جاڭا حابارلار

بيڭتۋان پارتكومى تۇراقتى كوميتەت القاسى دەموكراتيالىق تۇرمىس جيىنىن اشتى

    كەلۋ قاينارى: شينجياڭ گازەتى    2018-02-07 17:57:02  
  ءتىلشىمىز جاڭ شياۋيان 5 - اقپاندا ۇرىمجىدەن حابارلايدى. ورتالىقتىڭ ورنالاستىرۋىنا، تالابىنا ساي، 3 - اقپاننان 4 - اقپانعا دەيىن، بيڭتۋان پارتكومى تۇراقتى كوميتەتى القاسى دەموكراتيالىق تۇرمىس جيىنىن اشىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، ۇعىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا 19 - قۇرىلتايىنىڭ ءتۇرلى شەشىمدەرىن، ورنالاستىرۋلارىن جاپپاي دايەكتىلەندىرۋدى نەگىزگى تاقىرىپ ەتىپ، پارتيا ۋستاۆىمەن، پارتيا قاعيداسىمەن سالىستىرا وتىرىپ، القا مەن جەكەنىڭ ءىس جۇزىندىك جاعدايىن بايلانىستىرىپ، ساقتالعان ماسەلەلەردى ىشكەرىلەي تەكسەرىپ، پارتيالىلىققا تەرەڭ تالداۋ جاساپ، سىن جانە ءوز - وزىنە سىن ورىستەتىپ، پارتيانىڭ ىشكى ساياسي تۇرمىسىن قاتايتتى.
  اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، ساياسي كوميسسارى سۇن جينلۇڭ جيىندى باسقاردى ءارى قورىتىندى ءسوز سويلەدى.
  بيڭتۋان پارتكومى وسى رەتكى دەموكراتيالىق تۇرمىس جيىنىن ويداعىداي اشۋعا ايرىقشا كوڭىل ءبولدى. جيىننان بۇرىن، بيڭتۋان پارتكومى تۇراقتى كوميتەتى القاسى ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنىن ۇلگى ەتە وتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى دەموكراتيالىق تۇرمىس جيىنىنىڭ نەگىزگى تاقىرىبىنا شوعىرلاندىرا وتىرىپ، ماسەلەلەردى ىشكەرىلەي تەكسەرىپ، تەرەڭ تالداۋ جاساپ، كەڭ كولەمدە ۇسىنىس - پىكىر الىپ، بۇكپەسىز اڭگىمەلەسىپ، وزدەرىنىڭ جيىندا سويلەيتىن ءسوزىنىڭ تەكىسىن جازىپ، دەموكراتيالىق تۇرمىس جيىنىن ويداعىداي اشۋعا تولىق دايىندىق كوردى.
  جيىن بيڭتۋان پارتكومى تۇراقتى كوميتەتى القاسىنىڭ 2016 - جىلعى دەموكراتيالىق تۇرمىس جيىنىنداعى رەتتەۋ - تۇزەتۋ شارالارىنىڭ تياناقتانۋ جاعدايىن جانە وسى رەتكى دەموكراتيالىق تۇرمىس جيىنىنىڭ پىكىر الۋ جاعدايىن حابارلاندىردى.
  جيىندا سۇن جينلۇڭ بيڭتۋان پارتكومى تۇراقتى كوميتەتى القاسى اتىنان سالىستىرىپ تەكسەرۋ جۇرگىزدى، سونداي - اق وزىنە سىن ايتىپ، جولداستاردىڭ سىنىن ىرىقتىلىقپەن قابىلدادى. تۇراقتى كوميتەت القاسىنداعىلار ءبىر - بىرلەپ سالىستىرىپ تەكسەرۋ جۇرگىزىپ، ءسوز سويلەدى. كوپشىلىك جيىننىڭ نەگىزگى تاقىرىبىن مىقتاپ ارقاۋ ەتىپ، ءوزىن - ءوزى بورشالاپ، ناقتى تالداۋ جاساپ، ءتۇيىندى مىقتى يگەرىپ، ءوزارا اشىق سىن ايتىپ، نەگىزگى تاقىرىپقا توقتالدى. جيىن ءوزارا تاربيە بەرۋ، ەسكەرتۋ بەرۋ رولىن اتقارىپ، يدەيانى بىرلىككە كەلتىرىپ، باعىتتى ايقىنداپ، كۇش - قۋات توپتاۋ ماقساتىنا جەتتى.
  سۇن جينلۇڭ قورىتىندى ءسوز سويلەپ مىنالاردى باسا دارىپتەدى: بيڭتۋان پارتكومى تۇراقتى كوميتەتى القاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ءبىر تۇتاس باسشىلىعىندا، سەنىم، ساياسي، جاۋاپكەرشىلىك، قابىلەت، ستيل جاعىنان ىسىلعان پارمەندى باسشىلىق كوللەكتيۆىن شىڭداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن بيڭتۋاننىڭ ورنى جونىندەگى تالاپتارىن ىجداعاتتىلىقپەن ناقتاپ تياناقتاندىرۋى كەرەك. تۋدى باستان - اياق بيىك ۇستاپ، سەنىم جاعىنان ىسىلۋدىڭ جاقسى باستاماشىسى، ۇلگى كورسەتۋشىسى؛ ۇيتقىنى باتىل قورعاپ، ساياسي جاقتان ىسىلۋدىڭ جاقسى باستاماشىسى، ۇلگى كورسەتۋشىسى؛ جاۋاپكەرشىلىك جاقتان ىسىلۋدىڭ جاقسى باستاماشىسى، ۇلگى كورسەتۋشىسى؛ «8 ءتۇرلى قابىلەتتى» جوعارىلاتىپ، قابىلەت جاعىنان ىسىلۋدىڭ جاقسى باستاماشىسى، ۇلگى كورسەتۋشىسى؛ بار ىنتا - پەيىلمەن حالىق ءۇشىن قىزمەت ەتۋ سىندى تۇپكى ماقساتتى امالياتتا ايگىلەپ، ستيل جاعىنان ىسىلۋدىڭ جاقسى باستاماشىسى، ۇلگى كورسەتۋشىسى بولۋ كەرەك.

بەرىپ كەت ورامالىڭدى

دوستار

الىستاعى اق ەركە