باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۋىل-قىستاق تاسجولى ىركىلسىسىزدەنىپ، قولايلىلانىپ، بۇقارا ەمىن-ەركىن ساپارعا شىعا الاتىن بولدى

    كەلۋ قاينارى: شينجياڭ حالىق راديو ىستانسياسى    2018-02-06 11:57:06  

ءتىلشىمىز جين لەي جازعان «ديقانداردى اۋقاتتانىپ دوڭگەلەك داۋلەتكە جەتۋگە باستايتىن سوڭعى شاقىرىمدىق جول تۇتاستى» دەگەن تاقىرىپتا جەلىلەس حاباردىڭ 1-ءبولىمىن تىڭداڭىزدار: باس شۋجي شي جينپيڭ اۋىل-قىستاقتاردىڭ تاس جول قۇرىلىسىنا باسا نازار اۋدارىپ، كوپ رەت ماڭىزدى نۇسقاۋلار بەرىپ، اۋىل-قىستاق تاس جولىن ويداعىداي جاساپ، جاقسى باسقارىپ، ايتارلىقتاي قورعاپ، كوڭىلدەگىدەي ىسكە قوسۋدى تالاپ ەتتى. تاياۋدا، باس شۋجي شي جينپيڭ «تورتتە جاقسى اۋىل-قىستاق تاسجولىن» جاساۋ جونىندە تاعى دا ماڭىزدى نۇسقاۋ بەرىپ، سوڭعى جىلداردان بەرى، «تورتتە جاقسى تاسجول» جاساۋدا ناقتى تابىستارعا قول جەتىپ، اۋىل-قىستاقتارعا، وتە-موتە كەدەي رايوندارعا ابروي اپەرىپ، قۇت سيلادى ءارى پارتيانىڭ نەگىزگى ساتىداعى جۇرت جۇرەگىن توعىستىرۋىنا مۇمكىندىك جاسادى،-دەگەندى باسا دارىپتەدى. شينجياڭدا ءار دارەجەلى پارتكوم مەن ۇكىمەت جانە قاتىناس-تاسىمال جۇيەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرلەي ۇيرەنىپ، باس نىسانانى تىعىز ارقاۋ ەتىپ، اۋىل-قىستاق تاسجول قۇرىلىسىن جەدەل ىلگەرلەتتى. 2017-جىلى رايونىمىز بويىنشا 28 مىڭ كيلومەترلىك اۋىل-قىستاق تاسجولى جاڭادان جاسالدى، 200 اۋىل-قالاشىقتىڭ، ءبىر مىڭ 900 اكىمشىلىك قسىتاقتىڭ قاتىناس شارت-جاعدايى جاقسارىپ، مۇنان 3 ميلليون 500 مىڭ جان سانى يگىلىكتەنىپ، تاريحتاعى تىڭ دەڭگەي جارىققا شىقتى. «اۋا رايى اشىق كۇنى شاڭ قاۋىپ، جاۋىندى كۇنى لاي-باتپاق كەشەتىن» جاعداي تاريحقا اينالىپ، ءار ۇلت ەگىنشى-مالشىلارىنىڭ «ءۇي ىرگەسىنەن اسپاليت جول ءتۇسۋ، ەسىكتەن شىعا الەۋمەتتىك قاتىناس كولىكتەرىنە وتىرۋ» ارمانى بىرتىندەپ ىسكە استى.
شاعان مەرەكەسى قارساڭىندا، توعىزتاراۋ اۋدانى جىرعالاڭ اۋىلى قاراتۇمسىق قسىتاعىنىڭ تۇرعىنى جاڭ شياۋدۇڭ اۋدانعا بارىپ مەرەكەلىك زات ساتىپ الدى، بۇل قىستاق اۋداننان 50 نەشە كيلومەتر شالعايدا بولعانىمەن، تاسپاداي تارتىلعان اسپاليت جول مەن ەسىك الدىنان قاتىنايتىن الەۋمەتتىك اۆتوبۋس جاڭ شياۋدۇڭنىڭ ءبىر كۇن ىشىندە اۋدانعا ەمىن-ەركىن بارىپ كەلۋىنە مۇمكىندىك جاراتتى. ول تىلشىگە: «3 جىلدىڭ الدىندا اۆتوبۋسقا وتىرعاندا جول ويلى-شۇڭقىر بولعاندىقتان اۆتوبۋس تەڭسەلىپ باسىمىز ايلاناتىن، بىرنەشە جىلدان بەرى قسىتاقتىڭ جولى جاسالىپ، الەۋمەتتىك اۆتوبۋسقا ەسىكتەن شىعا سالا وتىراتىن بولدىق، كەي كەزدەرى ءبىر ساعاتتا ءبىر اۆتوبۋس قاتىنايدى، اۋدانعا بارىپ ءىس بىتىرۋىمىزگە وتە قولايلى بولدى»،-دەدى.
