باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

2017-جىلى رايونىمىزداعى قالا-اۋىل تۇرعىندارىنىڭ كىرىسى ورنىقتى ارتتى

    كەلۋ قاينارى: شينجياڭ حالىق راديو ىستانسياسى    2018-02-11 12:06:35  
ستانسيامىزدىڭ ءتىلشىسى جين لەيدىڭ حابارىن تىڭداڭىزدار: 2017-جىلى رايونىمىز قالا-اۋىل تۇرعىندارىنىڭ كىرىسى ورنىقتى ارتىپ، كىسى باسىندىق تۇرمىستىق تۇتىنۋ شىعىسىنىڭ ورنىقتى جوعارىلاۋىن جەبەدى. مۇندا، توراپتان تۇتىنۋ مولشەرى نەداۋىر زور مولشەردە ارتىپ، 57 ميلليارد يۋانعا تايادى.
بىلتىر، رايونىمىز ەكونوميكاسى تاماشا دامۋ جاعدايىن ساقتادى، حالىققا ءتيىمدى ءبىر توپ شارالار تياناقتانىپ اتقارىلىپ، قالا-اۋىل تۇرعىنداردىڭ كىرىسى ۇزدىكسىز نەداۋىر ارتتى. اۆتونوميالى رايوندىق حالىق ۇكىمەتىنىڭ ورىنباسار باس حاتشىسى، اۆتونوميالى رايوندىق ساناق مەكەمەسى پارتگرۋپپاسىنىڭ شۋجيى، مەكەمە باستىعى شۇي بين بىلاي دەدى: بارلىق تۇرعىننىڭ كىسى باسىندىق جۇمساۋعا بولاتىن كىرىسى 19 مىڭ 975 يۋان بولىپ، الدىنداعى جىلداعىدان %8.8 ارتىپ، باعا فاكتورىن شىعارىپ تاستاعاندا ءىس جۇزىندە %6.5 ارتتى. قالا-اۋىل تۇرعىندارىنىڭ كىرىسىنىڭ ارتۋ قارقىنى ىشكى ءوندىرىس جالپى ءونىم قۇنىن باسىپ وزدى. قالا-قالاشىقتا تىڭنان كاسىپتەنگەندەر 475 مىڭ 600 ادامعا، وڭتۇستىك شينجياڭ وڭىرىندەگى قالا-قالاشىقتاردا تىڭنان كاسىپتەنگەندەر 137 مىڭ 300 ادامعا جەتىپ، تۇتاس جىلعى نىسانا بولىپ %120.9 ورىندالدى. تۇرعىنداردىڭ كىرىسى ورنىقتى مولايىپ، بۇقارانى اناعۇرلىم كوپتەپ يگىلىككە كەنەلدىردى.
رايونىمىزداعى قالا-اۋىل تۇرعىندارىنىڭ كىرىسىنىڭ ارتۋى تۇتىنۋ بازارىنىڭ دامۋى مەن تۇتىنۋ دارەجەسىنىڭ جوعارىلاۋىن ىلگەرلەتتى، 2017-جىلى، رايونىمىزدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 304 ميلليارد 400 ميلليون يۋان بولىپ، الدىنداعى جىلداعىدان %7.7 ارتتى. مۇندا، كوڭىل اشۋ تۇتىنۋ تۇرلەرى مەن قونىستانۋ تۇرىنە قاتىستى تاۋارلار نەداۋىر تەز ارتتى، اس-سۋ جاعىندا جۇمسالعان قاراجات 40 ميلليارد 600 ميلليون يۋان بولىپ، %10.9 ارتتى. شۇي بين بىلاي دەدى: بىلتىر تۇتاس جىلدا، رايونىمىزداعى تۇتىنۋشىلاردىڭ توراپتان زات ساتىپ الۋ قىزعىندىلىعى ەرەكشە ارتتى، تۇتاس جىلدا شينجياڭ كاسىپورىندارى عالامتور ارقىلى تاۋار ساتۋدا بولشەك ساتىلىم سوماسى 7 ميلليارد 670 ميلليون يۋانعا جەتىپ، الدىنداعى جىلداعىدان %53.4 ارتتى. جەرگىلىكتى تۇتىنۋشىلار توراپتان زات ساتىپ الۋ ارقىلى توراپتاعى بولشەك ساتىلىم سوماسىن 56 ميلليارد 900 ميلليون يۋانعا جەتكىزىپ، بۇل %29.8 ارتىپ، الدىنداعى جىلعى سول تۇستاعى شينجياڭنىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنىڭ %18.7 تىن ۇستاپ، الدىنداعى جىلداعىدان 3.3 پايىز جوعارىلادى.
ءان الەمى

جول توسىلىپ قالدى

تۇلپارىم