باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

2017 - جىلى اۆتونوميالى رايونىمىزدىڭ GDPسى تۇڭعىش رەت تريلليون يۋاننان استى

    كەلۋ قاينارى: شينجياڭ گازەتى    2018-02-12 11:51:04  

3 كاسىپ ەكونوميكانىڭ ارتۋىنا تۇرتكى بولعان ءبىرىنشى قوزعاۋشى كۇشكە اينالدى

 ءتىلشىمىز دۇڭ شاۋحۋا 9 - اقپاندا ۇرىمجىدەن حابارلايدى. 9 - اقپان تۇستەن بۇرىن اشىلعان، شينجياڭنىڭ 2017 - جىلعى حالىق شارۋاشىلىعىنىڭ اينالىم جاعدايى جونىندەگى اقپار جاريالاۋ ماجىلىسىنەن ۇعىسۋىمىزشا: مەملەكەتتىك ساناق مەكەمەسىنىڭ تەكسەرىپ تۇراقتاندىرۋىمەن، 2017 - جىلى شينجياڭنىڭ ءوندىرىس جالپى قۇنى (GDP) تۇڭعىش رەت تريلليون يۋاننان اسىپ، ءبىر تريلليون 92 ميلليارد 9 ميلليون يۋانعا جەتىپ، سالىستىرۋعا بولاتىن باعامەن ەسەپتەگەندە الدىڭعى جىلداعىدان %7.6 ارتقان.
  بىلتىردان بەرى اۆتونوميالى رايوندىق پارتكوم مەن حالىق ۇكىمەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورنىقتىلىق بارىسىندا ىلگەرىلەتۋ قىزمەت نەگىزگى اۋەنىنەن جازباي، جاڭا دامۋ ۇستانىمىن تاباندىلىقپەن دايەكتىلەندىرىپ، تياناقتاندىرىپ، دامۋ ساپاسى مەن ونىمدىلىگىن جوعارىلاتۋدى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن كۇش سالا ويداعىداي ىستەپ، شينجياڭنىڭ ەكونوميكاسىنىڭ تاماشا دامۋ جاعدايىن ساقتادى.

  ساناققا قاراعاندا، بىلتىر اۆتونوميالى رايوننىڭ 1 - كاسىپ سالاسىنىڭ ارتقان قۇنى 169 ميلليارد 163 ميلليون يۋانعا جەتىپ، %5.6 ارتقان؛ 2 - كاسىپ سالاسىنىڭ ارتقان قۇنى 429 ميلليارد 195 ميليون يۋانعا جەتىپ، %5.9 ارتقان؛ 3 - كاسىپ سالاسىنىڭ ارتقان قۇنى 493 ميلليارد 651 ميلليون يۋانعا جەتىپ، %9.8 ارتقان. ۇلەس قوسۋ دەڭگەيىنەن الىپ قاراعاندا، 1 - كاسىپ سالاسىنىڭ ەكونوميكانىڭ ارتۋىنا قوسقان ۇلەسى %12.1كە، 2 - كاسىپ سالاسىنىكى %29.7كە، 3 - كاسىپ سالاسىنىكى %58.2كە جەتكەن.
  « جايشىلىقتا 3 - كاسىپ سالاسىنىڭ ەكونوميكالىق جالپى مولشەردە يەلەيتىن سالماعىنىڭ جوعارى - تومەن بولۋى ەكونوميكانىڭ دامۋ دەڭگەيىن ولشەيتىن ماڭىزدى ولشەم سانالادى. ال اۆتونوميالى رايوننىڭ 3 - كاسىپ سالاسى بىلتىر %9.8 ارتىپ، 2 - كاسىپ سالاسىنان 3.9%، 1 - كاسىپ سالاسىنان %4.2 جەدەل ارتىپ، ۇلەس سالىستىرماسى تەڭ جارتىسىنان استامىن يەلەپ، ەكونوميكانىڭ ارتۋىنا تۇرتكى بولعان ءبىرىنشى قوزعاۋشى كۇشكە اينالىپ، اۆتونوميالى رايوننىڭ GDPسىنىڭ قۇرىلىمى مەن ساپاسىن ونان ارى ساپالىلاندىردى»، - دەدى اۆتونوميالى رايوندىق حالىق ۇكىمەتىنىڭ ورىنباسار باس حاتشىسى، اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ شۋجيى، باستىعى شۇي بين.
  تۇرعىنداردىڭ تۇتىنۋ باعا كورسەتكىشى CPI 4 ءىرى ماكرولىق رەتتەۋ - مەڭگەرۋ كورسەتكىشىنىڭ ءبىرى، بىلتىر اۆتونوميالى رايوننىڭ CPIسى جيناقتاپ ەسەپتەگەندە %2.2 ارتىپ، الدىڭعى جىلداعىدان %0.8 ارتىپ، اينالىمى ۇيلەسىمدى بولعان.
  مەملەكەتتىك ساناق مەكەمەسى شينجياڭ تەكسەرۋ باس اترەتى پارتيا باسشىلىق گرۋپپاسىنىڭ شۋجيى، باس اترەت باستىعى ۋاڭ گۇيرۇڭ بىلاي دەپ تانىستىردى: 2015 - جىلى اۆتونوميالى رايوننىڭ CPIسى %0.6 ارتتى؛ 2016 - جىلى «1.0 داۋىرگە» ءوتىپ، %1.4 ارتتى؛ 2017 - جىلى %2.2 ارتىپ، «2.0 داۋىرگە» ءوتتى. 3 جىلدان بەرى CPI جىل سايىن ارتقانمەن، ءبىراق ورنىقتىلىق جاعدايى وزگەرمەدى، ونىڭ ۇستىنە ەكونوميكالىق جاڭا قالىپتا، CPIنىڭ ارتۋ دەڭگەيى تۇلعالىق جاقتان قالىپتى بولىپ، باعا تىم تەز قىمباتتاۋ جاعدايى تۋىلمادى.
  «جالپى العاندا، 2017 - جىلى تۇتاس رايونىمىزدىڭ حالىق شارۋاشىلىعى ورنىقتىلىق بارىسىندا ىلگەرىلەپ، ورنىقتىلىق بارىسىندا تاماشا بەتالىسپەن دامىپ، جاپپاي دوڭگەلەك داۋلەتتى قوعام ورناتۋعا بەرىك نەگىز قالادى»، - دەدى شۇي بين.

ءان الەمى

جول توسىلىپ قالدى

تۇلپارىم