جاڭ شياۋدۇڭ سياقتى جولدىڭ راقاتىن كورگەن ادامنىڭ ءبىرى: جىرعالاڭ اۋىلىنداعى اۆتوبۋس شوفەرى چىن باۋجۇڭ، ول بىلاي دەدى: «بۇرىن جول جاسالماعان كەزدە قاراجاۋسا بولدى، تاۋ جولى 3 كۇن، كەيدە ءتىپتى 5 كۇن بويى بەكىتىلىپ قالاتىن. قازىر مۇنداي جاعداي كورىلمەيتىن بولدى، اۋدانداعى قاتىناس مەكەمەسى چاپشاعايعا ءبىر قار كۇرەۋ ماشيناسىن توقتاتىپ قويىپ، قار جاۋعان كۇنى جولداعى قاردى دەر كەزىندە كۇرەپ تازالاپ بۇقارانىڭ جۇرىس- تۇرىسىنا كەپىلدىك ەتتى».
2015 -جىلدان بەرى، توعىزتاراۋ اۋدانى اۋىل-قىستاق تاسجول قۇرىلىسىنداعى «سوڭعى شاقىرىم جولدى» جاساۋ ماسەلەسىن شەشۋدى ماڭىزدى حالىق تۇرمىسى ينجەنەرياسى قاتارىنا ەنگىزىپ، 765 كيلومەترلىك اۋىل-قىستاق تاسجولىن جاسادى، بارلىق اۋىل-قالاشىقتارعا 3-دارەجەلى تاسجول تۇتاستىرىپ، اكىمشىلىك قىستاقتىڭ %98.76 نە اسپاليت جول جاتقىزدى.بۇگىنگى كۇندە، توعىزتاراۋعا بارا قالساڭىز، تەپ- تەگىس اسپاليت جولدىڭ ەڭ شالعاي قسىتاقتارعا دەيىن تۇتاستىرىلعانىن كورەسىز.
اۋىل-قسىتاق تاسجولىن جاسادا اۋىل-قىستاق تاسجولىن اناعۇرلىم جاقسى باسقارىپ، جاقسى قورعاپ، ويداعىداي ىسكە قوسۋ كەرەك. توعىز تاراۋ اۋدانى تاسجول قورعاۋ اترەتىن قۇرۋ ارقىلى اۋىل-قالاشىقتا تاسجول قورعاۋ پۋنكتى بولۋعا، قسىتاقتا جول باسقارۋشى بولۋعا كەپىلدىك ەتىپ، اۋىل-قىستاق تاسجولىندا اۋدان، اۋىل، قىستاق سىندى 3 دارەجەلى جول باسقارۋ، قورعاۋ جۇيەسىن قالىپتاستىردى. 2017-جىلى، توعىزتاراۋ اۋدانىندا تاعى 5 اۋىل-قالاشىق جولاۋشى تاسىمال بەكەتى، 50 قىستاق دارەجەلى ايالداما جاڭادان قۇرىلىپ، ىلگەرىندى -كەيىندى 51 جولاۋشى تاسىمال لەنياسى اشىلىپ، اۋىل-قىستاق جولاۋشى تاسىمالىن 13 اۋىل-قالاشىق، فەرما مەن 53 اكىمشىلىك قىستاققا تولىق جالپىلاستىرىپ، اۆتوكولىك قاتىناۋ مولشەرى %100 كە جەتكىزدى، سول سەبەپتى، توعىزتاراۋ اۋدانى مەملەكەتتىك تۇڭعىش توپتاعى «تورتتە جاقسى اۋىل-قىستاق جولى» ۇلگى اۋدانى اتاعىن الدى.
شار تاراپقا كەتىپ جاتقان جول تورابى مەن تاماشا قاتىناس شارت-جاعدايى توعىزتاراۋ اۋدانىنىڭ جاعىراپيالىق ورتالىق ابزالدىلىعىن بارىنشا ساۋلەلەندىردى. وتە-موتە، تاسىمالدىڭ وزىندىك قۇنىن تومەندەۋ ارقىلى ءبىر توپ كاسىپورىندى وسى جەرگە ىرگە تەبۋگە باۋراۋمەن قاتار، ەگىنشى-مالشىلاردىڭ كەدەيلىكتەن قۇتىلىپ، اۋقاتتانىپ دوڭگەلەك داۋلەتكە جەتۋىنە شارت-جاعداي ازىرلەدى.توعىزتاراۋ اۋداندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار اۋدان اكىمى چياۋ شۋەگاڭ بىلاي دەدى: «توعىزتاراۋ اۋدانىندا مول اۋىل شارۋاشىلىق ونىمدەرى مەن تاماشا ساياحات بايلىعى بار، وسى رەت اۋىل-قىستاق تاس جولىن قاۋىرت جاساۋ، كەڭەيتىپ جاساۋدىڭ ناتيجەسىندە بۇقارانىڭ ساپارلاۋىنا قولايلىقتار اكەلۋمەن بىرگە، اۋىل- قىستاققا باراتىن وسى جولداردى ساياحات لەنياسىنا اينالدىرىپ، ءوزىمىزدىڭ ءابزال ونىمدەرىمىزدى توعىزتاراۋ اۋدانىنان سىرت ورىندارعا تاسىمالداپ، بۇقارانىڭ اۋىل شارۋاشىلىعىن كاسىپ سالالاندىرۋ ارقىلى ءوز كۇشىنە سۇيەنىپ ءومىر سۇرىپ، ءوز مەكەنىندە كەدەيلىكتەن قۇتىلۋىنا تاماشا شارت- جاعداي اسىرلەپ، بۇقاراعا اناعۇرلىم ويداعىداي قىزمەتەتتىك».

ءان الەمى

جول توسىلىپ قالدى

تۇلپارىم