جاڭا حابارلار

ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «اۋىل - قىستاقتىڭ قونىس ورتاسىن وڭاۋدىڭ 3 جىلدىق ارەكەت جوباسىن» باسىپ تاراتتى

    كەلۋ قاينارى: شينجياڭ گازەتى    2018-02-07 18:12:20  
 شينحۋا اگەنتتىگىنىڭ 5 - اقپاندا بەيجيڭنەن بەرگەن حابارى. ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «اۋىل - قىستاقتىڭ قونىس ورتاسىن وڭاۋدىڭ 3 جىلدىق ارەكەت جوباسىن» باسىپ تاراتتى ءارى ۇقتىرۋ تاراتىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرىپ، دەن قويا دايەكتىلەندىرۋدى، تياناقتاندىرۋدى تالاپ ەتتى.
  «جوبادا» مىنالار العا قويىلدى: 2020 - جىلى اۋىل - قىستاقتىڭ قونىس ورتاسىنىڭ كورنەكتى جاقسارۋىن، قىستاق قورشاعان ورتاسىنىڭ نەگىزىنەن تازا، رەتتى، ءتارتىپتى بولۋىن، قىستاق تۇرعىندارىنىڭ قورشاعان ورتا جانە سالاماتتىق تانىمىنىڭ جالپى بەتتىك ارتۋىن جۇزەگە اسىرۋ كەرەك. شىعىس بولىكتەگى رايوندار، ورتا، باتىس بولىكتەردەگى قالا ماڭى رايوندارى سياقتى نەگىزى، شارت - جاعدايى بار رايونداردىڭ قونىس ورتاسى ساپاسىن جاپپاي ءوسىرۋ، اۋىل - قىستاق تۇرمىستىق قوقىر - قوقسىقتارىن ءبىر جاقتى ەتۋ جۇيەسىنىڭ جاپپاي قامتىمىن نەگىزىنەن جۇزەگە اسىرۋ، اۋىل - قىستاقتا وتباسىلاردا پايدالانىلاتىن دارەتحانالاردى زالالسىزداندىرۋ بويىنشا جاڭالاۋدى، دارەتحاناداعى دايراقتاردىڭ ءبىر جاقتى ەتىلۋىن نەمەسە بايلىققا اينالدىرىپ پايدالانىلۋىن، اۋىل - قىستاقتاعى تۇرمىستىق لاس سۋلاردى تىزگىندەۋ دەڭگەيىنىڭ كورنەكتى ءوسۋىن، قىستاق كەلبەتىنىڭ كورنەكتى جاقسارۋىن، قورعاۋدىڭ ۇزاق ۋاقىتتىق ءونىمدى مەحانيزمىنىڭ العاشقى ادىمدا ورناۋىن نەگىزىنەن ورىنداۋ قاجەت.
  ورتا، باتىس بولىكتەردەگى نەگىزى ءبىرشاما جاقسى، شارت - جاعداي نەگىزىنەن ازىرلەنگەن رايونداردىڭ قونىس ورتاسى ساپاسىن بارىنشا جوعارىلاتۋ، قىستاقتاردىڭ %90ىنىڭ تۇرمىستىق قوقىر - قوقسىقتارىن تىزگىندەۋدى، دارەتحانالاردىڭ جالپىلاسۋ سالىستىرماسىن %85 مولشەرىنە جەتكىزۋدى، تۇرمىستىق لاس سۋلاردى بەتالدى ىعىستىرۋدى باسقارىپ - تىزگىندەۋدى، اۋىل - قىستاق تاس جولى شارت - جاعدايىن كورنەكتى جاقسارتۋدى قۇلشىنا جۇزەگە اسىرۋ كەرەك.
  شەت - شالعايداعى، ەكونوميكالىق دامۋى كەنجە رايوندار شارۋالاردىڭ نەگىزگى تۇرمىس شارت - جاعدايىن الدىمەن قامتاماسىز ەتۋ نەگىزىندە قونىس ورتاسىنىڭ تازا دا رەتتى بولۋى سىندى نەگىزگى تالاپتى ورىنداۋى كەرەك.
  «جوبادا» اۋىل - قىستاقتىڭ قونىس ورتاسىن وڭاۋدىڭ ءتۇيىندى مىندەتتەرى، قىستاق تۇرعىندارىنىڭ سۋبيەكتتىك رولىن ساۋلەلەندىرۋ، ساياسات جاعىنان قولداۋ كورسەتۋدى كۇشەيتۋ، تىڭعىلىقتى، تارتىپپەن ىلگەرىلەتۋ، قامتاماسىز ەتۋ شارالارى، ت. ب جاعىنداعى قىزمەتتەر جونىندە ناقتى پىكىرلەر مەن تالاپتار قويىلدى.

بەرىپ كەت ورامالىڭدى

دوستار

الىستاعى اق ەركە