جاڭا حابارلار

جۇمىلا كۇش بىرىكتىرىپ، «ءۇش ءتۇرلى كۇشپەن» سوڭىنا دەيىن كۇرەسەيىك

    كەلۋ قاينارى: شينجياڭ گازەتى    2018-02-12 11:47:16  

ىلە قازاق اۆتونوميالى وبلىستىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى پارحات سەيىت

 «ءۇش ءتۇرلى كۇش» − شينجياڭنىڭ قوعام ورنىقتىلىعى مەن باياندى تىنىشتىعىن زياندايتىن اپاتتىڭ كوزى. «ءۇش ءتۇرلى كۇش» زورلىقتى كۇش، لاڭكەستىك ارەكەتتەرىن جوسپارلاپ اتقارىپ، بەيۋاز جانداردى مەرت ەتىپ، ءار ۇلت بۇقاراسىنىڭ باقىتتى، تىنىش ءومىرىن ءبۇلدىردى. «ءۇش ءتۇرلى كۇشتىڭ» قاسكۇنەمدىكتەرى قانشاما رەت جەڭىلىسكە ۇشىراسا دا ارام نيەتتەرىنەن قايتپاي، شىرعالاڭ - شاتاق تۋدىرۋعا قارمانىپ، وتاندى بولشەكتەۋ ماقساتىنا جەتپەك بولىپ تىراشتاندى. دەگەنمەن، بۇكىل ەلدەگى ءار ۇلت حالقى الدىندا، قۋاتتى حالىق دەموكراتياسى ديكتاتۋراسى الدىندا، «ءۇش ءتۇرلى كۇشتىڭ» پىلگە ۇرگەن قاندەندەي تيتىقتاپ، اقىر - اياعىندا جەڭىلىسكە ۇشىراپ، قۇرىدىمعا كەتەرى داۋسىز.
  پارتيالى كادر رەتىندە، مەن نازاردى باس نىساناعا شوعىرلاندىرىپ، باس نىسانانى تياناقتاندىرىپ، ءار ۇلت، ءار سالا قايراتكەرلەرىنىڭ بەلسەندىلىگىن تولىق جۇمىلدىرىپ، ءار جاقتىڭ كۇشىن ۇيىستىرىپ، «ءۇش ءتۇرلى كۇشپەن» اقىرىنا دەيىن قاجىماي - تالماي كۇرەس جۇرگىزىپ، تاريح پەن حالىق الدىندا قاناعاتتانارلىق جاۋاپ بەرۋگە تىرىسامىن.
  ۇلتتار ىنتىماعىن نىعايتۋدى ماڭگىلىك جاۋاپكەرشىلىك ەتەمىن. ۇلتتار ىنتىماعىن نىعايتىپ، جۇرت تىلەگىن جۇمىلدىرۋ − قوعام ورنىقتىلىعى مەن باياندى تىنىشتىققا قاتىستى نەگىزدىك قىزمەت. مەن ۇلتتار ىنتىماعىن ىلگەرىلەتۋ جاۋاپكەرشىلىگىمدى باتىل، ويداعىداي وتەپ، جۇڭحۋا ۇلتى ورتاق تۇلعا تانىمىن بەكەمدەۋدى ۇلت قىزمەتىنىڭ باعىتى ەتىپ، «4 سەنىمدى» بەكەمدەۋگە تاباندى بولىپ، «5 ورتاق تانىمدى» كۇشەيتىپ، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، ۇلتتار ىنتىماعى، العاباسارلىعى تاربيەسىن ونان سايىن تەرەڭدەتىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلدارىنىڭ تۇزىمدەنۋىن، ۇدايىلانۋىن، باياندىلىعىن جاپپاي ىلگەرىلەتىپ، ۇلتتار ىنتىماعى، العاباسارلىعىنداعى وزات ورىن قۇرۋ قيمىلىن ىشكەرىلەي ورىستەتىپ، ارالاسۋ، ىشتەسۋ، توعىسۋ تۇعىرلارىن كوبەيتۋگە كۇش سالىپ، ارالاۋ، وتباسىلارعا بارۋ قيمىلىن ۇدايى ورىستەتىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەيمىن.
  ءدىن جاراسىمدىلىعىن كۇشەيتۋدى داڭقتى بورىش ەتەمىن. پارتيانىڭ ءدىن قىزمەتىنىڭ نەگىزگى باعىتىن جاپپاي دايەكتىلەندىرىپ، زاڭدىنى قورعاپ، زاڭسىزعا تيداۋ سالىپ، ۇشقارىلىقتى اۋىزدىقتاپ، سىنالاپ كىرۋگە قارسى تۇرىپ، قىلمىسقا سوققى بەرىپ، ەلىمىزدىڭ ءدىندى جۇڭگوشالاندىرۋ باعىتىنان جازباي، «جۇڭگوشالاندىرماۋ»، «جەرگىلىكتەندىرمەۋ» دەيتىن قاتە قۋاتتامالارعا باتىل قارسى تۇرامىن. باسشى كادرلاردىڭ ءدىني ورىندارمەن بايلانىس جاساۋ جانە ءدىني قايراتكەرلەرمەن اڭگىمەلەسۋ، دوستاسۋ ءتۇزىمىنىڭ تياناقتانۋىن بەلسەنە ىلگەرىلەتەمىن. قالىڭ وتانشىل ءدىني قايراتكەرلەر مەن