز، ونى اۆتونوميالى رايوننىڭ قىزمەت ونىمدىلىگىن باعالاۋىنا ەنگىزەمىز، جۋىقتا تەكسەرىپ وتكىزۋ الۋ، باعالاۋ ناتيجەسىن جالپى حابارلاندىرامىز.

ءان الەمى

جول توسىلىپ قالدى

تۇلپارىم