جاڭا حابارلار

بىلتىر قورعاس وتكەلىنىڭ يمپورت-ەكسپورت زات تاسىمال مولشەرى 352 مىڭ 100 تونناعا جەتكەن

    كەلۋ قاينارى: شينجياڭ حالىق راديو ىستانسياسى    2018-02-09 11:02:38  

ستانسيامىزدىڭ ءتىلشىسى بايسۇلتان نۇپتەبەك ۇلى قورعاستان حابارلايدى: ءتىلشىنىڭ قورعاس كەدەنىنەن ۇعىسۋىنا قاراعاندا، 2017-جىلى قورعاس وتكەلىنىڭ يمپورت-ەكسپورت زات تاسىمال مولشەرى 352 مىڭ 100 تونناعا جەتىپ، الدىنداعى جىلداعىدان %48.2 ارتقان، يمپورت-ەكسپورت ساۋدا سوماسى 3 ميلليارد 844 ميلليون يۋانعا جەتكەن. ەلىمىزدىڭ باتىسقا اشىلعان ەكىنشى حالىقارالىق ۇلكەن وتكەلى سانالاتىن قورعاس وتكەلى جىڭ-قۇلجا-قورعاس تەمىر جولى ارقىلى ەلىمىزدەگى تەمىر جول توراپتارىمەن، ال التىنكول تەمىر جولى ارقىلى قازاقستان تەمىر جول تورابىمەن تۇتاسادى. «ءبىر بەلدەۋ، ءبىر جول» سەلبەستىك دارىپتەمەسىندەگى قۇرىلىستىڭ جەدەلدەتىلۋىنە بايلانىستى، قورعاس جۇڭگو-ەۆروپا كەزەكشى پويەزىنىڭ تاسىمال ءتۇيىنىن ارقاۋ ەتە وتىرىپ، ليانيۇنگاڭ-قورعاس، شي-ان-قورعاس، چۇڭچيڭ-شينجياڭ-ەۆروپا، جىڭجوۋ-شينجياڭ-ەۆروپا، چىڭدۋ-شينجياڭ-ەۆروپا سياقتى ارناۋلى كەزەكشى پويەز تاسىمال ىستەرىن ىلگەرىلەتۋمەن بىرگە، قورعاس تەمىر جول وتكەلىنە سۇيەنىپ، حالىقارالىق تاسىمالدا ءبولىپ وتكەرمەلەپ تاسۋ، قامبادا ساقتاۋ-جونەلتۋ، ساۋدا جانە تۇلعالىق قىزمەت وتەۋ يقۋاتى ءبىر تۇلعالانعان وڭىرلىك حالىقارالىق زات تاسىمالىندا وتكەرمەلەۋ، جيناۋ، جونەلتۋ ورتالىعىن قۇرىپ، ورتا ازيانى، باتىس ازيانى، رەسەيدى جانە ەۆروپا ەلدەرىن بەتكە الىپ، بايلىقتى شوعىرلاندىرۋ، ساتىپ الۋ تەكشەسىن، بايلىق توپتاۋ-جونەلتۋ جانە وسى زامانعى زات اينالىمى ورتالىعىن قالىپتاستىردى. ءتيىمدى ساۋدا ساياساتى، قولايلى كەدەن ورتاسى ەل ءىشى-سىرتىنداعى كوپتەگەن كاسىپورىندى باۋرادى.
قورعاس جاڭا كوپىر حالىقارالىق زات تاسىمال ۋاكىلدىك شەكتى سەرىكتەستىگىنىڭ مەڭگەرۋشىسى چىن كۇن تىلشىگە: سەرىكتەستىگىمىز نەگىزىنەن ينجەنەريالىق مەحانيكا جابدىقتارىن، جۇڭگو اۆتوكولىكتەرىن تيەۋىش قوراپقا تيەۋ كاسىبىن ىستەيدى، قازىر قورعاس تەمىر جولىمەن ءجۇرۋ وتە قولايلى، تەمىر جولمەن كوزدەگەن جەرگە تەز جەتۋگە، پويەزعا جۇكتى كوپ تيەۋگە بولادى. 2018-جىلى سەرىكتەستىگىمىز ەكسپورت ونىمدەرىنىڭ تۇرلەرىن مولايتپاقشى،-دەدى.
كەزەكتە قورعاس «›ءۇش جاقتان ءبىرىن-ءبىرى جەبەۋ ‹ارقىلى كەدەننەن ءوتۋ قۇرىلىسى رەفورماسىن اتقارۋ پىكىرىن» جاپپاي تياناقتاندىرىپ، «ءبىر كەدەن، ەكى تەكسەرۋ ورنى» سىندى تاراۋلار اراسىنداعى بايلانىستى، اۋىس-كۇيىستى كۇشەيتىپ، «ءبىر جەردەن قىزمەت وتەۋ»، «ءبىر رەتتە جۇمىس ءبىتىرۋدى» جۇزەگە اسىرىپ، باقىلاۋ-باسقارۋ قۇرىلعىلارى بايلىعىنان ورتاق يگىلىكتەنىپ، ورتاق پايدالانىپ، كاسىپتى ىلگەرىلەتەتىن سەلبەستىك قارىم-قاتىناستى كۇشەيتىپ، كەدەننەن وتكىزۋ ونىمدىلىگىن ۇزدىكسىز جوعارىلاتۋدا.
قورعاس كەدەن تەمىر جول وتكەلى باقىلاۋ-باسقارۋ ءبولىمىنىڭ ورىنباسار مەڭگەرۋشىسى جاۋ چياڭنىڭ تانىستىرۋىنشا، جۇڭگو-قازاقستان سىندى ەكى ەلدىڭ ماڭىزدى وتكەلى ءارى جىبەك جولى ەكونوميكالىق بەلدەۋىندەگى ماڭىزدى بۋىن سانالاتىن قورعاس وتكەلىنەن وتەتىن زات جىل سايىن ارتىپ، قازىردىڭ وزىندە اپتاسىنا 30 پويەزدىڭ مىڭ تيەۋىش قورابىنا تيەلگەن زات ورتا ازياعا، باتىس ازياعا جانە ەۆروپاعا ۇزدىكسىز تاسىمالدانىپ، قورعاستىڭ، ىلەنىڭ، ءتىپتى، شينجياڭ ەكونوميكاسىنىڭ ارتۋىن پارمەندى جەبەپ وتىر ەكەن.


بەرىپ كەت ورامالىڭدى

دوستار

الىستاعى اق ەركە