دىنگە سەنەتىن بۇقارانى ءدىني ۇشقارى يدەيالاردىڭ كوركەم ءومىرىمىزدى بۇلدىرمەك بولىپ وتىرعانىنىڭ ناقتى كورىنىستەرى مەن تەرەڭ زيانىن جىعا تانۋعا، «ءۇش ءتۇرلى كۇشتىڭ» وتاندى بولشەكتەپ، ۇلتتار ىنتىماعىن بۇلدىرۋگە سۇقتانعان، ادامزاتقا، قوعامعا، وركەنيەتكە قارسى قارا نيەتى مەن جيرەنىشتى قىلىقتارىن جىعا تانۋعا، دۇرىس سەنىمگە تاباندى بولىپ، ۇشقارىلىقتان اۋلاق بولىپ، اقىل - پاراسات پەن كۇش - قايراتتى ءوندىرىستى دامىتۋ، تۇرمىستى جاقسارتۋ، كورىكتى مەكەن قۇرۋ نىساناسىنا شوعىرلاندىرۋعا تاربيەلەيمىن جانە جەتەكتەيمىن.
  «ەكىبەتكەيلەردىڭ» تامىرىن قوپارۋدى بۇلجىماس مىندەت ەتەمىن. «ەكىبەتكەيلەر» − «ءۇش ءتۇرلى كۇشتىڭ» سويىل سوعارى، شينجياڭنىڭ قوعام ورنىقتىلىعى مەن باياندى تىنىشتىعىن بۇلدىرەتىن تاساداعى قول، شينجياڭداعى ءار ۇلت حالقىنىڭ ورتاق جاۋى. كادرلار قوسىنىنداعى «ەكىبەتكەيلەر» كورىنىستە ءبىر ءتۇرلى، كومەسكىدە ءبىر ءتۇرلى بولىپ، بۇقارانى مەيلىنشە الجاستىرىپ، ۇلتتار ىنتىماعىن بۇلدىرەدى، ءدىني قايراتكەرلەر اراسىنداعى «ەكىبەتكەيلەر» ۇلتتار مەن دىندەر اراسىنا ىرتكى سالىپ، دىنگە سەنەتىن بۇقارانىڭ دۇرىس - بۇرىس جونىندەگى كوزقاراسىن لايلايدى. كادرلار قوسىنى مەن ءدىني قايراتكەرلەر قوسىنى تازا بولماسا، ۇلتتار ىنتىماعىنان، ءدىن جاراسىمدىلىعىنان اۋىز اشۋعا قايدان بولسىن؟! بىرلىكساپ ءبولىمىنىڭ باستىعى رەتىندە، مەن باتىلدىقپەن اتويلاپ الدا ءجۇرىپ، ۇلگى كورسەتىپ، ناقتى ارەكەتكە كوشىپ، «ەكىبەتكەيلەردىڭ»، اسىرەسە، بىرلىكساپ، ۇلت، ءدىن كادرلارى قوسىنى مەن ءدىني قايراتكەرلەر قوسىنىنا جاسىرىنعان «ەكىبەتكەيلەردىڭ» تامىرىن قازۋ مەن قوپارۋدى بوساڭسىتۋعا بولمايتىن ساياسي مىندەت رەتىندە دايەكتى تۇردە، قاجىماي - تالماي يگەرەمىن.
  قوعام ورنىقتىلىعىن قورعاۋدى مىزعىماس مىندەت ەتەمىن. پارتيا 19 - قۇرىلتايىنىڭ بايانداماسىندا «ءتۇرلى - ءتۇستى سىنالاپ كىرۋ، ءبۇلدىرۋ ارەكەتتەرىنەن، زورلىقتى كۇش، لاڭكەستىك ارەكەتتەرىنەن، ۇلتتىق بولشەكتەۋشىلىك ارەكەتتەرىنەن، ءدىني ۇشقارىلىق ارەكەتتەرىنەن قاتاڭ ساقتانۋ جانە ولارعا باتىل سوققى بەرۋ» اتاپ كورسەتىلدى. مەن زورلىقتى كۇش پەن لاڭكەستىككە قارسى كۇرەستىڭ ءبىرىنشى شەبىنەن تابان اۋدارماي، بەرىك تۇرعى، ايقىن تۋ، باتىل پوزيتسيا ۇستانىپ، باتىلدىقپەن جاۋاپكەرشىلىك ارقالاپ، ەرلىكپەن كۇرەس جۇرگىزۋمەن بىرگە، ءوز قىزمەت جاۋاپكەرشىلىگىمدى ويداعىداي وتەپ، بىرلىكساپ قىزمەتىنىڭ وزگەشە باسىمدىعى مەن رولىن تولىق ساۋلەلەندىرىپ، ءار ۇلت، ءار سالانىڭ يدەياسىنا جەتەكشىلىك ەتۋ جانە كۇش - قۋاتىن جۇمىلدىرۋ قىزمەتىن كۇش سالا جاقسى ىستەپ، باتىل ءۇن قاتىپ، ايقىن پوزيتسيا ءبىلدىرۋ قيمىلىن ىشكەرىلەي ورىستەتىپ، «ءۇش ءتۇرلى كۇشپەن»، «ەكىبەتكەيلەرمەن» باتىل كۇرەس جۇرگىزەمىن. قالىڭ بىرلىكساپ مۇشەلەرىن ساياسيدا اڭعارلى ادام، ۇلتتار ىنتىماعىندا ۇلگى كورسەتۋشى، قوعام ورنىقتىلىعىنىڭ ىلگەرىلەتۋشىسى بولۋعا جەتەكتەپ، باس نىسانانى جۇزەگە اسىرۋعا ءتيىستى ۇلەس قوسامىن.


بەرىپ كەت ورامالىڭدى

دوستار

الىستاعى اق ەركە